Poylu kənd sakinləri

Ağstafada susuzluq yaşanır

227
(Yenilənib 16:49 10.01.2019)
Rəsmi qurum: Artezianın motorunun yandığı müəyyənləşdirilib və sökülərək təmirə göndərilib

İlham Mustafa, Sputnik Azərbaycan

BAKI, 10 yanvar — Sputnik. Ağstafa rayonu Poylu kəndinin sakinləri 5 aydır susuz qaldıqlarını iddia edirlər. Onların sözlərinə görə, kəndin "Türklər məhəlləsi" adlanan hissəsində qazılmış subartezian quyusundan sentyabr ayından bəri istifadə edə bilmirlər.

Kənd sakinləri Sputnik Azərbaycan-ın bölgə müxbiri ilə söhbətlərində aidiyyəti qurumun problemə biganə münasibətindən şikayətlənirlər. Kənd sakini Surxay İsmayılov 60-dan çox ailənin su tələbatını ödəyən artezianın aylardır işləmədiyinə görə əziyyət çəkdiklərini bildirir.

"Kənddə yaşayırıq, təsərrüfatımız, mal-qaramız var. Gündəlik əl-ayaq suyumuz bir yana, heyvanımızı suvarmağa belə, su tapmırıq. Məcburuq ki, mal-qaranı suvarmaq üçün kənddən 1 km aralıdan keçən çaya aparaq" - İsmayılov qeyd edir.

Kənd sakinləri 5 aydır susuz qalıblar
© Sputnik / Ilham Mustafa
Kənd sakinləri 5 aydır susuz qalıblar

Digər kənd sakini Elşən Əhmədov isə hər ay 2-3 maşın su alıb istifadə etdiklərini, 1 maşın su üçün 15 manat pul ödəmək məcburiyyətində qaldıqlarını deyir.

Vəlyəddin Musayev isə söyləyir ki, problem sentyabr ayında artezian quyusunu elektrik cərəyanı ilə təmin edən transformatorun yanmasından sonra başlayıb: "Sentyabrda transformator yandı. İşıq idarəsinin işçiləri transformatoru aparıb təmir etdilər. İşə salmaq istəyəndə yenidən yandı. Yenidən aparıb təmir etdilər. Gətirəndən sonra məlum oldu ki, artezianın motoru da yanıb".

"Bundan sonra Tovuz Subartezian Quyularının İstismari İdarəsinin Ağstafa rayon bölməsinə müraciət etdik. Dəfələrlə müraciət edəndən sonra keçən ay gəlib motoru söküb apardılar. Amma hələ də bir xəbər yoxdur" – deyə V.Musayev əlavə edir. 

Digər sakin Qafur Abdullayev isə deyir ki, artezianın taleyi ilə bağlı 3 dəfə "Meliorasiya və Su Təsərrüfatı" Açıq Səhmdar Cəmiyyətinin "qaynar xətt"inə zəng edib: "Sonuncu zəngimdən sonra məsələnin həlli əvəzinə, kənd icra nümayəndəliyinə zəng vurub mənim kimliyimlə maraqlanıblar".

Kənd sakinlərinin şikayətlərinə aydınlıq gətirmək məqsədilə Sputnik Azərbaycan-ın əməkdaşı Tovuz Subartezian Quyularının İstismari İdarəsinin Ağstafa rayonu üzrə sahə rəisi Şahin Məmmədovla əlaqə saxlayıb. Rəis bildirib ki, onlara təmir üçün dekabr ayında müraciət olunub.

Ağstafa rayonu Poylu kəndi
© Sputnik / Ilham Mustafa
Ağstafa rayonu Poylu kəndi

"Artezianın motorunun yandığı müəyyənləşdirilib və sökülərək təmirə göndərilib. Təmir sahəsi bir neçə rayona xidmət etdiyindən növbə əsasında təmir olunur" - deyən Ş.Məmmədov onu da qeyd edib ki, sözügedən subartezian quyusunun motoru qarşıdan gələn həftə ərzində hazırlanaraq işə salınacaq.

227
Teqlər:
artezian, motor, su, Ağstafa
Əlaqədar
Rəsmi xəbərdarlıq: Bakının bir hissəsi susuz qalacaq
Bakının iki böyük qəsəbəsi susuz qalacaq
Bakının 2 rayonu susuz qalacaq
Bakının bir hissəsi susuz qalacaq
E-Təbib tətbiqi

TƏBİB-dən xəstələrə antibiotiklərlə bağlı xəbərdarlıq

2
(Yenilənib 22:59 22.10.2020)
"Xəstəliyin ilk simptomları üzə çıxan zaman bəzi insanlar özbaşına antibiotiklərdən istifadə edirlər" - TƏBİB.

BAKI, 22 oktyabr — Sputnik. Bəzən koronavirusa yoluxan gənc insanlarda da ağırlaşmalar ola bilər.

Sputnik Azərbaycan-ın məlumatına görə, bunu Səhiyyə Nazirliyinin İctimai səhiyyə və sanitariya və epidemioloji nəzarət şöbəsinin müdiri Nəzifə Mürsəlova deyib. Onun sözlərinə görə, sağlamlıq vəziyyəti normal olan 82 yaşlı insanların da koronavirusdan sağalması mümkün olub:

"Amma hər hansı gəncin xroniki xəstəliyi varsa və başqa ağırlaşmalar qeydə alınarsa, onun səhhətində daha ciddi ağırlaşmalar baş verə bilər".

N.Mürsəlova qeyd edib ki, gənc insanlar arasında ağırlaşmalar müraciətin gec edilməsi səbəbindən baş verir.

İnsanları özünümüalicədən də uzaqlaşmağı məsləhət görən N.Mürsəlova deyib ki, xəstəliyin ilk simptomları üzə çıxan zaman bəzi insanlar özbaşına antibiotiklərdən istifadə edirlər: "Bu zaman isə xəstənin vəziyyətində yaxşılaşma deyil, əksinə pisləşmə baş verir. Bu halda da xəstəxanaya düşən xəstəyə reanimasion yardım lazım olur".

2
Qarabağ - Legiya matçı

Türkiyə "Qarabağ"a qucaq açdı

26
(Yenilənib 20:24 22.10.2020)
Qardaş ölkə təmsilçiləri klubumuzun məktubuna "Stadionumuz hər zaman "Qarabağ"ın xidmətindədir" cavabını göndərib

BAKI, 22 oktyabr - Sputnik. Avropa Liqasının qrup mərhələsində Azərbaycan çempionu "Qarabağ"ın İspaniyanın "Vilyarreal" komandası ilə qarşılaşacağı meydan bəlli olub.

Sputnik Azərbaycan bildirir ki, bu barədə "Qarabağ" klubunun yaydığı açıqlamada deyilir.

Vurğulanır ki, hazırda ölkəmizin bütün cəbhəboyu əks-hücum əməliyyatları uğurla davam edir və ölkəmizdə hərbi vəziyyət elan edilib. İki gün öncə UEFA İcraiyyə Komitəsi ölkəmizdə vəziyyəti nəzərə alaraq, "Qarabağ"ımızın qrup mərhələsində ilk ev oyununu neytral meydanda keçirilməsi ilə bağlı qərar qəbul edib. Və "Vilyarreal"la matçının hansı ölkədə keçirilməsi ilə bağlı UEFA tərəfindən bir neçə ölkə klubumuza təqdim edilmişdir.

"Lakin həmin ölkələrdə klubumuzun təhlükəsizliyi, klubumuza qarşı hər hansı bir təxribat olması ehtimalı və digər məsələləri nəzərə alan klubumuz tərəfindən anında UEFA-ya məlumat verilib və "Vilyarreal"la matçın hər zaman öz dəstəyi ilə yanımızda olan Türkiyədə keçirilməsi üçün tutarlı əsaslarla müraciət göndərilib və bu müraciət UEFA tərəfindən müsbət qarşılanıb.

Ali futbol qurumunun tələbi ilə qarşılaşma bu mövsüm avrokuboklarda ev sahibliyi etmiş stadionda keçirilməlidir. Bununla bağlı qardaş Türkiyə təmsilçilərinə klubumuz tərəfindən məktub ünvanlanıb. Və qardaş ölkə təmsilçiləri klubumuzun məktubuna "Stadionumuz hər zaman "Qarabağ"ın xidmətindədir" cavabını göndərib. Başda "Qalatasaray" olmaqla, öz dəstəyini əsirgəməyən qardaş ölkə təmsilçilərinə təşəkkür edirik.

Hazırda Çempionlar Liqasının qrup mərhələsində iştirak edən "İstanbul Başakşehir" klubunun stadionu isə texniki cəhətdən UEFA-nın tam təmin olunduğuna görə "Qarabağ"ımız "Vilyarreal"la ev matçını məhz "Başakşehir"in Fatih Terim adına stadionunda keçirəcək", - açıqlamada deyilir.

"Qarabağ" Futbol Klubu "Başakşehir" klubuna könüldən göstərdiyi dəstəyə görə təşəkkürünü bildirib.

26
Teqlər:
Türkiyə, qrup mərhələsi, Avropa Liqası, "Qarabağ" FK, futbol
Əlaqədar
Qurban Qurbanov: “Fikrimiz Azərbaycan əsgərlərinin yanındadır”
"Qarabağ" qardaş Türkiyəni seçdi
Yaşıl sahənin adamı: "Gün gələcək, Şuşada Avropa çempionatı keçirəcəyik"
Dünya futbolunun türk ulduzu Azərbaycana dəstəyini ifadə etdi
UEFA rəhbəri: "Ümid edirəm ki, Qarabağdakı münaqişə tezliklə sülh yolu ilə həll ediləcək"
Mal əti satışı, arxiv şəkli

Azərbaycana mal əti dərman idxalı artıb

0
(Yenilənib 23:00 22.10.2020)
Təzə meyvə idxalı 15,1%, bitki yağları 2,9%, kərə yağı, digər süd yağları və pastaları 38,9%, çay 5,9%, kartof 1,2%, təzə tərəvəz 29,9%, minik avtomobilləri 28,8% və s. artıb.

Xalid Məmmədov, Sputnik Azərbaycan

BAKI, 22 oktyabr — Sputnik. 2019-cu ilin yanvar-avqust ayları ilə müqayisədə 2020-ci ilin yanvar-avqust aylarında ölkəmizə təzə meyvə idxalı 15,1%, bitki yağları 2,9%, kərə yağı, digər süd yağları və pastaları 38,9%, çay 5,9%, mal əti 18,4%, kartof 1,2%, təzə tərəvəz 29,9%, minik avtomobilləri 28,8%, dərman vasitələri 1,7 dəfə, hesablama maşınları, blok və qurğuları 14,8%, qara metallardan çubuqlar 1,8 dəfə, məişət soyuducuları 3,1% artıb.

Sputnik Azərbaycan bu barədə Dövlət Statistika Komitəsinə istinadla məlumat verir.

Bu ilin 8 ayında buğda idxalı 20,1%, xam şəkər və şəkər 0,4%, quş əti və onun əlavə məhsulları 9,9%, siqaretlər 78,9%, qara metallardan borular 12,7%, polad prokatı 7,7%, mineral gübrələr 5,7%, rezin şinlər 20,2%, məişət kondisionerləri 30,9%, mebellər 23,6%, yük avtomobilləri 13,4%, polietilen 27,5%, paltaryuyan maşınlar 11,1%, qara metallardan künclüklər 8%, avtobuslar 56,1%, sement və sement klinkerləri 27,1% azalıb.

0