Yaşayış binası

"May-iyun aylarında xeyli sayda yaşayış binası istismara qəbul ediləcək"

11092
(Yenilənib 16:20 04.03.2019)
Ekspert: "Prezidentin fərmanı "kupça"ların verilməsi prosedurunu xeyli dərəcədə sadələşdirəcək"

Xalid Məmmədov, Sputnik Azərbaycan

BAKI, 5 mart — Sputnik. Dövlət başçısı fevralın 19-da "Bəzi çoxmənzilli binaların istismarına icazə verilməsinin sadələşdirilməsi haqqında" fərman imzalayıb. Fərmanda 2019-cu il yanvarın 1-dək bütün mərtəbələrinin, yan divarlarının və dam örtüyünün inşası daxil olmaqla tikinti-quraşdırma işləri başa çatmış və istismar edilən mənzilləri olan çoxmənzilli yaşayış binalarının (çoxmənzilli yaşayış binası komplekslərinin) istismarına icazə verilməsi qaydaları müəyyənləşdirilib.

Ekspertlər dövlət başçısının fərmanını Sputnik Azərbaycan-a şərh ediblər.

Azərbaycan Dövlət İqtisad Universitetinin (UNEC) dosenti Elşən Bağırzadə
© Photo : UNEC-in mətbuat xidməti
Azərbaycan Dövlət İqtisad Universitetinin (UNEC) dosenti Elşən Bağırzadə

Azərbaycan Dövlət İqtisad Universitetinin (UNEC) dosenti Elşən Bağırzadə deyib ki, Azərbaycanda xeyli sayda mənzilin "kupça"sı (Dövlət Reyestrindən Çıxarış) yoxdur və bu mənzillərin qiymətləri də Çıxarışı olan mənzillərin qiymətlərindən fərqlənir: "Bu proses vaxtında tamamlanacaq. Burada o qədər də çox iş yoxdur və Fövqəladə Hallar Nazirliyinə (FHN) tapşırıqlar verilib. Bunun Azərbaycanın mənzil bazarına müəyyən müsbət təsirləri olacaq. Şəxslər öz əmlaklarının tam şəkildə rəsmiləşdirilməsini başa çatdıracaqlar. Şəxsin əmlakı indiki halda bir növ hüquqi prosedurları tamamlamamış yarımçıq bir kapital halında idi. Çünki həmin müqavilə ilə verilmiş mənzillərdən heç biri ilə alqı-satqı əməliyyatı həyata keçirmək olmurdu".

"Amma vətəndaşlar bunları tam aldıqdan sonra onları girov qoya, kredit götürə, digər iqtisadi əməliyyatlarda istifadə edə bilərlər. Onların bazar dəyəri də müəyyən qədər yüksələcək" - deyə ekspert bildirib.

Onun fikrincə, bu addım mənzil bazarında da təklifin artmasına gətirib çıxaracaq: "Düzdür, ciddi dəyişiklik olmasa da, müəyyən təsirləri olacaq. Bu, mənzil bazarında qiymət dəyişikliyindən daha çox vətəndaşların iqtisadi imkanlarının genişlənməsi deməkdir. Bu, bir növ əmlaka verilən amnistiya çərçivəsində görülən tədbirlərdir və zaman-zaman Qərb ölkələrində də tətbiq olunur".

"Dövlət imkan yaradır ki, müəyyən çatışmazlıqlar olsa belə, insanların Çıxarış sənədləri ilə təmin olunması həyata keçirilsin və həmin əmlak iqtisadi dövriyyəyə daxil olsun. Bundan sonra tam şəkildə vətəndaşlar öz mülkiyyətlərindən rahatlıqla istifadə edəcəklər. Bu, vətəndaşların iqtisadi imkanlarının genişlənməsinə gətirib çıxarır" - deyə E.Bağırzadə qeyd edib.

İqtisadçı-ekspert Vüqar Bayramov da deyib ki, belə bir fərmanın qəbul edilməsinə ehtiyac var idi: "Ən çox müzakirə edilən məsələlərdən biri də çoxmərtəbəli binaların istismara alınması və həmin binalarda olan mənzillərə Çıxarışın verilməsi ilə bağlı idi. Bu fərman Çıxarışın verilməsi prosedurunu xeyli dərəcədə sadələşdirəcək".

Vüqar Bayramov
Vüqar Bayramov

O bildirib ki, iki ay müddətində FHN, təxminən, 400-dən çox binaya yenidən baxış həyata keçirəcək: "Baxış həyata keçirildikdən sonra həmin binalarla bağlı rəy hazırlanıb Dövlət Şəhərsalma və Arxitektura Komitəsinə təqdim ediləcək. Komitə 7 gün ərzində həmin rəyə əsasən binanın istismarına icazə verməlidir. Artıq may və iyun aylarında xeyli sayda binaların istismara alınmasını müşahidə edə bilərik. Bu, imkan verəcək ki, həmin bina sakinləri "ASAN Xidmət" və ya Əmlak Məsələləri Dövlət Komitəsinə müraciət etməklə Çıxarış əldə edə bilsinlər".

İqtisadçının fikrincə, bu, eyni zamanda imkan verəcək ki, istismara verilən binalara ən gec bir ay ərzində bütün kommunal xidmətlər verilsin: "O baxımdan prosedur sadələşəcək. Fərmanın icrası, təxminən, 10 minə yaxın mənzilin qeydiyyata alınmasına və onların Çıxarışla təmin olunmasına gətirib çıxara bilər. Xüsusən mülkiyyət hüquqlarının tanınması və qorunması baxımından çox vacibdir. Fərmanın icrası nəticə etibarı ilə 10 min ailənin mülkiyyət hüququnun qorunmasına gətirib çıxara bilər".

Onun sözlərinə görə, mülkiyyət hüququnun qorunması bir mənzilin bir neçə nəfərə satılması kimi problemlərin aradan qaldırılmasına gətirib çıxarır: "Həmin mülkiyyətdən istifadə etməklə fərqli əməliyyatların aparılması və bütövlükdə əmlak bazarının leqallaşdırılması baxımından vacibdir. Fərman Çıxarışsız evlər probleminin aradan qaldırılmasına gətirib çıxara bilər".

"Bakıdan kənar rayonlarda isə FHN binalarla bağlı rəyini yerli icra hakimiyyəti orqanlarına təqdim edəcək. Yerli icra hakimiyyəti orqanları 7 gün ərzində həmin rəyə əsasən binanın istismara verilməsi ilə bağlı qərar verəcək" - deyə V.Bayramov əlavə edib.

11092
Teqlər:
ekspert, mənzil, Çıxarış, kupça, bina, yaşayış
Əlaqədar
"Kupça" almaq işi artıq çox asanlaşdı
"Kupça"ların verilməsinə dair vacib dəyişiklik: Artıq çox gözləməli olmayacaqsınız
Özbaşınalığa son: Artıq yeni mənzil və fərdi evlərin sahibləri "kupça" ala biləcəklər
Göranboyda hadisə yerində

Goranboyda gecə qəzası: "Opel" xarab olub yolda qalan maşına çırpılıb - FOTOLAR

18
(Yenilənib 00:04 22.01.2021)
Qəzaya düşmüş Tovuz, Tərtər, Kürdəmir rayonlarının sakinləri Goranboy Rayon Mərkəzi Xəstəxanasına çatdırılıblar.

Rahim Məmmədov, Sputnik Azərbaycan

BAKI, 21 yanvar - Sputnik. Gecə saatlarında Goranboyda yol qəzası baş verib. Hadisə Goran-Naftalan yolunun rayonun Bolusulu kəndindən keçən hissəsində qeydə alınıb.

Sputnik Azərbaycan xəbər verir ki, qəfildən nasazlıq yaranan tinglə yüklü “Vaz 21-011”-in sürücüsü maşını yol kənarında dayandırmalı olub. Sürücü və sərnişinlər minik maşınından düşərək nasazlığı aradan qaldırmağa çalışıb. Bu zaman yolda hərəkətdə olan “Opel” markalı minik avtomobili idarəetmədən çıxaraq nasazlıq yaranan “Vaz”-a çırpılıb. Qəza zamanı 3 nəfər Elçin Qurbanov, Həmid Əsgərzadə və Yadigar Quliyev müxtəlif dərəcəli xəsarət alaraq Goranboy Rayon Mərkəzi Xəstəxanasına çatdırılıb.

  • Göranboyda hadisə yerində
    © Sputnik / Rahim Mammadov
  • Göranboyda hadisə yerində
    © Sputnik / Rahim Mammadov
  • Göranboyda hadisə yerində
    © Sputnik / Rahim Mammadov
1 / 3
© Sputnik / Rahim Mammadov
Göranboyda hadisə yerində

Məlumata görə, “Vaz” markalı minik maşının sürücüsü və sərnişinləri Tərtər rayonundan satış üçün müxtəlif meyvə ağaclarının tinglərini daşıyırmış. Goranboy rayonunun Boluslu kəndi ərazisində avtomobil xarab olduğundan yol kənarında dayanmağa məcbur olub. Qəza da qəfildən, onlar maşını düzəldən zaman baş verib.

Yol-nəqliyyat hadisəsi zamanı avtomobildə olan meyvə ağacları da ətrafa dağılıb. Qeyd edək ki, xəsarət alan şəxslər Tovuz, Tərtər və Kürdəmir rayon sakinləridir. Faktla bağlı araşdırma aparılır.

18
Şəmkirdə vaksinasiya

Şəmkirlilər koronavirusa qarşı vaksinasiyaya "hə" dedilər

14
(Yenilənib 23:53 21.01.2021)
Şəmkirdə COVİD-19 pandemiyasına qarşı vaksinasiyaya başlayıb. Peyvəndləmədən keçən tibb işçiləri özlərini yaxşı hiss etdiklərini bildiriblər.

İlham Mustafayev, Sputnik Azərbaycan

21 yanvar - Sputnik. Şəmkir rayon sakinləri COVID-19-a qarşı peyvəndləməyə cəlb edilib. Rayon mərkəzi xəstəxanasında bunun üçün 4 vaksin otağı yaradılıb.

Sputnik Azərbaycan-ın bölgə müxbiri xəbər verir ki, “Sinovac” vaksini ilkin mərhələdə risk qrupuna daxil olan sakinlərə könüllülük əsasında vurulacaq. Şəmkirdə təlimata uyğun olaraq tibbi müayinədən keçən sakinlər peyvənd edilib. Vaksinin əhəmiyyəti immuniteti gücləndirmək yolu ilə xəstəlikdən qorunmaq, infeksiyanın ötürülməsini məhdudlaşdırmaq, ölüm halının qarşısını almaq və səhiyyə sisteminə düşən yükü azaltmaqdan ibarətdir. Peyvəndin əks təsirinin olmadığını bildirmək üçün tibb işçiləri  vaksinasiyada ön sıralarda olub.

Tibb işçisi Sevda Məmmədova peyvəndləməyə çox müsbət yanaşdığını söyləyib:

 “Mən də bir tibb işçisi olaraq bu günkü vaksinasiyada iştirak etdim və peyvəndi qəbul etdim. Özümü çox yaxşı hiss edirəm. Heç bir narahatçılığım yoxdu”, - deyə bildirib.
  • Şəmkirdə vaksinasiya
    © Sputnik / Ilham Mustafa
  • Şəmkirdə vaksinasiya
    © Sputnik / Ilham Mustafa
  • Şəmkirdə vaksinasiya
    © Sputnik / Ilham Mustafa
1 / 3
© Sputnik / Ilham Mustafa
Şəmkirdə vaksinasiya
.

Koronoviruslu xəstələrin müalicəsi üzrə çalışan həkim Coşqun Yusibov isə peyvəndləmədən sonra tezliklə normal həyata qayıtmağın mümkünlüyünü bildirib:

“Dövlətin yaratdığı imkanlardan ilk istifadə edənlərdən biri də mən oldum. Özümü çox rahat hiss edirəm. Çox yaxşıyam, heç bir kənar reaksiya yoxdur”, –  deyə həkim C. Yusibov əlavə edib.

Şəmkir rayonunda tibbi işçilərinin sayı 2000-dən çoxdur. İlkin mərhələdə rayona 1115 doza vaksin göndərilib. Günədlik olaraq Rayon mərkəzi Xəstəxanasında 150-200 nəfərin peyvənd olunması planlaşdırılır. Tibb işçiləri ilə yanaşı risk qrupuna daxil olan hüquq-mühafizə orqanlarının əməkdaşları əks-epidemik tədbirlərə cəlb olunacaq.

14

Məşhur italyan mafiyasının 50 üzvü həbs edilib - sıralarında partiya sədri var

0
(Yenilənib 00:26 22.01.2021)
İstintaq altına düşənlər arasında ötən həftə parlamentdəki mütləq çoxluğu itirən Baş nazir Cüzeppe Kontenin hakim koalisiyaya qoşulma təklifini rədd etdikdən sonra gündəmə gələn kiçik UDC partiyasının rəhbəri Lorenzo Çesa da var.

BAKI, 22 yanvar - Sputnik. İtaliya polisi “Ndranqeta” mafiyasının işi çərçivəsində 50 nəfəri həbs edib və məşhur mərkəzçi siyasətçini istintaqa cəlb edib.

Report xarici KİV-lərə istinadla xəbər verir ki, “Ndranqeta” əsasən Kalabriyanın cənub regionunda fəaliyyət göstərir. Mafiya öz əməllərinə görə, artıq çoxdan İtaliya və dünyada ən böyük cinayətkar qruplaşmalardan biri olan “Koza Nostra”nı üstələyib.

"Bu araşdırma on illərdir nədən bəhs etdiyimizə aydınlıq gətirdi. “Ndranqeta” sadəcə iş və siyasətlə əlaqədar olaraq daha az atəş açıb", - deyə İtaliyada ən böyük məhkəmə iddialarından birini başladan prokuror Nikola Qratteri bildirib.

İstintaq altına düşənlər arasında ötən həftə parlamentdəki mütləq çoxluğu itirən Baş nazir Cüzeppe Kontenin hakim koalisiyaya qoşulma təklifini rədd etdikdən sonra gündəmə gələn kiçik UDC partiyasının rəhbəri Lorenzo Çesa da var.

0
Teqlər:
mafiya, İtaliya