Hadı Rəcəbli, Milli Məclisin Komitə sədri

Komitədə 366 vətəndaş qəbul edilib

26
(Yenilənib 12:18 24.01.2019)
Ötən sessiyada komitəyə 648 sənəd daxil olub və bunun 579-u ərizə və şikayətlər olub

BAKI, 24 yanvar - Sputnik. Milli Məclisin Əmək və sosial siyasət komitəsinin iclası keçirilir. Sputnik Azərbaycan xəbər verir ki, komitə sədri Hadi Rəcəbli 2018-ci il payız sessiyası dövründə komitənin gördüyü işlərdən danışıb. 

O bildirib ki, ötən sessiyada komitədə 45 məsələ müzakirə edilib və 21 qanun layihəsi parlamentə tövsiyə edilib. Bu qanun layihələri əhalinin sosial müdafiəsinin güclənməsinə yönəlib.

Ötən sessiyada komitəyə 648 sənəd daxil olub və bunun 579-unu ərizə və şikayətlər təşkil edib. Ərizə və şikayətlərin də böyük qismi ünvanlı sosial yardım istəyi ilə, 135 ərizə isə pensiyalarla bağlı olub.

H.Rəcəblinin sözlərinə görə, sessiya dövründə 366 vətəndaş komitədə qəbul edilib.

İclasda Əmək, Cəzaların İcrası məcəllələrində, "Sosial sığorta haqqında", "Ünvanlı dövlət sosial yardımı haqqında" və digər qanun layihələrinə baxılacaq.

26
Teqlər:
Hadi Rəcəbli, Komitə, Milli Məclis
Əlaqədar
Milli Məclis 21 məsələnin müzakirəsinə yığışıb
Milli Məclisin bəzi komitələrinin səlahiyyəti artırılıb