Уникальные бакинские здания, созданные в стиле модерн - Sputnik Azərbaycan
MƏDƏNİYYƏT
Azərbaycanın mədəni həyatında baş verən önəmli hadisələr

Metropoliten sərnişinlərə sürpriz edəcək

© Sputnik / Murad OrujovBakı Metropoliteni, arxiv şəkli
Bakı Metropoliteni, arxiv şəkli - Sputnik Azərbaycan
Abunə olmaq
Fuad Əlizadə bu dəfə metropolitendəki sərnişinləri sevindirəcək

BAKI, 18 mart — Sputnik. Bahar bayramının gəlişi “Bakı Metropoliteni” QSC-də bu il də fərqli sosial layihələrlə zəngin olacaq. Sosialyönümlü tədbirlərdən biri ənənə üzrə konsert proqramı ilə bağlı olacaq.

Bakı Metropoliteninin mətbuat xidmətindən Sputnik Azərbaycan-a verilən məlumata görə, Novruz bayramı günlərində sərnişinlərinə yüksək ovqat bəxş etmək üçün, həmçinin fərqli zövqləri nəzərə alaraq, konsert proqramına pianoçunun solo konserti də daxil edilib.

Mart ayının 19-u və 20-sində saat 16:00-dan 18:00-a qədər “İçərişəhər” stansiyasında beynəlxalq müsabiqələr laureatı pianoçu Fuad Əlizadə çıxış edəcək. İki saat ərzində onun sintezator ifasında Azərbaycan xalq və bəstəkar musiqisi nümunələrini, eləcə də məşhur dünya bəstələrini eşitmək mümkün olacaq.

Hər iki proqramda Novruz bayramının ovqatına uyğun musiqi parçaları üstünlük təşkil edəcək. Milli muğam üçlüyü Azərbaycan Milli Konservatoriyasının, simli kvartet isə Bakı Musiqi Akademiyasının tələbə və məzunlarından ibarət kollektivlərdir.

Konsert mart ayının 19-dan 21-nə qədər dörd stansiyada nəzərdə tutulub. Musiqili dəqiqələrin afişası belədir:

– “28 May” stansiyası – 11:00 - 13:30

– “Sahil” stansiyası – 12:00 - 13:30

– “İçərişəhər” stansiyası – 13:00 - 14:30

– ”Elmlər Akademiyası” stansiyası – 14:00 -15:30

Konsert proqramlarının təşkilində əsas məqsəd bayram günlərində sərişinlərdə yüksək bayram əhval-ruhiyyəsi yaratmaq, həmçinin şəhərimizə təşrif buyurmuş qonaqlara milli mədəniyyətimizin zəngin irsini tanıtmaqdır.

 

Xəbər lenti
0