Nərimanov rayonu Mayakovski küçəsi, 8/9 ünvanında yerləşən yataqxana

Bakıda uçqun təhlükəsi: Sakinlər səksəkə içərisindədir, rəsmi qurumlar da

8114
(Yenilənib 16:30 11.12.2018)
İcra hakimiyyəti: Bütün aidiyyəti qurumlara müraciət etmişik, yaxın zamanlarda vətəndaşlar köçürüləcək

İradə Cəlil, Sputnik Azərbaycan

BAKI, 12 dekabr — Sputnik. Bir müddət əvvəl Bakı şəhəri, Nərimanov rayonu Mayakovski 8/9 ünvanında yerləşən yataqxananın bərbad vəziyyətdə olması barədə yazmışdıq. Yataqxana 1983-cü ildə o zamankı Maddi-Texniki Təchizat üzrə Dövlət Komitəsi tərəfindən subay vətəndaşlar üçün inşa olunub.

Nərimanov rayonu Mayakovski küçəsi, 8/9 ünvanında yerləşən yataqxana
© Sputnik / Irade JELIL
Nərimanov rayonu Mayakovski küçəsi, 8/9 ünvanında yerləşən yataqxana

O vaxtlar "Subaylar yataqxanası" kimi tanınan binanın sakinləri ailə həyatı qurduqdan sonra da orada yaşamağa davam ediblər. Aradan 35 ildən çox vaxt keçməsinə baxmayaraq, onlar hələ də burada yaşayırlar. Əgər buna yaşamaq demək mümkündürsə...

1993-cü ildə isə yataqxanaya Füzuli və Ağdam rayonlarından olan məcburi köçkünlər də yerləşdirilib. Binada hazırda 65-dən çox ailə yaşayır. Onlardan 20-si köhnədən yaşayanlar, qalanlar sonradan gələnlərdir.

Yataqxanada vəziyyət daha da acınacaqlı hal aldığı üçün sakinlər bu günlərdə yenidən Sputnik Azərbaycan-a müraciət ediblər. Əməkdaşımız yataqxanaya yollanaraq sakinlərlə görüşüb, binanın hazırkı vəziyyəti ilə tanış olub.

Nərimanov rayonu Mayakovski küçəsi, 8/9 ünvanında yerləşən yataqxana
© Sputnik / Irade JELIL
Nərimanov rayonu Mayakovski küçəsi, 8/9 ünvanında yerləşən yataqxana

Yataqxana sakini Həqiqət Əmirquliyeva deyir ki, 30 ildən çoxdur burada yaşayır: "Sovet dövründə ev növbəsində olsaq da, növbə heç cür bizə gəlib çatmadı. Əvvəlcə müharibə başladı, sonra yataqxanaya məcburi köçkünlər yerləşdirildi. İndi isə hansı quruma müraciət ediriksə, bizə "gözləyin" deyilir".

Sakinlər artıq bu vəziyyətə göz yumub, gözləyəcək durumda deyillər. Yataqxananın pilləkənləri, divarları dağılıb. Mərtəbələr arası dam-döşəmə sıradan çıxıb, uçub, yataqxananın sanitar qovşağının suyu otaqlara axır.

Binada çox sayda siçan, siçovul məskən salıb. Bütün bunlar azmış kimi, binada qaz xətti ilə elektrik naqilləri yanaşı çəkilib. Sakinlər bildirirlər ki, bir kiçik qığılcım olsa, yataqxana külə dönə bilər. Bundan başqa, elektrik xətlərində olan problemlər suya da təsir edir. Binada istifadə edilən su elektrik keçirir.

Şikayət edən sakinlərin iddialarına görə, vəziyyətlə bağlı bütün aidiyyəti qurumlara müraciət ediblər: "Hara müraciət etsək də, şikayətimizə Nərimanov Rayon İcra Hakimiyyətinin müavinindən cavab alırıq. Bircə 2016-cı ildə Fövqəladə Hallar Nazirliyinin əməkdaşları gəlib, yataqxanaya baxış keçirib və akt hazırladılar. Ancaq o aktı da nəzərə alan olmadı".

Nərimanov rayonu Mayakovski küçəsi, 8/9 ünvanında yerləşən yataqxanın sakinləri
© Sputnik / Irade JELIL
Nərimanov rayonu Mayakovski küçəsi, 8/9 ünvanında yerləşən yataqxanın sakinləri

Yataqxana sakini Zöhrə Məhərrəmova deyir ki, bir ay öncə yataqxanada olan məcburi köçkün ailələri köçürülüb. Onların yaşadığı mənzillərin isə qapı-pəncərələri çıxarılıb, otaqlar acınacaqlı vəziyyətə gətirilib, xarabalığa çevrilib: "İnanın, çöldə nə olsa, bizim yataqxanaya dolur. Köçkünlərin yaşadığı otaqların qapı-pəncərələri söküldüyü üçün külək binada "at oynadır", içəriyə yağış yağır. Gecə yatanda da fikirləşirəm ki, görəsən, yataqxana uçmaz?".

Yataqxanada hazırda bir neçə məcburi köçkün ailəsi də yaşayır. Füzuli rayonundan qaçqın düşmüş Bahar Rüstəmova ailəsi ilə birlikdə 1993-cü ildən burada məskunlaşıb. Valideynləri də elə bu yataqxanada dünyasını dəyişib. Hazırda qardaşının ailəsi və öz ailəsi burada yaşayır. O, çarəsizlikdən yataqxananın mətbəxini otağa çevirib.

Sənan Baxşəliyev isə Ağdam rayonundan köçkün düşüb. Onun dediyinə görə, aidiyyəti qurumlar tərəfindən problemlərinə çarə edən tapılmayıb: "Nərimanov Rayon İcra Hakimiyyətinin müavini Şahmar İbadov da bizə yazılan cavab məktublarında "gözləməyi" məsləhət görür".

Sözügedən tikili ilə bağlı Fövqəladə Hallar Nazirliyinin (FHN) aktında deyilir: "Binada məskunlaşan sakinlərin şəraiti hazırkı normativ tələblərə cavab vermir. Sonuncu texniki baxışdan keçən müddət ərzində binanın damında, mərtəbələr arası örtüklərdə, binanın sağ tərəfi xarici və daxili divarlarında fəsadlar artıb. Yataqxana binasının mövcud texniki vəziyyəti qəzalı kimi qiymətləndirilir. Bununla əlaqədar olaraq, aşağıdakı təxirəsalınmaz tədbirlər görülməlidir. Binaya daxil olan kommunikasiya xətlərinin fəaliyyəti dayandırılmalı, binanın ətrafı çəpərlənməli, binaya giriş qadağan edilməli və digər lazımı tədbirlər görülməlidir".

  • Nərimanov rayonu Mayakovski küçəsi, 8/9 ünvanında yerləşən yataqxana
    Nərimanov rayonu Mayakovski küçəsi, 8/9 ünvanında yerləşən yataqxana
    © Sputnik / Irade JELIL
  • Nərimanov rayonu Mayakovski küçəsi, 8/9 ünvanında yerləşən yataqxanın balaca sakinləri
    Nərimanov rayonu Mayakovski küçəsi, 8/9 ünvanında yerləşən yataqxanın balaca sakinləri
    © Sputnik / Irade JELIL
  • Nərimanov rayonu Mayakovski küçəsi, 8/9 ünvanında yerləşən yataqxana
    Nərimanov rayonu Mayakovski küçəsi, 8/9 ünvanında yerləşən yataqxana
    © Sputnik / Irade JELIL
  • Nərimanov rayonu Mayakovski küçəsi, 8/9 ünvanında yerləşən yataqxana
    Nərimanov rayonu Mayakovski küçəsi, 8/9 ünvanında yerləşən yataqxana
    © Sputnik / Irade JELIL
  • Nərimanov rayonu Mayakovski küçəsi, 8/9 ünvanında yerləşən yataqxana
    Nərimanov rayonu Mayakovski küçəsi, 8/9 ünvanında yerləşən yataqxana
    © Sputnik / Irade JELIL
  • Nərimanov rayonu Mayakovski küçəsi, 8/9 ünvanında yerləşən yataqxana
    Nərimanov rayonu Mayakovski küçəsi, 8/9 ünvanında yerləşən yataqxana
    © Sputnik / Irade JELIL
  • Nərimanov rayonu Mayakovski küçəsi, 8/9 ünvanında yerləşən yataqxana
    Nərimanov rayonu Mayakovski küçəsi, 8/9 ünvanında yerləşən yataqxana
    © Sputnik / Irade JELIL
  • Nərimanov rayonu Mayakovski küçəsi, 8/9 ünvanında yerləşən yataqxana
    Nərimanov rayonu Mayakovski küçəsi, 8/9 ünvanında yerləşən yataqxana
    © Sputnik / Irade JELIL
  • Nərimanov rayonu Mayakovski küçəsi, 8/9 ünvanında yerləşən yataqxana
    Nərimanov rayonu Mayakovski küçəsi, 8/9 ünvanında yerləşən yataqxana
    © Sputnik / Irade JELIL
  • Nərimanov rayonu Mayakovski küçəsi, 8/9 ünvanında yerləşən yataqxana
    Nərimanov rayonu Mayakovski küçəsi, 8/9 ünvanında yerləşən yataqxana
    © Sputnik / Irade JELIL
  • Nərimanov rayonu Mayakovski küçəsi, 8/9 ünvanında yerləşən yataqxana
    Nərimanov rayonu Mayakovski küçəsi, 8/9 ünvanında yerləşən yataqxana
    © Sputnik / Irade JELIL
  • Nərimanov rayonu Mayakovski küçəsi, 8/9 ünvanında yerləşən yataqxana
    Nərimanov rayonu Mayakovski küçəsi, 8/9 ünvanında yerləşən yataqxana
    © Sputnik / Irade JELIL
  • Nərimanov rayonu Mayakovski küçəsi, 8/9 ünvanında yerləşən yataqxana
    Nərimanov rayonu Mayakovski küçəsi, 8/9 ünvanında yerləşən yataqxana
    © Sputnik / Irade JELIL
  • Nərimanov rayonu Mayakovski küçəsi, 8/9 ünvanında yerləşən yataqxana
    Nərimanov rayonu Mayakovski küçəsi, 8/9 ünvanında yerləşən yataqxana
    © Sputnik / Irade JELIL
  • Nərimanov rayonu Mayakovski küçəsi, 8/9 ünvanında yerləşən yataqxana
    Nərimanov rayonu Mayakovski küçəsi, 8/9 ünvanında yerləşən yataqxana
    © Sputnik / Irade JELIL
  • Nərimanov rayonu Mayakovski küçəsi, 8/9 ünvanında yerləşən yataqxana
    Nərimanov rayonu Mayakovski küçəsi, 8/9 ünvanında yerləşən yataqxana
    © Sputnik / Irade JELIL
  • Nərimanov rayonu Mayakovski küçəsi, 8/9 ünvanında yerləşən yataqxana
    Nərimanov rayonu Mayakovski küçəsi, 8/9 ünvanında yerləşən yataqxana
    © Sputnik / Irade JELIL
1 / 17
© Sputnik / Irade JELIL
Nərimanov rayonu Mayakovski küçəsi, 8/9 ünvanında yerləşən yataqxana

Xatırladaq ki, bu akt 2016-cı ildə Fövqəladə Hallar Nazirliyi tərəfindən hazırlanıb. Akta görə, bina iki ildir ki, qəzalı vəziyyətdədir və istənilən an bədbəxt hadisə baş verə bilər.

Sputnik Azərbaycan-ın əməkdaşı məsələ ilə bağlı Nərimanov Rayon İcra Hakimiyyətinin birinci müavini Şahmar İbadovla əlaqə saxlayıb. O bildirib ki, mövcud vəziyyətdən bütün aidiyyəti qurumlar xəbərdardır və hazırda yataqxanadakı sakinlərin taleyinin həll olunması istiqamətində müvafiq işlər görülür.

"Binanın qəzalı vəziyyətdə olduğundan xəbərdarıq. Orada hər an uçma təhlükəsi var. Rayonun ağrılı yeri təkcə o ərazidir. Bütün aidiyyəti qurumlara müraciət etmişik, yaxın zamanlarda vətəndaşlar köçürüləcək" - İbadov vurğulayıb.

"Yataqxanada 28 məcburi köçkün ailəsi yaşayırdı. Onlardan 24-ünü köçürmüşük. Qalan 4 ailənin sənədləri qaydaya salınandan sonra köçürüləcək. Bina isə söküləcək. Düzdür, şəhərsalmada yeni layihələrin icrası müvəqqəti olaraq dayandırılıb. Amma biz investor şirkət tapmışıq. Bina qəzalı olduğu üçün müstəsna hal kimi xahiş etmişik. Binanın yerində yeni bina tikiləcək. Hazırda layihələndirmə işləri gedir" – deyə icra hakimiyyətinin rəsmisi əlaə edib.

Ş.İbadovun fikrincə, bu proses iki ay çəkəcək: "Novruz bayramı ərəfəsində şirkət binada əvvəldən yaşayan ailələrə kirayə haqqı verərək, köçürəcək. Yeni bina inşa ediləndən sonra isə həmin sakinlərə yeni binada ev veriləcək".

8114
Teqlər:
qəzalı bina, bina, icra hakimiyyəti, sakin, yataqxana
Əlaqədar
Prezident qəzalı vəziyyətdə olan binalarla bağlı sərəncam imzaladı
Bölgəmizdə torpaq sürüşməsi səbəbindən yüzlərlə ev qəzalı vəziyyətə düşüb - FOTO
Sürüşmə səbəbindən qəzalı vəziyyətə düşən evlərin sayı artıb
Nazir Ceyhun Bayramov qəzalı məktəb probleminə aydınlıq gətirdi