Витрина магазина в Баку, фото из архива

Rəsmi qərar qüvvəyə minmədən qiymətlər qalxıb - Möhtəkirlər yenə başında

8086
(Yenilənib 15:53 14.01.2019)
Sorğumuzdan sonra şirkətin rəsmi nümayəndəsi "Facebook" səhifəsində qiymətlə bağlı paylaşım edib

Nigar Məhərrəm, Sputnik Azərbaycan

BAKI, 14 yanvar — Sputnik. Azərbaycan Respublikası Nazirlər Kabinetinin 10 yanvar 2019-cu il tarixli qərarı ilə aksizli malların aksiz dərəcələrində dəyişiklik edilib. Yeni dəyişikliyə əsasən, alkoqollu və alkoqolsuz içkilər, enerji içkiləri, o cümlədən də siqar və siqarellaların aksiz vergiləri qalxacaq.

Yeni dəyişikliklərlə bağlı qərar fevral ayından etibarən qüvvəyə minəcək. Aksiz dərəcələrində olan dəyikşikliklər isə qiymət artımını qaçılmaz edib.

Maraqlıdır, hər dəfə olduğu kimi bu dəfə də işbazlar vəziyyətdən sui-istifadə edərək bir ay öncədən süni bahalaşma yaradacaqlarmı? Market və köşklərdə erkən bahalaşmanın olub-olmamasını öyrənmək üçün Sputnik Azərbaycan-ın əməkdaşı kiçik müşahidə-araşdırma aparıb.

Satıcı Hüseyn İbrahimov artıq bəzi məhsulların qiymətində artımın olduğunu deyib: "Üç gündür ki, bəzi enerji içkiləri bahalaşıb. Hələ ki, bahalaşan məhsullarımız "Redbull" və "Hell"dir. Onların qiymətində 100 faizlik artım var. Artıq 3 gündür ki, bu məhsulları bizə öncəki qiymətlə gətirmirlər".

Satıcının dediklərindən belə anlaşıldı ki, əvvəllər 1.20 manata satılan məhsul artıq 2.20 manata satılır.

Sorğu zamanı digər maraqlı nüans da ortaya çıxdı. Belə məlum oldu ki, mağazalardan fərqli olaraq bəzi köşklərdə artıq bir neçə həftədir ki, digər içkilərin də bir qisminin qiymətləri qalxıb. Bu isə, o deməkdir ki, Nazirlər Kabinetinin müvafiq qərarının verilməsindən daha öncə süni qiymət artımı olub.

""Red bull" və "Hell" bir manatadək bahalaşıb. Artıq iki həftədir ki, qiymətlər qalxıb. Buna baxmayaraq, alıcılıq qabiliyyəti heç də aşağı düşməyib" – deyə "Elmlər Akademiyası" metrostansiyasının yaxınlığında yerləşən köşkün satıcısı bildirib.

Alkoqollu enerji içkilərinin qiymətini öyrənmək üçün müxtəlif marketlərdə olduq. Alkoqolsuz enerji içkilərindən fərqli olaraq alkoqollu enerji içkisi hesab edilən "Yaquar" və "Go"nun qiymətlərində, hələ ki, heç bir artım olmayıb.

Market və köşklərdə siqar, siqarellalar satılmadığı üçün onların qiymətlərində artımın olub-olmadığını öyrənə bilmədik.

Bahalaşmayla bağlı "Red bull" və "Hell" şirkətləri ilə əlaqə saxlamağa çalışdıq. Şirkətin nümayəndələri məsələni araşdıracaqlarını bildirdilər. Sorğumuzdan sonra "Hell" şirkətinin rəsmi nümayəndəsi olan Müşfiq İsgəndərov "Facebook" səhifəsində qiymətlə bağlı paylaşım etdi.

"Aksiz vergisinin tətbiq edilməsi fevralın ortalarına qədər uzadıldığı üçün hazırda bütün mağazalardan 1 AZN ödəyərək "Hell" ala bilərsiniz" – deyə M.İsgəndərov paylaşımında bildirdi.

Qeyd edək ki, qərarın fevralın 10-da qüvvəyə minəcəyi haqda bu gün yox, məhz 4 gün öncə məlumat verilib.

Yeni dəyişikliklərlə əlaqədar olaraq aksiz qiymətlərinin artımını bir daha xatırladırıq:

- tərkibində tütün olan siqarlar, o cümlədən ucları kəsilmiş siqarlar 1 ədəd üçün 1,0 manat

- tərkibində tütün olan siqarellalar 1000 ədəd üçün 20,0 manat

- şəkər əlavələri və ya digər şirinləşdirici və ya dad-aromatik maddələr əlavə edilmiş alkoqolsuz energetik içkilər 1 litr üçün 3,0 manat

- meyvə və tərəvəz şirəsi əsaslı alkoqolsuz energetik içkilər 1 litr üçün 3,0 manat

- tutumu 2 litrdən az olan alkoqollu energetik içkilər 1 litr üçün 2,0 manat

- tutumu 2 litrdən çox olan alkoqollu energetik içkilər 1 litr üçün 2,0 manat

- tərkibində tütün olan siqaretlər 1000 ədəd üçün 28,0 manat

- tərkibində tütün əvəzləyicisi olan siqarlar 1 ədəd üçün 1,0 manat

- tərkibində tütün əvəzləyicisi olan siqarillalar 1000 ədəd üçün 20,0 manat

- tərkibində tütün əvəzləyicisi olan siqaretlər 1000 ədəd üçün 28,0 manat

- elektron siqaretlər üçün maye 1 litr üçün 20,0 manat

Qeyd edək ki, qiymət qalxması ilə əlaqədar olaraq adıçəkilən hər iki şirkətə sorğu yollamışıq.

8086
Teqlər:
artım, qiymət, enerji içkiləri, alkoqollu içkilər, spirtli içkilər, içki, qərar, Nazirlər Kabineti
Əlaqədar
Spirtli içki mikrobları öldürmürmüş, tam əksinə - XƏBƏRDARLIQ
Astara sakini içkinin qurbanı oldu
Azyaşlılara siqaret və spirtli içki satan mağazaların başı dərddə
Enerji içkiləri bahalaşıb
Bütün enerji içkilərinin qiyməti bahalaşıb: Səbəb və nəticələr bəlli oldu
Bütün növ içkilərin və siqarların gömrük rüsumları artırıldı, qiymətlər qalxacaq
Koronavirus testi, arxiv şəkli

Azərbaycanda son sutkada 714 nəfər koronavirusa yoluxdu - Yenə rekord

0
(Yenilənib 15:17 21.10.2020)
Aktiv xəstə sayı 5 503 nəfərdir. Ötən müddət ərzində 1 milyon 250 min 736 test aparılıb. Bugünkü test sayı isə 9 072-dir.

BAKI, 21 oktyabr — Sputnik. Azərbaycanda bu gün koronavirus infeksiyasına 714 yeni yoluxma faktı qeydə alınıb, 176 nəfər müalicə olunaraq sağalıb və evə buraxılıb. Sputnik Azərbaycan-ın məlumatına görə, bu barədə Nazirlər Kabineti yanında Operativ Qərargah məlumat yayıb.

Son sutkada 7 nəfər COVID-19-dan vəfat edib. Hazırkı dövrədək ölkəmizdə 46 min 593 nəfərin koronavirus infeksiyasına yoluxması faktı müəyyən edilib. Onlardan 40 min 448 nəfər müalicə olunaraq sağalıb, 642 nəfər vəfat edib. Aktiv xəstə sayı 5 503 nəfərdir. Ötən müddət ərzində 1 milyon 250 min 736 test aparılıb. Bugünkü test sayı isə 9 072-dir.

0
İlham Əliyev, arxiv şəkli

Dövlət başçısı: Hər gün bayrağımız yeni bir yaşayış məntəqəsində ucaldılır

39
Ölkə başçısı Azərbaycan vətəndaşlarının bu gün işğaldan azad edilmiş bütün torpaqlara qayıdacağına əmin olduğunu vurğulayıb.

BAKI, 21 oktyabr — Sputnik. "Öz doğma torpaqlarını görməyən, işğaldan sonra dünyaya göz açan hər bir azərbaycanlı həmin torpaqlara qayıtmaq arzusu ilə yaşayıb".

Sputnik Azərbaycan xəbər verir ki, bu barədə Azərbaycan Prezidenti İlham Əliyev öz "Twitter" hesabında yazıb.

Ölkə başçısı Azərbaycan vətəndaşlarının bu gün işğaldan azad edilmiş bütün torpaqlara qayıdacağına əmin olduğunu vurğulayıb.

"Hər gün bayrağımız yeni bir yaşayış məntəqəsində ucaldılır. Budur Azərbaycan dövlətinin, Azərbaycan xalqının gücü", - deyə o əlavə edib.

39
Mövzu:
Azərbaycan və Ermənistan arasında müharibə
Milli Məclisin binası, arxiv şəkli

Milli Məclis Qarabağ münaqişəsi ilə bağlı videomüraciət yayıb

0
Milli Məclisin mətbuat və ictimaiyyətlə əlaqələr şöbəsindən Sputnik Azərbaycan-a verilən məlumata görə, videotəqdimatda millət vəkilləri və parlament aparatının əməkdaşlarının 22 dildə müraciəti yer alır.

BAKI, 21 oktyabr — Sputnik. Ermənistan-Azərbaycan, Dağlıq Qarabağ münaqişəsinin beynəlxalq ictimaiyyətə çatdırılması məqsədilə Milli Məclisin Sədri Sahibə Qafarovanın təşəbbüsü ilə millət vəkillərinin və parlament aparatının Beynəlxalq münasibətlər şöbəsinin əməkdaşlarının iştirakı ilə videoçarx hazırlanıb.

Milli Məclisin mətbuat və ictimaiyyətlə əlaqələr şöbəsindən Sputnik Azərbaycan-a verilən məlumata görə, videotəqdimatda millət vəkilləri və parlament aparatının əməkdaşlarının 22 dildə müraciəti yer alır.

Həmin videomüraciəti təqdim edirik:

0
Mövzu:
Azərbaycan və Ermənistan arasında müharibə