Alhüseyn Alhüseynova məxsus fermer təsərrüfatı

Devalvasiya məcburiyyətindən açılan imkan qapısı: Yeni sərvət qazanma üsulu təklif edilir

15657
(Yenilənib 17:41 04.01.2019)
Ağstafa sakini hər biri inək qiymətinə olan keçilər saxlayır

İlham Mustafa, Sputnik Azərbaycan

BAKI, 9 yanvar — Sputnik. Ağstafa rayonunun Aşağı Kəsəmən kənd sakini Alhüseyn Alhüseynov uzun müddət Bakıda biznes fəaliyyəti ilə məşğul olub. Lakin ard-arda baş verən devalvasiya və manatın dəyər itirməsindən sonra rayona qayıdaraq yeni bir işlə məşğul olmaq qərarına gəlib. Məsləhətləşmələr və internet araşdırmalarından sonra o, Fransadan gətirilmiş keçiləri saxlamağa başlayıb.

Sputnik Azərbaycan-ın bölgə müxbirinə danışan təsərrüfatçı bu növ keçiləri əldə etmək üçün hər birinə 1200 manat ödədiyini deyib: "Bunların hər birinə 1 inəyin pulunu verdim. Bir il əvvəl 21 keçi aldım, artıq sayları iki dəfə artıb. Çox gəlirli heyvandır".

"Yaxşı qulluq edəndə il ərzində iki dəfə bala verir. Hər dəfəsində 2, bəzi hallarda isə 1 və ya 3 bala götürmək olur. 12 yaşa kimi saxlamaq mümkündür. Ən əsas özəlliyi isə südlü olmasıdır. Hərəsi gün ərzində 3 litrədək süd verir, bala verməsinə 1 ay qalmışadək də sağılır" – deyə o bildirib.

Keçi südünün, pendirinin çox xeyirli olduğunu qeyd edən A.Alhüseynov, keçilərin südündən, əsasən pendir hazırladığını qeyd edib. Bakıdan, Gəncədən xüsusi alıcıları olduğunu vurğulayan təsərrüfatçı pendirin kiloqramını 15-20 manata satır.

Yerli keçilərdən fərqli olaraq zəif tüklü olan bu keçilər soyuğa davamsız olduğundan tövlə şəraitində bəslənilir. Yazda isə yerli davarlar kimi sahələrdə asanlıqla otarılır. Yemlənmələri də yerli keçilərdən heç nə ilə fərqlənmir. İldə bir dəfə isə tibbi müayinədən keçirilir.

  • Alhüseyn Alhüseynova məxsus fermer təsərrüfatı
    Alhüseyn Alhüseynova məxsus fermer təsərrüfatı
    © Sputnik / Ilham Mustafa
  • Alhüseyn Alhüseynova məxsus fermer təsərrüfatı
    Alhüseyn Alhüseynova məxsus fermer təsərrüfatı
    © Sputnik / Ilham Mustafa
  • Alhüseyn Alhüseynova məxsus fermer təsərrüfatı
    Alhüseyn Alhüseynova məxsus fermer təsərrüfatı
    © Sputnik / Ilham Mustafa
  • Alhüseyn Alhüseynova məxsus fermer təsərrüfatı
    Alhüseyn Alhüseynova məxsus fermer təsərrüfatı
1 / 4
© Sputnik / Ilham Mustafa
Alhüseyn Alhüseynova məxsus fermer təsərrüfatı

Ağstafa sakini, təxminən bir il öncə yaratdığı təsərrüfatını az müddətə xeyli genişləndirə bilib. Bu gəlirli sahədən digər fermerlərin yararlanması üçün də imkan yaradıb. Belə ki, bəslədiyi keçilərdən yazqabağı artıq bir neçəsini satmağa hazırlaşır.

A.Alhüseynov bu növ keçilərin daha da çox yayılması, insanların bu gəlirli təsərrüfatla məşğul olmaları üçün onları aldığı qiymətdən daha ucuz satmaq istəyir. Onun əsas məqsədi bu gəlirli sahəyə digər fermerlərin də marağını artırmaqdır.

15657
Teqlər:
Fransa, qiymət, süd, keçi, kənd, Ağstafa rayonu
Əlaqədar
İsmayıllı dağlarında keçi axtaran oğlanlar brend pencəkli mumiya ilə qarşılaşıblar
Mingəçevir sakini qeyri-adi hobbisindən danışır
Azərbaycanda 600 nəfər insan qeyri-adi "cəzaya" məhkum edilib
Rejissor Eldar Quliyev

Eldar Quliyev vəfat edib

94
(Yenilənib 11:12 16.04.2021)
Eldar Quliyev 1942-ci ildə Bakıda anadan olub. Ümumilikdə əllidən artıq filmin rejissoru, ssenari müəllifi və bədii rəhbəri olan rejissor "Babək", "Bir cənub şəhərində", "Gümüşgöl əfsanəsi", "Təxribat", "Girov" kimi filmlərin rejissoru olub.

BAKI, 16 aprel — Sputnik. Xalq artisti, rejissor Eldar Quliyev dünyasını dəyişib. Sputnik Azərbaycan xəbər verir ki, rejissor uzun sürən xəstəlikdən sonra bu gün dünyasını dəyişib.

Qeyd edək ki, rejissor yanvarın 18-də xəstəxanaya yerləşdirilmişdi. Martın əvvəlində evə buraxılan sənətkarın səhhəti ağırlaşdığından bir müddət sonra özəl klinikaların birinə yerləşdirilmişdi.

Məlumat üçün bildirək ki, Eldar Quliyev 1942-ci ildə Bakıda anadan olub. Ümumilikdə əllidən artıq filmin rejissoru, ssenari müəllifi və bədii rəhbəri olan rejissor "Babək", "Bir cənub şəhərində", "Gümüşgöl əfsanəsi", "Təxribat", "Girov" kimi filmlərin rejissoru olub.

94
Teqlər:
vəfat, rejissor, Eldar Quliyev
İtaliya Senatının Xarici işlər və emiqrasiya daimi komissiyasının sədri Vito Petroçellinin başçılıq etdiyi nümayəndə heyəti Ağdamda

İtaliya nümayəndə heyəti Ağdam şəhərində səfərdə olub - FOTO

5
İtaliya parlamentinin üzvləri burada Ermənistanın işğal zamanı Azərbaycan ərazisində törətdiyi vandalizmi öz gözləri ilə görüblər. Səfər zamanı italiyalı qonaqlar Ağdam Cümə məscidi və Ağdam Dövlət Dram Teatrının qalıqları ilə tanış olublar.

BAKI, 16 aprel — Sputnik. Xəbər verildiyi kimi, İtaliya Senatının Xarici işlər və emiqrasiya daimi komissiyasının sədri Vito Petroçellinin başçılıq etdiyi nümayəndə heyəti ölkəmizdə səfərdədir.

Sputnik Azərbaycan-ın məlumatına görə, səfər çərçivəsində İtaliya nümayəndə heyəti işğaldan azad olunmuş Ağdam şəhərində olub. İtaliya parlamentinin üzvləri burada Ermənistanın işğal zamanı Azərbaycan ərazisində törətdiyi vandalizmi öz gözləri ilə görüblər. Səfər zamanı italiyalı qonaqlar Ağdam Cümə məscidi və Ağdam Dövlət Dram Teatrının qalıqları ilə tanış olublar.

  • İtaliya Senatının Xarici işlər və emiqrasiya daimi komissiyasının sədri Vito Petroçellinin başçılıq etdiyi nümayəndə heyəti Ağdamda
    © Photo : Milli Mejlis of the Azerbaijan Republic
  • İtaliya Senatının Xarici işlər və emiqrasiya daimi komissiyasının sədri Vito Petroçellinin başçılıq etdiyi nümayəndə heyəti Ağdamda
    © Photo : Milli Mejlis of the Azerbaijan Republic
  • İtaliya Senatının Xarici işlər və emiqrasiya daimi komissiyasının sədri Vito Petroçellinin başçılıq etdiyi nümayəndə heyəti Ağdamda
    © Photo : Milli Mejlis of the Azerbaijan Republic
1 / 3
© Photo : Milli Mejlis of the Azerbaijan Republic
İtaliya Senatının Xarici işlər və emiqrasiya daimi komissiyasının sədri Vito Petroçellinin başçılıq etdiyi nümayəndə heyəti Ağdamda

Qonaqlar ermənilərin müharibə cinayətləri, mədəni, tarixi, dini abidələri məhv etmələri barədə ətraflı məlumatlandırılıb. Onlara məlumat verilib ki, Ermənistanın işğalına qədər Ağdam nəinki Qarabağ bölgəsinin, eləcə də respublikanın ən böyük, inkişaf etmiş şəhərlərindən idi. Ermənilər işğal etdikləri Ağdam şəhərində və rayonun kəndlərində yaşayış evlərini, ictimai binaları, məktəbləri, uşaq bağçalarını, xəstəxanaları, istehsal müəssisələrini talan edib, uçurub və yandırıblar. Erməni vandalları hətta Şəhidlər xiyabanlarını, qəbristanlıqları da dağıdıblar.

Ağdam səfəri zamanı İtaliya nümayəndə heyətini Milli Məclisin Azərbaycan-İtaliya parlamentlərarası əlaqələr üzrə işçi qrupunun rəhbəri Azər Kərimli və digər rəsmi şəxslər müşayiət ediblər.

5
İstanbul şəhərinə mənzərə, arxiv şəkli

İstanbul polisi "Montrö məktubuna" imza atmış admiralların evində axtarışa başladı

0
(Yenilənib 11:05 16.04.2021)
Ankara Baş Prokurorluğu 6 istefada olan admiralla 1 generalın ifadə vermək üçün prokurorluğa çağırıldığını bildirib.

BAKI, 16 aprel — Sputnik. İstanbul Polisi Montrö Konvensiyası barədə açıq məktuba imza atmış istefada olan admirallardan yeddisinin evində axtarışa başlayıb. Sputnik Azərbaycan Türkiyə mətbuatına istinadən bildirir ki, Ankara Baş Prokurorluğu isə admiralların bəyannaməsi ilə bağlı 6 istefada olan admiralla 1 generalın ifadə vermək üçün prokurorluğa çağırıldığını bildirib.

Qeyd edək ki, aprelin 4-də Türkiyənin 104 istefada olan admiralı bəyannamə dərc edərək Montrö Konvensiyasını Bosfor və Dardanel boğazlarına suveren hüquqlarını bərpa edən Türkiyənin diplomatik qələbəsi adlandırıb. Admirallar Qara dənizlə Mərmərə dənizini birləşdirəcək və Bosfor boğazına paralel olacaq "İstanbul" kanalı layihəsi ilə bağlı həmin razılaşmaya yenidən baxılması barədə müzakirələri yersiz adlandırıblar. Həmçinin məktubda Türkiyədə qüvvədə olan Konstitusiyanın saxlanmasına çağırışlar da öz əksini tapıb.

Aprel ayının 5-də isə Türkiyə polisi Montrö Konvensiyasını dəstəkləyən bəyannaməyə imza atmış bir qrup istefada olan admiralı həbs edib.

0