Eldar İbrahimov

Vəzifəli şəxslərin fəaliyyətinə dair şikayətlər daxil olub

68
(Yenilənib 14:46 31.01.2019)
Milli Məclisin Aqrar siyasət komitəsinin iclası keçirilib

BAKI, 31 yanvar - Sputnik. Milli Məclisin Aqrar siyasət komitəsinin iclası keçirilib. Sputnik Azərbaycan xəbər verir ki, komitə sədri Eldar İbrahimov komitənin 2018-ci il payız sessiyasında gördüyü işlərdən danışıb. 

"Hesabat dövründə komitənin 11 iclası keçirilib, bu iclaslarda 27 məsələ, o cümlədən 15 qanun layihəsi müzakirə edilib. 15 qanun layihəsi parlamentdə qəbul edilib" - deyə o bildirib.

Komitə sədri qeyd edib ki, hesabat dövründə komitəyə 29 vətəndaşın imzası ilə ərizə, şikayət və müraciət daxil olub, 17 ərizə tədbir görülməsi üçün müvafiq təşkilatlara göndərilib, 12 ərizə isə təkrar daxil olduğu və ərizə, şikayət və müraciətlərə dövlət idarə, təşkilat və orqanlarından verilən cavablar olduğu üçün işə alınıb.

"Dövlət idarə, təşkilat və orqanlarına göndərilən ərizələrdən 7-si kənd təsərrüfatı məsələləri və torpaq islahatları haqqında, digər 10 ərizə isə sosial, işsizlik, səhiyyə, məhkəmə və vəzifəli şəxslərin fəaliyyətinə dair şikayətlərlə əlaqədardır. O cümlədən həmin dövrdə 16 şikayətçi komitə sədri tərəfindən Milli Məclisdə qəbul edilib" - deyə E.İbrahimov vurğulayıb.

68
Teqlər:
şikayət, iclas, sədr, Komitə, Milli Məclis
Əlaqədar
Nazir “Aqrar tədarük və təchizat” ASC-nin fəaliyyət prinsiplərini açıqladı
Aqrar Xidmətlər Agentliyinə sədr təyin edilib
Nazir müavini Aqrar Xidmətlər Agentliyinin fəaliyyət istiqamətlərindən danışır
 Nizami Gəncəvinin heykəli

Bizə Nizami gərək: "Hər kəs qonşusuna azərbaycanlı kimi baxsaydı, dünyada problem olmazdı"

6
(Yenilənib 17:38 28.01.2021)
"Bəzən xaricdən gələn nizamişünaslar Gəncəvi haqqında elə maraqlı məqamlara toxunurlar ki, heç biz bunu bilmirik. Gəncəvini "böyük Şeyx", "böyük alim" adlandırmaları bizi qürurlandırır"

Şahpəri Abbasova, Sputnik Azərbaycan

BAKI, 28 yanvar — Sputnik. "Bir sloqanımız var: "Hər bir millətin Nizami Gəncəvisi olsaydı, bu dünya sülh və əmin-amanlıq yeri olardı. Yəni, hər kəs öz qonşusuna azərbaycanlılar kimi baxsaydı, dünyada problem olmazdı". Biz də istəyirik ki, dünyaya çatdıraq ki, biz Nizaminin varisləriyik, biz yalnız sülh istəyirik".

Nizami Gəncəvi Beynəlxalq Mərkəzinin Himayəçilər Şurasının sədri Elnur Əliyev "Nizami Gəncəvi İli" çərçivəsində hansı addımların atılacağı ilə bağlı Sputnik Azərbaycan-la söhbətində vurğulayır ki, şəxsən tanıdığı xarici ölkələrdən olan insanların Nizaminin əsərlərini maraqla oxuması, onu oxuyaraq tanıması faktına çox sevinir.

"Hazırda "Nizami İli" çərçivəsində müxtəlif mövzuda seminarlar təşkil olunur. Onlayn formatda keçirilən həmin seminarlara xarici ölkələrdən ekspertlər, Nobel mükafatçıları, siyasi rəhbərlər cəlb olunurlar. Bundan başqa, Nizami irsinin təbliği və təşviqi ilə məşğuluq", - deyən Əliyev əlavə edir ki, ölkəmizdə 7-dən 77-yə qədər hər kəs Nizamini tanıyır, yaradıcılığı ilə tanışdır.

İlham Əliyevdən 2021-ci illə bağlı qərar>>

Müsahibimiz bildirib ki, mərkəzin məqsədi dahi şairi dünyaya Azərbaycan şairi kimi təqdim etməkdir: "Biz bu təbliğata ABŞ, Hindistan, Pakistan, Avstraliya, Böyük Britaniya və qonşu ölkələrdən nüfuzlu alimləri də cəlb edirik. Demək olar ki, dünyanın dörd bir yanından olan nizamişünaslar və şərqşünaslarla sıx əməkdaşlıq edirik. Mərkəz olaraq Azərbaycanda yerləşirik. Amma dünyada Nizami ətrafında aparılan təhlilləri, elmi-akademik təhlilləri bir araya toplayırıq".

"Biz Nizamini təbliğ etməklə eyni zamanda da öz mədəniyyətimizi təbliğ etmiş oluruq", - həmsöhbətimiz deyib.

Mərkəzin sözçüsü qeyd edib: "Məqsədimiz budur ki, insanlıq Nizami Gəncəvidən bəhrələnsin. Onun adının tanınması ilə bağlı bir sıra addımlar atılacaq. Adına küçələr salınmaqla, heykəllər qurmaqla, eyni zamanda, elm aləmində Nizaminin əsərlərinin təşviq edilməsi onu dünyaya bir daha tanıdacaq. Başqa bir layihəmiz də var. İstəyirik ki, Azərbaycan universitetlərində öz tələbələrimizə və xarici tələbələrimizə xaricdən dəvət olunmuş nizamişünasların mühazirələrini təşkil edək. Bəzən xaricdən gələn nizamişünaslar Gəncəvi haqqında elə maraqlı məqamlara toxunurlar ki, heç biz bunu bilmirik. Gəncəvini "böyük Şeyx", "böyük alim" adlandırmaları bizi qürurlandırır".

XIX əsrin əvvəllərinə qədər Yaxın Şərqdə hakimiyyətə gələn insanlar, varlı şəxslər özlərinə borc biliblər ki, şəxsi kitabxanalarında Nizaminin "Xəmsə"si olsun. Həmin dövrün hökmdarları, zəngin insanları miniatür "Xəmsə" hazırladıblar. 

Gəncədə inşa olunan Nizami Gəncəvi Muzeyi
© Official website of President of Azerbaijan Republic
Bu "Xəmsə"lər dünyanın bir çox ölkələrinə yayılıb – muzeylərdə, kitabxanalarda və şəxsi kolleksiyalarda saxlanılır. 100-150 civarında miniatür "Xəmsə" var. Əliyevin sözlərinə görə, həmin "Xəmsə"lərdən ibarət kitab dərc ediləcək: "Müxtəlif ölkələrin muzeylərindən, şəxsi kolleksiyalarından toplanmış miniatürlərin nüsxəsini toplayıb, həmin kitabda dərc edəcəyik. Bu, beynəlxalq bir kitab, kolleksiya kitabı olacaq. Kitabda Nizami haqqında məlumatlar da olacaq. Böyük bir layihədir. İlin ortasına yaxın hazır olacaq. Öncə iki dildə - ingilis və Azərbaycan dillərində dərc olunacaq".

"Ola bilər ki, hər kəsin "Xəmsə"ni oxumağa vaxtı olmasın. Məqsədimiz odur ki, dahi şairin bədii və fəlsəfi irsini daha əlçatan edək. Ona görə də biz Nizaminin gənclərdə gördüyü dəyər haqqında platforma yaratmaq istəyirik. Başqa bir layihə də var. Biz Koreya ilə işləmək istəyirik. Orada Azərbaycan çox az tanınır. Nizami də az tanınır. Biz istəyirik, ilkin mərhələ olaraq orada Gəncəvi haqqında müzakirə aparaq. Artıq tərəfdaşlarımızı müəyyənləşdirmişik", - deyə mərkəzin sözçüsü fikrini tamamlayıb.

6
Teqlər:
dünya, Koreya, kitab, təbliğat, seminar, Nizami Gəncəvi Beynəlxalq Mərkəzi, Nizami Gəncəvi
İnəklər, arxiv şəkli

Beyləqanda mütəşəkkil dəstə ələ keçib

3
(Yenilənib 19:59 28.01.2021)
Onların digər cinayət əməllərində iştirakının olub-olmamasının müəyyən edilməsi istiqamətində tədbirlər davam etdirilir.

BAKI, 28 yanvar — Sputnik. Beyləqan Rayon Polis Şöbəsinin əməkdaşları tərəfindən ötən ilin noyabr-dekabr və cari ilin yanvar aylarında rayon ərazisində yerləşən otlaq sahələrindən və tövlələrdən silsilə şəkildə mal-heyvan oğurlayaraq vətəndaşlara zərər vuran şəxslər aşkar olunaraq saxlanılıb.

Daxili İşlər Nazirliyinin (DİN) Mətbuat Xidmətinin Bərdə regional qrupundan Sputnik Azərbaycan-a verilən məlumata görə, bir qrup rayon sakini Beyləqan RPŞ-yə ərizə ilə müraciət edərək onlara məxsus iribuynuzlu heyvanların oğurlandığı barədə məlumat veriblər. Məlumatla əlqədar polis əməkdaşları tərəfindən həyata keçirilmiş əməliyyat-axtarış tədbirləri nəticəsində oğurluqları törətməkdə şübhəli bilinən İmişli rayon sakini, əvvəllər məhkum edilmiş Raci Cəfərov, Beyləqan rayon sakini Əhliman Abbasov və Şamaxı rayon sakini Etibar Nuriyev saxlanılıb. Araşdırmalarla onların 8 baş iribuynuzlu heyvanı oğurlayaraq rayon sakinlərinə 8750 manat dəyərində ziyan vurduğu müəyyən edilib. Hər 3 şəxs dindirilmə zamanı törətdikləri cinayət əməllərini etiraf edib.

Faktla bağlı Beyləqan Rayon Polis Şöbəsində cinayət işi başlanılıb. Onların digər cinayət əməllərində iştirakının olub-olmamasının müəyyən edilməsi istiqamətində tədbirlər davam etdirilir.

3