Qəbələ və Oğuzda qərzəkli meyvə ağaclarının əkininə start verilib

Şimal-Qərb bölgəsində möhtəşəm kampaniya

5109
(Yenilənib 17:58 08.12.2018)
Ümumilikdə 110 hektar ərazidə ağac əkini nəzərdə tutulub

İlham Əhmədov, Sputnik Azərbaycan

BAKI, 8 dekabr — Sputnik. Turizm potensialı yüksək olan Oğuz və Qəbələ rayonları həm də sıx meşələrin çoxluğu ilə seçilir. Hər iki rayonu əhatə edən Qəbələ Regional Meşə Təsərrüfatı Mərkəzində meşələrin yenidən bərpa olunması istiqamətində də tədbirlər davam etdirilir.

Qəbələ Regional Meşə Təsərrüfatı Mərkəzinin direktor müavini, baş meşəbəyi İlqar Cəlilov Sputnik Azərbaycan-ın bölgə müxbirinə açıqlamasında bildirib ki, rayonlarda meşəsalma və yeni qərzəkli ağacların artırılması istiqamətində işlər həyata keçirilir: "Hazırda bölgələrdə kütləvi şəkildə meyvə ağacların, eləcə də qərzəkli növlərin ilk dəfə olaraq əkini aparılır. Bu məqsədlə Qəbələ Regional Meşə Təsərrüfatı Mərkəzində, ümumilikdə 110 hektar ərazidə ağac əkini nəzərdə tutulub".

  • Qəbələ və Oğuzda qərzəkli meyvə ağaclarının əkininə start verilib
    Qəbələ və Oğuzda qərzəkli meyvə ağaclarının əkininə start verilib
    © Sputnik / Ilham Ahmadov
  • Qəbələ və Oğuzda qərzəkli meyvə ağaclarının əkininə start verilib
    Qəbələ və Oğuzda qərzəkli meyvə ağaclarının əkininə start verilib
    © Sputnik / Ilham Ahmadov
  • Qəbələ və Oğuzda qərzəkli meyvə ağaclarının əkininə start verilib
    Qəbələ və Oğuzda qərzəkli meyvə ağaclarının əkininə start verilib
    © Sputnik / Ilham Ahmadov
  • Qəbələ və Oğuzda qərzəkli meyvə ağaclarının əkininə start verilib
    Qəbələ və Oğuzda qərzəkli meyvə ağaclarının əkininə start verilib
    © Sputnik / Ilham Ahmadov
  • Qəbələ və Oğuzda qərzəkli meyvə ağaclarının əkininə start verilib
    Qəbələ və Oğuzda qərzəkli meyvə ağaclarının əkininə start verilib
    © Sputnik / Ilham Ahmadov
1 / 5
© Sputnik / Ilham Ahmadov
Qəbələ və Oğuzda qərzəkli meyvə ağaclarının əkininə start verilib

"İşlər Oğuz rayonun Xaçmaz kənd meşə ərazisində də həyata keçirilir. Ərazidə 2 hektar sahədə tinglik əkin aparılıb. Bunlar, əsasən, şabalıd, qoz, alma və armud ağaclarının toxumlarıdır. Həmçinin hazırda rayonda fındıq tingləri də əkilir. Bu il ərzində geniş zolaqlı aqro bağların salınması işlərinin davam olması nəzərdə tutulub. Yeni qərzəkli bitkilərin köməyi ilə meşə sahələri də genişləndiriləcək" – deyə qurum rəsmisi əlavə edib.

Onun sözlərinə görə, meşə əkini ilə yanaşı, qanunsuz olaraq meşə qırılmasının qarşısını almaq məqsədi ilə də işlər aparılır: "Son zamanlar məhz şimal-qərb regionunda meşələrin qorunması və qanunsuz olaraq qırılması faktının aşağı salınması məqsədi ilə meşə və dağətəyi ərazilərə girişi məhdudlaşdırmaq üçün şlaqbaumlar quraşdırılır. Qəbələ və Oğuz rayonlarında, ümumilikdə 16 ədəd şlaqbaum quraşdırılıb".

"Bu da meşələrə insanların icazəsiz girişinin qarşısının alınmasına, nəzarət işinin gücləndirilməsinə kömək edəcək" – meşəbəyi vurğulayıb.

5109
Teqlər:
ağacəkmə, Qəbələ rayonu, Oğuz rayonu
Rusiya millisinin hücumçusu Artyom Dzyuba (ön planda) və Belçika millisinin müdafiəçisi Tobi Alderveyreld

Rusiya millisinin futbolçuları AVRO-2020-nin startında Belçikaya uduzdular

5
(Yenilənib 01:10 13.06.2021)
Romelu Lukakunun dublu və Tom Menyenin qolu sayəsində belçikalılar AVRO-2020-də ilk oyunu qazanaraq B qrupunun lideri oldular.

Rusiya millisinin futbolçuları Avropa çempionatının qrup mərhələsindəki start oyununda Belçika komandasına uduzublar.

Sankt-Peterburqda keçirilən B qrupunun oyunu belçikalıların 3:0-lıq qələbəsi ilə yekunlaşıb.

Romelu Lukaku dubl edib (10-cu və 88-ci dəqiqələr), bir qol da Tom Menye (34-cü dəqiqədə) vurub. 

Rusiya turnirdəki növbəti matçını Sankt-Peterburqda iyunun 16-da Finlandiyaya qarşı keçirəcək. Belçikalılar bir gün sonra Kopenhagendə Danimarka millisi ilə oynayacaqlar.

 

5
Danimarka yığmasının yarımmüdafiəçisi Kristian Erikssen və Finlandiya millisinin havbeki Qlen Kamara AVRO-2020 matçında

Kristian Erikssen AVRO-2020-də Finlandiya ilə Danimarka oyununun ən yaxşısı seçildi

153
(Yenilənib 00:28 13.06.2021)
Avropa çempionatının təşkilat komitəsi oyun zamanı huşunu itirən futbolçunu dəstəkləmək qərarına gəlib.

Danimarkalı yarımmüdafiəçi Kristian Erikssen futbol üzrə Avropa çempionatının Finlandiya ilə Danimarka arasında keçirilən oyununun ən yaxşı futbolçusu seçilib. Bu barədə UEFA-nın saytında bildirilir.

Rusiya millisinin B qrupundakı rəqiblərinin oyunu şənbə günü Kopenhagendə başlayıb və 1:0 hesabı ilə finlərin xeyrinə başa çatlb.

Birinci taymın lap sonunda danimarkalıların yarımmüdafiəçisi Kristian Erikssen meydançada huşunu itirib. Bir neçə dəqiqə ərzində həkimlər ona ilkin yardım göstərib, ürəyini bilvasitə masaj ediblər. Sonra 29 yaşlı futbolçunu pərdəli xərəkdə tribunaların altındakı otağa aparıblar. Komandalar da onun ardınca gediblər.

Bir qədər sonra UEFA bəyan edib ki, oyunçu klinikadadır, özünə gəlib, vəziyyəti sabitdir. Matç təxminən iki saat sonra, Bakı vaxtı ilə 22:30-da davam etdirilib.

153