“ASAN xidmət”in yeni siması - Mr.ASANT

"ASAN xidmət"in yeni siması - Mr.ASANT

72
(Yenilənib 14:51 19.12.2018)
"Məqsədimiz vətəndaşlara daha yaxın olmaq, maskotumuz vasitəsilə ASAN-la emosional bağlılığı artırmaqdır"

BAKI, 19 dekabr — Sputnik. Azərbaycan Respublikasının Prezidenti İlham Əliyevin şəxsi təşəbbüsü ilə yaradılan "ASAN xidmət" dövlət xidmətləri sahəsində brendə çevrilib. Şəffaflığın artırılması, korrupsiya hallarının qarşısının alınması, xidmət sahəsində trend innovasiyaların tətbiq edilməsində "ASAN xidmət" uğurlu yol xəritəsi tərtib edib.

ASAN xidmətdə 25 milyonuncu vətəndaş müraciəti qeydə alınıb
© ASAN-in mətbuat xidməti

"ASAN xidmət"in mətbuat xidmətindən Sputnik Azərbaycan-a verilən məlumata görə, bu yol xəritəsini özündə əks etdirən qarışqa fəlsəfəsi "ASAN xidmət"in maskotu üçün obraz seçilib. Qarışqa çalışqanlıq, zəhmətkeşlik, məsuliyyət, pozitivlik və komanda işini təcəssüm etdirir.

Maskotun adı Mr.ASANT kimi seçilib. Bu ad ASAN və ANT (ingilis dilindən tərcümədə - qarışqa) sözlərinin kombinə edilməsidir. Qarışqalar heç vaxt təslim olmurlar, gələcək yönümlü planlar qurmaq, təkcə bu günü yox, sabahı düşünmək onlara xasdır.

Mr.ASANT maskotu məhz bu keyfiyyətləri özündə birləşdirən "ASAN xidmət"in yeni simasıdır. O, maarifləndirmə və məlumatlandırmada vasitəçi olacaq, vətəndaşlara köməklik edəcək, dost kimi yanlarında olacaq.

"Məqsədimiz vətəndaşlara daha yaxın olmaq, maskotumuz vasitəsilə ASAN-la emosional bağlılığı artırmaqdır" - deyə qurumdan bildirilib.

72
Teqlər:
qarışqa, "ASAN xidmət", Azərbaycan
Əlaqədar
Səyyar ASAN xidmət 10-dan çox şəhər və qəsəbədə xidmət göstərəcək
Daha bir neçə rayonda əhaliyə xidmət "ASAN"laşacaq
“ASAN Pay” gömrüyə gəlir, sahibkarların işi yüngülləşəcək