Səyyar ASAN Xidmət

Paytaxt bəzi rayonlarda fəaliyyət göstərən notariat kontorları ləğv ediləcək

4283
(Yenilənib 15:29 18.01.2019)
"ASAN xidmət" mərkəzinin olmadığı yerlərdə isə notariat kontorları fəaliyyət göstərəcək

Xalid Məmmədov, Sputnik Azərbaycan

BAKI, 18 yanvar — Sputnik. Bakı şəhərində, habelə "ASAN xidmət" mərkəzlərinin yerləşdiyi Azərbaycanın digər inzibati ərazi vahidlərində notariat fəaliyyəti yalnız "ASAN xidmət" mərkəzlərində həyata keçiriləcək. Sputnik Azərbaycan xəbər verir ki, bu məsələ Prezident İlham Əliyevin yanvarın 17-də imzaladığı "Azərbaycan Respublikasında bir sıra dövlət orqanlarının strukturunun optimallaşdırılması və idarə edilməsinin təkmilləşdirilməsi ilə bağlı əlavə tədbirlər haqqında" fərmanda əksini tapıb.

Hüquqşünas Azər Nağıyev Sputnik Azərbaycan-a açıqlamasında dövlət başçısının bu fərmanını şərh edib. O bildirib ki, bundan sonra hansı ərazidə "ASAN xidmət" mərkəzi varsa, notariat fəaliyyəti yalnız həmin mərkəzdə həyata keçiriləcək.

"İndiyədək eyni ərazidə həm "ASAN xidmət" mərkəzi var idi, həm də notariat kontorları, paralel fəaliyyət göstərirdi. Amma bundan sonra "ASAN xidmət" mərkəzlərinin olduğu inzibati ərazi vahidlərində notariat kontorları ləğv ediləcək. Məsələn, Quba, Masallı və Qəbələ rayonlarında həm "ASAN xidmət" mərkəzi var, həm də notariat kontorları. Amma bundan sonra həmin ərazilərdəki notariat kontorların fəaliyyəti dayanacaq" - deyə hüquqşünas vurğulayıb.

Onun sözlərinə görə, hər iki qurum eyni səlahiyyət çərçivəsində sənədləri təsdiq edirdi və yaxud notariat fəaliyyətinə aid olan bütün xidmətləri göstərirdi: "Əslində, bu qurumlar bir-birilərini təkrarlayırdı. Onların hər birinin maliyyələşməsi dövlət büdcəsi vəsaiti hesabına həyata keçirildiyi üçün xərclərin optimallaşdırılması baxımından doğru addımdır".

"Bir-birini təkrarlayan qurumlara ehtiyac yoxdur. Amma "ASAN xidmət" mərkəzinin olmadığı yerlərdə notariat kontorları fəaliyyət göstərəcək" – deyə A.Nağıyev əlavə edib.

Qeyd edək ki, fərmana əsasən, Bakı şəhərində, habelə "ASAN xidmət" mərkəzlərinin yerləşdiyi Azərbaycanın digər inzibati ərazi vahidlərində "Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin fəaliyyətinin təmin edilməsi haqqında" Prezidentin 2012-ci il 5 sentyabr tarixli fərmanının 5-ci hissəsində nəzərdə tutulan dövlət xidmətləri yalnız "ASAN xidmət" mərkəzlərində həyata keçiriləcək.

4283
Teqlər:
ərazi, notariat kontoru, "ASAN xidmət" mərkəzi, Asan Xidmət
Əlaqədar
"ASAN xidmət"in yeni siması - Mr.ASANT
“ASAN xidmət”ə yeni səlahiyyət verildi
Bir çox dövlət qurumlarının səlahiyyətləri "ASAN xidmət"ə verildi - RƏSMİ
Daha bir rayonda “ASAN xidmət” olacaq - RƏSMİ

Cəbhəyanı ərazilərdə onlarla tank piyada əleyhinə mina, bombacıqlar aşkarlandı

16
Mina təhlükəsinə dair maarifləndirmə üzrə mütəxəsisslər tərəfindən 80 141 nəfər mülki şəxs arasında mina təhlükəsizliyinə dair maarifləndirmə təbliğatı aparılıb.

BAKI, 26 noyabr - Sputnik. Azərbaycan Respublikası Ərazilərinin Minalardan Təmizlənməsi üzrə Milli Agentliyə (ANAMA) Ağcabədi, Ağdam, Beyləqan, Füzuli, Goranboy, Göygöl, Tərtər rayonları ərazisində mərmilərin aşkar olunması barədə Daxili İşlər Nazirliyinin ″102″ Xidməti-Zəng mərkəzi sistemindən 38 və Fövqəladə Hallar Nazirliyinin Böhran Vəziyyətlərində İdarəetmə mərkəzindən 7 müraciət daxil olub.

ANAMA-dan Sputnik Azərbaycan-a verilən məlumata görə, daxil olmuş 45 çağırış əsasında agentliyin xüsusi mobil çevik əməliyyat qrupları tərəfindən Daxili İşlər Nazirliyinin əməkdaşları ilə birlikdə 28 operativ və təxirəsalınmaz əməliyyat çıxışı həyata keçirilib.

Aparılmış əməliyyat-axtarış tədbirləri zamanı 71 ədəd partlamamış hərbi sursat (PHS), 2 ədəd tank əleyhinə mina, 42 ədəd piyada əleyhinə mina, 4 ədəd bombacıq və 40 ədəd partlamış mərmi qalıqları aşkar olunub.

Agentliyin partlayış qrupu tərəfindən 26 ədəd mina və partlamamış hərbi sursat (PHS), 4 ədəd bombacıq zərərsizləşdirilib, mina təhlükəsinə dair maarifləndirmə üzrə mütəxəsisslər tərəfindən 80 141 nəfər mülki şəxs arasında mina təhlükəsizliyinə dair maarifləndirmə təbliğatı aparılıb.

16
Məktəbdə dərs prosesi, arxiv şəkli

Ümumi təhsil pilləsi nələri əhatə edəcək?

9
(Yenilənib 23:41 25.11.2020)
Ümumi təhsil pilləsi məktəbəhazırlıq mərhələsini, ibtidai, ümumi orta və tam orta təhsil səviyyələrini əhatə edəcək.

BAKI, 25 noyabr — Sputnik. Azərbaycan Respublikasında ümumi təhsil pilləsi məktəbəhazırlıq mərhələsini, ibtidai, ümumi orta və tam orta təhsil səviyyələrini əhatə edəcək.

Sputnik Azərbaycan-ın məlumatına görə, bu, Prezident İlham Əliyev tərəfindən bu gün təsdiqlənən "Təhsil haqqında" qanuna dəyişiklik edilməsi barədə qanunda əksini tapıb.

Qanuna əsasən, Ümumtəhsil məktəbi ibtidai, ümumi orta və tam orta məktəb formasında ayrı-ayrılıqda da təşkil oluna bilər.

Həmçinin, qanunda göstərilib ki, İbtidai təhsilin məqsədi təhsilalanlara oxu, yazı və hesablama bacarıqları, vətənpərvərlik və Azərbaycan xalqının dəyərlərinə, dövlət rəmzlərinə hörmət hissi aşılamaq, onlarda insan, cəmiyyət və təbiət haqqında ilkin biliklər, şəxsiyyətin formalaşdırılmasına yönəlmiş həyati bacarıqlar, sadə əmək vərdişləri, məntiqi təfəkkür elementləri, bədii-estetik keyfiyyətlər və digər xüsusiyyətlər formalaşdırmaqdan ibarətdir.

Eyni zamanda ümumi orta təhsilin məqsədi təhsilalanlarda nitq, yazı və ünsiyyət mədəniyyətinin, sağlam həyat tərzinin formalaşdırılmasını, onların dövlətə və dövlətçiliyə, Azərbaycan xalqının dəyərlərinə və ümumbəşəri dəyərlərə sədaqət ruhunda tərbiyə olunmasını, insan hüquq və azadlıqlarına hörmətlə yanaşmasını, idrak fəallığının və məntiqi təfəkkürünün inkişafını, müvafiq təhsil proqramı üzrə əldə etdiyi bilikləri tətbiq etmək, müasir informasiya-kommunikasiya texnologiyalarından istifadə etmək, cəmiyyətdə baş verən hadisələri dəyərləndirmək, öz gələcək həyat yolunu və fəaliyyət istiqamətlərini müəyyənləşdirmək, müstəqil öyrənmə və qərar qəbuletmə bacarığını, peşə seçiminə və əmək fəaliyyətinə hazırlığını təmin etməkdən ibarətdir.

9