İlham Əliyev Mənzil İnşaatı Dövlət Agentliyinin Yasamal yaşayış kompleksinin açılışında iştirak edib

Sabah güzəştli mənzillər satışa çıxarılacaq: Yeni güzəşt təklif olunur

182
(Yenilənib 11:25 24.01.2019)
"Mənzillərin xərcinin üçdə biri dövlət hesabına kompensasiya edilərsə, bu, sosial kredit üçün ödənilən aylıq ödənişlərin də qiymətinin aşağı düşməsinə səbəb olacaq"

BAKI, 24 yanvar — Sputnik. "Sabah Yasamal Yaşayış Kompleksində yerləşən 174 sosial mənzil satışa çıxarılacaq. Elektron satış sabah saat 11:00-da başlayacaq və fevralın 8-də eyni saatda başa çatacaq. Birinci satışda olduğu kimi bu dəfə də "ilk müraciət ilk mənzil" prinsipi tətbiq ediləcək. Sosial ev almaq üçün 10 min nəfərin qeydiyyatdan keçdiyini nəzərə alsaq, bu, o deməkdir ki, ev almaq istəyində olanların 2 %-dən azı mənzilə sahib olacaq. Yəni 98 faiz sosial ev axtaran mənzil seçimi edə bilməyəcək".

Vüqar Bayramov
Vüqar Bayramov

Sputnik Azərbaycan xəbər verir ki, bunu iqtisadçı-ekspert Vüqar Bayramov öz "Facebook" səhifəsində yazıb. O bildirib ki, Mənzil İnşaatı Dövlət Agentliyi (MİDA) hazır olan evləri satışa çıxarır: "Bütövlükdə Yasamal Yaşayış Kompleksində 1843 ailə mənzillə təmin ediləcək. Bu isə o deməkdir ki, Kompleks mövcud qeydiyyatdan keçmiş tələbin 18 faizindən bir az artdığını ödəyəcək. Sabahkı satışda mənzil sahibi olacaq ailələr ilə seçim edə bilməyənlərin nisbətinə diqqət yetirsək, aydındır ki, elektron satışda iştirak edənlərin böyük əksəriyyətinin ev alması texniki baxımdan mümkün deyil. Ən azı ona görə ki, mənzillərin sayı məhduddur".

Ekspertin yazdığına görə, MİDA Yasamalda və daha sonra Hövsanda mənzilləri mərhələləri şəkildə satışa çıxaracaq və tələb də mərhələli şəkildə ödəniləcək: "Agentliyin tələbi tam və ya, əsasən, qısa zamanda ödəməsi texniki baxımdan mümkün də deyil. Satış zamanı narazılıqların olmaması və eləcə də prosesin daha da təkmilləşdirilməsi üçün müəyyən işlər görmək lazımdır. Əvvəllər də qeyd etdiyimiz kimi, güzəştli mənzil seçimində "first-come, first-served" prinsipli seçimi birmənalı qarşılanmır. Doğrudur, belə seçim şəffaflığın təmin edilməsi üçün texniki imkanlar yaradır, kənar müdaxilələri minimumlaşdırır və əslində uyğun Strateji Yol Xəritəsində də bu meyar qeyd edilib".

"Bununla belə, "first-come, first-served" və ya "ilk müraciət, ilk mənzil" prinsipinin özünün qruplaşdırılması mümkündür və bu zaman ev sahibi ola bilməyənlərin arasındakı inamsızlığı aradan qaldırmaq olar. Çünki mövcud qaydalara görə, kompüterdə daha cəld işləyə bilənlər ev seçimində daha çox üstünlüyə malikdir. Aydındır ki, bu yanaşma daha çox texniki vərdişlər ilə bağlıdır. Bu baxımdan güzəştli kateqoriya prinisipi saxlanılmaqla "çevik seçim" mexanizmi çərçivəsində sosial sub-qruplaşmada tətbiq olunması vacibdir" - deyə o qeyd edib.

Bayramovun fikrincə, MİDA-nın müraciətlərin sosial struktruna uyğun olaraq seçim meyarları müəyyənləşdirməsi daha məqsədəuyğun olardı: "Çünki müraciətlər sosial kriteriyaya uyğun olaraq qruplaşdırılmalıdır. İlkin olaraq daha çox sosial dəstəyə ehtiyacı olan vətəndaşlar (həsas qruplar) evlə təmin edilməlidir. Həssas qrupların müəyyənləşdirilməsində qanunvericilikdə boşluq olduğu halda, bununla bağlı hüquqi bazanın möhkəmləndirilməsi mümkündür. Birinci mərhələdə mənzili olmayan şəhid ailələri, ailə başçısını itirmiş ailələr və mənzili olmayan elmlər doktorlarına mənzillər təklif edilə bilər. Xüsusən də himayəsində azyaşlı uşaqları olan həyat yoldaşını itirmiş xanımlara belə imkan yaradılması məqsədəuyğundur. Çünki həmin ailələrin daha çox sosial qayğıya ehtiyacı olduğundan onların mənzil probleminin ilk növbədə həll edilməsi vacibdir. Çoxuşaqlı, evi olmayan aztəminatlı ailələr də prioritet qrupa daxil oluna bilər".

Mütəxəssis bildirib ki, sonrakı mərhələdə digər sosial qruplara güzəştli mənzillərdən istifadə imkanı verilməlidir: "Bu zaman isə satışda potensial 10 min nəfər eyni vaxtda deyil, mərhələli şəkildə iştirak edəcək və bu da seçim zamanı fərqli səbəblərdən yaranan narazılığı və inamsızlığı ciddi şəkildə azaldacaq". 

İqtisadçı qeyd edib ki, 2019-cu ildə dövlət büdcəsinin xərclərinin 17 faiz artacağını nəzərə alsaq, bu istiqamətə daha çox vəsaitin ayrılması mümkündür: "Belə ki, ƏDV daxil olmaqla 1 otaqlı mənzillərin qiyməti – 29 925 manatdan, 2 otaqlı mənzillərin qiyməti – 47 282 manatdan, 3 otaqlı mənzillərin qiyməti – 65 626 manatdan başlayacaq. Sosial ipoteka krediti hesabına mənzilləri alan zaman aylıq ödənişlər 1 otaqlı mənzil üçün 129-136 manat, 2 otaqlı mənzil üçün 203-236 manat, 3 otaqlı mənzillər üçün isə 282-288 manat olacaq".

"Mənzillərin qiyməti həmin ərazidə yerləşən anoloji mənzil qiyməti ilə müqayisədə aşağı olsa da, sosial mənzillərin qiymətinin daha da ucuzlaşması məqsədəuyğun olardı. Təklif edirik ki, dövlət sosial mənzillərin inşası ilə bağlı xərcin bir hissəsini öz üzərinə götürsün. Xərcin kompensasiya edilməsi nəticə etibarilə qiymətin aşağı düşməsinə gətirib çıxaracaq. Mənzillərin xərcinin üçdə biri dövlət hesabına kompensasiya edilə bilər. Burada əvəzsiz kompensasiyadan söhbət gedir. Bu, sosial kredit üçün ödənilən aylıq ödənişlərin də qiymətinin aşağı düşməsinə səbəb olacaq" - V.Bayramov yazıb.

"Odur ki, biz xərcin üçdə birinin dövlət tərfindən əvəzsiz olaraq qarşılanmasını təklif edirik və hesab edirik ki, bu, aztəminatlı vətəndaşların maraqları baxımından daha faydalıdır. Bu halda 1 otaqlı mənzilin qiyməti 19950 manata, 2 otaqli mənzilin qiyməti 31521 manata, 3 otaqli mənzilin qiyməti isə 43750 manatadək azalacaq. Buna uyğun olaraq aylıq ödənişlər orta hesabla 1 otaqlı mənzil üçün 87 manata, 2 otaqlı mənzil üçün 147 manata, 3 otaqli mənzil üçün isə 188 manatadək azala bilər. Bu isə aztəminatlı ailələr üçün daha məqbul hesab oluna bilər" - deyə o əlavə edib.

Ekspert hesab edir ki, MİDA tərəfindən hər elektron satışda mənzil alan şəxslərin ad və soyadları və onların hansı güzəştli qrupa aid olması ilə bağlı siyahının mətbuat vasitəsilə yayımlanması və Agentliyin internet səhifəsində yerləşdirilməsi məqsədəuyğun olardı: "Hazırkı iqtisadi islahatların hədəfinin şəffaflığın gücləndirilməsi oduğundan, bu, sosial evlərin satışı zamanı şəffaflığın və hesabatlılığın artmasına səbəb ola bilər. Nəticədə, sosial mənzillərin satışına inamı gücləndirər. Mənzil sahib olanlar ilə bağlı məlumat kommersiya sirri hesab edilməməlidir və MİDA həmin məlumatların ictimailləşdirilməsi ilə bağlı öncədən potensial alıcılar ilə elektron anlaşma bağlaya bilər". 

Bayramovun sözlərinə görə, ötən həftə "Azərbaycan Respublikasının Mənzil İnşaatı Dövlət Agentliyinin sərəncamında olan mənzilləri vətəndaşların güzəştlə əldə etməsi Qaydası"na edilən dəyişikliklər, mütərəqqidir və bu baxımdan satış mexanizminin daha da təkmilləşdirilməsi imkanları var: "Yeniliklərdən biri "Güzəştli mənzil" sistemində elektron kabinet verilmiş şəxsin agent banka müraciət edərək ilkin razılıq qərarını almasıdır. "Güzəştli mənzil" sistemində seçilmiş bir mənzil həmin elan çərçivəsində daha iki şəxs tərəfindən də ardıcıl olaraq gözləmə qaydasında seçilə bilər. Yəni əgər hər hansı bir səbəbdən mənzil onu seçmiş şəxs tərəfindən əldə edilmədikdə, ilk olaraq gözləmə qaydasında həmin mənzil birinci sırada seçmiş şəxsə təklif ediləcək. Eyni qaydada, əgər mənzil hər hansı bir səbəbdən birinci sırada seçmiş şəxs tərəfindən də əldə edilməsə, həmin mənzil gözləmə qaydasında ikinci sırada seçmiş şəxsə təklif ediləcək. Digər dəyişiklik Agentlik tərəfindən mənzillərin satış qiymətinə tətbiq edilən əlavə endirimlərdən yararlanmaq istəyən vətəndaşlar üçündür. Bu yeniliyə əsasən, mənzilləri öz vəsaiti hesabına birdəfəlik ödəniş edərək almaq istəyən şəxslər üçün satış elanı veriləcək. Qeyd edək ki, "Güzəştli mənzil" sistemində olan bu yeniliklər 2019-cu il mayın 1-dən etibarən tətbiq ediləcək". 

"Beləliklə, sabah yeni sosial mənzillər satışa çıxarılacaq. Ümid edək ki, mənzilə ciddi ehtiyacı olanlar ev sahibi ola biləcəklər" - deyə iqtisadçı vurğulayıb.

182
Teqlər:
Vüqar Bayramov, ekspert, iqtisadçı, qiymət, güzəşt, ev, mənzil, bina, kompleks, yaşayış, Yasamal
Əlaqədar
Azərbaycanda mənzil problemini Avropadakı ipoteka şərtləri ilə həll etmək mümkündür
İki nəfər eyni mənzildə köməksiz vəziyyətdə qalıb
Ev sahibi mənzilini satmaq üçün inanılmaz elan verdi
"Güzəştli mənzil" almaq istəyənlərin nəzərinə
Güzəştli mənzilləri əldə etmək daha rahat olacaq
Sinem Kobal, arxiv şəkli

Türkiyəli məşhur aktrisadan nümunəvi addım

0
(Yenilənib 08:22 12.08.2020)
Ulduz aktirisa "Hürrem Sultan", "Arka Sokaklar", "Selena", "Gönül işleri", "Yüz yüze" kimi məşhur film və seriallardakı rolları ilə tanınıb.

Şahpəri Abbasova, Sputnik Azərbaycan

BAKI, 12 avqust — Sputnik. Ana olmağa hazırlaşan türkiyəli aktrisa Sinem Kobal doğum günü üçün pərəstişkarlarından yardım istəyib. Sputnik Azərbaycan türk mətbuatına istinadən xəbər verir ki, Kobal hədiyyə yerinə "Xərçəngiz həyat" fonduna yardım edilməsini xahiş edib.

Aktirisa rəsmi "Instagram" səhifəsindən izləyicilərinə çağırış edbi: "14 avqusta – ad günümə az qaldı. Bu il ad günümü qeyd etmək istəmirəm. Ad günümü qeyd etmək yox, xeyriyyə addımı atmaq istəyirəm. Hədiyyələr almaq əvəzinə, xərçəng xəstəliyindən əziyyət çəkən uşaqlarımıza yardım edək, onların kiçik qəlblərini sevindirməyə vəsilə olaq. "Xərçəngsiz həyat" kampaniyamıza başladım. Sevginin gücü ilə, sizin dəstəyinizlə yaxşılaşdıraq, yaxşılaşaq"

Qeyd edək ki, Sinem Kobal məşhur türk aktyoru Kenan İmirzalıoğlunun həyat yoldaşıdır. Ulduz aktirisa "Hürrem Sultan", "Arka Sokaklar", "Selena", "Gönül işleri", "Yüz yüze" kimi məşhur film və seriallardakı rolları ilə tanınıb.

0

Dövlət komitəsi "Uşaqlar üçün kitab" olayına reaksiya verdi - RƏSMİ

2
Ailə, Qadın və Uşaq Problemləri üzrə Dövlət Komitəsi: “Uşaqlar üçün nəzərdə tutulan "kitab" ekspert rəyi olmadan çap edilib”.

BAKI, 12 avqust - Sputnik. Ailə, Qadın və Uşaq Problemləri üzrə Dövlət Komitəsi bu gün KİV-də və sosial şəbəkələrdə uşaq ədəbiyyatının spesifik xüsusiyyətlərinə və ona olan tələblərə uyğun gəlməyən, lakin uşaq auditoriyası üçün nəzərdə tutulduğu qeyd edilən “Qaz ilə göyərçinin əhvalatı” adlı kitabla bağlı məlumat yayıb.

Dövlət Komitəsindən verilən məlumatda bildirilir ki, Azərbaycan Yazıçılar Birliyinin üzvü olduğu iddia edilən şairə Aygün Bal müəllifi olduğu kitabında uşaqların yaş xüsusiyyətlərini, həmçinin seçdiyi mövzunun didaktik və tərbiyəvi əhəmiyyətini nəzərə almayıb: 

"Şübhəsiz ki, bədii ədəbiyyatın tərkib hissəsi olan uşaq ədəbiyyatı birbaşa təlim-tərbiyə və yeni nəslin ədəbi zövqünün formalaşması vasitələrindən biridir. Məhz bu səbəbdən hər bir ədəbi nümunə gələcəyimiz olan övladlarımızın formalaşması işinə öz müsbət təsirini göstərməklə yanaşı, həm də uşaq psixologiyasına və marağına müvafiq məzmunda və üslubda yazılmalıdır. Adıçəkilən çap məhsulunda istifadə olunan ifadələrin azyaşlı uşaqlara göstərə biləcəyi mənfi təsirləri nəzərə alaraq vəsaitin istifadəsinin Azərbaycan Respublikasının qanunvericiliyinin tələblərinə uyğun gəlmədiyini qeyd etmək lazımdır.

Belə ki, ailə institutunu nüfuzdan salan informasiyalar uşaqlar arasında dövriyyəsi qadağan olunan informasiyalar sırasına aid edilib. "Uşaqların zərərli informasiyadan qorunması haqqında" Azərbaycan Respublikası Qanununun 4-cü maddəsinə əsasən həmin informasiya məhsullarının uşaqlar arasında yayılması qadağandır. Həmçinin, bu qanunun tələblərinə zidd olaraq sözügedən "kitab" ekspert rəyi olmadan çap edilib.

Məlumat üçün bildiririk ki, İnzibati Xətalar Məcəlləsinin 388-2.0.2-ci maddəsinə əsasən informasiya məhsulunun “Uşaqların zərərli informasiyadan qorunması haqqında” Azərbaycan Respublikasının Qanununda nəzərdə tutulmuş qaydada yaşa görə təsnifatlaşdırılmasını təmin etmədən, o cümlədən həmin Qanunla müəyyən edilmiş hallar istisna olmaqla informasiya məhsulunu müvafiq yaş kateqoriyasına uyğun işarələmədən ölkə ərazisində yayılmasına görə inzibati məsuliyyət nəzərdə tutulub.

Nazirlər Kabinetinin 29 iyul 2020-ci il tarixli 267 nömrəli Qərarı ilə təsdiq edilmiş “İnformasiya məhsulunun yaş kateqoriyalarına aid edilməsi Qaydaları”na əsasən informasiya məhsullarının ekspert rəyi olmadan yayılması inzibati məsuliyyətə səbəb olur.

Ailə, Qadın və Uşaq Problemləri üzrə Dövlət Komitəsi olaraq uşaqların istifadəsi üçün bu kimi informasiya məhsullarının yayılmasını məqsədəuyğun olmadığını vurğulamaqla yanaşı, bu barədə məlumatların yayılmasına görə qanunvericilikdə nəzərdə tutulmuş qaydada müvafiq tədbirlərin görüləcəyini diqqətə çatdırırıq".

2
Zaqatalalı bloger Orxan Hüseynzadə

Vətənimin seyrinə çağırıram elləri - Onun sayəsində dünya ölkəmizin gözəlliklərini tanıyır

4
(Yenilənib 09:36 12.08.2020)
Zaqatalalı bloger Orxan Hüseynzadə doqquzuncu sinifdən sonra məktəbdən çıxıb, lakin uğurlu kompüter mühəndisi, veb-dizayner və videobloger olub.

Şahpəri Abbasova, Sputnik Azərbaycan

BAKI, 12 avqust - Sputnik. Orxan Hüseynzadə Zaqatala rayonunda yaşayır. Videobloger və turizm blogeri olan qəhramanımız foto çəkməklə də məşğuldur. Mübaliğəsiz demək olar ki, həmsöhbətimiz özünü bütünlükdə təbiətə həsr edib. İlk işlərinə elə doğulduğu Zaqatala rayonundan başlayıb: "Başqa heç bir yerə çəkilişə getmirəm, yalnız rayonun təbiəti ilə məşğulam. Dağlarını gəzirəm, görməli yerlərinə gedirəm, çalışıram ki, adət-ənənələrini insanlara çatdırım. Çünki, Zaqatalada çoxlu xalqların nümayəndələri yaşayır. Buradakı hər bir xalqın özünə aid adət-ənənəsi var. Mən də çalışıram ki, onların hamısının adət-ənənələrini videoformatda, sənədli filmlər şəklində insanlara göstərim".

© Sputnik / Shahperi Abbasova
Zaqatalalı bloger Orxan Hüseynzadə

Orxan deyir ki, Zaqatalada elə kəndlər var, onbları heç rayonun sakinləri belə tanımırdılar. Amma onun sayəsində tanımağa başlayıblar: "Məsələn, Qas, Qalal, Qarqay, Ələsgər, Əzgilli, Köhnə Suvagil, Cimcimax, Sabunçu kimi kəndlər var. O kəndlərə gediş-gəliş çox çətindir. Yəni, yalnız Ural markalı maşınla gedilir, çaylaqla 3 saatlıq yoldur. Zaqatala ilə bağlı çəkilişləri bitirdikdən sonra qonşu rayonların da əlçatmaz yerlərinə gedib çəkəcəyəm".

2008-ci ildən fəaliyyətə başlayan müsahibimizin məqsədi Zaqatalanı beynəlxalq aləmə tanıtmaqdır. Bu işə də ilk olaraq şəkillərlə başlayıb. 2012-ci ildən isə videolar çəkməyə başlayıb. Dağlarda, kəndlərdə videolar çəkib.

"Özüm özümdə bu istedadı hiss elədim, video, montaj sahəsində biliklərimi artırmağa çalışdım. Düşündüm ki, əgər bu sahədə bacarığım varsa, niyə rayonumu tanıtmaqla məşğul olmayım? Beləcə videoları çəkməyə başladım. Ona baxanlar tərəfindən də çox gözəl qarşılandı. Sosial şəbəkələrdə də bəyənildi. Mənim çəkdiyim fotoları və videoları görənlər heyrətlərini gizlədə bilmirlər. Deyirlər ki, "yəni, doğrudan Azərbaycanda belə yer var?" Çünki mənim gedib çıxdığım, çəkiliş elədiyim məkanları çox az adam görüb", - deyə bloger bildirib.

  • Zaqatalalı bloger Orxan Hüseynzadə
    © Sputnik / Shahperi Abbasova
  • Zaqatalalı bloger Orxan Hüseynzadə
    © Sputnik / Shahperi Abbasova
  • Zaqatalalı bloger Orxan Hüseynzadə
    © Sputnik / Shahperi Abbasova
1 / 3
© Sputnik / Shahperi Abbasova
Zaqatalalı bloger Orxan Hüseynzadə

Orxan gələcək planlarından da danışıb. Bu sahədə heç bir maddi təmənna güdməyən qəhrəmanımız fəaliyyət sahəsini daha da genişləndirməyi düşünür: "Hazırda öz sahəmdə pul qazanmıram. Yalnız öz cibimdən xərcləyirəm. Məsələn, uzaq kəndlərə gedəndə özümlə ərzaq aparmağa məcburam, yol xərcini də öz cibimdən verməli oluram. Hələlik heç bir dəstək yoxdur. Amma rayonun çəkilişlərini tam yekunlaşdırdıqdan sonra, digər bölgələrə çıxmaq fikrim var. Onların kəndlərinə dair qısa filmlər yox, tammetrajlı sənədli filmlər hazırlamaq fikrindəyəm".

"Məsələn, mən dəniz səviyyəsindən 4000 metr hündrlükdə yerləşən Xalaxi gölündə oldum. Xalaxi gölü sərhəd zona sayılır, Dağıstan sərhədində yerləşir. Cimcimax kəndindən, Zaqatala şəhərindən 3 saatlıq yoldur. Cimcimax kəndindən Xalaxi gölünə atla 12 saatlıq yol var. Bir həftə o ərazilərdə qaldım, 45 dəqiqəlik sənədli film hazırladım. Tam Cimcimax kəndindən Xalaxi gölünə qədər yolda başıma gələn bütün hadisələri, orada çobanların həyatı haqqında, göl haqqında, gölün ətrafı haqqında gözəl bir film çəkdim. Youtube kanalımda bu film var", - deyə O. Hüseynzadə əlavə edib.

İnsanların gedib çıxa bilmədiyi məkanlardan sənədli filmlər hazırlayan təbiət aşiqi xaricdən gələn və yerli turistlər üçün bələdçilik də edir: "İndiyə qədər heç bir müsabiqəyə qatılmamışam. Özümü tam hazır hiss etmirəm. Azərbaycanda da fotomüsabiqələr çox keçirilir, amma videomüsabiqələr keçirilmir. Bir müsabiqədə iştirak etmişəm. Mənə Heydər Əliyev Fondu və Regional İnkişaf İctimai Birliyi tərəfindən verilən turizm sertifikatlarım var. Mən onlarla təkcə Zaqatalada deyil, ümumilikdə Şəki- Zaqatala bölgəsi üzrə regional tematik turların təşkilində turizm bələdçisi kimi fəaliyyət göstərə bilərəm. Bunun üçün müvafiq şəhadətnamə və sertifikatım var. İndi bələdçilik də edirəm, turistlər gələndə dağları gəzdirirəm. Zaqataladakı turizm bürosuna da bələdçilik edirəm. Çünki dağları gəzib, öyrənmişəm".

Heç bir aidiyyatı orqandan dəstək almayan Orxan Hüseynzadənin ən böyük dəstəkçisi onun izləyicilərdir.

"Bəzi layihələrim var idi. Maddi vəsait çatışmadığından izləyicilərimdən xahiş etdim ki, bu layihə üçün mənə vəsait ayırsınlar. Layihə nədən ibarət idi? "My Zaqatala.az" saytı açmışam. Həmin sayt Zaqatalanın turizm xəritəsi rolunu oynayır. O saytın içərisində Zaqatalada olan bütün istirahət mərkəzləri, rayonda olan obyektlər əksini tapacaq. Həmin saytda "google store" və "app store" üçün tətbiqlər (əplikeyşnlar) hazırlanır. Bakıda olan adam rayona gəlmək istəyirsə, həmin tətbiqlər vasitəsilə proqrama daxil ola, rayona aid hara və nəyə istəsə baxa biləcək. Həmçinin restoranlarda yer sifarişi edəcək, otellərə "booking" xidməti də həmin proqramın içərisində olacaq. Bunun üçün biraz vəsait istədim, çox adama, aidiyyatı orqanlara müraciət elədim, necə deyərlər, yola verdilər. Amma öz izləyicilərim kömək etdilər".

Bloger getdiyi məkanlarda vəhşi heyvanlarla da qarşılaşıb. Lakin, heyvanların özlərinə xas xarakterlərini bildiyindən onların hücumuna məruz qalmayıb: "Çəkiliş zamanı vəhşi heyvanlarla da rastlaşmışam. Rastlaşdığım heyvan ayının balası olub. Həmin balanı uzaqdan gördüm. Yaxınlaşmaq istədim, sonra fikirləşdim ki, anası yanında olar. Ayı da elə bir heyvandır ki, əgər kiminsə onun balasını gördüyünü gördüsə, ondan qurtuluş yoxdur. Ona görə də geri döndüm. Canavarla da rastlaşmışam, təbii ki, uzaqda idi. Qaban, maral, cüyür və çox heyvanlarla rastlaşmışam, ancaq hücumla qarşılaşmamışam".

Orxan gedəcəyi məkanları əvvəldən araşdırdığını deyir. Ən çox məsləhət aldığı insanlar isə çobanlardır: "Məsləhətləşdiyim insanlar var. Məsələn, Azərçin Muradovdan məsləhət alıram. Ekoloqdur, bu dağlara, heyvanların xarakterinə bələd insandır. Daha çox çobanlarla məsləhətləşirəm. Çünki, onlar doğulandan kəndlərə, meşələrə, dağlara, heyvanlara bələd olurlar. Qohumlarımın hamısı Cimcimax kəndində yaşayırlar. O kənddə böyüyüblər, çobanlıqla məşğuldurlar. Heç vaxt da dağlara tək getmirəm, çalışıram ki, yanımda ora bələd olan biri olsun. Bir dağa on dəfə də getmiş olsam, onbirincidə yenə tək getmərəm. Çünki, Zaqatala dağlarında labirintlər var. Cığırlardan birini səhv salsan, gedib başqa yerə çıxacaqsan. Ona görə də bilən adamla getmək daha uyğundur".

Qəhrəmanımız orta təhsillidir. O düşünür ki, müəyyən nailiyyətləri əldə etmək insanın öz əlindədir, ali təhsilin olub-olmaması onun üçün əhəmiyyət kəsb etmir: "Doqquzuncu sinifdən çıxmışam, oxumamışam. Məktəbdən çıxdıqdan sonra, ilk olaraq, komputer sahəsinə həvəs göstərdim. Rayonda kompüter mühəndisi kimi fəaliyyət göstərmişəm, kompüter təmiri ilə məşğul olmuşam, hətta rayonda servisim də olub. Sonra Rusiyaya getmişəm, orada veb-dizayner kimi çalışmışam. Azərbaycanda bir çox saytlar qurmuşam. Ali təhsilimin olmamasına heç təəssüflənmirəm. Çünki, Bakıda 6 ay bir şirkətdə işlədim, məndən diplom soruşmadılar, çünki orada bacarığımı ortaya qoymuşdum. İnsanda gərək bacarıq və həvəs olsun".

 

4
Teqlər:
Zaqatala