Maştağa qəsəbəsində yerləşən Ehtiyacın yoxdursa, gətir, ehtiyacın varsa, apar mağazası

Bakıda möhtəşəm xeyriyyəçilik aksiyası: Ehtiyacın varsa, apar

18181
(Yenilənib 16:19 26.12.2018)
Mağaza həftə içi hər gün saat 13.00-dən 15.00-ə qədər işləyir

İradə Cəlil, Sputnik Azərbaycan

BAKI, 27 dekabr — Sputnik. "Ehtiyacın yoxdursa, gətir, ehtiyacın varsa, apar". Paytaxtın qəsəbələrində bu şüarla fəaliyyət göstərən bir neçə mağaza var. Həmin mağazalar könüllü şəxslərin yardımları ilə fəaliyyət göstərir.

İmkanlı, ehtiyacı olmayan şəxslər təzə və ya az istifadə olunmuş geyimləri, aksesuarları, xırda əşyaları mağazaya təhvil verirlər. Nəticədə ehtiyacı olan insanlar həmin yardımlardan yararlanırlar.

Mağazanı işlədən Vəfa Rzayeva
© Sputnik / Irade JELIL
Mağazanı işlədən Vəfa Rzayeva

Belə mağazalardan biri də Maştağa qəsəbəsində yerləşir. Qəsəbə sakinlərinin sözlərinə görə, mağaza açılandan bəri bir çox imkansız ailəyə yardımlar edilib. Sputnik Azərbaycan-ın əməkdaşı sözügedən məkana yollanaraq mağazanı işlədən Vəfa Rzayeva ilə həmsöhbət olub.

2014-cü ildən Maştağa qəsəbəsində yaşayan Vəfa xanımın bu mağazanı açmaqda məqsədi yaşadığı kəndin kasıb əhalisinə müəyyən qədər əl tutmaq olub: "Belə mağazaların müxtəlif qəsəbələrdə açılması barədə xəbərdar idim. Maştağada imkansız şəxslərin çox olduğunu nəzərə alıb, mən də belə bir mağaza açmağa qərar verdim. Və ötən ilin fevral ayından mağazamızı açdıq".

V.Rzayeva bildirir ki, mağazada hər şey təmənnasız olduğu üçün müraciət edənlər həddindən artıq çoxdur: "Ancaq çalışıb araşdırıram ki, tam ehtiyacı olan ailələrə geyimlər verilsin. Çünki bizə gətirilən geyimlər yalnız kasıb ailələrə vermək üçün ehsan olunur".

Mağaza üçün aylıq 150 manat kirayə haqı ödəyən Vəfa xanım sözlərinə görə, əvvəllər mağazanın kirayə haqqı da baha imiş. Ancaq mağaza sahibi Vəfa xanımın xeyriyyəçiliklə məşğul olmasından xəbərdar olandan sonra kirayə haqqını azaldıb.

V.Rzayeva deyir ki, bəzən mağazaya ehtiyacı olmayan şəxslər də müraciət edirlər: "Bəzən elə düşünürlər ki, əgər bu geyimlər təmənnasız verilirsə, hər kəs götürə bilər. Bəzən buna görə, mənimlə mübahisə də edirlər. Deyirlər ki, "onsuz da pulsuz verməlisən, borcundur". Amma bu, mənim borcum deyil. Çünki məqsəd yalnız kasıblara kömək etməkdir. Bu işdə mənə yardım edən dostlarımın da haqqı var. Və mən bu haqqı tapdaya bilmərəm".

  • Mağazanı işlədən Vəfa Rzayeva
    Mağazanı işlədən Vəfa Rzayeva
    © Sputnik / Irade JELIL
  • Maştağa qəsəbəsində yerləşən Ehtiyacın yoxdursa, gətir, ehtiyacın varsa, apar mağazası
    Maştağa qəsəbəsində yerləşən "Ehtiyacın yoxdursa, gətir, ehtiyacın varsa, apar" mağazası
    © Sputnik / Irade JELIL
  • Maştağa qəsəbəsində yerləşən Ehtiyacın yoxdursa, gətir, ehtiyacın varsa, apar mağazası
    Maştağa qəsəbəsində yerləşən "Ehtiyacın yoxdursa, gətir, ehtiyacın varsa, apar" mağazası
    © Sputnik / Irade JELIL
  • Maştağa qəsəbəsində yerləşən Ehtiyacın yoxdursa, gətir, ehtiyacın varsa, apar mağazası
    Maştağa qəsəbəsində yerləşən "Ehtiyacın yoxdursa, gətir, ehtiyacın varsa, apar" mağazası
    © Sputnik / Irade JELIL
  • Maştağa qəsəbəsində yerləşən Ehtiyacın yoxdursa, gətir, ehtiyacın varsa, apar mağazası
    Maştağa qəsəbəsində yerləşən "Ehtiyacın yoxdursa, gətir, ehtiyacın varsa, apar" mağazası
    © Sputnik / Irade JELIL
  • Maştağa qəsəbəsində yerləşən Ehtiyacın yoxdursa, gətir, ehtiyacın varsa, apar mağazası
    Maştağa qəsəbəsində yerləşən "Ehtiyacın yoxdursa, gətir, ehtiyacın varsa, apar" mağazası
    © Sputnik / Irade JELIL
  • Maştağa qəsəbəsində yerləşən Ehtiyacın yoxdursa, gətir, ehtiyacın varsa, apar mağazası
    Maştağa qəsəbəsində yerləşən "Ehtiyacın yoxdursa, gətir, ehtiyacın varsa, apar" mağazası
    © Sputnik / Irade JELIL
  • Maştağa qəsəbəsində yerləşən Ehtiyacın yoxdursa, gətir, ehtiyacın varsa, apar mağazası
    Maştağa qəsəbəsində yerləşən "Ehtiyacın yoxdursa, gətir, ehtiyacın varsa, apar" mağazası
    © Sputnik / Irade JELIL
  • Maştağa qəsəbəsində yerləşən Ehtiyacın yoxdursa, gətir, ehtiyacın varsa, apar mağazası
    Maştağa qəsəbəsində yerləşən "Ehtiyacın yoxdursa, gətir, ehtiyacın varsa, apar" mağazası
    © Sputnik / Irade JELIL
  • Maştağa qəsəbəsində yerləşən Ehtiyacın yoxdursa, gətir, ehtiyacın varsa, apar mağazası
    Maştağa qəsəbəsində yerləşən "Ehtiyacın yoxdursa, gətir, ehtiyacın varsa, apar" mağazası
    © Sputnik / Irade JELIL
1 / 10
© Sputnik / Irade JELIL
Mağazanı işlədən Vəfa Rzayeva

Həmsöhbətimizin sözlərinə görə, mağazada təkcə geyim deyil, dərman və qida məhsulları da verilir: "İmkansız, geyimə, qidaya, dərmana ehtiyacı olan ailələr məni "Facebook" vasitəsilə tapır. Mən də onların vəziyyəti ilə maraqlanıram. Həqiqətən də ehtiyacı olanlardan yardımlarımızı əsirgəmirik. Gün ərzində 10-15 imkansız ailə mənimlə əlaqə saxlayır. Mən də bacardığımı edirəm".

Kasıblara yardım etmək istəyi Vəfa xanımın arzusu olub. Dediyinə görə, əvvəllər kimsəsiz uşaq götürüb saxlamaq istəyirmiş. Sonradan bu istəyini kasıb ailələrə yardım etməklə əvəzləyib.

"Ehtiyacın yoxdur, gətir, ehtiyacın varsa, apar" mağazasında başqa işçi yoxdur. Vəfa Rzayeva özü hər gün mağazada olur, imkansız ailələrə yardım edir. Bununla bağlı mağazanın qapısına elan da vurulub.

Deyir ki, mağazaya daha çox Nardaran, Maştağa, Buzovna, Zabratdan olan kasıb ailələr müraciət edir: "Qapının üzərinə telefon nömrəmi də yazıb vurmuşam ki, ehtiyacı olanlar mənimlə əlaqə saxlayıb gələ bilsinlər. Düzdür, mən bu işə çox zaman ayıra bilmirəm, amma çalışıram ki, heç olmasa, gün ərzində 1-2 saat burada olum. İnsanları sevindirəndə edilən alqış və dualar məni işləməyə həvəsləndirir".

"Mağazaya xeyirxah insanlar yeni geyimlər də gətirirlər. Həmçinin, xəstə uşaqların müalicəsi üçün yardımlar toplayır, kömək edirik. Hazırda sosial şəbəkə ən önəmli məkandır. Xəstə insanlara yazılmış reseptləri, ehtiyaclı insanların müraciətini paylaşaraq, onlara yardım etməyə çalışırıq. Onu da deyim ki, mən xeyriyyəçi deyiləm, mən xeyriyyə işlərinə vasitəçiyəm" – deyə Vəfa xanım vurğulayır.

Mağazada olduğumuz müddətdə bir neçə kənd sakini geyim üçün müraciət etdi. Onlar ölçülərinə uyğun geyimləri təmənnasız şəkildə alıb getdilər.

Qeyd edək ki, mağaza həftə içi hər gün saat 13.00-dən 15.00-ə qədər işləyir.

18181
Teqlər:
ərzaq, geyim, Maştağa, qəsəbə, mağaza, ehtiyac
Əlaqədar
Bakıda xeyriyyə tədbiri keçirilib
İnsanlıq örnəyi: Xeyriyyəçiliklə məşğul olaq, yoxsa olmayaq
Heydər Əliyevin anım günü ilə bağlı böyük xeyriyyətçilik aksiyası
Azərbaycanda böyük xeyriyyəçilik: Sahibkar sərvətini pulsuz paylayır
Qarabağda qəbiristanlıq, arxiv şəkli

Hərbçilər Şuşada Növrəsli qardaşlarının ulu babalarının qəbrini tapıblar- VİDEO

6
(Yenilənib 16:17 08.03.2021)
Öz yaradıcılıqları ilə Azərbaycanda məşhur olan qardaşlar bildirilbər ki, ilk fürsətdə dövrünün görkəmli şairi olmuş ulu babalarının qəbrini ziyarət edəcəklər.

BAKI, 8 mart — Sputnik. Azərbaycanlı hərbçilər Şuşada məşhur Azərbaycan şairi Mirzə Ələsgər Növrəsin qəbrini tapıblar. Növrəs öz yaradıcılıqları ilə məşhur olan azərbaycanlı qardaşların – Şahin, Tərlan, Nurlan və Arslan Növrəslilərin ulu babasıdır.

Bu barədə Sputnik Azərbaycan-a şair Tərlan Növrəsli məlumat verib. Onun sözlərinə görə, qardaşlar şokdadırlar və eyni zamanda şaddırlar ki, ulu babalarının qəbrindən nəsə qalıb.

"Şuşadakı bütün tarixi abidələr, o cümlədən də qəbirlər ermənilər tərəfindən vandalizmə məruz qalıb. Ona görə də bizim orada ulu babamız Mirzə Ələsgər Növrəsin qəbrini tapacağımıza ümidimiz demək olar ki, yox idi. Biz hazırda Şuşada xidmət çəkən hərbçilərimizə minnətdarıq. Onlar məşhur azərbaycanlıların dəfn edildiyi yeri tapıblar, daha doğrusu onlardan nələrinsə qaldığı yeri. Şuşa qəbiristanlığında şair Qasım bəy Zakirin qəbrini tapıblar, onun yanında da bizim ulu babamızın", - deyə Növrəsli bildirib.

Qardaşlar onu da bildiriblər ki, ilk fürsətdə ulu babalarının qəbrini ziyarət edəcəklər.

Mirzə Ələsgər bəy Kərbəlayı Abdin bəy oğlu Əhmədbəyov 1836-cu ildə Şuşa şəhərində anadan olub. Əslən Cavanşir-Dizaq mahalının Zərgər obasındandır. Mükəmməl mədrəsə təhsili almışdı. Şair idi. Növrəs təxəllüsü ilə xoştəb şeirlər yazırdı. Şuşada fəaliyyət göstərən "Məclisi-üns" şairlər yığıncağının üzvü idi. O, ərəb, fars dillərini kamil bilməklə yanaşı, rus dilini də tamam-kamal öyrənib qəza idarəsində kargüzar vəzifəsində çalışmışdı.

Mirzə Ələsgər Növrəs el şənliklərində toybaşı olardı. O, 1912-ci ildə vəfat edib. Onun dörd övladı olub. Qızı Fatimə bəyimi Xurşidbanu Natəvanın oğlu Seyid Həsənə ərə verib.

Mirzə Ələsgər Növrəs Xurşidbanu bəyim Natəvan, Seyid Əzim Şirvani və başqaları ilə yazışırdı.

© Photo : Courtesy of Tarlan Novrasli
Məşhur Azərbaycan şairi Mirzə Ələsgər Növrəsin qəbri

1872-ci ildə Mirzə Ələsgər Növrəs Azərbaycan şairəsi Xurşidbanu Natəvanın rəhbərlik etdiyi "Məclisi Üns" ədəbi dərnəyin fəal iştirakçılarından biri olub. O, həm də Mir Mövsüm Nəvvabın rəhbərlik etdiyi "Məclisi Fəramuşan"un daimi qonaqlarından olub. Bu məclislərə o dövrün ən görkəmli şairləri və musiqiçiləri toplaşıblar. Azərbaycan şairi və maarifçisi Seyid Əzim Şirvani zamanında Növrəsə şeirlə yazdığı məktubunda "Səlam olsun sənə, ey Kəbeyi-əhli-səfa, Növrəs" sözləri ilə Şamaxı ədəbi məktəbinin şairlərinin, "Səfa" cəmiyyətinin üzvlərinin onun yaradıcılığına hörmət və ehtiramını ifadə edib

1912-ci ildə vəfat edərkən o, Şuşada Qasım bəy Zakirin yanında dəfn edilib.

Onun adını daşıyan nəvəsi İqtisad Elmləri namizədi, dosent Növrəs Növrəslidir.

6
Pəncərə yanında adam, arxiv şəkli

Bakıda kişi intihar edib

5
(Yenilənib 16:17 08.03.2021)
Bakının Suraxanı rayonu, Hövsan qəsəbəsində 35 yaşlı kişi özünü çoxmərtəbəli binadan ataraq intihar edib.

BAKI, 8 mart - Sputnik. Bu gün Bakıda intihar hadisəsi baş verib.

Sputnik Azərbaycan “Report”a istinadən bildirir ki, Suraxanı rayonu, Hövsan qəsəbəsində 35 yaşlı Salman Fərmanov özünü çoxmərtəbəli binadan ataraq intihar edib.

Faktla bağlı Suraxanı Rayon Prokurorluğunda araşdırma aparılır.

5
Teqlər:
intihar, kişi, Bakı
Bəşər Əsəd, arxiv şəkli

Əsəd ailəsi koronavirusa yoluxdu

0
(Yenilənib 16:29 08.03.2021)
Suriyada koronavirus pandemiya elan olunandan (11.03.2020) indiyədək 15981 nəfər COVID-19-a yoluxub, 1063 nəfər vəfat edib

BAKI, 8 mart - Sputnik. Suriyanın prezidenti Bəşər Əsəd və xanımı Əsma Əsəd koronavirusa yoluxublar. 

Sputnik Azərbaycan bildirir ki, bu barədə Suriya prezidentinin dəftərxanası məlumat yayıb. 

"Prezident Əsəd və xanım Əsma Əsəd PCR test veriblər, nəticə müsbət olub", - məlumatda deyilir. 

Qeyd olunur ki, Bəşər Əsəd və xanımının vəziyyəti yaxşı, stabildir.

Suriyada koronavirus pandemiya elan olunandan (11.03.2020) indiyədək 15981 nəfər COVID-19-a yoluxub, 1063 nəfər vəfat edib. 4544 nəfər müalicə alır.   

0
Teqlər:
Koronavirus, Suriya, Əsma Əsəd, Bəşər Əsəd
Mövzu:
Yeni tip koronavirus pandemiyası