Dayanmaq qadağandır nişanı

Paytaxt sürücülərinin yenilənən dərdi: Burda dayanmaq-durmaq qadağandır

5614
(Yenilənib 16:45 12.02.2019)
BNA: Hazırda Bakı şəhərində nəqliyyat sistemi kifayət qədər yaxşı vəziyyətdədir və istənilən vətəndaşın rahatlığı üçün bu şərait yaradılır

Təranə Xudabaxşiyeva, Sputnik Azərbaycan

BAKI, 13 fevral — Sputnik. Son günlər sürücülər parklama yerlərinin olmamasından, əvvəlki parklama yerlərində indi "dayanma-durma qadağandır" işarəsinin qoyulduğu üçün cərimə yazılmasından şikayətçidirlər. Onların əsas şikayətləri bunlardan ibarətdir: "Şərait yaradılmadan qadağa qoyulub, indi avtomobilimizi harada saxlayaq? Öncə parklama yerləri hazırlasınlar, sonra dayanma-durma qadağandır işarələrini qoysunlar və əməl etməyəni cərimələsinlər".

Şikayətçilər, eyni zamanda magistral yollarda qəza işıqlarını yandırıb dayanan, nəticədə sürətli yolda tıxac yaradan sürücülərdən də gileylənirlər. İddia edirlər ki, dayanma zamanı problem olmayan yollara nəzarət var, prospektlərə isə nəzarət yoxdur.

Bakı Nəqliyyat Agentliyinin (BNA) mətbuat xidmətinin rəhbəri Mais Ağayev Sputnik Azərbaycan-a açıqlamasında sürücülərin şikayətlərinə aydınlıq gətirməyə çalışıb. O deyib ki, son günlər dayanma-durma qaydalarını pozan sürücülərə qarşı mübarizə gücləndirilib.

"Haqsız yerə heç kimə cərimə yazılmır. Qayda pozan sürücülərə cərimə yazılır. Hər bir küçədə parklama yerinin olması mütləq deyil. Bu, heç dünya praktikasında da yoxdur. Parklama yeri yoxdursa, sürücü həmin əraziyə yaxın yerlərdə olan böyük dayanacaqlarda maşını saxlaya, sonra istədiyi yerə avtobus və ya taksi ilə gedə bilər" - deyə Ağayev vurğulayıb.

BNA sözçüsünün bildirdiyinə görə, hazırda Bakı şəhərində nəqliyyat sistemi kifayət qədər yaxşı vəziyyətdədir və istənilən vətəndaşın rahatlığı üçün şərait yaradılır: "Hər kəsin rahatlığını düşünürük. Tıxacın qarşısını almaq üçün isə bu addımları atırıq. Bütün dünyada, məhz belə qaydalar tətbiq olunur. İnkişaf etmiş şəhərdə piyada və sərnişinlərin rahatlığı önəmli qəbul edilir. Düzgün dayanma-durma etməyən sürücülərə görə avtobusların qrafikində də gecikmə baş verir. Bu da etirazlara səbəb olur".

O, prospektlərdə avtomobillərin müxtəlif səbəblərdən dayanmasına da münasibət bildirib: "Həmin yerlərdə kameralar quraşdırılacaq və belə sürücülər cəzalandırılacaq. Onu da deyim ki, artıq əməkdaşların cərimə etməsini məhdudlaşdırırıq. Ancaq kameralar vasitəsi ilə cərimələr tətbiq edəcəyik".

Yol-nəqliyyat eksperti Azər Allahverənov da Sputnik Azərbaycan-a açıqlamasında deyib ki, bu gün adiyyatı oldu-olmadı, dayanma-durma nişanı quraşdırılır və bu da sürücülər tərəfindən haqlı narazıçılığa səbəb olur: "Həmin ərazilərə yük daşıyan və bu kimi işlərə görə yaxınlaşan avtomobillər də böyük problem ilə qarşılaşır. Bakı Nəqliyyat Agentliyi bilir ki, sürücülər onlardan narazıdır. Ona görə də agentlik 3.27 nişanını 3.28 nişanı ilə, yəni durma qadağandır (burada sərnişini düşürdə bilər, amma uzun müddət dayana bilməz) işarəsi ilə əvəz edib".

"Bu da vəziyyətdən çıxış yolu deyil. Elə yerlər var ki, nəqliyyat vasitələrinin saxlanması üçün yaxın çevrədə dayanacaq yoxdur. Bu gün Bakı şəhərində avtomobili hansısa bir müddətə saxlayacaq yerlər azdır. Olan yerlərdən isə sürücülər narazıdır. Düşünürəm, parklama qiymətlərinə də bir daha baxılmalı, qiymət endirilməlidir. Amma bəzən bu qayda tətbiq olunandan sonra bəzi yollarda tıxacın qarşısı alınıb. Yollarda hətta ikinci, üçüncü zolaqda avtomobil saxlayıb gedirdilər. Yeni qaydalar, məhz buna görə yaxşı haldır" - deyə Allahverənov vurğulayıb.

5614
Teqlər:
BNA, parklama, tıxac, avtomobil, sürücü
Əlaqədar
BNA sürücülərə xəbərdarlıq edir
"Adrenalin" sürücüyə baha başa gəldi
Bakıda piyadanı avtomobillə vuraraq qaçan sürücü tutuldu
Piyadanı öldürən sərxoş sürücü həbs edilib

İcra başçısının müavinini maşın vurdu

13
Sosial-iqtisadi inkişafın təhlili və proqnozlaşdırılması şöbəsinin müdiri Vahid İsaxan oğlu Həsənovu avtomobil vurub. 

BAKI, 9 avqust - Sputnik. Sabirabad Rayon İcra Hakimiyyəti başçısının müavinini avtomobil vurub. 

APA-nın məlumatına görə, Sabirabad Rayon İcra Hakimiyyəti başçısının müavini - Sosial-iqtisadi inkişafın təhlili və proqnozlaşdırılması şöbəsinin müdiri Vahid İsaxan oğlu Həsənovu avtomobil vurub. 

V.Həsənov başından xəsarət alaraq Şirvan Şəhər Xəstəxanasına yerləşdirilib. 

Faktla bağlı araşdırma aparılır.

13

Pandemiyanın ən çox ziyan vurduğu sahə - Burada çalışanların yoluxma riski daha böyükdür

884
(Yenilənib 22:32 09.08.2020)
Bütün dünyanı bürüyən bu pandemiya təəssüf olsun ki, ölkəmizdən də yan keçməyib və daxili turizm böhran ilə üzləşib.

İradə Cəlilova, Sputnik Azərbaycan

BAKI, 9 avqust — Sputnik. Koronavirus pandemiyası bütün sahələrə təsir etdiyi kimi turizm sahəsindən də yan keçməyib. Bölgələrə gediş-gəlişin məhdud çərçivədə olması, bəzi bölgələrdə istirahət mərkəzlərinin, restoranların, otellərin fəaliyyətinin dayandırılması turizm sahəsini demək olar ki, dondurub.

Turizm eksperti Ramin Zamanovun fikrincə, pandemiya dövründə turizm sektoru arxa planda qalıb. Onun sözlərinə görə, bu sahədə çalışanların virusa yoluxma riski də böyükdür. Otellərdə, restoran və istirahət mərkəzlərində yoluxma ehtimalı daha böyükdür.

Ekspert deyir ki, rayonlara gediş-gəlişin məhdudiyyətlərlə olması, ölkədə koronavirusun yayılma səviyyəsini azaltma məqsədi daşıyır. Onun fikrincə, bəzi rayonlarda virusa yoluxma faktının az olması məhdudiyyətlərin nəticə verdiyini göstərir və daha uzun müddət davam etməsinə əsas yaradır.

"Rayonlarda olan otellərin əksəriyyəti demək olar ki, fəaliyyətini dayandırıb. İşlə bağlı regionlara üz tutanlar xüsusi icazə ilə həmin otellərdə qala bilər. Rayonlara istirahət məqsədi ilə gedib, oteldə qalmaq isə mümkün deyil" – o vurğulayıb.

Millət vəkili Malik Həsənov Sputnik Azərbaycan-a açıqlamasında bildirib ki, pandemiya təkcə bizi yox, bütün dünyanı iflic edib, 6 aya yaxındır bütün dünya ölkələrinin sərhədləri bağlıdır, sərhədlərin pandemiyadan əvvəlki vəziyyətə qayıtmaq ehtimalı hələ yoxdur: "Bəlkə də ən çox itki, ən böyük böhran ilə üzləşən turizm sektoru olub. Nəinki Azərbaycanda, bütün dünyada tarixdə belə hal olmayb".

Onun sözlərinə görə, pandemiya səbəbindən daxili turizm böhranla üzləşib.

Millət vəkili Azərbaycanda koronovirus pandemiyasının qarşısının alınması üçün görülən tədbirləri təqdirəlayiq hesab edir: "Koronavirusa qarşı mübarizədə imzalanan sərəncamlar, həyata keçirilən operativ və təxirəsalınmaz tədbirlər nəticəsində ölkəmiz koronavirus pandemiyasına qarşı səmərəli mübarizə aparır. Ölkə başçısı pandemiyaya qarşı mübarizədə hər zaman vətəndaşların sağlamlığını ön planda tutub. Bu səbəbdən də bir sıra önləyici tədbirlər görülüb. Vətəndaşların sağlamlığını düşünərək, ölkə ərazisində xüsusi karantin rejimi tətbiq edilib və ölkə daxilindəki epidemiya demək olar ki, idarə olunan vəziyyətə gəlib".

M. Həsənov qeyd edib ki, bunun bariz nümunəsi son günlər yoluxma sayının azalması və sağalanların üstünlük təşkil etməsidir. Bütün bunları nəzərə alaraq ölkə əhalisinin sağlamlığı turizm sektorunda olan problemlərlə müqayisədə daha önəmlidir.

884
Belorusda seçkinin gedişi zamanı

Belarus MSK ilkin nəticələri açıqlayıb

0
Komissiyanın məlumatına görə, beş regionun səsvermələrinin nəticələrinə əsasən hazırkı dövlət başçısı Aleksandr Lukaşenko seçkilərdə liderdir.

BAKI, 10 avqust - Sputnik. Belarusun Mərkəzi Seçki Komissiyası bu gün ölkədə keçirilən prezident seçkilərinin ilkin nəticələrini açıqlayıb.

Bu barədə Sputnik Azərbaycan RİA Novosti-yə istinadən xəbər verir.

Komissiyanın məlumatına görə, beş regionun səsvermələrinin nəticələrinə əsasən hazırkı dövlət başçısı Aleksandr Lukaşenko seçkilərdə liderdir. O, seçicilərin 82%-nin səslərini toplayıb. 

Qeyd edək ki, Lukaşenko altıncı dəfədir prezident seçkilərində namizəddir.  

0