Yaşayış binasının tikintisi, arxiv şəkli

Yeni yaşayış binaları ilə bağlı növbəti mübahisə predmeti meydana çıxıb

7489
(Yenilənib 16:28 07.03.2019)
"Bu problemin bir həlli yolu var: Qarajlardan gələn gəlirlərə görə daha çox vergi tətbiq etmək lazımdır"

Təranə Xudabaxşiyeva, Sputnik Azərbaycan

BAKI, 8 fevral — Sputnik. Bakıda günü-gündən yeni binalar tikilir. Yeni tikilmiş binalarda satılan qarajlar isə şirkətlər tərəfindən mənzil sahiblərinə mənzillərdən qat-qat baha qiymətə təklif olunur. Belə ki, 15-20 kvadrat metrlik qarajların ən ucuzu 10 min manatadır.

Premium mənzillərin qarajları isə bundan 2-3 dəfə daha çoxdur. Belə mənzillərə köçən şəxslər ya mütləq şəkildə qaraj almalı, ya da avtomobillərini başqa ərazidə saxlamalıdırlar. Bu tələb isə sakinlərin narazılığına səbəb olur.

Məsələni Sputnik Azərbaycan-a şərh edən əmlak eksperti Ramil Osmanlı deyib ki, bu, şirkətin həyata keçirdiyi layihənin komponentindən asılıdır: "Əgər layihə ekonom sinfə aiddirsə, bu, başa düşülməlidir. Belə layihələrdə qaraj mənzilin üstündə verilmir, bəzi hallarda isə kampaniya şəklində qaraj mənzilin üstündə hədiyyə edilir. Bunu da adətən satışı stimullaşdırmaq üçün edirlər".

"Premium siniflərdə isə tikinti şirkətinin vətəndaşa mənzil təklif edərkən qaraj təklif etməsi başa düşülməlidir. İstənilən layihədə şirkət qarajı ayrı sata bilər. Ən pis halda qaraj sahələri 15-20 kvadratdan ibarət olur" - Osmanlı bildirib.

"Qaraj sahələri bəzi hallarda Çıxarışsız olur, vətəndaşlar müqavilə ilə qaraj alırlar. Belə hallardan yayınmaq lazımdır. Çünki onlar layihəni hazırlayan zaman bir layihədə texniki mərtəbə kimi göstərdikləri ərazini sonradan qaraj edib əhaliyə satırlar. Həmin ərazi fövqəladə hallar vəziyyətində sakinlərin gizlənməsi üçün nəzərdə tutulur. Belə ərazilərə Çıxarış verilmir və sonradan problem yaranır" – deyə ekspert qeyd edib.

O, qiymətlərlə bağlı da danışıb: "Qiyməti bazar müəyyənləşdirir. Bazarda qaraja tələb yüksəkdir və buna görə də qiymətlər artırılır. Bu da başa düşüləndir. Çünki binalardan kənar, özəl qaraj sahələrində qiymətlər bahadır".

İqtisadçı-ekspert Natiq Cəfərli isə Sputbik Azərbaycan-a açıqlamasında bu məsələnin tələb və təklifə görə tənzimlənməli olduğunu deyib: "Mənzillər çox olanda qaraj sayı, az olanda tələbat artır. Buna görə də bir çox tikinti şirkətləri qiymətləri artırır. Qarajlarla bağlı heç bir qanun olmadığı üçün kim neçəyə istəyir, o qiymətə də satır".

"Bu problemin bir həlli yolu var. Qarajlardan gələn gəlirlərə görə daha çox vergi tətbiq etmək lazımdır. Bu zaman şirkətlər də qiymətləri aşağı salmalı olacaq. Amma qanuna görə, qiymət diktə edilə bilməz. Biz sözlə, qarajlarla bağlı qanunvericilikdə əlavələr edilməlidir. Əks halda bu problem öz həllini tapa bilməyəcək" - Cəfərli vurğulayıb.

7489
Teqlər:
qiymət, qaraj, mənzil, bina, Bakı
Əlaqədar
Bakıda çoxmərtəbəli yaşayış binasında yanğın olub, sakinlər təxliyyə edilib
Bakıda çoxmərtəbəli yaşayış binası yanır - VİDEO
Bakıda daha bir yaşayış binasında yanğın baş verib
"May-iyun aylarında xeyli sayda yaşayış binası istismara qəbul ediləcək"
Xankəndi şəhərinə mənzərə, arxiv şəkli

Şərtlə danışmağa çalışan İrəvana alimdən dörd xatırlatma: heç birini yerinə yetirmədiniz

14
(Yenilənib 20:05 21.10.2020)
V.Qafarovun sözlərinə görə, Ermənistan dövləti yaradıldıqdan sonra ermənilər öz üzərlərinə götürdükləri öhdəliklərin heç birini yerinə yetirmədilər.

BAKI, 21 oktyabr — Sputnik. "Ermənilər İrəvanın onlara verilməsi və İrəvan bölgəsində erməni dövlətinin yaradılması müqabilində üzərlərinə götürdükləri öhdəliklərin heç birini yerinə yətirməyiblər".

Bu barədə Sputnik Azərbaycan-a tarix üzrə fəlsəfə doktoru, dosent Vasif Qafarov danışıb.

Onun sözlərinə görə, 1918-ci ildə Batumda aparılan Türkiyə, Azərbaycan və erməni danışıqları nəticəsində erməni dövlətinin Osmanlı Dövlətinin yeni sərhədləri ilə Göyçə gölü arasında yaradılması qərarlaşdırılıb:

"Mərkəzi İrəvan şəhəri olmaqla erməni dövləti cəmi 9000 kvadrat kilometrdən ibarət olmalı idi. Erməni dövlətinin yaradılmasına qərar verilən zaman ermənilər öz üzərlərinə bir sıra öhdəliklər götürdülər. Əslində bu öhdəlikləri Türkiyə Ermənistanın üzərinə qoymuşdu. Həmin öhdəliklər Azərbaycan-Ermənistan danışıqlarında müəyyən edilmişdi".

Tarixçi vurğulayır ki, bütövlükdə İrəvan bölgəsində erməni dövlətinin yaradılması və İrəvanın ermənilərə verilməsi müqabilində ermənilər öz üzərlərinə 4 şərt götürüblər.

Bu şərtlərin birincisi Bakıda olan daşnak qüvvələrin çıxarılması idi. Belə ki, onlar Şaumyanla əlaqəyə girib, Bakıda müsəlman əhalinin təhlükəsizliyini təmin etməli idilər.

İkinci şərt – azərbaycanlılara qarşı olan soyqırım əməllərini, Türkiyə və Azərbaycana qarşı düşmənçiliyi dayandırmalı idilər.

Tarixçi vurğulayır ki, üçüncü şərtə əsasən, İrəvanda və yeni yaradılmış erməni dövlətinin digər ərazilərində qalan müsəlmanların ana dilində təhsil almaq, mədəniyyət, siyasi, dini və digər hüquqlarını təmin etməli idilər: "Dördüncü şərt isə Yelizavetpol quberniyasının dağlıq hissəsinə - konkret Qarabağa olan ərazi iddialarından imtina etməli idilər. Bu dörd şərt çərçivəsində İrəvan ermənilərə verildi. Və İrəvan bölgəsində Ermənistan dövləti yaradıldı. Batum müqaviləsində bu şərtlər təsbit edilmişdi".

V.Qafarovun sözlərinə görə, Ermənistan dövləti yaradıldıqdan sonra ermənilər öz üzərlərinə götürdükləri öhdəliklərin heç birini yerinə yetirmədilər.

14
Teqlər:
tarixçi, tarix, şərt, erməni təxribatı, Ermənistan-Azərbaycan, Dağlıq Qarabağ münaqişəsi
Mövzu:
Azərbaycan və Ermənistan arasında müharibə
Əlaqədar
Prezident İlham Əliyev: "Biz Böyük Qayıdışın astanasındayıq"
"Qərarlarınızı heçə sayan Ermənistanı mühakimə etməyəcəksinizsə, nəyi edəcəksiniz?!"
İlham Əliyev: İndi baş verənlərin bütün təqsiri şəxsən Paşinyanın üzərindədir
İlham Əliyevdən Ermənistana xəbərdarlıq: "İstənilən yol ilə biz bu torpaqları alacağıq"
Ərdoğan: ATƏT-in Minsk Qrupu Qarabağ münaqişəsinin həllini uzatmağa çalışır
Azərbaycan XİN-in binası, arxiv şəkli

XİN: "Ermənistan rəhbərliyi məsuliyyətsiz bəyanatları ilə öz xalqını uçuruma sürükləyir"

16
Humanitar atəşkəs razılaşdırıldıqdan sonra atəşin dayandırılması rejimini kobud şəkildə pozan Ermənistanın əsl niyyətinin sülhə nail olmaq deyil, yeni işğala əl atmaq olduğu Baş nazirinin verdiyi bu açıqlamada aydın şəkildə görünür

BAKI, 21 oktyabr - Sputnik. Ermənistan Baş naziri Nikol Paşinyan münaqişənin diplomatik həlli yoxdur deyə açıqlama ilə çıxış edərək, Ermənistanın işğalçı siyasətini davam etdirdiyini və bu ölkənin hazırkı rəhbərliyinin münaqişənin danışıqlar yolu ilə həllində maraqlı olmadığını açıq şəkildə etiraf etmiş oldu.

Sputnik Azərbaycan bildirir ki, bu barədə Azərbaycan Xarici İşlər Nazirliyinin Mətbuat xidməti idarəsinin Ermənistan Baş nazirinin münaqişənin diplomatik həllinin olmadığı ilə bağlı bəyanatına dair açıqlamasında deyilir.

Vurğulanır ki, Ermənistanın Azərbaycana qarşı yeni hücumuna cavab olaraq Azərbaycanın başladığı əks-həmlə tədbirləri və on illərdir ki, işğal altında olan ərazilərin Azərbaycan Silahlı Qüvvələri tərəfindən azad edilməsi ilə bağlı davamlı olaraq atəşkəs üçün yalvaran, iki dəfə humanitar atəşkəs razılaşdırıldıqdan sonra atəşin dayandırılması rejimini kobud şəkildə pozan Ermənistanın əsl niyyətinin sülhə nail olmaq deyil, yeni işğala əl atmaq olduğu Baş nazirinin verdiyi bu açıqlamada aydın şəkildə görünür.

Humanitar atəşkəsə riayət olunması üçün vasitəçi ölkələrin səylərini heçə sayan Ermənistan rəhbərliyinin, Moskvada xarici işlər nazirləri ilə həyata keçirilən məsləhətləşmələr, habelə Vaşınqtonda qarşıdan gələn görüşlər ərəfəsində diplomatik səylərə xələl gətirən bu bəyanatı uzun illərdir ki, işğalçı Ermənistan tərəfindən münaqişənin həll olunmaması ilə bağlı sərgilədiyi dağıdıcı mövqeyin növbəti bariz nümunəsidir.

Azərbaycan tərəfi, öz növbəsində xoş niyyət və konstruktivlik nümayiş etdirərək humanitar atəşkəsə iki dəfə razılıq verib və münaqişənin BMT TŞ-nin qətnamələri əsasında danışıqlar yolu ilə həllini dəstəklədiyini bəyan edib. Belə olduğu təqdirdə, bir tərəfdən, işğalçı və münaqişənin diplomatik həllində maraqlı olmayan Ermənistan, digər tərəfdən isə əraziləri 30 ilə yaxın müddətdə işğal altında olan və beynəlxalq hüquq normaları çərçivəsində və BMT qətnamələri əsasında münaqişənin siyasi həllini dəstəkləyən Azərbaycana münasibətdə eyni yanaşma nümayiş etdirən dövlətləri müvafiq nəticə çıxarmağa dəvət edirik.

Üzərində hər hansı təzyiq hiss etməyən və Azərbaycana qarşı təcavüz siyasəti çərçivəsində bu günədək törətdiyi çoxsaylı müxtəlif cinayət əməllərinə görə hüquqi məsuliyyətə cəlb edilməyən Ermənistan rəhbərliyi verdiyi məsuliyyətsiz bəyanatları və törətdiyi əməlləri ilə öz xalqını uçuruma sürükləyir.

Münaqişənin davamlı həllinin və bölgədə gərginliyin aradan qaldırılmasının yeganə yolu beynəlxalq hüququn aliliyi, dövlətlərin beynəlxalq tanınmış sərhədlərinin toxunulmazlığı və onlara hörmətin təmin edilməsi ilə mümkündür. 

16
Mövzu:
Azərbaycan və Ermənistan arasında müharibə
Əlaqədar
Paşinyan: "Hazırkı mərhələdə Qarabağ məsələsinin diplomatik yolla həlli yoxdur"
Paşinyandan etiraf: Azərbaycan bizim kapitulyasiyamızdan başqa heç nəyə razı deyil
İlham Əliyev: İndi baş verənlərin bütün təqsiri şəxsən Paşinyanın üzərindədir
Paşinyan indi də İranı Qarabağ münaqişəsinin həllinə çəkmək istəyir
Vəziyyətləri qəlizdir - Bütün keçmiş prezidentləri görüşürlər