Bakıda Novruz yarmarkası

Hələ Novruz bazarlığı etməyənlər, qiymətlərdən agah olun

10317
(Yenilənib 15:09 19.03.2019)
Yarmarkalarla müqayisədə bazarlarda qiymətlər daha aşağıdır

Nigar Məhərrəm, Sputnik Azərbaycan

BAKI, 19 mart — Sputnik. Sabah Novruz bayramı olsa da, hələ də öncədən tədarükünü görə bilməyən paytaxt sakinləri bazarlara, yarmarkalara axın edirlər. Sputnik Azərbaycan-ın əməkdaşı paytaxtdakı bir neçə bayram yarmarkasında olub, qiymətlərlə maraqlanıb, alıcıların fikirlərini öyrənib.

Müştərilər yarmarkalardakı qiymətlərdən narazılıq ediblər: "Yarmarkalarla müqayisədə bazarlarda qiymətlər daha aşağıdır. Əvvəlki illərdəki kimi ala bilməsək də, hərəsindən bir az alıb, bayram süfrəsi quracağıq. Qiymətlər ötən illə müqayisədə çox qalxmasa da, cibimizdə olan pul bütün nemətlərdən almağa imkan vermir. Məsələn, püstənin qiyməti çox yüksəkdir, bir neçə ləbləbi alsam da, püstə ala bilmədim".

Narazılıq doğuran digər bir məsələ səməninin qiymətidir: "Kiçik ölçülü səmənilərin qiyməti əlçatandır. 1-3 manata səməni almaq olar. Amma böyük səmənilərin qiyməti çox yüksəkdir. 10 manata da səməni olar? Qiyməti bu qədər "şişirtməzlər"".

Satıcılar isə alıcılıq qabiliyyətinin aşağı olmasından giley ediblər. Közdə bişmiş şabalıd satan deyib ki, bir neçə gündür satışa başlamasına baxmayaraq, qazanc əldə edə bilməyib.

"Satdığım şabalıd Türkiyənindir, qarğıdalı isə yerli məhsuldur. Qiymətlər yarmarkanın yerinə görə dəyişir. Məsələn, "Elmlər Akademiyası"nın qarşısında 1 paket közdə bişmiş şabalıd 3 manatdır, ancaq "Tarqovı"da 4 manat. Qarğıdalının qiyməti isə dəyişmir, hər yerdə eynidir. Elə hər yerdə 3 manata satırıq" - satıcı bildirib.

Novruz yarmarkası
© Sputnik / Nigar Maharram
Novruz yarmarkası

Paytaxtın "28 May" metrostansiyasının qarşısında təşkil olunan yaşıl çadırlarda isə, əsasən, dəniz məhsulları, pop-korn, buterbrod satılır. Həmçinin alıcıları cəlb etmək üçün cizgi filmi və nağıl personajları müxtəlif rəqslər nümayiş etdirirlər.

Burada bayram əhval-ruhiyyəsi hiss olunsa da, satıcılar bəzi məqamlardan narazıdırlar. Satıcı Akif Aslanov yarmarkanın müddətinin az olmasından gileylənib: "Yarmarka martın 15-də açılıb, aprelin 15-dək davam edəcək. İstəyərdik ki, yarmarkanın müddəti uzadılsın. Heç olmasa, bu müddət aprelin sonunadək uzadılsaydı, daha yaxşı olardı".

Həmsöhbətimiz onu da qeyd edib ki, məhsulların qiymətlərinin o qədər də yüksək olmamasına baxmayaraq, nədənsə alıcılıq qabiliyyəti aşağıdır.

Bayram süfrəsi üçün vacib olan bəzi məhsulların yarmarka qiymətlərini də öyrəndik. Belə ki, püstə 22-28, ərik qurusu 7-10, yerfındığı 6-7, şabalıd 8-10, qoz 13, iydə 3.50-4, banan 2 manata satılır. Meyvə qurusunun kiloqramı 4-5, qarışıq meyvə qurusu isə 5-6 manatdır. Fıstığın bankası isə 1 manata satılır. Böyük ölçülü səmənilərin qiyməti 10 manatdır. Kənd yumurtası 0.25 manata, kənd cücəsi isə 5-6 manata təklif olunur.

10317
Teqlər:
satıcı, alıcı, qiymət, bazar, yarmarka, bayram, Novruz
Əlaqədar
I sinfə elektron qəbul sistemi Novruz bayramı tətillərində fəaliyyət göstərməyəcək
Sərhədsiz xeyirxahlıq: "Qocalar evi"ndə bayram sevinci yaşandı
Bayram günləri Bakıda hara getməli - İNFOQRAFİKA
Nazirlik bayram günlərində də işləyəcək
Tibb işçisi Dövlət Gömrük Komitəsinin hospitalında, arxiv şəkli

Koronavirusun daha bir qeyri-adi simptomu üzə çıxıb

17
(Yenilənib 20:30 08.08.2020)
Davamlı hıçqırıq koronavirusun simptomu ola bilər. Bu barədə "The American Journal of Emergency Medicine" jurnalında dərc olunmuş hesabatda bildirilir.

BAKI, 8 avqust — Sputnik. Davamlı hıçqırıq koronavirusun simptomu ola bilər. Sputnik Azərbaycan xəbər verir ki, bu barədə "The American Journal of Emergency Medicine" jurnalında dərc olunmuş hesabatda bildirilir.

Həkimlər şəkərli diabet, hipertoniya və ürəyin işemik xəstəliyindən əziyyət çəkən 62 yaşlı Çikaqo sakininin xəstəliyinin gedişini açıqlayıblar. Aprel ayında o, dörd gün davam edən hıçqırığa görə həkimlərə müraciət edib. 

Xəstədə koronavirusun əsas simptomları sayılan öskürək, qızdırma, burnun tutulması, boğaz ağrısı və təngnəfəslik olmayıb.

Müayinə zamanı pasiyentin hərarətinin 37,3 dərəcə olduğu məlum olub, COVID-19 testi isə pozitiv çıxıb. Döş qəfəsinin rentgeni ağciyərlərdə kiçik qaralmaların olduğunu göstərib. Bundan sonra kişini koronaviruslu xəstələr şöbəsinə göndəriblər və onun halı orada pisləşib.

Daha sonra çikaqolunu koronavirusa qarşı effektiv dərman sayılan malyariya əleyhinə hidroksixlorin preparatı ilə müalicə ediblər. Bir müddət sonra ÜST bu dərmanın koronavirusa qarşı effektsiz olduğunu etiraf edib. Lakin üç gündən sonra kişinin vəziyyəti sabitləşib və onu xəstəxanadan evə buraxıblar.

"Bildiyimiz qədər, bu, tibbi ədəbiyyatda COVID-19 xəstəsi olan şəxsin davamlı hıçqırıqdan şikayət etməsinə dair ilk hesabatdır", - məqalədə bildirilir. Həkimlər həmkarlarını davamlı hıçqırıqdan şikayət edən digər pasiyentlərə də çox diqqətlə yanaşmağa çağırıblar və qeyd ediblər ki, koronavirusa yoluxma getdikcə daha çox atipik simptomlarla üzə çıxır.

17
Mövzu:
Dünyanı cənginə almış bəla
Əlaqədar
Azərbaycanda COVID-19-a yoluxanların sayı xeyli azaldı
Vəssalam! Koronavirusun dərmanına patent aldılar
Bizimkilər qərar verərkən bu rəqəmlərə mütləq baxırlar
Rusiyada koronavirus peyvəndlərini ilk kimlərin alacağı açıqlandı
COVID-19-dan ölüm riskini artıran gözlənilməz amil açıqlanıb
Həbsxana, arxiv şəkli

Həbsə alternativlər: kimlərin cəzası yumşaldılıb?

10
Nəqliyyat vasitəsini idarəetmə hüququndan məhrumetmə cəzasına məhkum olunanların sayı 1.222, müəyyən vəzifə tutma və ya müəyyən fəaliyyətlə məşğul olma hüququndan məhrum etmə cəzasına məhkum edilənlərin sayı isə 425 nəfər təşkil edir

Nigar İsgəndərova, Sputnik Azərbaycan

BAKI, 8 avqust — Sputnik. "Ölkə Prezidentinin 2017-ci il fevralın 10-da imzaladığı cəza siyasətinin humanistləşdirilməsinə dair Sərəncamının icrası çərçivəsində görülən tədbirlər öz real bəhrəsini verir, artıq azadlıqdan məhrumetməyə alternativ cəzaların tətbiqinə üstünlük verilərək onların səmərəli icrası təmin edilir. Cəzaların icrası sahəsində həyata keçirilən islahatlar insanların azadlıq hüququnun qorunmasına və məhkum olunan şəxslərin cəmiyyətdən təcrid olunmadan islah edilməsinə və sosial adaptasiyasına xidmət edir. Son illər azadlıqdan məhrumetməyə alternativ cəzaların daha geniş tətbiq olunması nəticəsində Ədliyyə Nazirliyi Probasiya Xidmətinin qeydiyyatında olan şəxslərin sayı cari ilin 6 ayı ərzində 19 188 nəfər olub".

Bu barədə Ədliyyə Nazirliyindən Sputnik Azərbaycan-ın sorğusuna cavab olaraq bildirilib.

Qeyd olunub ki, onlardan 4.980 azadlığın məhdudlaşdırılması, 6.217 cərimə, islah və ictimai işlər, 2.566 cəzadan şərti olaraq vaxtından əvvəl azad edilən, 2.481 şərti məhkum edilən və 157 nəfər cəza çəkməsi təxirə salınan şəxslərdir. Nəqliyyat vasitəsini idarəetmə hüququndan məhrumetmə cəzasına məhkum olunanların sayı 1.222, müəyyən vəzifə tutma və ya müəyyən fəaliyyətlə məşğul olma hüququndan məhrum etmə cəzasına məhkum edilənlərin sayı isə 425 nəfər təşkil edir.

"Həmçinin, ictimai işlər növündə inzibati tənbeh tətbiq edilmiş 705 nəfər, alkoqolizm və ya narkomaniyadan müalicə məqsədilə barəsində tibbi xarakterli məcburi tədbirlər tətbiq edilmiş 435 nəfər probasiya nəzarətindədir. Azadlıqdan məhrumetməyə alternativ cəzaların icrası diqqətdə saxlanılaraq bu dövrdə 5.045 şəxs cəza müddətinin başa çatması ilə əlaqədar və digər qanuni əsaslarla probasiya qeydiyyatından çıxarılıb. Onlardan cəza çəkməkdən boyun qaçıran 319 nəfərin cəzası isə məhkəmələr tərəfindən daha ağır cəza növü, o cümlədən 113 nəfərin cəzası azadlıqdan məhrum etmə cəzası ilə əvəz olunub", - deyə nazirlikdən verilən məlumatda bildirilib.

10
Əlaqədar
Koronavirusa yoluxan məhbusların hamısı sağalıb - Ədliyyə Nazirliyi
DTX dövlətə xəyanət edən ər-arvadı həbs edib
Beş minə yaxın məhkuma elektron nəzarət vasitələri tətbiq edilib
 Rusiya XİN-nin rəsmi nümayəndəsi Mariya Zaxarova, arxiv şəkli

Rusiya Bakı ilə Yerevanın münasibətlərinin normallaşması üçün hər şeyi edir Zaxarova

0
(Yenilənib 21:21 08.08.2020)
Rusiya XİN-in nümayəndəsinin sözlərinə görə, həm vasitəçi, həm də Azərbaycan və Ermənistanla qan bağına malik bir ölkə kimi Rusiya münaqişənin közərən ocağına yağ tökülməsini minimallaşdırmağa cəhd edir

BAKI, 8 avqust — Sputnik. Yerevanla Bakı arasında münasibətlərin normallaşması üçün Moskva əlindən gələni edir.

Sputnik Azərbaycan bildirir ki, bunu Rusiya Federasiyası Xarici İşlər Nazirliyinin rəsmi nümayəndəsi Mariya Zaxarova “Mənalar məkanı – 2020” Ümumrusiya təhsil forumunda çıxışı zamanı deyib. 

O qeyd edib ki, Ermənistanla Azərbaycan arasında baş verənlər, sözsüz ki, bu iki ölkənin öz işidir, amma həm ATƏT-in Minsk qrupunun üzvü, həm vasitəçi, həm də Azərbaycan və Ermənistanla, demək olar ki, qan bağına malik bir ölkə kimi Rusiya münaqişənin közərən ocağına kiminsə yağ tökməsini minimallaşdırmağa cəhd edir.

Zaxarovanın sözlərinə görə, RF “baş verənlərin ziyanının azaldılmasına çalışır və bunun yenidən başlanmaması üçün əlindən gələni edir”.

Qeyd edək ki, iyulun 12-si günorta saatlarından etibarən Ermənistan silahlı qüvvələrinin bölmələri Tovuz rayonunun Azərbaycan-Ermənistan  dövlət sərhədində  atəşkəs rejimini kobud surətdə pozaraq Azərbaycan SQ-nin mövqelərini artilleriya qurğularından atəşə tutublar. Azərbaycan ordusunun mövqelərinin ələ keçirilməsi məqsədilə Ermənistanın hərbi hissələri hücuma keçməyə cəhd göstərib. Cavab tədbirləri onlar itki verərək geri oturdulublar.

Ermənilərin hücumunu dəf edərkən AR SQ-nin müddətdən artıq xidmət keçən hərbi qulluqçuları serjant Sadıqov Vüqar Lətif oğlu, baş əsgər Məmmədov Elşad Dönməz oğlu və əsgər Daşdəmirov Xəyyam Məhəmməd oğlu şəhid olublar.

İyulun 13-nə keçən gecə sərhəddə vəziyyət yenidən gərginləşib. Ermənistanın silahlı qüvvələri Tovuz rayonunun Ağdam kəndini 120 mm-lik minomyotlardan atəşə tutub. Azərbaycan ordusu artilleriya, minomyot və tankları hərəkətə gətirərək dəqiq atəşlə Ermənistan SQ-nin hərbi hissəsinin ərazisində yerləşən dayaq məntəqəsi, artilleriya qurğuları, avtomobil texnikası və canlı qüvvəsini məhv edib.

Döyüşlər zamanı Azərbaycan ordusunun hərbçisi, baş leytenant Mahmudov Rəşad Rəşid oğlu şəhid olub.

İyulun 14-ü səhər Azərbaycan ordusunun mövqeləri və yaşayış məntəqələri yenidən atəşə tutulub. Hücumun dəf edilməsi zamanı general-mayor Polad Həşimov və polkovnik İlqar Mirzəyev, mayorlar Namiq Əhmədov və Anar Novruzov, gizirlər  İlqar Zeynallı və Yaşar Babayev, müddətdən artıq xidmət keçən Elçin Mustafazadə şəhid olublar.

İyulun 16-da Ermənistan SQ Azərbaycan mövqelərinə yenidən hücum etməyə cəhd göstərib. Tovuz rayonunun Dondar Quşçu, Ağdam və Vahidli kəndləri iriçaplı silahlardan və minomyotlardan atəşə tutulub.

Döyüşlər zamanı hərbçimiz, müddətdən artıq hərbi xidmət keçən əsgər İsmayılov Nazim Əfqan oğlu şəhid olub.

 

0
Əlaqədar
Tovuz istiqamətində döyüş gedir: hər iki tərəfdən itki var
Tovuzda vəziyyət yenidən gərginləşdi
Tovuzda kənd sakini evsiz qaldı - FOTOLAR
Tovuz atəş altında: yerli sakinlər öz evlərini tərk etmək fikrində deyillər
Tovuz hadisələri dünya nəhənginin rəhbərliyinin müzakirə masasında