Aktyor tərəfindən döyülən direktordan yeni xəbər var
(Yenilənib 16:27 19.12.2018)
"Əsas problem qan təzyiqinin stabil olmamasıdır" - Tural MirzəliyevNigar Məhərrəm, Sputnik Azərbaycan.
BAKI, 19 dekabr — Sputnik. "Hələ ki, istintaq davam edir. İstintaq başa çatdıqdan sonra bu haqda müəyyən fikir söyləyə biləcəyəm". Bunu Sputnik Azərbaycan-a açıqlamasında noyabrın 20-də Nizami Rayon Məhkəməsinin qarşısında aktyor Rza Rzayev tərəfindən döyülən 175 nömrəli orta məktəbin direktoru Tural Mirzəliyev deyib.
O, baş verən hadisə ilə bağlı son durum haqda da məlumat verib: "Hələ ki, son hadisə ilə bağlı olaraq məhkəməyə müraciət etməmişəm. İstintaqın nəticəsinə əsasən işin məhkəməyə göndərilib-göndərilməməsi bəlli olacaq".
"Lakin bu hadisədən öncə, şərəf və ləyaqətin alçaldılması məsələsinə görə məhkəməyə müraciət etmişdim. Hazırda da bu iş məhkəmədə davam edir" – deyə həmsöhbətimiz əlavə edib.
T.Mirzəliyev hadisənin baş verməsindən sonrakı dövrü əhatə edən ikitərəfli münasibətlərdən də söz açıb: "Bu müddətdə qarşı tərəflə heç bir danışıq aparılmayıb. Nə mənim, nə də onların tərəfindən danışıqlar üçün təklif irəli sürülüb".
Son günlərdə ona qarşı heç bir hədənin olmadığını deyən direktor səhhəti haqda da danışıb: "Artıq 4 gündür işə də çıxıram. Əsas problem qan təzyiqinin stabil olmamasıdır. Qalan hər şey normaldır".
T.Mirzəliyevin sözlərinə görə, hazırda davam edən ibtidai istintaq 2 həftə sonra yekunlaşacaq.
İki gün əvvəl ordudan tərxis olunan könüllü əsgər ölüb
BAKI, 17 yanvar - Sputnik. Lənkəran rayonunun Göyşaban kəndindən Vətən müharibəsinə könüllü olaraq qatılan Mirzəzadə İbrahim Rüfət oğlu bu gün vəfat edib.
“Report”un verdiyi xəbərə görə, mərhum iki gün əvvəl səfərbərlik üzrə hərbi xidmətdən tərxis edilib.
İlkin məlumata görə, onun səhhətində problem yarandığı üçün iynə vurulub. İynədən sonra anafilaktik şok keçirən İbrahim Mirzəzadə dünyasını dəyişib.
Faktla bağlı araşdırma aparılır.
Cəlilabadda ağır yol qəzası olub, ölən və yaralananlar var
BAKI, 17 yanvar - Sputnik. Cəlilabad rayonunda ağır yol nəqliyyat hadisəsi baş verib.
"Report"un məlumatına görə, qəza axşam saatlarında rayonun Alar kəndi ərazisində qeydə alınıb.
İlkin məlumata görə, hərəkətdə olan "Niva" markalı minik avtomobilinin aşması nəticəsində 1 nəfər ölüb, 3 nəfər yaralanıb. Yaralılar ağır vəziyyətdə xəstəxanaya çatdırılıb. Hazırda onlar əməliyyat edilir.
Ölən və yaralananların şəxsiyyəti dəqiqləşdirilir.
Faktla bağlı araşdırma aparılır.