Manat

"Prezidentin sərəncamı gələcəkdə əmək haqlarının artırılmasına imkan yaradacaq"

209
(Yenilənib 15:17 12.02.2019)
Hadı Rəcəbli: "Azərbaycanda sosial müdafiə məqsədlərinə ayrılan vəsaitin həcminə diqqət etsək, bu rəqəmlərin nə qədər böyük olduğunu görmək mümkündür"

BAKI, 12 fevral - Sputnik. "Azərbaycanda elə həftə yoxdur ki, Prezident tərəfindən sosial məqsədlərə xidmət edən sərəncam imzalanmasın. Belə addımlardan biri minimum əmək haqqının artırılması ilə bağlı imzalanan sərəncamıdır".

Azərbaycan Respublikasının Prezidenti İlham Əliyev
© Official web-site of President of Azerbaijan Republic

Sputnik Azərbaycan xəbər verir ki, bunu Milli Məclisin Əmək və sosial siyasət komitəsinin sədri Hadı Rəcəbli parlamentin bu gün keçirilən plenar iclasında deyib. O bildirib ki, ölkə başçısının sərəncamı əsasında əhalinin böyük hissəsi, 600 min nəfər insan əmək haqlarında hiss olunacaq dərəcədə fərq görəcək: "Bu sərəncam gələcəkdə əmək haqlarının artırılmasına imkan yaradacaq".

H.Rəcəbli qeyd edib ki, Azərbaycanda sosial müdafiə məqsədlərinə ayrılan vəsaitin həcminə diqqət etsək, bu rəqəmlərin nə qədər böyük olduğunu görmək mümkündür: "Prezident tərəfindən şəhid ailələrinə verilən müavinət 58 manat artırılaraq 300 manata çatdırıldı. Görülən işlər, atılan addımların hər biri əhalinin rifah halına istiqamətlənib".

209
Əlaqədar
Muzdla çalışanların əmək haqları artacaq
Gələn ayın əvvəlindən 600 min işçinin əmək haqqı artacaq
Əmək və Əhalinin Sosial Müdafiəsi Nazirliyi mühüm layihələrə imza atıb