CƏMİYYƏT
Cəmiyyətin həyatında baş verən aktual hadisələr

Bütün enerji içkilərinin qiyməti bahalaşıb: Səbəb və nəticələr bəlli oldu

© Sputnik / Konstantin ChalabМужчина пьет энергетический напиток за рулем автомобиля
Мужчина пьет энергетический напиток за рулем автомобиля - Sputnik Azərbaycan
Abunə olmaq
Məsələn, "Hell"in qiymətində 100 faiz artım var, yəni artıq enerji içkisinin kiçik bankasının 1 ədədi 1 manat yox, 2 manata satılıri

Təranə Xudabaxşiyeva, Sputnik Azərbaycan

BAKI, 9 yanvar — Sputnik. Yeni ildən başlayaraq aksiz vergilərinin artırılması ilə əlaqədar olaraq bir çox məhsulların qiymətində artım müşahidə olundu. Bu artım ölkədə satılan enerji içkilərinin qiymətində özünü daha çox göstərdi.

Energetik içkilər, arxiv şəkli - Sputnik Azərbaycan
Enerji içkiləri az qala onu öldürəcəkmiş

Belə ki, enerji içki bazarında lider olan "Hell"in bir ədədinin qiyməti 1 manatdan 2 manata, "RedBull"un qiyməti isə 3 manata qaldırıldı. Eyni zamanda, digər enerji içkilərinin qiymətində də, ən azı, 50 faiz artım müşahidə olunur.

Sputnik Azərbaycan-ın əməkdaşı belə kəskin bahalaşmanın səbəbini öyrənmək üçün enerji içkiləri bazarının lideri "Hell" şirkəti ilə əlaqə saxlayıb. Şirkətdən "Hell"in qiymətində 100 faiz artım olduğu, artıq enerji içkisinin kiçik bankasının 1 ədədinin 1 manat yox, 2 manata satıldığı təsdiq edilib.

Daha sonra isə bahalaşmanın səbbinə belə aydınlıq gətirilib: "Bunun səbəbi aksiz vergisinin artırılmasıdır. Bu qiymət artımı tək bizə aid deyil, eyni zamanda bazardakı bütün enerji içkilərinin qiymət artıb. Bu, labüd idi. Çünki ölkədə istehsal olunan və xaricdən gətirilən enerji içkilərinə artımla aksiz vergisi tətbiq olunmağa başlayıb".

"Aksiz vergisinə görə tətbiqetmə enerji içkisinin hər litrinə görə 3 manat nəzərdə tutulur. Bu da hər 200 ml bankada özünü 0,75 manat məbləğində göstərir. Bu cür artımlar əlavə xərclərə səbəb olduğu üçün vitrinlərdəki məhsulun qiymətinin 2 manata kimi artmasına səbəb olub. Digər enerji içkilərində də qiymət artımının baş vermə səbəbi məhz aksiz vergisidir" – deyə şirkətdən qeyd olunub.

O da əlavə edilib ki, enerji içkilərinə aksiz vergisinin tətbiqi xəbəri yayılandan sonra artıq məlum idi ki, qiymət artımından qaçmaq mümkün olmayacaq: "Təbii ki, bu gün alıcıların maddi vəziyyətini nəzərə alaraq proqnoz vermək olardı ki, alıcı kütləsi azalacaq və gəlirimiz də düşəcək".

© © KarikaturaHell
Bütün enerji içkilərinin qiyməti bahalaşıb: Səbəb və nəticələr bəlli oldu - Sputnik Azərbaycan
Hell

"Bu günə kimi Azərbaycanda enerji içkisi bazarının 65 faizini tutmağımıza baxmayaraq, artıq qiymət artımı ilk günlərdən satışa mənfi təsirini göstərir" - deyə şirkətdən vurğulanıb.

Xəbər lenti
0