Pulqabında manatlar, arxiv şəkli

Nazirlik işçilərin pulunu ödətdirib

14
(Yenilənib 15:31 22.01.2019)
İstehsalatda bədbəxt hadisələr nəticəsində həyatını itirənlərin sayı isə 13 faiz azalıb

BAKI, 22 yanvar — Sputnik. Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti vətəndaş müraciətlərinə əsasən apardığı araşdırmalar zamanı, 2018-ci ildə işəgötürənlər tərəfindən işçilərə əmək haqqı və sosial xarakterli digər ödənişlərdən ibarət 149 667 manat (2017-ci illə müqayisədə 44,8 faiz çox) məbləğində vəsaitin ödənişinin gecikdirildiyini müəyyən edib.

Sputnik Azərbaycan Əmək və Əhalinin Müdafiəsi Nazirliyinin mətbuat xidmətinə istinadən xəbər verir ki, müvafiq tədbirlər görülməklə həmin vəsaitin işəgötürənlər tərəfindən işçilərə ödənilməsi təmin olunub.

"Ötən il əmək müqavilələrinin sayı 91,3 min artıb. Əmək qanunvericiliyinin tələblərinin pozulması faktlarına görə əvvəlki illə müqayisədə 3 dəfə çox olmaqla 1,3 mln. manat cərimə tətbiq edilib. İstehsalatda bədbəxt hadisələr nəticəsində həyatını itirənlərin sayı isə 13 faiz azalıb" - deyə nazirlikdən bildirilib.

Əlavə edilib ki, Dövlət Əməyin Mühafizəsi Fondunun Əsasnamə layihəsi, Əmək Məcəlləsinə dəyişikliklər layihəsi hazırlanıb, əmək hüquqlarının təminatına dövlət nəzarətinin tətbiqi mexanizminin, e-protokol layihəsinin hazırlanmasına başlanıb.

14
Teqlər:
işəgötürən, işçi, Dövlət Əmək Müfəttişliyi Xidməti, Əmək və Əhalinin Sosial Müdafiəsi Nazirliyi
Əlaqədar
Gömrük orqanlarında 100-dən artıq əməkdaş işdən azad olunub
Uzaq ölkədə əmək haqqı 300 faiz artırıldı
Azərbaycanda minimum əmək haqqı ilə bağlı bir ilk baş verib - Üç fərqli istiqamət