Təcili yardım avtomobili

Ötən il 28, bu il 8 qurban - Təhlükə davam edir

10320
(Yenilənib 16:08 14.03.2019)
Yalnız əlimizdə olan bu statistikalara əsaslanaraq, təkcə ötən ildə 28 nəfərin dəm qazından zəhərlənərək dünyasını dəyişdiyini söyləyə bilərik

Nigar Məhərrəm, Sputnik Azərbaycan

BAKI, 15 mart — Sputnik. Hər il olduğu kimi, ötən il də ölkəmizdə xeyli sayda insan dəm qazı zəhərlənməsindən dünyasını dəyişib. Sputnik Azərbaycan KİV-də yer alan xəbərlərə əsasən, 2018-ci ildə dəm qazından ölənlərin statistikasını hazırlayıb.

Ötən ilin yanvarın 21-də, 1970-ci il təvəllüdlü Ceyhun Əsgərov huşsuz vəziyyətdə aşkarlanıb. Onun həyatını xilas etmək mümkün olmayıb. Yanvarın 26-da, 1982-ci ildə anadan olmuş Əli İsmayılov Bakıda qaldığı evdə dəm qazından boğularaq ölüb.

Fevralın 19-da Gəncədə ər-arvad - Adil Abbasov və onun həyat yoldaşı, 51 yaşlı Yeganə Abbasova dəm qazından boğularaq dünyasını dəyişib.

Mart ayında da xeyli sayda dəm qazından zəhərlənmə hadisəsi baş verib. Belə ki, martın 2-də Azərbaycanın tanınmış hüquqşünası, yazıçı və jurnalisti, 1958-ci il təvəllüdlü Əyyub Kərimov dəm qazından zəhərlənərək ölüb.

Martın 4-də Sumqayıtda, 1961-ci il təvəllüdlü Rafiq Hüseynov, 1965-ci il təvəllüdlü Yeganə Hüseynova, 1987-ci il təvəllüdlü Sara Hüseynova, 2009-cu il təvəllüdlü Fərid Abbasov, 2010-cu il təvəllüdlü Zemfira Abbasova və 2012-ci il təvəllüdlü Yeganə Abbasovanın meyitləri aşkar olunub. Onların dəm qazından dünyalarını dəyişdiyi bildirilib.

Martın 6-da Bakıda dəm qazı daha iki uşağın ölümünə səbəb olub. Azyaşlı Dinarə Qüdrətova və Binyamin Qüdrətov qazdan boğularaq vəfat edib. Martın 10-da Bakıda Xaliq Rüstəmov və həyat yoldaşı Aynur dəm qazından zəhərlənərək dünyasını dəyişib. Martın 27-də "Bakı"nın sabiq futbolçusu Mustafa Kamal Söyləməz dəm qazından zəhərlənərək vəfat edib.

Aprelin 4-də Lənkəran sakini, 1983-cü il təvəllüdlü İlkin Bayramov dəm qazından zəhərlənərək dünyasını dəyişib. Ötən ilin 24 oktyabr tarixində, 1985-ci il təvəllüdlü, Quba rayon sakini Etibar Əliyev yaşadığı evin vanna otağında çimərkən hamama qaz sızması nəticəsində zəhərlənərək ölüb.

Noyabr ayında da dəm qazından zəhərlənmə nəticəsində bir neçə ölüm hadisəsi qeyd olunub. Noyabrın 11-də Bakıda ana Aygün Heydərova və onun azyaşlı qızı Məryəm dəm qazından zəhərlənərək ölüb. Noyabrın 20-də isə Bakının Binəqədi rayonunda 20 yaşlı gənc Namiq Mütəllimov dəm qazından boğularaq dünyasını dəyişib.

Noyabrın 27-də yeni ailə quran cütlük - 26 yaşlı Nafiz Feyzullayev və onu həyat yoldaşı, 21 yaşlı Gülşən Ağayeva dəm qazından zəhərlənərək dünyasını dəyişib. Noyabrın 28-də Sumqayıt sakini Kəmalə Ağayeva dəm qazından boğularaq ölüb.

Dekabr ayında da 4 belə hadisə yaşanıb. Dekabrın 3-də Nizami rayonu, Keşlə qəsəbəsində dəm qazından zəhərlənən azyaşlı, 2005-ci il təvəllüdlü Fateh Mərdanov dünyasını dəyişib. Dekabrın 19-da Lalə Məmmədova dəm qazından boğularaq dünyasını dəyişib. Dekabrın 24-də Mingəçevirdə 26 yaşlı Təbiət Zərbalıyev dəm qazından boğularaq dünyasını dəyişib. Dekabrın 31-də Sumqayıtda 1990-cu il təvəllüdlü Bəndalı Eldarlı yaşadığı evdə dəm qazından boğularaq ölüb.

Yalnız əlimizdə olan bu statistikalara əsaslanaraq, təkcə ötən ildə 28 nəfərin dəm qazından zəhərlənərək dünyasını dəyişdiyini söyləyə bilərik. Lakin bu ilin də ilk günlərindən etibarən dəm qazı canlar almağa davam edib. Bu il dəm qazından ölənlərin sayı ilə bağlı bu günədək olan son rəqəmlər və statistika isə belədir.

Yanvarın 9-da Sumqayıt şəhərində 1991-ci il təvəllüdlü Dilbər Məmmədova dəm qazından boğularaq ölüb. Yanvarın 11-də Sumqayıtda ana-bala dəm qazından boğulub. 1997-ci il təvəllüdlü Gülan Allahverdiyeva və 2014-cü il təvəllüdlü Rəşad Allahverdiyev fərdi yaşayış evində dəm qazından boğularaq ölüblər.

Fevralın 7-də Bakı şəhərində yaşayan 1964-cü il təvəllüdlü Hənifə Nurullayev, həyat yoldaşı, 1974-cü il təvəllüdlü Elnurə Zülfüqarova dəm qazından boğularaq dünyasını dəyişib. Fevralın 18-də Biləsuvarda 11-ci sinif şagirdi olan Elxanə Hüseynzadə dəm qazından boğulub. Fevralın 20-də isə Bakıda nənə - 1951-ci il təvəllüdlü Sevil Əliyeva və nəvəsi - 2008-ci il təvəllüdlü Ülvi İsmayılov dəm qazından boğularaq dünyasını dəyişib.

Əlimizdə olan məlumatlar cari ildə, ən azı 8 nəfərin dəm qazından dünyasını dəyişdiyini deməyə əsas verir.

Qeyd edək ki, Bakı şəhər Klinik Tibbi Mərkəzin toksikologiya şöbəsinin baş həkimi Azər Maqsudov bir neçə gün öncə saytımıza açıqlamasında cari ayın ötən həftəsində dəm qazı zəhərlənməsi ilə bağlı 14 müraciətin daxil olduğunu bildirmişdi. Onlara ötən il müraciət edənlərdən isə yalnız iki nəfərin dünyasını dəyişdiyini vurğulamışdı.

10320
Teqlər:
sakin, ölüm, zəhərlənmə, dəm qazı
Əlaqədar
Ağdamda dəm qazı can aldı
Tbilisidə 7 nəfər dəm qazından zəhərləndi
Baş həkim ötən il dəm qazından ölənlərin sayını açıqladı
Bakıda tələbə qız dəm qazından boğularaq ölüb

Salyanda zəncirvari qəza: yaralılardan biri baş həkimdir

3
Yaralılardan kəllə-beyin travması alan “Toyota Prado” markalı avtomobilin sürücüsü  Vidadi Əliyevin vəziyyəti ağır olduğundan Bakı şəhərinə - Mərkəzi Klinik Xəstəxanasına yola salınıb

BAKI, 4 avqust — Sputnik. Salyanda baş verən zəncirvari qəzada 3 nəfər xəsarət alıb.

Sputnik Azərbaycan APA-ya istinadən bildirir ki, hadisə bu gün günorta saatlarında Salyan rayonunun Kərimbəyli kəndində qeydə alınıb. “Daewoo”, “Toyota Prado” və  “VAZ 2107” markalı avtomobillərinin toqquşması nəticəsində 3 nəfər - Bakı sakini, 1960-cı il təvəllüdlü Əliyev Vidadi Qamət oğlu, 1990-cı il təvəllüdlü Həsənova Lalə İslam qızı və 1982-ci il təvəllüdlü Talıbov Zöhür Nadir oğlu müxtəlif dərəcəli bədən xəsarətləri ilə Şirvan Şəhər Xəstəxanasına yerləşdiriliblər.

Yaralılardan kəllə-beyin travması alan “Toyota Prado” markalı avtomobilin sürücüsü  Vidadi Əliyevin vəziyyəti ağır olduğundan Bakı şəhərinə - Mərkəzi Klinik Xəstəxanasına yola salınıb.

Qeyd edək ki, Vidadi Əliyev Respublika Cüzam xəstəxanasının baş həkimidir.

Faktla bağlı araşdırma aparılır.

3
“Miss Azərbaycan-2019” titulunun sahibi Səmra Hüseynova, arxiv şəkli

“Miss Azərbaycan”la tanış olmağın çox asan yolu varmış zərfin içində...

41
Səmra Hüseynova onun şəxsi həyatı ilə maraqlanan, hətta canlı tanış olmaq istəyən izləyicilərinə cavab verib

BAKI, 3 avqust — Sputnik. “Miss Azərbaycan-2019” titulunun sahibi Səmra Hüseynova sosial şəbəkə istifadəçilərini onların suallarına verdiyi cavablarla şok edib.

Sputnik Azərbaycan-ın məlumatına görə, Səmra onunla necə tanış olmağın asan yolunu da deyib.

Model Instagram-dakı izləyicilərinin suallarına cavab vermək qərarına gəlib. Sualların çoxu isə onun şəxsi həyatına aid olub. Bir çoxları onunla tanış olmaq arzularını dilə gətiriblər, Səmra isə deyib ki, bunun üçün içində pul olan zərf və yaxud da brilyant hədiyyə eləmək yetər.

Qiz deyib ki, dörd aydır ki, karantin ucbatından pul qazana bilmir.

Səmra Hüseynova on ilə yaxındır ki, model biznesindədir, bir çox beynəlxalq və yerli dəb layihələrində, məşhur dizaynerlərin defilelərində iştirak edib. Uzun müddət xaricdə işləyib.

2019-cu ildə “Miss Azərbaycan” titulunu qazanıb. Hüseynova azərbaycanlı həmkarlarından açıq-saçıq layihələrdə iştiraka hazır olmasıyla seçilir.

41
Əlaqədar
“Miss Azərbaycan” model biznesindən əl çəkib məşhurluq üçün Türkiyəni seçdi
Azərbaycanın ən gözəl qızı karantinin pozduğu planını İstanbulda reallaşdırdı
Azərbaycanlı model ABŞ-ın ən “ulduzlu” evinə köçməyə hazırlaşır
Kamilla Zərbəliyeva: "Qabağımda soyunmaq istəyənlər çoxdur"
Rusiyalı müğənni: Bakını göz yaşları içində tərk elədim və bir daha oraya qayıtmadım