İmtahan, arxiv şəkli

Sınaq imtahanlarının qiymətinin baha olması məsələsinə toxunulub

37
(Yenilənib 16:54 25.01.2019)
Məleykə Abbaszadə: “Təəssüf ki, müəyyən insanlar bu prosesə çox sadə baxırlar”

BAKI, 25 yanvar — Sputnik. Dövlət İmtahan Mərkəzinin (DİM) Direktorlar Şurasının sədri Məleykə Abbaszadə sınaq imtahanlarının qiymətinin baha olması ilə bağlı iddialara münasibət bildirib.

Sputnik Azərbaycan-ın “Report”a istinadən xəbərinə görə, o, bu fikirlərlə razı olmadığını deyib.

“İnsanlar hesab edirlər ki, bu qiymətlər yalnız imtahanda təqdim olunan kitabçanın kağızının qiymətidir. Amma elə deyil. İmtahan çox mürəkkəb elmi-metodiki prosesdir. İmtahan məzmununun hazırlanması, keçirilməsi, loqistik, təhlükəsizlik və s. məsələlərin hamısı vəsait tələb edir. Təəssüf ki, müəyyən insanlar bu prosesə çox sadə baxırlar” - M.Abbaszadə vurğulayıb.

O əlavə edib ki, bəzi hazırlıq kursları DİM-in təşkil etdiyi sınaq imtahanlarına öz müəllimlərini, dinləyicilərini göndərirlər: “Onlar da imtahandan kitabçanı götürürlər və sonra həmin material əsasında intellektual məhsulumuzu istifadə edirlər. Nəticədə bəzi kurslar elmi işə heç bir vəsait sərf etmirlər”.

37