BAKI, 17 yanvar — Sputnik. Uşaqların davamlı olaraq xəstələnməsinin mümkün səbəbi açıqlanıb.
Sputnik Azərbaycan-ın Türkiyə mediasına istinadən xəbərinə görə, uşaqlarda tez-tez xəstələnmə, boğazda qıcıqlanma, xırıltı allergiya ilə əlaqədar ola bilər.
"Bu cür allergiyalar xüsusən də uşaqlarda uzun müddət davam edir. Allergiyalı uşaqlarda bu infeksiyalar qaldığı üçün xəstələrin sağalma müddəti daha da uzanır" – deyə mütəxəssislər bildirib. Həkimlərin sözlərinə görə, bir sıra amillər, xüsusən də toz faktoru bu xəstəliyi daha da qıcıqlandırır.
Mütəxəssislər bildirir ki, bu durum, yəni burun axma, öskürək, boğazın qıcıqlanması və xırıltı 3 həftədən artıq davam edərsə, bu zaman mütləq həkimə müraciət edərək ümumi müayinədən keçmək lazımdır.
