Эпидемический грипп и ОРВИ

Batumidə "donuz qripi": Azərbaycanlı turistlər qonşu ölkədə yoluxa bilərlər

5991
(Yenilənib 20:05 25.12.2018)
Azərbaycanın Səhiyyə Nazirliyi Gürcüstanda "donuz qripi"nə yoluxub gələn azərbaycanlı turistlərlə bağlı tədbir görməyə hazırdır

Zarina Orucəliyeva, Sputnik Azərbaycan

BAKI, 25 dekabr — Sputnik. Azərbaycan vətəndaşları Gürcüstanı ziyarət edən turist sayına görə liderdir. Təkcə 2018-ci ildə Azərbaycandan olan qonaqların sayında 40% artım olub. Bu barədə Sputnik Azərbaycan-a Acarıstan Muxtar Respublikasının Turizm və Kurortlar Departamentinin PR və reklam şöbəsinin baş mütəxəssisi İrakli Baramidze deyib.

Gürcüstanda turizmin çiçəklənməsi fonunda turistlərin, eləcə də Azərbaycandan oranı ziyarət edənlərin həyatı üçün ciddi təhlükə yaranıb.

Qeyd edək ki, dekabrın 24-də Batumi şəhər Respublika Xəstəxanasında (Acarıstan MR) qripdən yarandığı ehtimal edilən ağırlaşma nəticəsində 53 yaşlı qadın vəfat edib. Sputnik Gürcüstan-ın xəbərinə görə, qadın dekabrın 17-də kəskin tənəffüs çatışmazlığı diaqnozu ilə xəstəxanaya daxil olub. Lakin bu həftənin bazar ertəsi səhər reanimasiya şöbəsində ölüb.

Bir sutka sonra gürcü səhiyyə işçiləri daha bir nəfərin H1N1 virusundan ("donuz qripi") öldüyünü qeydə alıblar. Gürcüstanın səhiyyə naziri David Sergeyenkonun dediyinə görə, bədbəxt hadisə Kutaisi şəhərində (İmereti regionu) baş verib.

İctimai Sağlamlıq Mərkəzinin məlumatında bildirilir ki, Acarıstanda laborator şəraitdə üç H1N1 virusuna yoluxma halı qeydə alınıb. Mövsümi xarakterli viruslu xəstəliklərlə bağlı təcili tibbi yadıma müraciətlərin sayı da artıb.

Lakin Acarıstanın Turizm və Kurortlar Departamentinin nümayəndəsi bildirib ki, hələlik hökumət Batumidə "donuz qripi"nin yayılması ilə bağlı fövqəladə vəziyyət elan etməyib. Baramidze bu virus ətrafında yaranan söhbətlərin təşvişdən başqa bir şey olmadığını deyib.

"Səhiyyə Nazirliyi bütün tədbirləri görür. Bildiyim qədər dünən və bu gün səhiyyə naziri özü bu barədə açıqlama verib. Biz "donuz qripi"nin pik həddini fevral-mart aylarındakı qrip mövsümündə gözləyirdik. Əgər vəziyyət ciddi olsaydı, biz bu barədə hamıya məlumat verərdik" - deyə Acarıstan Muxtar Respublikasının Turizm və Kurortlar Departamentinin əməkdaşı bildirib.

Baramidze bu günlərdə Azərbaycanın Batumidəki baş konsulu Pərviz İsmayılzadə ilə görüşüb, amma onlar qrip təhlükəsi barədə söhbət etməyiblər.

Hazırda Gürcüstan ciddi xəstəliklə mübarizənin aktiv mərhələsinə daxil olub. Yüzlərlə və bəlkə də minlərlə Azərbaycan vətəndaşı isə çamadanını toplayaraq Yeni ili keçirmək üçün qonşu ölkəyə getməyə hazırlaşır.

Bu faktı nəzərə alsaq, qeyd etmək lazımdır ki, azərbaycanlı turistlər Gürcüstanda sözügedən virusa yoluxma təhlükəsindən sığortalanmayıblar. Onlar risk qrupuna daxildirlər, xəstələnə və virusu Azərbaycana gətirə bilərlər.

Bu təhlükə ilə bağlı vətəndaşları xəbərdar etmək və onların bədən hərarətini ölçmək üçün Heydər Əliyev Beynəlxalq Aeroportunda və digər gömrük-keçid məntəqələrində istiliyi aşkarlayan qurğular quraşdırılıb. Bunu Respublika Taun Əleyhinə Stansiyanın epidemioloji tədqiqatlar şöbəsinin müdiri Kamran Əfəndiyev bildirib.

O qeyd edib ki, zərurət olduğu halda xəstələr təhlükəli virusa qarşı yoxlanılır.

"Hazırda respublikamızda "donuz qripi"nin yayılması ilə bağlı heç bir təhlükə yoxdur. 2018-ci il ərzində bizim virusoloji laboratoriyamıza stasionarlardan və poliklinikalardan qrip təhlükəsinə qarşı yoxlanmaq üçün 842 nümunə gətirilib. Onlardan yalnız 75 fakt təsdiqlənib ki, bunlar da hamının xəstələndiyi A və B qrupundan olan qrip viruslarıdır" - mütəxəssis bildirib.

Azərbaycanlı turistlərin hazırda risk qrupuna daxil olub-olmadıqları ilə bağlı Azərbaycan Turizm Assosiasiyasının sədri Nahid Bağırovla əlaqə saxladıq. O qeyd etdi ki, Turizm Agentliyi bununla bağlı hər hansı tövsiyələrini verməyib. Turizm firmaları xaricə turist səfərləri edən şəxslərlə əvvəlki qaydada işləməyə davam edəcəklər.

Əgər Gürcüstanda "donuz qripi" epidemiyası ilə bağlı elan verilsə, o zaman Azərbaycanın turizm şirkətləri öz müştərilərinə qonşu ölkəyə səyahətlərini müəyyən vaxtadək təxirə salmağı tövsiyə edəcəklər.

5991
Əlaqədar
Batumidə SOCAR-ın nümayəndəliyi açılacaq
Tbilisi və Batumidə Azərbaycan vətəndaşları üçün məntəqələr yaradılıb
Güclü daşqınlar Batumini iflic edib
Batumidə iğtişaşlar zamanı deputat yaralanıb
Peyvənd, arxiv şəkli

İnanılmaz təzad - indi uşaqları infeksiya yox, rahat həyat əlimizdən alır

3
(Yenilənib 00:56 01.06.2020)
"Uşaqlarda ən təhlükəli hal ondan ibarətdir ki, koronavirus xəstəliyinin gedişi böyüklərə nisbətən bilinmədən, görünmədən gedir, amma daşıyıcı olaraq digər insanları yoluxdurma ehtimalı çoxdur"

Xalid Məmmədov, Sputnik Azərbaycan

BAKI, 1 iyun — Sputnik. VI çağırış Milli Məclisin deputatı, parlamentin Səhiyyə komitəsinin üzvü Müşfiq Məmmədli Sputnik Azərbaycan-a müsahibəsində hazırda ölkəmizdə uşaqlar arasında hansı xəstəliklərin geniş yayılmasından, uşaqları koronavirus pandemiyasından qorumaq üçün valideynlərin nə etməli olduğundan və digər məsələlərdən danışıb. Müsahibəni təqdim edirik:

- Müşfiq müəllim, ilk öncə öz haqqınızda məlumat verməyinizi xahiş edirik və necə oldu ki, deputat olmaq qərarına gəldiniz?

- Mən 44 saylı Sumqayıt-Xızı seçki dairəsindən deputat seçilmişəm. Həkim kimi uzun müddətdir ki, fəaliyyət göstərirəm. 1972-ci ildə Sumqayıtda anadan olmuşam və həkimlik fəaliyyətim də Sumqayıtla bağlıdır. 2016-cı ildən Sumqayıt şəhər Uşaq Xəstəxanasının baş həkimi işləyirəm. Uzun müddətdir ki, Yeni Azərbaycan Partiyasının üzvüyəm. Siyasi fəaliyyətim YAP Sumqayıt şəhər təşkilatının nəzdində olub. Sonra elə həmin təşkilatda siyasi şuranın üzvü seçilmişəm. Siyasi fəaliyyətim Yeni Azərbaycan Partiyasının tərkibində və partiyanın Sumqayıt şəhər təşkilatında siyasi şuranın daxilində olub. Yeni Azərbaycan Partiyasının rəhbərliyi tərəfindən mənə etimad göstərildi və 44 saylı Sumqayıt-Xızı seçki dairəsindən deputatlığa namizədliyim irəli sürüldü. Mənə etimadın göstərilməsi böyük ruh yüksəkliyi yaratmaqla yanaşı, həm də böyük məsuliyyətdir. Partiyanın dəstəyi ilə kifayət qədər səs çoxluğu ilə seçkini qazandıq və mən deputatlıq fəaliyyətinə başladım.

- Ötən illərin praktikası göstərir ki, bəzi deputatlar mediaya qapalı idilər. Yeni islahatlar fonunda deputat-media əlaqələri necə olmalıdır?

- Həkimlik fəaliyyəti dövründə daim mediaya açıq olmuşuq. Əgər qərəz yoxdursa, mediadan qaçmağa ehtiyac yoxdur. Təbii ki, medianın da məsuliyyətli olmağı vacibdir. Fikrimcə, mediaya hər zaman açıq olmaq lazımdır. Son dövrlər Milli Məclisin həyatında müsbət mənada böyük dəyişikliklər olub, o cümlədən media ilə münasibətlərdə. Deputatların fəal olması çox mühüm məsələ kimi qarşıya qoyulub. Milli Məclisin Sədri Sahibə Qafarova bu məsələlərə çox böyük önəm verir. Düşünürəm ki, fəallığı daha da artırmaq lazımdır.

Bəzən mediada fikirlər kontekstdən çıxardılır. Amma siyasi fəaliyyətlə məşğul olan insan hər bir açıqlamasına, hər bir kəlməsinə diqqət göstərməli, fikirlərini dolğun ifadə etməlidir. Mediaya açıq olduqda, öz fikirlərini onlara dolğun şəkildə çatdırdıqda, problem yaranmır.

- Xüsusi karantin rejimi dövründə vətəndaşların birbaşa qəbulu mümkün deyil. Seçiciləriniz ilə görüşləri necə həyata keçirirsiniz? Və seçicilər əsasən hansı məsələləri qaldırırlar?

- Koronavirus pandemiyası bütün dünyada hər bir fəaliyyətə çox böyük korrektələr gətirdi, o cümlədən seçicilər ilə görüşə. Biz hər birimiz xüsusi karantin rejiminə əməl etmək məcburiyyətindəyik. Ancaq həyat yerində dayanmır, biz fəaliyyət göstərməliyik, seçicilərin problemləri ola bilir. Bəzən seçicilərin müəyyən problemlərini müvafiq qurumlar qarşısında qaldırmağa görə əlaqələrin yaradılması vacibdir. Koronavirus pandemiyasının gətirdiyi yeniliklərdən biri videomüraciətlər oldu və biz müxtəlif onlayn platformalar üzərindən seçicilər ilə əlaqələr yaratmağa başladıq. Seçicilərimiz ilə bu formada əlaqə saxlayırıq, problemləri ilə maraqlanır və onları həll etməyə çalışırıq. Bizim qərargahımız Yeni Azərbaycan Partiyasının Sumqayıt şəhər təşkilatında yerləşir. Bundan başqa, məktublar, müxtəlif ərizələr vasitəsilə Milli Məclisin saytına müraciətlər edilir.

- Azərbaycanda pandemiyadan sonrakı dövrdə səhiyyə sahəsinin daha inkişaf etdirilməsi üçün parlamentdə hansı məsələlərin qaldırılmasını vacib hesab edirsiniz?

- Azərbaycanda səhiyyə sahəsində çox mühüm islahatlar həyata keçirilir. İcbari Tibbi Sığorta üzrə Dövlət Agentliyinin fəaliyyətə başlamasını, icbari tibbi sığortaya keçidi buna misal göstərmək olar. Məsələn, Türkiyədə icbari tibbi sığorta modelinin tətbiqi ilə bağlı islahatlar hələ də davam edir. Azərbaycanda da bu istiqamətdə çətinliklər var. Üstəgəl pandemiyanın ortaya çıxması dünyanın nəhəng səhiyyə sistemlərində belə böyük problemlər yaratdı. Bütün bu risklərə baxmayaraq, biz icbari tibbi sığortaya keçidi həyata keçirməyə başladıq.

Bundan sonrakı mərhələdə isə səhiyyə sistemimizdə çox böyük dəyişikliklər gözlənilir. Burada artıq səhiyyə müəssisələrinin optimallaşmasından, səhiyyənin maliyyələşməsinin müxtəlif mənbələr hesabına artırılmasından, səhiyyə müəssisələrinin avadanlıqlar, digər təchizat materialları ilə yenidən təmin olunmasından və s. söhbət gedir.

Qarşımızda səhiyyənin maliyyələşməsi mexanizmində dəyişikliklər, yeni səhiyyə müəssisələrinin qurulması, rayon səhiyyə sistemlərinin regional tipli orqanlara çevrilməsi və digər məsələlər dayanır. Bu işlərin həyata keçirilməsi üçün də qanunvericilik bazası formalaşdırılmalıdır. Bu baxımdan işlərimiz çox olacaq.

- Pediatr olaraq, sizcə, uşaqları koronavirus pandemiyasından qorumaq üçün valideynlər nə etməlidirlər?

- Pandemiya dövründə ilk vaxtlar dünyada insanlar arasında belə bir arxayınçılıq var idi ki, uşaqlar koronavirusa yoluxmurlar. Ancaq zaman onu göstərdi ki, bu, yanlış fikirdir, uşaqların da koronavirusa yoluxması müşahidə olunur. Uşaqlarda ən təhlükəli hal ondan ibarətdir ki, koronavirus xəstəliyinin gedişi böyüklərə nisbətən bilinmədən, görünmədən gedir, amma daşıyıcı olaraq digər insanları yoluxdurma ehtimalı çoxdur. Biz valideynlər qarşısında hər zaman məsələ qaldırırıq ki, uşaqlarınızı əhalinin sıx toplaşdığı yerlərə aparmayın. Valideynlər məktəblərin və bağçaların bağlanmasını anlayışla qarşıladılar.

Digər tərəfdən, valideynlər arasında iş aparılır ki, peyvəndlənmənin davam etdirilməsi çox önəmlidir. Uşaqlar xəstələnərkən, onların hərarəti olarkən lazımsız preparatlardan istifadə etməmək, qidalanmanın önəmi barədə valideynlər arasında iş aparılır. Məsələn, araşdırma var ki, zülal mənşəli qidalardan çox istifadə olunan cəmiyyətlərdə pandemiyanın yayılma sürəti daha azdır. İndiyədək Sumqayıtda uşaqlar arasında yoluxmanın faizi çox aşağı olub, ağırlaşmalar, demək olar ki, olmayıb, ölüm hadisəsi olmayıb.

- Hazırda Azərbaycanda uşaqlar arasında geniş yayılmış xəstəliklər hansılardır?

- Mövsümi xəstəliklər hər zaman olduğu kimi aktualdır. Amma bu xəstəliklər illər üzrə dəyişə bilər. Bəzən yuxarı tənəffüs yollarının xəstəlikləri bir il daha çox ola bilər, digər il isə aşağı ola bilər və s. Bunlar dövri şəkildə müəyyən bir ardıcıllıqla gedir, amma təhlükəli formalarda artım müşahidə olunmur. Yəni normal orta statistik göstəricilər şəklində gedir. Məsələn, bir ara MDB ölkələrində qızılca həddindən artıq sürətlə yayılmışdı və Azərbaycanda da belə təhlükə ola bilərdi. Amma vaxtında aparılmış immunizasiya nəticəsində bizdə belə bir vəziyyət yaşanmadı. Vərəmlə mübarizədə çox böyük uğurlar əldə olunub. Uşaqların vərəmə yoluxma halları ilə bağlı ciddi şəkildə azalmalar var.

Azərbaycanda əhalinin həyatı üçün təhlükə - Bu xəstəliklər az qala epidemiya halını alır>>

Amma indi uşaqlar arasında daha çox irsi xəstəliklərdə, anadangəlmə qüsurlarda müəyyən qədər artım müşahidə olunur. Bu da ətraf mühitin zərərli amillərinin hamiləlik dövründə analara təsiri ilə əlaqələndirilir. O cümlədən, bəzi qidalardan istifadəyə çox diqqət yetirmək lazımdır. Düzgün və proporsional qidalanmaq lazımdır. Aktiv həyat tərzi sürmək lazımdır. İndi uşaqlarda artıq çəki problemləri bir qədər ön plana çıxır. Artıq çəki ilə əlaqədar olaraq şəkərli diabetə erkən yaşlarda daha çox rastlanır. Əvvəlki dövrlərdə uşaqlar arasında infeksiyon xəstəliklərdən ölümlər daha çox idisə, indi artıq yaşamaq komfortunun artması ilə əlaqədar olan xəstəliklərdən daha çox ölümlər meydana çıxmağa başlayıb. Amma anadangəlmə qüsurlar isə hələ ki, öz aktuallığını saxlayır.

- Həkimlik fəaliyyəti dövründə qarşılaşdığınız maraqlı hadisələr hansılar olub?

- Həkimlik fəaliyyəti dövrümdə kifayət qədər maraqlı faktlarla qarşılaşmışam. Cəbhə bölgəsində həkim kimi xidmət edərkən heç vaxt unuda bilməyəcəyim bir hadisə ilə rastlaşdım. Bizim əsgərlərimizdən biri minaya düşmüşdü və orqanın itirilməsini və buna görə ağrıların nə dərəcədə olmasını bir həkim kimi yaxşı bilirəm. Amma bizim əsgərimizin qəhrəmanlığı ondan ibarət idi ki, mənə söylədi ki, telefonumu söndür, birdən telefonuma zəng gələr və atam olar. Atam ikinci qrup əlildir və ürəyi xəstədir. Qoy bilməsin, ona pis təsir edər. Onda mən insanın nə dərəcədə öz valideyninə böyük sevgi ilə yanaşdığının şahidi oldum. Yəni bir orqanını itirmiş əsgər atasının ürəyinə yük salmamaq barədə fikirləşir. Bu hadisəni heç vaxt unutmayacağam.

Maraqlı hadisələr çox olub. Digər bir hadisə 3 il bundan öncə Sumqayıt şəhərinin Hacı Zeynalabdin Tağıyev qəsəbəsində yaşayan onlarla uşaqda rotavirus infeksiyasının aşkar edilməsi idi. O vaxt kiçik miqyaslı su mənbələrində meydana çıxmış problemlə əlaqədar olaraq uşaqlar arasında rotavirus infeksiyası yayıldı və kütləvi şəkildə bizə müraciətlər oldu. Həmin vaxt biz Səhiyyə Nazirliyinin yardımı ilə, şəhər strukturlarının köməyilə, o cümlədən bütün səhiyyə işçilərinin səfərbərliyi ilə kütləvi xəstə axınının qarşısını aldıq. Uşaqlar sağaldılar, bir ağırlaşma, bir ölüm hadisəsi olmadan belə bu işin öhdəsindən gəldik. Bu da ölkə ictimaiyyəti tərəfindən çox müsbət qarşılandı. Həyatda qazandığım uğurlara görə Yeni Azərbaycan Partiyasına və həkimlik sənətimə minnətdaram.

3
Əlaqədar
Azərbaycanda insanların səksən faizi orqanlarını bağışlamaq istəyir, amma bir əngəl var
Azərbaycanlı alim koronavirusla bağlı bütün həqiqətləri açıqladı
Bu təşəbbüsün heç adını da tutmayın - uşağınızın nə tərbiyəsi olacaq, nə də sağlamlığı
Koronavirus yeni forma alıb – İndi uşaqları vurur
Bu gün bir boşqab xörəyi qıymırlar, sabah özləri məhbəs yeməyinə möhtac ola bilərlər
Nəzrin Məmmədova, arxiv şəkli

YARAT-dan olan dicey qız: Azərbaycanda zövqlər bir qədər pisdir

6
(Yenilənib 00:15 01.06.2020)
Musiqi – azərbaycanlı diceyin maraqlarının yalnız bir hissəsidir, o etiraf edir ki, asan yolları sevmir və eksperimentlərə üstünlük verir.

BAKI, 1 iyun — Sputnik, Kəmalə Əliyeva. Karantinə qədərki Bakıda Böyük Britaniyanın elektron musiqi şousu “Selector Live: Women. Sounds. Waves” böyük uğurla keçib. Bu şouda azərbaycanlı və xarici qadın diceylər (DJ) eyni səhnəni bölüşüblər. İştirakçılar arasında Azərbaycanın tanınmış diceyi Inherroom (Nəzrin Məmmədova) da var idi. O, Sputnik Azərbaycan-a müsahibəsində qızlar arasında diceylik peşəsinə olan tələbatdan danışıb. 

- Nəzrin, indi Azərbaycanda dicey işləyən qızlar çoxdurmu?

- Mən diceyliklə dörd il bundan əvvəl məşğul olmağa başladım. Onda bizim sayımız cəmi üç idi, amma indi dicey qızların sayı artıb. Mən bu sahədə işləmək istəyən qadınları həmişə dəstəkləməyə, onlara məsləhətlər verməyə, kömək etməyə hazıram.

- Siz necə dicey oldunuz?

-  Biz elə bir dövrdə yaşayırıq ki, orada hər şeyi internet vasitəsilə öyrənmək olar. İngilis dilini mükəmməl bilirəm, buna görə də mənə lazım olan məlumatları tapmaq daha asandır. Mənim hələ uşaqlıqdan musiqiyə böyük həvəsim var, amma musiqi təhsilim yoxdur, hər hansı musiqi alətində də ifa etmirəm. Mən yalnız musiqi dinləməyi sevirəm. Çoxlu dicey dostum var. Məhz onlardan birinin məsləhəti ilə mən də bu peşəyə müraciət etmək qərarına gəldim. Hesab edirəm ki, indi həyatda nəyisə əldə etmək, yaxud sevimli işlə məşğul olmaq üçün təhsil lazım deyil. Əsasən də, bizim dövrümüzdə hər şeyə unikal yanaşma daha yaxşı qarşılanır.

- Xaricdə tez-tez çıxış edirsiniz?

- Əsasən qeyri-festival formatında olan tədbirlərdə iştirak edirəm. Gürcüstanda, Moskvada çıxış etmişəm. Musiqidən başqa, vizual incəsənətlə də məşğul oluram. Bir çox ölkələrdə sərgilərim keçirilib. Mən interdisiplinar rəssamam, ona görə də həm rəssamlıqla, həm heykəltaraşlıqla, həm qrafika ilə, həm videoinstalyasiya ilə, həm də performansla maraqlanıram. Musiqi isə mənim maraqlarımın bir hissəsinə çevrilib.

- İndi diceylər arasında kişilərə daha çox tələbat var, ya qadınlara?

- Bunun heç bir fərqi yoxdur. Hesab edirəm ki, biz tam bərabərhüquqlu cəmiyyətdə yaşayırıq. Hər şey təşkilatçılardan asılıdır. Çıxışım zamanı çalışıram ki, Azərbaycana gəlib çatmamış musiqiləri səsləndirim. Mən Britaniya səsləndirməsini çox sevirəm. Mən nə isə yeni bir şey gətirmək istəyirəm, lakin tez-tez başqa bir şey qoymağı xahiş edirlər. Azərbaycanda zövqlər bir qədər pisdir, amma zaman keçdikcə bu, dəyişəcək.

- Mən yox, amma elə diceylər - Azərbaycan musiqisindən öz şəbəkələrinizdə istifadə edirsiniz?var, Azərbaycan musiqisinə müraciət edirlər. Mənim gördüyüm işdə xalq musiqisindən istifadə etmək, fikrimcə, diqqət cəlb etməyin çox asan yoludur. Mən asan yolları sevmirəm, əsasən ən eksperimental və mürəkkəb olanları seçirəm.

- Hansı planlarınız var?

- Əvvəllər gələcəyimi xaricdə görürdüm, amma indi qərarımı dəyişmişəm. Mən artıq on ildir burada incəsənətlə məşğul oluram, ona görə də köçmək istəmirəm, həm orada, həm də burada işləmək istəyirəm. Hətta başqa bir ölkədə olsam da, yenə Azərbaycan rəssamı, artisti olacağam.

Təəssüf ki, bir çox uşaqlar diceylikdə özlərini sınamaqdan qorxurlar. Hesab edirlər ki, bu peşənin gələcəyi yoxdur. Rəssam olmaq istədiyimi deyəndə çoxları məni fikrimdən daşındırmaq istəyirdi. Məni inandırmağa çalışırdılar ki, bu sənətdə gəlir yoxdur. Fəaliyyətimdən beş il sonra YARAT Müasir İncəsənət Mərkəzi açıldı, məni oraya dəvət etdilər və bütün arzularım reallığa çevrildi. İndi gənclərin daha geniş imkanları var.

6
Əlaqədar
Azərbaycanlılar onlayn-festivalda ruslara böyük həyəcan yaşadıblar
Kamilla Zərbəliyeva: "Qabağımda soyunmaq istəyənlər çoxdur"
Emin onun həyatına təsir edən qeyri-adi oğlana sənədli film həsr edib
Sevgilisindən ayrılan azərbaycanlı müğənniyə qızlar təklif yağdırırlar
Məşhur azərbaycanlı arıqlamağın sirrini bölüşür