Bakıda süpürgəçilər və Sputnik Azərbaycanın əməkdaşı İradə Cəlil

Paytaxt süpürgəçilərindən çağırış: "Çörəyimizə bais olmayın"

18091
(Yenilənib 17:11 09.12.2018)
Onlar zarafatla deyirlər ki, "zibil bərəkətdir" və qənaətlərincə, zibil olmasa, çörək qazana bilməzlər

İradə Cəlil, Sputnik Azərbaycan

BAKI, 10 dekabr — Sputnik. Son zamanlar avtomobil yollarında süpürgəçilərin ölümü ilə nəticələnən qəzalar ictimaiyyətin diqqətini bu peşə sahiblərinə yönəldib. Hər dəfə süpürgəçilərlə bağlı faciə yaşananda sosial şəbəkə istifadəçiləri onlarla bağlı müxtəlif fikirlər bildirirlər.

Kimi süpürgəçilərə acıdığını yazır, kimi onların əməyinin istismar edildiyini deyir, kimi isə süpürgəçiliyin təqdirəlayiq və şərəfli bir iş olduğunu qeyd edir. Süpürgəçiləri zamanında yaxşı təhsil almadıqlarına, daha prestijli peşələrə yiyələnmədiklərinə görə qınayanlar da olur.

Дворники в Хатаинском районе Баку
© Sputnik / Irade JELIL
Xətai rayonu ərazisində süpürgəçi xanımlar

Görəsən süpürgəçilərin özləri seçdikləri peşələri, həyatları, dolanışıqları barədə nə fikirdədirlər? Sputnik Azərbaycan-nın əməkdaşı bu suallara cavab almaq üçün Xətai rayonunun ərazisindəki müxtəlif Mənzil Kommunal İstismar Sahələrində (MKİS) çalışan süpürgəçilərlə həmsöhbət olub.

Sona Mustafayeva uzun illərdir Xətai rayonu ərazisində yaşayır. Əslən Kürdəmir rayonundan olan bu qadın 1995-ci ildə Bakıya köçüb. Dediyinə görə, ailə həyatı uğursuz alınıb. Bir övladı dünyaya gəldikdən sonra həyat yoldaşından ayrılıb. Rayonda qala bilməyən qadın övladını da götürərək paytaxta gəlib. Bir müddət müxtəlif yerlərdə çalışan Sona xanım 3 ildir ki, Xətai rayonu ərazisində süpürgəçi işləyir.

O, əmək haqqından da, işindən də razıdır: "Səhər-axşam küçələri təmizləyib, öz halal zəhmətimlə pul qazanıram. 350 manatdan çox maaş alıram. Şükür olsun, övladımı da oxuduram, kirayə pulunu da verə bilirəm. Ac qalmırıq".

Dediyinə görə, bəzən sürücülərlə problemlər yaşayırlar: "Biz əziyyət çəkirik, onlar isə küçələri zibilləyirlər. Sürücülərin də müxtəlif xarakteri var. Bəzisi yol verir, bəzisi başımıza qışqırır. Ancaq biz onları da başa düşməyə çalışırıq".

Digər süpürgəçi Gülnarə Hüseynova 20 ildən artıqdır ki, bu işdə çalışır. Dediyinə görə, 30 yaşı olanda həyat yoldaşı dünyasını dəyişib. O da heç kimə möhtac olmamaq üçün işləməyə başlayıb: "Özüm Biləcəridə yaşayıram, üç övladım var. Yoldaşım avtomobil qəzasında öləndən sonra uşaqlarımı da götürüb kirayədə yaşamağa başladım. Bu həyatıma şükür edirəm. Balalarımı halal zəhmətimlə böyütmüşəm. Hamısını da evləndirmişəm. Əmək haqqım yaxşıdır. Həm də dövlət işidir".

Süpürgəçi qadın işlərinin səhər saat 7.00-də başlayıb günorta 16.00-da bitdiyin bildirir. Bu işin müqabilində aldığı 350 manat əmək haqqının onu qane etdiyini deyir. İş yerindən onlara mövsümə uyğun geyimlərin verildiyini vurğulayan qadın onu da əlavə edir ki, işlədikləri qurumun rəhbərliyi işçilərin problemlərinə biganə yanaşmır.

Женщины-дворники в Баку
© Sputnik / Irade JELIL
Süpürgəçi qadınların işləri səhər saat 7.00-də başlayıb günorta 16.00-da bitir

G.Hüseynovanın sözlərinə görə, işlərinə ancaq yollardakı tıxac mane olur.

Süpürgəçilər arasında kişilər də çalışır. Məsələn, həmsöhbətimiz Pərvin İsmayılovun 27 yaşı var. Əslən Şabran rayonundan olan bu gəncin ailə həyatı uğursuz alınıb: "2011-ci ildə sevərək ailə həyatı qurmuşdum. Bir qızım, bir oğlum var. Qızım 4, oğlum 2 yaşındadır. Bu ilin aprel ayında ayrılmışıq".

Üç ilə yaxındır Xətai rayonu ərazisində işləyən Pərvin Bakıda kirayə yaşayır. Əvvəl ailəsi də onunla yaşasa da, sonradan onu tərk edib: "Müdiriyyət şərait yaradır, əmək haqqım yaxşıdır. Balalarım üçün hər şey alıb aparıram ki, onları görüm, amma görə bilmirəm. Hər dəfə bir bəhanə gətirib, uşaqlarımı mənə göstərmirlər. Uşaqlarımı görə bilmədiyim üçün həyatdan bezmişəm".

Pərvin yollarda sürücülərlə heç bir problem yaşamadığını da qeyd edir: "Hər gün işə gələndə bizi təlimatlandırırlar. Yollarda necə davranacağımızı bilirik. Ehtiyatı əldən vermirik. Buna görə də heç bir problem yaşamırıq".

Süpürgəçi Elmira xanımın 45 yaşı var. Dediyinə görə, 23 ildir süpürgəçiliklə məşğuldur və işindən razıdır: "Dövlət işidir, hər ay əmək haqqımı vaxtında alıram, sığortamız var, hər mövsümdə geyim verirlər".

Rahilə xanım isə əslən Qazax rayonundandır. Uzun illər Rusiyada yaşayıblar, sonradan Qazaxa qayıdıblar. Ancaq rayonda dolana bilmədiklərinə görə 7 il öncə Bakıya köçüblər: "15 il Rusiyada yaşamışam. Sonra Qazaxa qayıtdım. Elə həmin il Bakıya köçdük. Burada kirayədə qalsaq da, işimiz olduğu üçün maddi çətinliyimiz olmur".

"Yollarda sürücülər bizə çox hörmət edirlər. Bəzən yolun kənarında dayanıram. Sürücülər saxlayır, yol verirlər. Yollarda bizim xələtə böyük hörmət var. Xələtimiz bizim üçün yaşıl işıqdır" – deyir süpürgəçi qadın.

  • Bakının Xətai rayonu ərazisində süpürgəçilik edən xanımlar
    Bakının Xətai rayonu ərazisində süpürgəçilik edən xanımlar
    © Sputnik / Irade JELIL
  • Bakının Xətai rayonu ərazisində süpürgəçilik edən xanımlar
    Bakının Xətai rayonu ərazisində süpürgəçilik edən xanımlar
    © Sputnik / Irade JELIL
  • Bakının Xətai rayonu ərazisində süpürgəçilik edən xanımlar
    Bakının Xətai rayonu ərazisində süpürgəçilik edən xanımlar
    © Sputnik / Irade JELIL
  • Bakının Xətai rayonu ərazisində süpürgəçilik edən xanımlar və İradə Cəlil
    Bakının Xətai rayonu ərazisində süpürgəçilik edən xanımlar və İradə Cəlil
    © Sputnik / Irade JELIL
  • Bakının Xətai rayonu ərazisində süpürgəçilik edən xanım və İradə Cəlil (solda)
    Bakının Xətai rayonu ərazisində süpürgəçilik edən xanım və İradə Cəlil (solda)
    © Sputnik / Irade JELIL
  • Bakının Xətai rayonu ərazisində süpürgəçilik edən xanımlar
    Bakının Xətai rayonu ərazisində süpürgəçilik edən xanımlar
    © Sputnik / Irade JELIL
  • Bakının Xətai rayonu ərazisində süpürgəçilik edən xanımlar
    Bakının Xətai rayonu ərazisində süpürgəçilik edən xanımlar
    © Sputnik / Irade JELIL
  • Bakının Xətai rayonu ərazisində süpürgəçilik edən xanımlar
    Bakının Xətai rayonu ərazisində süpürgəçilik edən xanımlar
    © Sputnik / Irade JELIL
1 / 8
© Sputnik / Irade JELIL
Bakının Xətai rayonu ərazisində süpürgəçilik edən xanımlar

Söhbətləşdiyimiz süpürgəçilər zarafatla deyirlər ki, "zibil bərəkətdir". Düşünürlər ki, zibil olmasa, çörək qazana bilməzlər. İllərini bu işə sərf edənlər işlərindən, həyatlarından, dolanışıqlarından narazı deyillər. Hətta deyirlər ki, bu iş olmasa, yaşaya bilməzlər.

Səhərlər yuxudan durub işə getmək, təmiz hava almaq, işləmək onları yaşamağa həvəsləndirir. Çörəklərini halal yolla qazandıqları üçün yaşayışlarından şikayətçi deyillər. Narazılıqları isə, ancaq yollarda onlara diqqət yetirməyən, yol verməyən, avtomobildən bayıra zibil atan sürücülərdəndir. Ancaq onları da qınamırlar.

Все дворники, с которыми удалось поговорить, подшучивали, что не будь мусора, им не на что было бы жить
© Sputnik / Irade JELIL
Söhbətləşdiyimiz süpürgəçilər düşünürlər ki, zibil olmasa, çörək qazana bilməzlər

Onlar öz taleləri ilə barışıblar. Mətbuatda və sosial şəbəkələrdə barələrində yazılanlara, yəni əl əməyini xüsusi texnikalarla əvəzləmək təkliflərinə də etiraz edirlər. Bildirirlər ki, belə söhbətlər onların çörəyini əlindən almaq deməkdir. Hətta gördükləri işlə fəxr edirlər: "Süpürgəçilik şərəfdir, halallıqdır. Biz bununla fəxr edirik!"

18091
Teqlər:
Bakı, narazılıq, maaş, , qadın, süpürgəçi
Əlaqədar
Azərbaycandakı məşhur türk bankı: "Süpürgəçiyə kredit verərik, jurnalistə yox"
Süpürgəçilərlə seks və qardaşa qarşı qisas: Özünə unudulmaz ad günü keçirdi
Paytaxtda süpürgəçi qadın dünyasını dəyişdi
Sumqayıtda qadın xoşu gəlmədiyi üçün süpürgəçini bıçaqlayıb
Bakıda daha bir süpürgəçi faciəsi
Bunu da etdilər: Qəzada ölən süpürgəçini sonradan işdən çıxarıblar
 Distant təhsil, arxiv şəkli

Nazirlik bu ərazilərdə simsiz rabitə şəbəkəsi qurur - Şagirdlərin problemi həll olunacaq

0
(Yenilənib 13:06 23.01.2021)
Hazırda Ağdamın Ayaq Qərvənd, Səfərli və Alıbəyli qəsəbələrində də internet xidmətinə tələbatının ödənilməsi üçün tədbirlər görülür.

Zülfiyyə Quluyeva, Sputnik Azərbaycan

BAKI, 23 yanvar — Sputnik. Ağdam rayonun müharibədən əvvəl cəbhəyanı əraziləri sayılan qəsəbələrinə simsiz rabitə xətti çəkiləcək. Bu barədə Sputnik Azərbaycan-ın sorğusuna Nəqliyyat, Rabitə və Yüksək Texnologiyalar Nazirliyindən verilən cavabda bildirilir. Nazirlikdən verilən məlumata görə, 44 günlük Vətən Müharibəsi zamanı Ermənistanın təcavüzü nəticəsində mülki əhaliyə, dövlət əmlakına, o cümlədən infrastruktur obyektlərinə xeyli ziyan dəyib. Hərbi əməliyyatlar zamanı düşmən tərəfindən Ağdam rayonuna atılmış mərmilər xətt təsərrüfatını zədələyib. Nəqliyyat, Rabitə və Yüksək Texnologiyalar Nazirliyinin "Aztelekom" Məhdud Məsuliyyətli Cəmiyyəti tərəfindən rayonun Qaradağlı, Əfətli, Mirəşelli, Mahrızlı, Çəmənli, Xındırıstan, Rzalar, Təzəkənd, Bənövşələr kəndləri və Dördyol-1, Dördyol-2, Yeni qəsəbə, Baharlı qəsəbələrində təmir-bərpa işləri həyata keçirilib, xətt təsərrüfatının bərpası və xidmətlərin təminatı qısa müddət ərzində təmin edilib. Belə ki, şəbəkənin bərpası məqsədilə 10 kilometrə yaxın zədələnmiş müxtəlif tipli kabellər dəyişdirilib, 60 ədəd dirək yeniləri ilə əvəz olunub. Eyni zamanda abunəçi xətlərinin 13 km uzunluğunda hissəsi normalara cavab verən vəziyyətə gətirilib.

Nazirlikdən verilən məlumatda qeyd olunur ki, Ağdam rayonunun Ayaq Qərvənd qəsəbəsində yaşayan sakinlərə genişzolaqlı internet xidmətinin göstərilməsi üçün simsiz rabitə şəbəkəsi qurulub: "Hazırda Səfərli və Alıbəyli qəsəbələrində də internet xidmətinə tələbatının ödənilməsi üçün tədbirlər görülür. Həmçinin rayon ərazisində telefon və yüksək sürətli internet xidmətinə olan tələbat nəzərə alınaraq müvafiq layihələr hazırlanır və mərhələli şəkildə icra edilir. Bütün müraciətlər qeydə alınır, sorğuda qeyd olunan və digər ərazilərin sakinlərinin telefon və internet xidmətləri ilə təminatı istiqamətində işlər davam etdirilir".

Xatırladaq ki, Ağdam Rayon Təhsil şöbəsinin müdiri Mətanət Misirxanova Sputnik Azərbaycan-a açıqlamasında bildirib ki, Ağdam rayonu üzrə təxminən 56 faizə yaxın şagird onlayn təhsilə cəlb olunub: "Müharibədən sonra müəllimlərlə şagirdlər arasında artıq bir vasitə var. Amma müəyyən qisim şagird hələ də təhsildən, müəllim təmasından kənardadır. Bunlar Ağdam rayonu ərazisindəki Səfərli, Alıbəyli, Ayaqqərvənd qəsəbələrinin şagirdləridir. Burada yaşayan şagirdlərlə təmas qurmaq mümkün deyil. Çünki bu ərazilərdə telefon xətti yoxdur. Mobil internetdən istifadə etməyə isə maddi baxımdan imkanları çatmır. Amma biz həmin qəsəbələrdə yaşayan şagirdlərlə daima əlaqə qururuq. Məktəb direktorları və sinif rəhbərləri şagirdləri teledərslərə yönəldirlər ki, onlar teledərsləri izləsinlər. Bununla belə, biz nəzərdə tutmuşuq ki, məktəblər açıldıqdan sonra onlayn dərslərə qoşula bilməyən şagirdlər üçün həmin dərslər sıxlaşdırılmış formada keçirilsin. Bunun üçün də əlavə dərs və məşğələ cədvəlləri hazırlanır".

0
Facebook, Instagram və WhatsApp tətbiqlərinin loqoları, arxiv şəkli

Nazirlikdən sosial şəbəkə istifadəçilərinə xəbərdarlıq

0
(Yenilənib 13:00 23.01.2021)
"İnstagram" platformasında pullu xidmət qarşılığında dələduzluq əməllərinin artması müşahidə olunur.

BAKI, 23 yanvar — Sputnik. Daxili İşlər Nazirliyi sosial şəbəkə istifadəçilərinə müraciət edib.

DİN Mətbuat Xidmətindən Sputnik Azərbaycan-a verilən məlumatda bildirilir ki, sosial şəbəkələrdə, xüsusən "İnstagram" platformasında pullu xidmət qarşılığında dələduzluq əməllərinin artması müşahidə olunur:

"Aldatma, etibardan sui-istifadə etmək yolu ilə müxtəlif adlar altında təklif edilən xidmətlər sırasında belə səhifə adminləri izləyicilərinə sosial şəbəkə hesab parollarını qırmaq və ya başqa bir şəxsin mesajlarını izlənilməsinin mümkünlüyü ilə bağlı vədlər verir. Bəzən də izləyici sayı çox olan səhifələri satışa çıxararaq, ödənişi onlayn formada qəbul etdikdən sonra səhifələri sifarişçiyə təqdim olunmur.

Virtual məkanda yüksək əmək haqqı müqabilində işə düzəltmək adı ilə də vətəndaşlarımızı aldadan şəxslər "xidmət" göstərirlər. Onlar şəbəkədə yerləşdirdikləri elanlarla bağlı müraciət edən vətəndaşlardan anket məlumatı və qeydiyyatdan keçirmələri üçün müəyyən məbləğdə pul köçürmələrini tələb edirlər. Pullar hesaba köçürüldükdən sonra vəsaitləri çıxararaq həmin səhifələri bağlayırlar.

Çağırışları ilə diqqəti özünə cəlb edən şəxslərin profilləri onu göstərir ki, onların bu "xidmət"lərindən çox təssüf ki, istifadə edənlər də var.

Daxili İşlər Nazirliyinin sosial şəbəkə hesablarına da bu cür dələduzluq faktları ilə üzləşmiş şəxslər tərəfindən çoxsaylı müraciətlər daxil olur. Odur ki, şəbəkə istifadəçilərinə belə məsələlərə diqqətli yanaşmağı, bu tipli elanları paylaşan şəxslərə heç bir ödəniş etməməyi və şəxsi məlumatlarını, fotolarını kənar şəxslərlə paylaşmamağı tövsiyə edirik.

Bir daha vətəndaşlarımızı sosial şəbəkələrdə ayıq-sayıq və diqqətli olmağa çağırır, bu tipli səhifələrə ödəniş etmədən öncə DİN-in təsdiq ikonlu "polisazerbaycan" adlı səhifələrinə yazaraq dələduzluq faktı ilə üzləşmədən məlumat ala bilərlər" - məlumatda qeyd edilir.

0