Evləri isitmək üçün istifadə edilən odunlar

Adı "Azəriqaz"ın siyahısına düşməyən kəndin camaatı yardım istəyir

16816
(Yenilənib 17:17 30.01.2019)
Qış aylarının bu ərazilərdə çox sərt keçməsi onların işini daha da çətinləşdirir

Leyla Abdullayeva, Sputnik Azərbaycan

BAKI, 5 fevral — Sputnik. Quba regionlarımız arasında təbiətinə, füsunkarlığına və turist axınına görə fərqlənir. Lakin turizmin inkişafına baxmayaraq, rayonun hələ də bir çox kəndlərində maye qaz yoxdur.

Bu barədə Sputnik Azərbaycan-ın bölgə müxbirinə Qubanın Məçkə-xacə kəndinin sakinləri məlumat veriblər. Şikayət edən kənd sakini Şahin Əmirovun sözlərinə görə, kənd Quba Rayon İcra Hakimiyyətinin Rustov İnzibati Ərazi Dairəsi üzrə nümayəndəliyinə tabedir.

"2017-2018-ci illər aralığında Rustov kəndinə maye qazın çəkilişi təmin olundu. Həmin vaxt bizim kəndimizin də az bir hissəsinə maye qazı çəkildi. Lakin layihə yarımçıq saxlanıldığına görə kəndimiz maye qazsız qalıb" - sakin bildirib.

Şikayətçinin sözlərinə görə, qış aylarının bu ərazilərdə çox sərt keçməsi onların işini daha da çətinləşdirir: "Evlərimizi isitmək üçün məcburiyyətdən odun alırıq. Burada bir dolu maşın odunun qiyməti 300-350 manatdır. Bu da kəndli üçün çox böyük məbləğdir".

"Digər tərəfdən, kənddə olan evlərin əksəriyyəti iki mərtəbəli və geniş otaqlıdır. Buna görə də bir maşın odun bir ailəyə bəs etmir. Kəndli bilmir ki, qazancı ilə evinin istiliyini təmin etsin, yoxsa ailəsinin tələbatını ödəsin. Ümid edirəm ki, səsimiz tezliklə eşidiləcək və kəndimiz maye qazla təmin olunacaq" - Ş.Əmirov qeyd edib.

Digər kənd sakini Məmməd Orucəliyev də qonşusunun dediklərinə şərik olub: "Biz artıq qış aylarında yanacağa pul verməkdən yorulmuşuq. Həm də təbiətə nə qədər ziyan vurduğumuzu anlayırıq. Amma məcburuq. Evdə körpəmiz, qocamız var. Odun yandırmağın başqa mənfi cəhəti evin hiss olmasıdır. Məcbur qalıb hər il, demək olar ki, evimizi təmir etdiririk".

  • Evləri isitmək üçün istifadə edilən odunlar
    Evləri isitmək üçün istifadə edilən odunlar
    © Sputnik / Leyla Abdullayeva
  • Evləri isitmək üçün istifadə edilən odunlar
    Evləri isitmək üçün istifadə edilən odunlar
    © Sputnik / Leyla Abdullayeva
  • Evləri isitmək üçün istifadə edilən odunlar
    Evləri isitmək üçün istifadə edilən odunlar
    © Sputnik / Leyla Abdullayeva
1 / 3
© Sputnik / Leyla Abdullayeva
Evləri isitmək üçün istifadə edilən odunlar

"Məktəbdəki vəziyyətdən isə danışmağa ehtiyac yoxdur. Kəndimizə təzə məktəb tikilməsinə baxmayaraq, odun sobası sinif otaqlarını yararsız hala salıb. Uşaqlarımız məktəbə getmək əvəzinə meşəyə odun toplamağa gedirlər. Belə bir dövrdə məktəblilərin belə problemlə qarşılaşması ağlasığmaz haldır" - o vurğulayıb.

Kənd sakinləri dəfələrlə icra nümayəndəliyinə bu problemlə əlaqədar müraciət etdiklərini söyləyiblər.

Sputnik Azərbaycan-ın əməkdaşı məsələ ilə bağlı "Azəriqaz" İB-nin mətbuat xidmətinin rəhbəri İbrahim Kərbalayevlə əlaqəsi saxlayıb. İ.Kərbalayev gələn üçün Qubanın 11 kəndinin qazlaşdırılması üzrə siyahı hazırlandığını bildirib.

"Amma həmin siyahıda Məçkə-xacə kəndi yoxdur. Bununla belə, həmin kəndin adı da siyahıya salınacaq və gələcək illərdə bu kəndin də qazlaşdırılması məsələsinə toxunulacaq" - deyə "Azəriqaz" sözçüsü əlavə edib.

16816
Teqlər:
sakin, qaz, kənd, Quba
Əlaqədar
Neft-qaz ehtiyatlarına görə dünyanın lider ölkələri
Yasamalda qaz təchizatı niyə dayandırılıb - "Azəriqaz"dan cavab
Paytaxtda içərisində 22 ton maye qaz olan avtosistern aşıb
Abşeron sakinləri "qaz bombası"nın üstündə oturublar
Kəndir, arxiv şəkli

Ayrılıq ölümə səbəb oldu

10
(Yenilənib 16:45 14.08.2020)
Meyitin ətraflı müayinəsi, xaricinə keçirilən baxışda gözlə görülən xəsarət və xəsarət izləri aşkarlanmayıb

BAKI, 14 avqust — Sputnik. Son günlər sosial şəbəkələrdə intihar etmiş bir nəfər Gəncə şəhər sakininin ölüm səbəbləri barədə həqiqətə uyğun olmayan, əsassız xəbərlər yayılıb.

Bu barədə Sputnik Azərbaycan-a DİN-in Mətbuat Xidmətinin Gəncə şəhərindəki regional qrupunun baş inspektoru, polis baş leytenantı Eşqin Qasımov məlumat verib.

Onun sözlərinə görə, iyul ayının 18-də Gəncə şəhər Baş Polis İdarəsinin Nizami Rayon Polis İdarəsinə bir nəfərin xidməti ərazidəki binalardan birinin damında intihar etməsi ilə bağlı məlumat daxil olub. Şəhər Prokurorluğunun və Baş Polis İdarəsinin əməkdaşları hadisə yerində olublar, prokuror-kriminalistin və məhkəmə-tibb ekspertinin iştirakı ilə meyitə baxış keçirilib, digər zəruri hərəkətlər yerinə yetirilib.

İlkin araşdırma zamanı müəyyən edilib ki, Gəncə şəhər sakini Kamran Qasımov iyulun 16-da yaşadığı binanın damında özünü asaraq intihar edib: "Faktla bağlı Gəncə şəhər Prokurorluğunda Azərbaycan Respublikasının Cinayət Məcəlləsinin 125-ci maddəsi (Özünü öldürmə həddinə çatdırma - Təqsirkardan maddi, xidməti və ya sair cəhətdən asılı olmuş zərərçəkmiş şəxsi onunla amansız rəftar etmə, onun ləyaqətini mütəmadi olaraq alçaltma, ona hədə-qorxu gəlmə yolu ilə özünü öldürmə və ya özünü öldürməyə cəhd həddinə çatdırma) ilə başlanan cinayət işi üzrə zəruri istintaq hərəkətləri aparılıb. Meyitin ətraflı müayinəsi, xaricinə keçirilən baxışda gözlə görülən xəsarət və xəsarət izlərinin aşkarlanmayıb, mərhumun həyat yoldaşından ayrıldığı üçün dərin psixoloji gərginlik keçirməsi nəticəsində intihar etməsinə dair əsaslı dəlillər toplanıb".

Hazırda faktla bağlı araşdırmalar davam etdirilir.

10
Nişan, arxiv şəkli

Xeyir işin xeyrini dövlətə verdilər - FOTO

5
(Yenilənib 16:25 14.08.2020)
Məclis iştirakçıları da İnzibati Xətalar Məcəlləsinin 211-ci maddəsi ilə 200 manat məbləğində cərimə ediliblər

BAKI, 14 avqust — Sputnik. Goranboyda gizli nişan mərasimi keçirmək istəyən şəxslər saxlanılıblar.

Daxili İşlər Nazirliyinin Mətbuat Xidmətinin Gəncə regional qrupundan Sputnik Azərbaycan-a verilən məlumata görə, avqustun 13-də RPŞ-yə rayon ərazisindəki fərdi yaşayış evlərinin birində nişan mərasimi keçirilməsi barədə məlumat daxil olub. Dərhal polis əməkdaşları həmin ünvana gələrək nişan mərasimini dayandırıblar.

  • Karantin qaydalarını pozan şəxs
    © AR Ministry of Internal Affairs
  • Karantin qaydalarını pozan şəxs
    © AR Ministry of Internal Affairs
  • Karantin qaydalarını pozan şəxs
    © AR Ministry of Internal Affairs
1 / 3
© AR Ministry of Internal Affairs
Karantin qaydalarını pozan şəxs

Mərasim iştirakçıları saxlanılaraq rayon Polis Şöbəsinə gətiriliblər. Şöbədə aparılan müvafiq araşdırmalarla məlum olub ki, rayon sakini Elşən Qocayev qohumlarını dəvət edərək övladı üçün nişan mərasimi keçirmək istəyib. Məclis iştirakçıları İnzibati Xətalar Məcəlləsinin 211-ci maddəsi (Epidemiya əleyhinə rejimin, sanitariya-gigiyena və karantin rejimlərinin pozulması) ilə 200 manat məbləğində cərimə ediliblər.

5
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
Əlaqədar
Evlənmək, nişanlanmaq və ölmək qadağandır - QƏRAR
Dağ kəndində karantin rejimini pozan kafe aşkarlanıb
İki könül bir olsun, amma belə olmasın - FOTO
Bu dəfə restoranın adı da kömək eləmədi, tapdılar, cərimələdilər
Baba nəvəsinə ad günü təşkil etdi, qonaqlar hədiyyə əvəzinə cərimə ödədilər