Stilist iş başında, arxiv şəkli

Dubaya niyə, bizə Neftçala da yaxşıdır: Stilistimiz xaricdə təklifini rədd edib

3820
(Yenilənib 21:19 18.02.2019)
WBC prezidenti: "Azərbaycanlı stilistlərə dünyanın bütün salonlarının qapıları açıqdır"

BAKI, 18 fevral — Sputnik. Bu günlərdə Bakıda Boulevard Hotel Autograph Collection-da Dünya Gözəllik Konqresinin (World Beauty Congress) təşkilatçılığı ilə toy saç düzümü və makiyajı üzrə dünya çempionatı, eləcə də Dress of the World (Dünyanın donu) beynəlxalq müsabiqəsi keçirilib.

Həmin gün Bakıda dünyanın ən yaxşı stilistləri və modelyerləri toy saç düzümü, makiyajı və geyimləri üzrə dünya çempionatında öz məharətlərini göstəriblər.

Со-президент Всемирного конгресса красоты, генеральный директор Азербайджанской ассоциации моды (ААМ) Замир Гусейнов
© Sputnik / Murad Orujov
Dünya Gözəllik Konqresinin prezidenti, Azərbaycan Moda Assosiasiyasının baş direktoru Zamir Hüseynov

Dünya Gözəllik Konqresinin prezidenti, Azərbaycan Moda Assosiasiyasının baş direktoru Zamir Hüseynov Sputnik Azərbaycan-ın Multimeia Mətbuat Mərkəzində təşkil olunan mətbuat konfransında jurnalistlərin müsabiqə ilə bağlı suallarını cavablandırıb.

O qeyd edib ki, bir neçə gün öncə Azərbaycanda gəlin saç düzümləri üzrə dünya çempionatı keçirilib. Çempionatda 15 ölkə iştirak edib. Buna qədər isə bu çempionat BƏƏ, Serbiya, Xorvatiya və digər ölkələrdə olub. Serbiya, Xorvatiya və Meksika mətbuatı bu barədə yazıb. Azərbaycanlı stilistlər çempionatda uğurlu çıxış ediblər və öz peşəkarlıqlarını nümayiş etdiriblər.

"Sevindirici haldır ki, MDB ölkələri arasında ilk dəfə bu cür mötəbər yarış Azərbaycanda keçirilib. Hətta bu yarışda dünya çempionu titulunu da qazana bildik. Əminə Əsgərova çempion olmağı bacardı. Bu gün Azərbaycan sözügedən sahədə ən güclü komandalar sırasındadır. Ən əsası isə, komanda üzvləri bir-birinin qələbəsinə sevinir. Azərbaycan milyon dollarlıq reklam əldə edə bilib. Çünki xarici media bu yarış haqqında geniş məlumatlar verib. Neftçala, Salyan rayonundan olan güclü ustalar qaliblər sırasında yer alıb"- deyən Hüseynov, azərbaycanlı ustaların uğurunun sirrini Şərq xanımlarının makiyaja daha çox üstünlük verməsi ilə izah edib.

DGK prezidentini bizim stilistlərimizin bu dəfə sıx birləşməsi və bir-birinin uğuruna sevinməsi yaxşı mənada təəccübləndirib. Çempionatda iştirak edənlərin çoxunun Azərbaycanın regionlarından gəldiyi və onların paytaxtdakı ustlardan heç nə ilə fərqlənmədiyi də Hüseynovun təəccübünə səbəb olub.

Onun sözlərinə görə, bu yarışın qalibi olan ustalara dünyanın bütün salonlarının qapıları açılır. Hətta Dubaydan bir çox ustalarımıza təkliflər gəlib. Amma onlar ölkədə qalıb işləməyə üstünlük verirlər: "Neftçaladan olan vizajistlərdən biri dəvəti rədd edib və sübut edib ki, vətənində də kifayət qədər yaxşı pul qazanır və xaricdə işləməyə ehtiyac yoxdur".

Hüseynov gələn il bu sahədə dünya çempionatı Çin, Misir, yaxud da Xorvatiyada ola bilər: "Yəqin ki, növbəti dünya çempionatı Xorvatiyada keçiriləcək. Çünki ən güclü namizəd hələ ki, bu ölkədir".

3820
Avropa Liqasının qrup mərhələsinin 2-ci tutu çərçivəsində Qarabağ - Vilyareal matçı

"Qarabağ" azarkeşlərini məyus etdi

31
(Yenilənib 23:52 29.10.2020)
Azərbaycanın "Qarabağ" və İspaniyanın "Vilyarreal" komandaları arasındakı UEFA Avropa Liqasının I qrupunun II tur matçı keçirilib.

BAKI, 29 oktyabr — Sputnik. "Qarabağ" və İspaniyanın "Vilyarreal" komandaları arasındakı UEFA Avropa Liqasının I qrupunun II tur matçı keçirilib.

Sputnik Azərbaycan xəbər verir ki, görüş Türkiyənin İstanbul şəhərindəki "Başakşehir Fatih Terim" stadionunda baş tutub.

Komandalar oyunun birinci hissəsini heç-heçə başa vurublar. İkinci hissədə isə "Qarabağ"ın oyunçusu Kvabena Ovusu fərqlənib. O, 78-ci dəqiqədə hesabı açıb. Lakin Ağdam klubunun azarkeşlərinin sevinci uzun çəkməyib. 2 dəqiqə sonra "Vilyarreal" Yeremi Pinonun vurduğu qolla hesabı bərabərləşdirib. Matçın 84-cü dəqiqəsində Pako Alkaser Ağdam klubunu cəzalandırıb. "Vilyarreal" ikinci qolla önə çıxıb. 

Oyuna əlavə edilən dəqiqələrdə "Vilyarreal" 3-cü topu "Qarabağ"ın qapısından keçirib. Üçüncü topu da 90+6-cı dəqiqədə penaltidən Pako Alkaser vurub.

Beləliklə, "Qarabağ"-"Vilyarreal" matçında oyun ispan klubunun qələbəsi ilə başa çatıb.

Bu oyunun nəticəsi olaraq xallarını 6-ya çatdıran "Vilyarreal" qrupda liderliyini möhkəmlədib. "Qarabağ" isə 1 xalla 3-cü pillədə qalıb.

31
Ramil Quliyev

Dünya çempionu da "Qarabağ Azərbaycandır!" dedi

29
(Yenilənib 23:21 29.10.2020)
İdmançı üzərində "Pray for Barda" ("Bərdə şəhəri üçün dua edin") sözləri və 19 nəfərin öldüyü, 50 nəfərin yaralandığı yazılmış foto paylaşıb.

BAKI, 29 oktyabr — Sputnik. Türkiyə millisinin azərbaycanlı dünya çempionu Ramil Quliyev Ermənistan silahlı qüvvələrinin Bərdə şəhərinə raket zərbələri ilə törətdiyi terror barədə özünün "Instagram" səhifəsində paylaşım edib.

Sputnik Azərbaycan xəbər verir ki, idmançı üzərində "Pray for Barda" ("Bərdə şəhəri üçün dua edin") sözləri və 19 nəfərin öldüyü, 50 nəfərin yaralandığı yazılmış foto paylaşıb.

Ramil Quliyevin paylaşımının skrinşotu

Bununla yanaşı, sosial şəbəkədə Qarabağa aid video yayımlayıb və qeyd bölməsinə "Qarabağ Azərbaycandır" yazıb.

Qeyd edək ki, 30 yaşlı idmançının "Instagram"da 67 mindən çox izləyicisi var.

29