Bakı Beynəlxalq Avtovağzalı

Bakı Beynəlxalq Avtovağzal Kompleksində yenilik

90
(Yenilənib 15:16 06.12.2018)
Yeni fəaliyyətə başlayan "Şəbəkə" xidmət mərkəzi sayca doqquzuncudur

BAKI, 6 dekabr — Sputnik. Rabitə və informasiya texnologiyaları işçilərinin peşə bayramı günü münasibəti ilə Nəqliyyat, Rabitə və Yüksək Texnologiyalar Nazirliyi (NRYTN) bu gün paytaxtda növbəti "Şəbəkə" xidmət mərkəzini istifadəyə verib.

Sputnik Azərbaycan-a nazirlikdən daxil olan məlumata görə, mərkəz Bakı Beynəlxalq Avtovağzal Kompleksinin (Bakı-Sumqayıt şosesi, 3) ərazisində yerləşir. Sayca doqquzuncu olan "Şəbəkə" xidmət mərkəzində də NRYTN-in qurumları tərəfindən vətəndaşlara göstərilən xidmətlər vahid məkanda təqdim olunur.

Qeyd edək ki, bu "Şəbəkə" mərkəzlərində əhaliyə ənənəvi telekommunikasiya və poçt xidmətlərindən başqa, maliyyə, eləcə də aviabilet satışı və turizm xidmətləri göstərilir. Eyni zamanda, "Şəbəkə" mərkəzlərində lokal və beynəlxalq ödəniş kartlarının, icbari sığorta, zərf, marka, açıqca satışı, pulköçürmələri, büdcə, kommunal, Dövlət İpoteka Fondu üzrə ödənişlər, mobil cihazların qeydiyyatı həyata keçirilir. Bütün "Şəbəkə"lər fasiləsiz olaraq həftə içi hər gün, eyni zamanda şənbə və bazar, bayram günləri də vətəndaşların xidmətindədir.

Xatırladaq ki, nazirliyinin təşəbbüsü ilə "Şəbəkə" layihəsinə 2017-ci ilin fevralından start verib. Cari ilin 11 ayı ərzində respublika üzrə fəaliyyət göstərən mövcud 8 "Şəbəkə" Xidmət Mərkəzinə 930 min nəfərə yaxın insan müraciət edib.

90
Teqlər:
şəbəkə, rabitə, Bakı Beynəlxalq Avtovağzal Kompleksi, nazirlik
Əlaqədar
Avtovağzal Kompleksində yeni sistem yaradılır, hamımız bəhrələnəcəyik
“Avtovağzal”-da hər şey dəyişəcək, mühüm islahat edilə bilər
Bakı Beynəlxalq Avtovağzalında görünməmiş gərginlik yaşanır
Bayramda avtovağzalın iş rejimi başqa cür olacaq
Dərman, arxiv şəkli

Evdə müalicə olunan COVID-19 xəstələrinə dərmanı dövlət verir - Səhiyyə Nazirliyi

0
O, indiyədək ölkəmizdə 700-ə yaxın insanın bu virusdan dünyasını dəyişdiyini bildirib O, indiyədək ölkəmizdə 700-ə yaxın insanın bu virusdan dünyasını dəyişdiyini bildirib

Zülfiyyə Quluyeva, Sputnik Azərbaycan

BAKI, 31 oktyabr — Sputnik. Azərbaycanda COVID-19 xəstəliyini yüngül keçirən xəstələrə də dərmanlar dövlət tərəfindən verilir. Sputnik Azərbaycan-ın türk mətbuatına istinadən məlumatına görə, bu məlumatı Azərbaycanın Səhiyyə nazirinin müavini Elsəvər Ağayev Türk Konseyi Sağlıq Bilim Kurulunun toplantısında iştirak edərkən bildirib. E.Ağayev deyib ki, Azərbaycan Prezidenti İlham Əliyevin tapşırığı ilə iki ayda 4 min çarpayılıq 12 modul xəstəxana COVID-19 xəstələrinə xidmət üçün verilib. E.Ağayev COVID-19-u yüngül keçirən xəstələrin evdə izolyasiya olunaraq müalicələrini davam etdirdiklərini dilə gətirib. Nazir müavini Azərbaycanda koronavirusa yoluxma sayının gündəlik 500-600 təşkil etdiyini, ümumi xəstə sayının 53 mini keçdiyini söyləyib. E.Ağayev bu səbəbdən də təhsil müəssisələrində dərslərin iki həftəlik dayandırıldığını, onlayn təhsilə qərar verildiyini bildirib.

E.Ağayev çıxışı zamanı Azərbaycanda 7-8 bölgədə virusa yoluxma sayının artması səbəbindən giriş-çıxışa qadağa qoyulduğunu diqqətə çatdırıb. O, indiyədək ölkəmizdə 700-ə yaxın insanın bu virusdan dünyasını dəyişdiyini bildirib.

0
Telefon oxuyan adam

Erməni yalanlarına qarşı yeni sayt yaradıldı

6
(Yenilənib 16:58 31.10.2020)
Bu cür halların qarşısını almaq üçün kütləvi şikayətin təmin olunması məqsədilə fake.az internet saytı yaradılıb.

BAKI, 31 oktyabr — Sputnik. Düşmənin saxta informasiya hücumlarının qarşısını almaq üçün sayt yaradılıb. Sputnik Azərbaycan-ın məlumatına görə, azərbaycanlı gənclər tərəfindən düşmənin həqiqətə uyğun olmayan xəbərlərinin qarşısını almaq üçün xüsusi sayt yaradılıb. Döyüşlər başlayan dövürdən əhali arasında inamsızlıq və çaşqınlıq yaratmaq məqsədilə düşmən, internet resurslarında və sosial şəbəkələrdə saxta səhifələr yaradaraq onların üzərindən feyk xəbərlər yayımlayırlar.

Bu cür halların qarşısını almaq üçün kütləvi şikayətin təmin olunması məqsədilə fake.az internet saytı yaradılıb.

Yeni yaradılmış sayta qeydiyyatsız daxil olmaq və şikayət olunan hesabların linkini bazaya əlavə etmək mümkündür. Bundan əlavə bazaya daxil edilmiş linklər vasitəsilə aidiyyəti üzrə "Facebook", "Telegram", "Apple", "Google" və s. şikayət etmək və bazaya daxil edilmiş şikayətlərin səbələri ilə tanış olmaq olar.

Əlavə olaraq, "Telegram" mobil tətbiqində @FakeazBot-dan istifadə edərək şikayət olunan hesabların linkini bazaya daxil etmək mümkündür.

6

Əfsanəvi "Ceyms Bond" vəfat etdi

0
(Yenilənib 17:17 31.10.2020)
Şon Konneri bir şox məşhur rolların ifaçısıdır. Onun ən məşhur rollarından biri Ceyms Bond obrazıdır.

BAKI, 31 oktyabr - Sputnik. Şotland əsilli britaniyalı məşhur aktyor Şon Konneri vəfat edib. Bu barədə İngiltətə mətbuatı məlumat verib.

Ölümün səbəbi barədə məlumat verilmir.

Şon Konneri bir şox məşhur rolların ifaçısıdır. Onun ən məşhur rollarından biri Ceyms Bond obrazıdır.

Şon Konnerinin 90 yaşı var idi.

1988-ci ildə Konneri "Toxunulmazlar" qanqster dramındakı ikinci plan roluna görə "Oskar" və "Qızıl qlobus" mükafatlarını alıb. Ümumilikdə aktyorun üç "Qızıl alobus"u var".

0