Ov tüfəngi

Nazirliyə müraciət: Vəziyyət təhlükəli həddə çatıb, onları vurmaq lazımdır

10226
(Yenilənib 17:27 11.03.2019)
"Bəzi bölgələrə vəhşi heyvanların hücum etməsinin səbəbi çox sadədir - heyvanlar artır, yem bazası azalır"

İradə Cəlil, Sputnik Azərbaycan

BAKI, 13 mart — Sputnik. "Son illər respublikada vəhşi heyvanların sayı artıb. Hansısa ərazidə canavar, çaqqal hücum edirdisə, bizə müraciət olunurdu. Bunun qarşısını almaq üçün tədbirlər görürdük. Bütün rayonlarda dayaq məntəqələrimiz vardı. Biz hücumun olduğu rayonla əlaqə saxlayırdıq və bir neçə günlük tədbirlər keçirilirdi. Ərazidə ovçulardan ibarət briqada təşkil edilirdi". 

Bu barədə Sputnik Azərbaycan-a açıqmasında "Ovçular və Balıqçılar Cəmiyyəti" İctimai Birliyinin sədri Füzuli Əşrəfov məlumat verib. Onun sözlərinə görə, Ekologiya və Təbii Sərvətlər Nazirliyi (ETSN) yaranandan sonra Avropa Konvensiyasına qoşulub və vəhşi heyvanların vurulması qadağan edilib.

"Mən hansısa Konvensiyanın əleyhinə deyiləm. Ancaq təbiət tənzimlənməlidir. Təbiət tənzimlənməsə, vəhşi heyvanlar vurulmasa, onlardan zəif olan heyvanlar, quşlar, həmçinin onların yumurtaları məhv olub gedəcək" - deyə sədr bildirib.

Əşrəfov qeyd edib ki, əgər çaqqal, canavar çoxalarsa, dovşanların, quşların nəsli kəsiləcək: "Çünki vəhşi heyvan "Qırmızı kitab" bilmir. Vəhşi heyvan yem axtarır. Vəhşi heyvanlar vurulmadığına görə sayları, yem bazası azalır. Yem tapmadıqlarına görə, kəndlərə hücum edir, əhaliyə zərər verirlər".

O qeyd edib ki, vəhşi heyvanların mütəmadi olaraq vurulması ilə bağlı Nazirliyə təklif ünvanlanıb: "Düzdür, ceyran, cüyür və sair heyvanların sayı artsa, yaxşı olar. Buna görə də vəhşi heyvanlar vurulmalıdır. Bəzi bölgələrə vəhşi heyvanların hücum etməsinin səbəbi isə çox sadədir - heyvanlar artır, yem bazası azalır. Bunun da qarşını almağın bir üsulu var, onları ara-sıra vuraraq azaltmaq".

ETSN-nin Bioloji Müxtəlifliyin Qorunması və Xüsusi Mühafizə Olunan Təbiət Ərazilərinin İnkişafı Departamentinin direktoru Hikmət Əlizadə isə Sputnik Azərbaycan-a açıqlamasında bildirib ki, təbiətdə vəhşi heyvanların sayının tənzimlənməsi məqsədilə vurulması məqsədəuyğun deyil, çünki bunu təbiət özü tənzimləməlidir. 

H.Əlizadə qeyd edib ki, 1979-cu ildə qəbul olunan, Avropanın vəhşi təbiəti, yabanı florası və təbii yaşayış mühitinin qorunması Konvensiyası canavarların ovlanmasını qadağan edir: "Azərbaycan bu Konvensiyanı 1999-cu ildə ratifikasiya edib. Bu səbəbdən də istisnalar olmaqla, vəhşi heyvanların vurulmasına icazə verilmir. Avropada bir müddət əvvəl bu cür yanaşma, canavarlara qarşı aqressiya olduğu üçün bu gün Avropada vəhşi təbiətdə canavar qalmayıb”.

Ovçular
© Karikatura
Ovçular

Onun sözlərinə görə, vəhşi heyvanların kəndlərə də hücum etməsi hallarının qarşısını almaq üçün ETSN tərəfindən tədbirlər görülür: “Nazirlik bir neçə il əvvəl yırtıcıların insanlara hücumlarının qarşısının alınması üçün rayon şöbələrinə göstərişlər verib və komissiyalar yaradılıb".

"Əgər bizə hər hansı rəsmi məlumat daxil olarsa, komissiyalar ərazilərə gedir. Və mövcud problemlərin aradan qaldırılması üçün işlər görülür” - deyə Əlizadə vurğulayıb.

Qeyd edək ki, Vəhşi heyvanların ov obyektlərinə aid edilməsi, ov yerlərinin ayrılması, ovçuluq təsərrüfatının təşkili və onun həyata keçirilməsi qaydaları Azərbaycan Respublikasının müvafiq qanunvericiliyi ilə tənzimlənir.

10226
Teqlər:
ovçu, Ekologiya və Təbii Sərvətlər Nazirliyi, ov, vəhşi heyvan
Əlaqədar
Vəhşi qabanlar dünyanın ən müasir şəhərlərindən birinə hücum edir
Kəndlilər təşviş içində: Vəhşi heyvanlar kəndə hücum edir
Vəhşi heyvan əti satan restoranlar bağlana bilər

Cəbhəyanı ərazilərdə onlarla tank piyada əleyhinə mina, bombacıqlar aşkarlandı

12
Mina təhlükəsinə dair maarifləndirmə üzrə mütəxəsisslər tərəfindən 80 141 nəfər mülki şəxs arasında mina təhlükəsizliyinə dair maarifləndirmə təbliğatı aparılıb.

BAKI, 26 noyabr - Sputnik. Azərbaycan Respublikası Ərazilərinin Minalardan Təmizlənməsi üzrə Milli Agentliyə (ANAMA) Ağcabədi, Ağdam, Beyləqan, Füzuli, Goranboy, Göygöl, Tərtər rayonları ərazisində mərmilərin aşkar olunması barədə Daxili İşlər Nazirliyinin ″102″ Xidməti-Zəng mərkəzi sistemindən 38 və Fövqəladə Hallar Nazirliyinin Böhran Vəziyyətlərində İdarəetmə mərkəzindən 7 müraciət daxil olub.

ANAMA-dan Sputnik Azərbaycan-a verilən məlumata görə, daxil olmuş 45 çağırış əsasında agentliyin xüsusi mobil çevik əməliyyat qrupları tərəfindən Daxili İşlər Nazirliyinin əməkdaşları ilə birlikdə 28 operativ və təxirəsalınmaz əməliyyat çıxışı həyata keçirilib.

Aparılmış əməliyyat-axtarış tədbirləri zamanı 71 ədəd partlamamış hərbi sursat (PHS), 2 ədəd tank əleyhinə mina, 42 ədəd piyada əleyhinə mina, 4 ədəd bombacıq və 40 ədəd partlamış mərmi qalıqları aşkar olunub.

Agentliyin partlayış qrupu tərəfindən 26 ədəd mina və partlamamış hərbi sursat (PHS), 4 ədəd bombacıq zərərsizləşdirilib, mina təhlükəsinə dair maarifləndirmə üzrə mütəxəsisslər tərəfindən 80 141 nəfər mülki şəxs arasında mina təhlükəsizliyinə dair maarifləndirmə təbliğatı aparılıb.

12
Məktəbdə dərs prosesi, arxiv şəkli

Ümumi təhsil pilləsi nələri əhatə edəcək?

6
(Yenilənib 23:41 25.11.2020)
Ümumi təhsil pilləsi məktəbəhazırlıq mərhələsini, ibtidai, ümumi orta və tam orta təhsil səviyyələrini əhatə edəcək.

BAKI, 25 noyabr — Sputnik. Azərbaycan Respublikasında ümumi təhsil pilləsi məktəbəhazırlıq mərhələsini, ibtidai, ümumi orta və tam orta təhsil səviyyələrini əhatə edəcək.

Sputnik Azərbaycan-ın məlumatına görə, bu, Prezident İlham Əliyev tərəfindən bu gün təsdiqlənən "Təhsil haqqında" qanuna dəyişiklik edilməsi barədə qanunda əksini tapıb.

Qanuna əsasən, Ümumtəhsil məktəbi ibtidai, ümumi orta və tam orta məktəb formasında ayrı-ayrılıqda da təşkil oluna bilər.

Həmçinin, qanunda göstərilib ki, İbtidai təhsilin məqsədi təhsilalanlara oxu, yazı və hesablama bacarıqları, vətənpərvərlik və Azərbaycan xalqının dəyərlərinə, dövlət rəmzlərinə hörmət hissi aşılamaq, onlarda insan, cəmiyyət və təbiət haqqında ilkin biliklər, şəxsiyyətin formalaşdırılmasına yönəlmiş həyati bacarıqlar, sadə əmək vərdişləri, məntiqi təfəkkür elementləri, bədii-estetik keyfiyyətlər və digər xüsusiyyətlər formalaşdırmaqdan ibarətdir.

Eyni zamanda ümumi orta təhsilin məqsədi təhsilalanlarda nitq, yazı və ünsiyyət mədəniyyətinin, sağlam həyat tərzinin formalaşdırılmasını, onların dövlətə və dövlətçiliyə, Azərbaycan xalqının dəyərlərinə və ümumbəşəri dəyərlərə sədaqət ruhunda tərbiyə olunmasını, insan hüquq və azadlıqlarına hörmətlə yanaşmasını, idrak fəallığının və məntiqi təfəkkürünün inkişafını, müvafiq təhsil proqramı üzrə əldə etdiyi bilikləri tətbiq etmək, müasir informasiya-kommunikasiya texnologiyalarından istifadə etmək, cəmiyyətdə baş verən hadisələri dəyərləndirmək, öz gələcək həyat yolunu və fəaliyyət istiqamətlərini müəyyənləşdirmək, müstəqil öyrənmə və qərar qəbuletmə bacarığını, peşə seçiminə və əmək fəaliyyətinə hazırlığını təmin etməkdən ibarətdir.

6