Bakının Səməd Vurğun və Abbasqulu ağa Bakıxanov küçələrinin kəsişməsindəki yolayrıcına yeni nişanlanma xətti – sarı tor çəkilib

Bakını "sarı tor" bürüyəcək, daha 74 hədəf seçilib

14688
(Yenilənib 15:40 13.12.2018)
BNA: Vizual araşdırma ərazidəki ənənəvi tıxacların azaldığını deməyə əsas verir

İradə Cəlil, Sputnik Azərbaycan

BAKI, 18 dekabr — Sputnik. Bir neçə ay öncə Bakı Nəqliyyat Agentliyi (BNA) tərəfindən paytaxtın Səməd Vurğun və Bakıxanov küçələrinin kəsişməsində "sarı tor" çəkildi. Əslində, bu nişanlanma özlüyündə heç bir yeni qayda, yeni tələb müəyyən etmir. Belə ki, tor "Yol hərəkəti haqqında" Qanunun 75-ci maddəsinin 2-ci hissəsinin tələbini əyani şəkildə, görüntülü olaraq sürücüyə çatdırmaq üçündür.

Aradan bir müddət keçib. Maraqlıdır bu zaman ərzində "sarı tor"un faydası oldumu? Sputnik Azərbaycan bu suala aidiyyəti şəxslərdən cavab almağa çalışıb.

Bakı Nəqliyyat Agentliyinin (BNA) mətbuat xidmətinin rəhbəri Mais Ağayev deyib ki, Bakıxanov küçəsi ilə Səməd Vurğun küçələrinin kəsişməsində çəkilmiş sarı tor müsbət nəticə verib. O, həmçinin əlavə edib ki, bundan sonra da 74 kəsişmə nöqtəsində sarı tor çəkiləcək.

"Bu kəsişmələr təhlillər nəticəsində müəyyən edilib. Daha çox problemin, nəqliyyatın hərəkətində sıxlığın olduğu kəsişmələr seçilib. "Sarı tor"un çəkilməsinin faydası odur ki, sürücülər kəsişməyə daxil olan zaman artıq daha diqqətli davranırlar. Bizim də istəyimiz bu idi ki, sürücülərin diqqətini cəlb etməklə, qayda pozuntusundan yayındıraq" - BNA sözçüsü bildirib.

M.Ağayev onu da qeyd edib ki, Avropada, Türkiyədə "sarı tor"un üzərində kameralar da quraşdırılıb: "Əgər işıqforun yaşıl işığı yanırsa belə, sürücünün oradan keçməsi mümkün deyilsə və o, yaşıl işıqda tora düşürsə, bu, inzibati tənbehə səbəb olur. Ümumilikdə, bütün kəsişmələrdə, binaların çıxışında, xüsusilə yanğın, mühafizə çıxışlarında "sarı tor"un tətbiqi planlaşdırılır".

Müsahibimizin sözlərinə görə, bu, ciddi dərəcədə tıxacların aradan qalxmasına təsir göstərəcək: "Çünki kəsişmələr dolu olmayandan sonra nəqliyyat axını davam edəcək. Torun inzibati tənbehi bizim qurum tərəfindən həyata keçirilmədiyindən cərimə olunan nəqliyyat vasitələrinin statistik məlumatları bizdə yoxdur. Amma vizual araşdırma ərazidəki ənənəvi tıxacların azaldığını deməyə əsas verir".

"Sarı tor"a düşənlərin statistikası, bununla bağlı nə qədər cərimə yazıldığı, hansı qənaətlərin hasil olduğu barədə məlumat almaq üçün Bakı Şəhər Baş Polis İdarəsi Baş Dövlət Yol Polisi İdarəsinin ictimaiyyətlə əlaqələr şöbəsinin rəisi, polis polkovnki Vaqif Əsədovla dəfələrlə əlaqə saxlamağa çalışsaq da, cəhdlərimiz nəticəsiz qaldı. 


Nəqliyyat eksperti Elməddin Muradlının müşahidələrinə görə, Bakıda Səməd Vurğun və Bakıxanov küçələrində çəkilmiş "sarı tor" digər yol ayrıclarında da sürücülərin diqqətli olmasına səbəb olub: "Amma təəssüf olsun ki, "sarı tor"la bağlı maarifləndirmə işlərinin aparılması zəifdir. Hesab edirəm ki, paytaxtın digər kəsişmə küçələrində də "sarı tor" çəkilməlidir. Ancaq öncədən bu barədə maarifləndirmə işləri aparılmalıdır ki, sürücülər üçün qaranlıq heç nə qalmasın".

"Konkret olaraq, Səməd Vurğun küçəsində rəqəmsal işıqforların qoyulması vacibdir. Çünki orada işıqforlar rəqəmsal olmadığı üçün sürücülər yolu keçib-keçə bilməyəcəyi mövzusunda şübhədə qalırlar. Buna görə də bu kimi əhəmiyyətli ərazilərdə rəqəmsal işıqforlaırn qoyulması önəmlidir" – deyə ekspert əlavə edib.

E.Muradlı, həmçinin qeyd edib ki, "sarı tor" "Yol hərəkəti haqqında" Qanununda olmadığı üçün edilən cərimələrin statistikasını müəyyən etmək mümkün deyil: "Hələ ki, "sarı tor"u keçənlər İnzibati Xətalar Məcəlləsinin 327.2-ci maddəsinə əsasən, yolayrıcını keçmə qaydalarının pozulmasına görə cərimə edilir. Bu qayda pozuntusu üçün 60 manat məbləğində cərimə və 3 cərimə balı nəzərdə tutulub".

Sarı tor
© Karikatura
Sarı tor

Nəqliyyat eksperti Azər Allahverənov da deyib ki, "sarı tor" sürücüləri maarifləndirmə xarakteri daşıyır: "Bu torların çəkilməsində əsas məqsəd sürücülərin diqqətini yola cəlb etməkdir. "Sarı tor" ona görə çəkilib ki, sürücülər vizual olaraq, yola baxıb, keçib və ya keçə bilməyəcəklərini müəyyən edə bilsinlər. "Sarı tor" çəkilən ərazidə Yol Patrul Xidmətinin avtomobilləri ilə yanaşı müşahidə kameraları da var. Və hər bir sürücü oradan keçəndə maksimum diqqətli olmağa çalışır. Müşahidələrim zamanı da görmüşəm ki, işıqforun yanmasına bir neçə saniyə qalıbsa, sürücülər keçə bilməyəcəyini başa düşür və "sarı tor"a girmədən dayanırlar".

Onun sözlərinə görə, "sarı tor"un 100 faiz effektli olacağını heç kim gözləmir: "Amma avtomobillərin yol kəsişmələrinə girməsinin qarşını müəyyən qədər alır. Azadlıq və Vaqif prospektlərində hər zaman sıxlıq müşahidə edilir. Hesab edirəm ki, bu kimi kəsişmələrdə də "sarı tor"un çəkilməsi sıxlığın müəyyən qədər aradan qaldırılmasına kömək edəcək".

Xatırladaq ki, paytaxtın küçələrində yaranan tıxacların qarşısının alınması və nəqliyyat şəraitinin yaxşılaşdırılması məqsədi ilə tətbiq edilən sarı kəsişmə torunda qalan sürücülər cərimələnir. "Sarı tor" hələ ki, "Yol hərəkəti haqqında" Qanununda təsbit edilməyib, amma bununla bağlı bütün təfərrüatları əks etdirən dəyişik layihəsi müzakirəyə təqdim edilib.

Əlavə edək ki, BNA tərəfindən Səməd vurğun, Şəmsi Bədəlbəyli, Puşkin-Üzeyir Hacıbəyli, Rəşid Behbudov-Zərifə Əliyeva küçələri, Bülbül, Azadlıq və Neftçilər prospektlərini əhatə edən bütün kəsişmələrə sarı tor çəkiləcək.

14688
Teqlər:
qanun, avtomobil, sürücü, sarı kəsişmə toru, küçə, sarı tor, BNA, Bakı Nəqliyyat Agentliyi
Əlaqədar
Dövlət Yol Polisi sürücülərə xəbərdarlıq edir
Qaydalar dəyişdi, DYP sürücülərə xəbərdarlıq edir
Azərbaycanlı sürücülərin Rusiyadakı qanlı davasının detalları ortaya çıxdı
Paytaxtda sürücülərə qarşı reydlər keçirilir
Yol polisindən beynəlxalq sürücülük vəsiqəsi ilə bağlı TÖVSİYƏLƏR
Netflix şirkətinin loqosu, arxiv şəkli

Çağatay Ulusoyun "Netflix"dəki filmindən ilk treyler - VİDEO

9
(Yenilənib 23:01 02.03.2021)
Filmdə kağız və karton toplayaraq yaşayan, səhhəti vaxt ötdükcə pisləşən Mehmet tərk edilən bir uşaq tapır. Onun həyatına girən Ali Mehmetə öz uşaqlığını xatırladır.

BAKI, 2 mart — Sputnik. Türkiyəli aktyor Çağatay Ulusoyun baş rolu oynadığı növbəti "Netflix" filmi "Kağıttan hayaller"in ilk treyleri yayımlanıb.

Sputnik Azərbaycan xəbər verir ki, 12 martda yayımlanacaq ekran işi 190-dan çox ölkədə, 204 milyondan çox istifadəçiyə göstəriləcək.

Filmdə kağız və karton toplayaraq yaşayan, səhhəti vaxt ötdükcə pisləşən Mehmet tərk edilən bir uşaq tapır. Onun həyatına girən Ali Mehmetə öz uşaqlığını xatırladır.

9
Formula-1 üzrə Azərbaycan Qran-prisi, arxiv şəkli

Ciddi məhdudiyyət: Bakıda "Formula-1"də azarkeşlər yerli TV olmayacaq

4
(Yenilənib 22:58 02.03.2021)
Azərbaycan Qran-prisinin təşkilatçıları bu il paytaxtımızda "kral yarışları"nın necə keçiriləcəyindən danışıblar.

BAKI, 2 mart — Sputnik, Teymur Tuşiyev. "Formula 1"in Azərbaycan Qran-prisinin reqlamentində bir sıra dəyişikliklər baş verib. Sputnik Azərbaycan xəbər verir ki, bu barədə Baku City Circuit (BCC) əməliyyat şirkətinin brifinqində məlumat verilib.

"Formula 1" Azərbaycan Qran-prisi bu ilin 4-6 iyun tarixlərində Bakı küçələrində təşkil olunacaq. Keçən il yarış koronavirus pandemiyası səbəbindən baş tutmamışdı. Epidemiya əleyhinə tədbirlərlə əlaqədar olaraq, yarışın Bakı mərhələsi tamaşaçısız keçiriləcək, buna görə stendlərin və əyləncə zonasının inşası nəzərdə tutulmur və konsertlər də təxirə salınır. Bundan başqa, həftəsonları mükafatlandırma mərasimləri sadələşdirilmiş formada, yarış iştirakçıları üçün mətbuat konfransları isə onlayn keçiriləcək.

Azərbaycan Qran-prisinin təşkilatçıları azarkeşlər olmasa da yarışın Bakıda keçirilməsinin vacibliyini vurğulayıblar.

"Bu qədər ciddi məhdudiyyətləri nəzərə alsaq, ortaya belə bir sual çıxa bilər: bu şəraitdə yarışı keçirməyin nə mənası var? Bildiyiniz kimi, "Formula 1" yarışları ölkənin turizm potensialını nümayiş etdirir, buna görə də onun keçirilməsi böyük əhəmiyyət daşıyır ", – deyə BCC-dən bildirilib.

Yeri gəlmişkən, BCC-nin Azərbaycan Qran-prisini keçirməkdən imtina etməməsinin daha bir səbəbi əks halda təşkilatçıların cərimə ödəməli olmasıdır. Cərimənin məbləği isə açıqlanmayıb.

Məhdudiyyətlər KİV nümayəndələrindən də yan keçməyib. Sosial məsafəyə riayət olunması qaydalarına görə, mətbuat mərkəzində jurnalistlər üçün yerlərin sayının 400-dən 150-yə endirilməsi nəzərdə tutulub. Həmin yerlər xarici və yerli jurnalistlər arasında bərabər şəkildə bölünəcək. Bununla belə, yerli telekanallar və radiolar Azərbaycan Qran-prisi üçün akkreditasiya əldə edə bilməyəcəklər.

Təşkilatçılar treklərin hazırlanması ilə bağlı əsas işlərin bu ilin may ayında yerinə yetiriləcəyi, bununla əlaqədar paytaxtın bəzi küçələrində nəqliyyatın hərəkətinin məhdudlaşdırılacağını də bildiriblər.

Eyni zamanda, qeyd ediblər ki, könüllülərdən müraciətlərin qəbulu artıq başa çatıb. Bu prosesə start veriləndən sonrakı 60 saat ərzində könüllülərdən təxminən yeddi min ərizə daxil olub. Marşallardan da ərizə qəbulu yekunlaşıb.

Qeyd edək ki, bu il marşalların sayı 150 nəfər artırılacaq.

4
Teqlər:
Formula-1 yarışı, Formula 1
Erməni pasportu

Doğulduğu yer - Azərbaycan? Qarabağ ermənisinin pasportu Ermənistanda qalmaqal yaradıb

80
(Yenilənib 00:01 03.03.2021)
"Azərbaycan SSR deyil, DQR deyil, sadəcə Azərbaycan. İndi dostum deyir ki, nəhayət xəyal etdiyim vətəndaşlıq aldım və məlum oldu ki, mən Azərbaycandanam" - Arsen Karapetyan.

BAKI, 2 mart - Sputnik. Qarabağda doğulan Ermənistan vətəndaşlarının yeni pasportlarında doğum yeri hissəsinə “Azərbaycan” yazılmağa başlanılıb.

Sputnik Ermənistan xəbər verir ki, bu barədə Yerevan Ağsaqqallar Şurasının “Mənim addımım” fraksiyasından olan keçmiş üzvü, memar Arsen Karapetyan öz Facebook hesabında yazıb. 

Karapetyan qeyd edib ki, dostu 80-ci illərin ortalarında Ağdərədə (Mardakertdə) anadan olub. Daha sonra isə Rusiyada yaşayıb və hazırda Ermənistan vətəndaşlığı almaq üçün müraciət edib. Onun pasportunda doğum yeri kimi isə Azərbaycan göstərilib.

"Azərbaycan SSR deyil, DQR deyil, sadəcə Azərbaycan. İndi dostum deyir ki, nəhayət xəyal etdiyim vətəndaşlıq aldım və məlum oldu ki, mən Azərbaycandanam. Nədir bu?", - deyə Karapetyan sosial şəbəkədə yazıb.

Məsələ ilə bağlı Ermənistan polisinin pasport və viza şöbəsinin rəis müavini Məryəm Gevorkyan açıqlama verib.

"Bu vətəndaş Sovet İttifaqı dövründə anadan olub, Azərbaycan SSR-də anadan olub. Ermənistan Respublikasının pasportu səyahət sənədidir, beynəlxalq standartlara uyğundur, ona görə keçmiş SSRİ ölkələri üçün kodlar yoxdur. Başqa sözlə, əgər bir insan keçmiş SSRİ-nin bir ölkəsində anadan olubsa, onun doğulduğu yer pasporta ölkənin indiki adı ilə qeyd olunur, yəni Gürcüstan SSRİ deyil, Gürcüstan", - deyə Məryəm Gevorkyan bildirib.

O əlavə edib ki, "bu, köhnə təcrübədir". 

Qeyd edək ki, Arsen Karapetyan şərh bölümündə dostunun doğulduğu yerin "Azərbaycan SSR" kimi göstərildiyi Rusiya pasportunu da yerləşdirib. 

80