Azərbaycan Respublikasının prezidenti İlham Əliyev

Artıq paytaxtla bölgələr arasında "ayaq döyməyə" ehtiyac qalmayacaq

14017
(Yenilənib 15:24 27.12.2018)
Videoəlaqə vasitəsilə başqa-başqa rayonlarda olan şəxslər arasında hər hansı bir əqd bağlana bilər

Xalid Məmmədov, Sputnik Azərbaycan

BAKI, 28 dekabr — Sputnik. 2019-cu ildən Azərbaycanda notariat xidmətlərinin səyyar və məsafədən videoəlaqə vasitəsilə həyata keçirilməsi mümkün olacaq. Bu, "Azərbaycan ədliyyəsinin inkişafına dair 2019-2023-cü illər üçün Dövlət Proqramı"nda yer alıb. Sənəddə icraçı orqan qismində Ədliyyə Nazirliyi göstərilib.

Yeniliyi Sputnik Azərbaycan-a şərh edən hüquqşünas Elyar Həsənov deyib ki, informasiya texnologiyalarının imkanlarının və tətbiqinin artması işləri asanlaşdırır, operativliyi təmin edir: "Hüquq sistemində də bunların geniş tətbiqinə ehtiyac var və çox faydalıdır. Sözügedən Dövlət Proqramında daha təkmil sistemin tətbiqi nəzərdə tutulur. Bu, videoəlaqə vasitəsilə notariat hərəkətlərin həyata keçirilməsidir".

"Yenilik təkcə rayonlarla məhdudlaşmır, xaricdə yaşayan vətəndaşlarımız da bundan istifadə edə bilərlər. Bu proseslərdə xaricdə yaşayan vətəndaşın iradə ifadəsinin notarial təsdiqi də lazım olur. Notariat hərəkətlər bu gün beynəlxalq sistemə inteqrasiya edir" - Həsənov bildirib.

"Bu, tətbiq edilərsə, məsələn, şəxs Qazax rayonundakı notariat kontorunda videoəlaqə vasitəsilə Bakı şəhərindəki notariat kontoruna öz iradəsini bildirəcək, əməliyyatın həyata keçməsinə razılıq verəcək. Bu, videoəlaqə vasitəsilə həyata keçəcək. Artıq həmin şəxsin Bakıya gəlməsinə və yaxud da hər hansı bir sənədi imzalayıb Bakıya göndərməsinə ehtiyac qalmayacaq" - deyə hüquqşünas vurğulayıb.

Onun sözlərinə görə, Proqramdan irəli gələn məsələlərin həllinə dair Nazirlər Kabineti və aidiyyəti qurumlar müvafiq təlimatlara dəyişiklərlə bağlı təkliflər verməlidir: "Məsələn, "Notariat hərəkətlərinin aparılması haqqında" təlimat var və bu, Nazirlər Kabinetinin qərarı ilə təsdiq edilib. Bu sənədə dəyişikliklər edilməlidir. Bütövlükdə bu addımı çox mütərəqqi hesab edirəm və vətəndaşların işini çox asanlaşdıracaq".

Hüquqşünas Azər Nağıyev isə Sputnik Azərbaycan-a bildirib ki, videoəlaqə vasitəsilə başqa-başqa rayonlarda olan şəxslər arasında hər hansı bir əqd bağlana bilər: "Şəxslər eyni vaxtda bir-biriləri ilə onlayn formada əqd bağlaya bilərlər. Bunun üçün şəxslər yaşadıqları ərazi üzrə eyni vaxtda notariat kontoruna yaxınlaşıb bir-biriləri ilə əqd bağlaya bilərlər".

"Bunu innovativ texnologiyaların ölkəmizdə tətbiqi kimi qiymətləndirmək olar. Bu addım vaxt itkisinin, əlavə xərclərin qarşısını alacaq. Bəzi yerlərdə notariat kontoru yoxdur. Həmin yerlərdə notariat xidmətləri səyyar formada həyata keçiriləcək. Həmin yerlərdə yaşayanlar üçün tam şəkildə notariat xidmətləri əlçatan olacaq" - deyə Nağıyev qeyd edib.

14017
Teqlər:
video, xidmət, notariat kontoru, Sputnik Azərbaycan
Əlaqədar
Bakıdakı bütün notariat kontorlarının fəaliyyəti dayandırıldı
Notariusa işi düşənlər tələsməsinlər - Səbəb
Sarımsaq, arxiv şəkli

Təbii antibiotik zərərli imiş

14
(Yenilənib 23:40 05.12.2020)
Məlum olub ki, sarımsaq xəstəliyin simptomlarını ağırlaşdıran mədə və öd şirəsinin ifraz edilməsini stimullaşdırır.

BAKI, 5 dekabr — Sputnik. Çoxsaylı faydalı təsirləri olmasına baxmayaraq, sarımsaq aqressiv məhsul hesab edilir.

Sputnik Azərbaycan xarici mətbuata istinadla xəbər verir ki, bu barədə danışan həkim-dietoloq İnna Zaykina bildirib ki, çox sarımsaq yemək olmaz.

Mədə xorası xəstəliyi, pankreatit və digər xəstəliyi olan insanlar sarımsaq yeməməlidirlər. Çünki sarımsaq xəstəliyin simptomlarını ağırlaşdıran mədə və öd şirəsinin ifraz edilməsini stimullaşdırır.

Bir müddət əvvəl isə endokrinoloq Yelena Qubkina kartof bişirmə və yemək üsulları barədə danışarkən bildirmişdi ki, kartof torpaqdan və havadan zərərli maddələr yığdığı üçün onu istehlak edərkən diqqətli olmaq lazımdır. Belə ki, kartofu soyulmuş qaynatmaq və buxarda bişirmək daha faydalıdır. Belə ki, bu zaman tərəvəz maksimum miqdarda qida - kalium, natrium, B6 vitamini verir.

14
Teqlər:
allergiya, mədə-bağırsaq xəstəlikləri, simptom, xəstəlik, təbii antibiotik, zərər, sarımsaq
KİV nümayəndələrinin siluetləri

Azərbaycanlı fotoqraflar Beynəlxalq Federasiyanın fəxri adlarını aldılar

9
(Yenilənib 23:20 05.12.2020)
Nurlan Tahirli, Valeri Xlizov, Aleksandr Firstov UNESCO-nun təqdir etdiyi məşhur təşkilatın şərəfli "Rəssam", Rəşad Mehdiyev "Mükəmməllik", İlqar Cəfərov "Mükəmməllik/bürünc" adlarına layiq görülüblər

BAKI, 5 dekabr - Sputnik. Azərbaycanın "Gilavar" fotoklubunun dəstəyi ilə azərbaycanlı fotoqraflar Beynəlxalq Foto Sənəti Federasiyasının (FIAP) fəxri adlarına layiq görülüblər. 

Sputnik Azərbaycan-a fotoklubun mətbuat xidmətindən verilən məlumata görə, bu, UNESCO-nun tanıdığı yeganə fototəşkilatdır. 

Onun fəxri adlarını almaq üçün fotoqraflar xüsusi qaydalara riayət etməlidirlər: FIAP-ın müxtəlif ölkələrdə keçirdiyi müsabiqələrə qatılmalıdırlar, onların fotoqrafiyaları bədii və texniki ustalıq nöqteyi-nəzərindən təqdir olunmalı və onlar mükafat qazanmalıdırlar. Bunlardan əlavə, təşkilatın bədii komissiyasının və direktorlar şurasının üzvlərinin səsləri də nəzərə alınmalıdır. 
Azərbaycanlı fotoqraflar Nurlan Tahirli, Valeri Xlizov, Aleksandr Firstov şərəfli "Rəssam", Rəşad Mehdiyev "Mükəmməllik", İlqar Cəfərov "Mükəmməllik/bürünc" adlarına layiq görülüblər. Bu adlar ildə bir dəfə verilir. 2016-cı ildən bəri fəxri adlar alan azərbaycanlı fotoqrafların sayı artaraq yeddiyə çatıb. 

Qeyd edək ki, İlqar Cəfərov və Rəşad Mehdiyev AZƏRTAC Dövlət İnformasiya Agentliyinin fotojurnalistləridir. Onların hər ikisi İkinci Qarabağ müharibəsi zamanı cəbhəyanı və işğaldan azad olunmuş ərazilərdə çəkilişlər aparıblar.

9
Teqlər:
fəxri adlar, fotoqraf, azərbaycanlı