Bərdənin Mustafaağalı kəndində elektrik dirəkləri

Rayon sakinləri ciddi təhlükə ilə üz-üzədirlər, hər an bədbəxt hadisə baş verə bilər

6996
(Yenilənib 16:58 12.03.2019)
Rəsmi qurum da problemi etiraf edir: Vətəndaşlar şikayətlərində haqlıdırlar

Musa Muradlı, Sputnik Azərbaycan

BAKI, 14 mart — Sputnik. Bərdənin Mustafaağalı kəndinin sakinləri elektrik naqillərinin yaratdığı təhlükədən qorxuya düşüblər. Yaranmış vəziyyətin həm həyatları üçün təhlükəli olduğundan, həm də küləkli havalarda işıqlarının tez-tez sönməsindən narahatdırlar. Bu barədə Sputnik Azərbaycan-ın bölgə müxbirinə kənd sakinləri məlumat veriblər.

Bərdənin Mustafaağalı kəndində elektrik dirəkləri
© Sputnik / Musa Muradli
Bərdənin Mustafaağalı kəndində elektrik dirəkləri

Kənd sakini Faiq Məmmədov elektrik xətlərinin yaratdığı təhlükədən narahatçılıq keçirdiyini bildirib: "Biz qəzalı vəziyyətdə olan elektrik xətlərinin həyatımıza yaratdığı təhlükədən qorxuruq. Hər an bədbəxt hadisənin baş verməsi mümkündür. Xüsusilə uşaqlarımızdan nigaran oluruq. Birdən elə olur ki, naqil qırılıb yerə düşür. Həmin vaxt uşaqlar ağıllarına gəlmədən naqilə toxunsalar, böyük faciəyə düçar ola bilərdik".

"Naqilləri daşıyan elektrik dirəklərinin yerinə nazik, əyri ağaclar qoyulub. Bizə gələn naqil elektrik məftili yox, enerjini şəbəkələrə çatdıran adi kabeldən ibarətdir. Bu naqilillərin də enerjini ötürməyə müqaviməti çatmır. İşıqlar çox vaxt közərir, evi yaxşı işıqlandıra bilmir" – deyə o, qeyd edib.

Digər kənd sakini Mənsur Muradov da elektrik naqillərinin yaratdığı təhlükədən danışıb: "Bir dəfə naqil qırılıb aşağıdan keçən qaz xəttinin üzərinə düşmüşdü. Əlini dəmirə vuran olsaydı, bədbəxt hadisə qaçılmaz ola bilərdi. Əlimdəki quru ağacla naqili dəmir borudan araladım. Energetiklərə məlumat verəndən sonra gəlib yerinə bağladılar".

Sakinlərin iddia etdiklərinə görə, onlar bu barədə yerli elektrikşəbəkənin rəhbərliyini məlumatlandırsalar da, tədbir görən olmayıb.

Bir neçə başqa sakin də elektrik xətlərinin yarıtmaz, acınacaqlı vəziyyətdə olduğunu, insanlar üçün təhlükə yaratdığını bildiriblər. Onlar da Bərdə rayon Elektrik Şəbəkəsinin səlahiyyətli şəxslərini hansısa bədbəxt hadisə baş vermədən tədbirlər görməyə çağırıblar.

Bərdənin Mustafaağalı kəndində elektrik dirəkləri
© Sputnik / Musa Muradli
Bərdənin Mustafaağalı kəndində elektrik dirəkləri

Bərdə Elektrik Şəbəkəsinin baş mühəndisi Sahib Məmmədov da Sputnik Azərbaycan-a bildirib ki, sakinlər şikayətlərinə görə haqlıdırlar: "Əsasən yeni salınan məhəllələrdə işığın çəkilişi zamanı tələb olunan qaydalar gözlənilməyib".

Baş mühəndis qeyd edib ki, hələ bütün dirəklərin yenilənməsi onların imkanları xaricindədir: "Yerli yarımstansiya ilə danışarıq, daha çox təhlükə yaradan 3-4 dirəyi dəyişərik. May ayında Bəcirəvan yarımstansiyasının açılışı gözlənilir. Çox güman ki, həmin istiqamətdə olan kəndlər, o cümlədən Mustafaağalı kəndində də kabelləşmə işləri başlayacaq. Belə olarsa, oradakı elektrik xətlərinin yenilənməsinə başlanılacaq".

Ümid edək ki, bədbəxt hadisələr baş vermədən şikayətçilərin qorxusuna son qoyulacaq.

6996
Teqlər:
şəbəkə, elektrik naqili, elektrik, sakin, kənd, Bərdə
Əlaqədar
Bölgədə elektrik böhranı: "Azərişıq" hələ bir ay da dözümlü olmağı tövsiyə edir
"Azərişıq" ASC: Elektrik enerjisi təchizatında heç bir problem yoxdur
"ABŞ bizə qarşı elektrik müharibəsi elan edib"
Kəndir, arxiv şəkli

Ayrılıq ölümə səbəb oldu

7
(Yenilənib 16:45 14.08.2020)
Meyitin ətraflı müayinəsi, xaricinə keçirilən baxışda gözlə görülən xəsarət və xəsarət izləri aşkarlanmayıb

BAKI, 14 avqust — Sputnik. Son günlər sosial şəbəkələrdə intihar etmiş bir nəfər Gəncə şəhər sakininin ölüm səbəbləri barədə həqiqətə uyğun olmayan, əsassız xəbərlər yayılıb.

Bu barədə Sputnik Azərbaycan-a DİN-in Mətbuat Xidmətinin Gəncə şəhərindəki regional qrupunun baş inspektoru, polis baş leytenantı Eşqin Qasımov məlumat verib.

Onun sözlərinə görə, iyul ayının 18-də Gəncə şəhər Baş Polis İdarəsinin Nizami Rayon Polis İdarəsinə bir nəfərin xidməti ərazidəki binalardan birinin damında intihar etməsi ilə bağlı məlumat daxil olub. Şəhər Prokurorluğunun və Baş Polis İdarəsinin əməkdaşları hadisə yerində olublar, prokuror-kriminalistin və məhkəmə-tibb ekspertinin iştirakı ilə meyitə baxış keçirilib, digər zəruri hərəkətlər yerinə yetirilib.

İlkin araşdırma zamanı müəyyən edilib ki, Gəncə şəhər sakini Kamran Qasımov iyulun 16-da yaşadığı binanın damında özünü asaraq intihar edib: "Faktla bağlı Gəncə şəhər Prokurorluğunda Azərbaycan Respublikasının Cinayət Məcəlləsinin 125-ci maddəsi (Özünü öldürmə həddinə çatdırma - Təqsirkardan maddi, xidməti və ya sair cəhətdən asılı olmuş zərərçəkmiş şəxsi onunla amansız rəftar etmə, onun ləyaqətini mütəmadi olaraq alçaltma, ona hədə-qorxu gəlmə yolu ilə özünü öldürmə və ya özünü öldürməyə cəhd həddinə çatdırma) ilə başlanan cinayət işi üzrə zəruri istintaq hərəkətləri aparılıb. Meyitin ətraflı müayinəsi, xaricinə keçirilən baxışda gözlə görülən xəsarət və xəsarət izlərinin aşkarlanmayıb, mərhumun həyat yoldaşından ayrıldığı üçün dərin psixoloji gərginlik keçirməsi nəticəsində intihar etməsinə dair əsaslı dəlillər toplanıb".

Hazırda faktla bağlı araşdırmalar davam etdirilir.

7
Nişan, arxiv şəkli

Xeyir işin xeyrini dövlətə verdilər - FOTO

5
(Yenilənib 16:25 14.08.2020)
Məclis iştirakçıları da İnzibati Xətalar Məcəlləsinin 211-ci maddəsi ilə 200 manat məbləğində cərimə ediliblər

BAKI, 14 avqust — Sputnik. Goranboyda gizli nişan mərasimi keçirmək istəyən şəxslər saxlanılıblar.

Daxili İşlər Nazirliyinin Mətbuat Xidmətinin Gəncə regional qrupundan Sputnik Azərbaycan-a verilən məlumata görə, avqustun 13-də RPŞ-yə rayon ərazisindəki fərdi yaşayış evlərinin birində nişan mərasimi keçirilməsi barədə məlumat daxil olub. Dərhal polis əməkdaşları həmin ünvana gələrək nişan mərasimini dayandırıblar.

  • Karantin qaydalarını pozan şəxs
    © AR Ministry of Internal Affairs
  • Karantin qaydalarını pozan şəxs
    © AR Ministry of Internal Affairs
  • Karantin qaydalarını pozan şəxs
    © AR Ministry of Internal Affairs
1 / 3
© AR Ministry of Internal Affairs
Karantin qaydalarını pozan şəxs

Mərasim iştirakçıları saxlanılaraq rayon Polis Şöbəsinə gətiriliblər. Şöbədə aparılan müvafiq araşdırmalarla məlum olub ki, rayon sakini Elşən Qocayev qohumlarını dəvət edərək övladı üçün nişan mərasimi keçirmək istəyib. Məclis iştirakçıları İnzibati Xətalar Məcəlləsinin 211-ci maddəsi (Epidemiya əleyhinə rejimin, sanitariya-gigiyena və karantin rejimlərinin pozulması) ilə 200 manat məbləğində cərimə ediliblər.

5
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
Əlaqədar
Evlənmək, nişanlanmaq və ölmək qadağandır - QƏRAR
Dağ kəndində karantin rejimini pozan kafe aşkarlanıb
İki könül bir olsun, amma belə olmasın - FOTO
Bu dəfə restoranın adı da kömək eləmədi, tapdılar, cərimələdilər
Baba nəvəsinə ad günü təşkil etdi, qonaqlar hədiyyə əvəzinə cərimə ödədilər