İmtahan, arxiv şəkli

Peşə təhsili müəssisələrində təhsil müddəti dəyişdi

62
(Yenilənib 10:55 22.12.2018)
Tam orta təhsil bazasından qəbul olunmuş və yüksək texniki peşə təhsili alanlar üçün təşkil edilən qruplarda təhsil müddəti 3 il olacaq

BAKI, 22 dekabr — Sputnik. Azərbaycanda peşə təhsili müəssisələrində təhsil müddəti qruplara görə yenidən müəyyənləşdirilib.

Sputnik Azərbaycan-ın məlumatına görə, bununla bağlı Nazirlər Kabinetinin 2010-cu il 4 iyun tarixli 104 nömrəli Qərarı ilə təsdiq edilmiş “Təhsil proqramlarının kurikulumlarının) yerinə yetirilməsi müddəti”ndə dəyişikliklər edilib.

Bu dəyişikliklərə əsasən, təhsil müddəti ümumi orta təhsil bazasından qəbul olunmuş və ilk peşə təhsili alanlar üçün təşkil edilən qruplarda 1 il, texniki peşə təhsili alanlar üçün təşkil edilən qruplarda 2 il olacaq.

Təhsil müddəti tam orta təhsil bazasından qəbul olunmuş və ilk peşə təhsili alanlar üçün təşkil edilən qruplarda 6 ay, texniki peşə təhsili alanlar üçün təşkil edilən qruplarda 1 il, ümumi orta təhsil bazasından qəbul olunmuş və texniki peşə təhsili ilə yanaşı, tam orta təhsil alanlar üçün təşkil edilən qruplarda 3 il, ümumi orta təhsil bazasından qəbul olunmuş və yüksək texniki peşə təhsili alanlar üçün təşkil edilən qruplarda 4 il müəyyən edilib.

Tam orta təhsil bazasından qəbul olunmuş və yüksək texniki peşə təhsili alanlar üçün təşkil edilən qruplarda təhsil müddəti 3 il olacaq. Ümumi orta və tam orta təhsil səviyyəsini bitirib, istehsalatda və ya digər iş sahələrində müəyyən nəzəri və praktiki peşə bacarıqları qazanmış şəxslər üçün işəgötürənlərin və fərdlərin öz vəsaiti hesabına sifarişlər əsasında həmin və ya digər peşənin öyrənilməsi, ixtisasın artırılması və yenidənhazırlanma üzrə kurslarda təhsil müddəti 6 aya qədərdir.

62
Əlaqədar
Təhsil sistemində dəyişikliklər gözlənilir
Tam orta təhsil ala bilməyənlər yenidən imtahan verəcək
Ümumi təhsil müəssisəsi sahibkarlıq fəaliyyəti ilə məşğul ola bilər
Bakı Şəhər Təhsil İdarəsi Yeni il şənliyi üçün pul yığılması məsələsinə aydınlıq gətirdi