Медицинская аптечка, tibbi yardım çantası

Ölsəm, bağışla: Yolda baş verən hadisə böyük bir problemi üzə çıxarıb

9430
(Yenilənib 19:23 05.12.2018)
Yol Polisi Bakıda sükan arxasında ürəyi tutan sürücünü xilas etmək istəyərkən, ətrafdakı heç bir maşından aptekçə tapa bilməyib

Zarina Orucəliyeva, Sputnik Azərbaycan

BAKI, 5 dekabr — Sputnik. Avtomobillərdə ilkin tibbi yardım çantası (aptekçə) sürücü üçün ən vacib əşyalardan biridir. Amma sən demə, bu, heç də bütün avtomobillərdə yox imiş.

Sputnik Azərbaycan-ın məlumatına görə, bunu Bakı şəhərində "Koroğlu" metrostansiyası yaxınlığında pik saatda baş verən insident də təsdiqləyir. Şahidlərdən Murad Orucovun sözlərinə görə, səhər saat təqribən 9:20 radələrində yolda birdən avtomobillərin hərəkəti dayanıb. Məlum olub ki, sürücülərdən birinin vəziyyəti qəflətən pisləşib. Kişinin ürəyində narahatlıq yaranıb. Ona həmin yola nəzarət edən yol polisinin əməkdaşları yerindəcə yardım göstərmək istəyiblər. Orucovun sözlərinə görə, polislər aptekçə tapmağa cəhd göstərsələr də, nə ürəyi tutan adamın avtomobilində, nə də ətrafdakı çox sayda digər maşınlarda nə aptekçə olub, nə də lazımi dərmanlar. Bununla yanaşı, qeyd edək ki, Azərbaycanda "Yol hərəkəti haqqında" AR qanununa görə, avtomobillərdə aptekçənin olmamasına görə 10 manat məbləğində inzibati cərimə nəzərdə tutulur.

Təbii ki, haqqında bəhs etdiyimiz situasiyada sürücülərdən heç kəs qanunun tələbini pozduğuna görə cərimələnməyib. Lakin onlar avtomobilə aptekçə qoymamaqla həm özlərinin, həm də ətrafdakıların həyatını riskə atdıqlarının fərqində deyillər.

"Yol hərəkəti haqqında" AR qanununa görə, hər bir nəqliyyat vasitəsində mütləq bu zəruri əşyalar olmalıdır: yanğınsöndürən, qəza dayanacağı nişanı və aptekçə. Bu üç zəruri əşyanın olub-olmadığı avtomobillərə texniki baxış zamanı yoxlanmalıdır. Amma Dövlət Yol Polisi Baş İdarəsinin Texniki Baxış Mərkəzinin müvafiq məntəqələri avtomobillərin texniki müayinədən keçirilməsi zamanı buna fikir verirmi? Bu sual hələlik açıq qalır.

Onu da qeyd edək ki, sürücülərin avtomobillərini texniki baxışdan keçirmələri ilə bağlı ən müxtəlif informasiyalar dolaşır. Bakıda belə söhbətlər gəzir ki, avtomobillərin texniki baxışdan keçirilməsi formal xarakter daşıyır. Xatırladaq ki, nəqliyyat vasitələrinin texniki baxışdan keçirilməsi üçün tələb olunan dövlət rüsumu 20 manatdan başlayır.

Lakin bəzən sürücülər texniki baxışdan keçməyin digər yollarına da baş vurmağa çalışırlar. Onların dediyinə görə, belə olan təqdirdə uzun növbələrdə saatlarla gözləməli olmurlar və rəsmi prosedurlardan keçərkən avtomobildəki bu və ya digər çatışmazlıqlar, nasazlıqlar barədə TBM əməkdaşlarının "moizələri"nə qulaq asmaq məcburiyyətində qalmırlar. Çünki yol polisləri onsuz da həmişə maşında bir çatışmazlıq tapırlar.

Belə vəziyyətdə təbii ki, maşında aptekçə və ya odsöndürənin olub-olmadığının heç kəs fərqinə varmır. Bütün bunlar sürücülərin öz vicdanına qalıb.

Sputnik Azərbaycan yaranmış vəziyyətə aydınlıq gətirməyə cəhd edərək Dövlət Yol Polisi Baş İdarəsinə müraciət edib. Lakin bu cəhd nəticəsiz qalıb. İndiyə qədər niyə sürücülərin aptekçədən istifadə etmədiyi, avtomobillər texniki baxışdan keçirilərkən sözügedən zəruri əşyaların niyə yoxlanmadığı və bununla bağlı inzibati cərimələrin tətbiq edilib-edilmədiyi barədə suallara müvafiq dövlət qurumundan cavab gözləyirik.

9430
Teqlər:
yol polisi, problem, avtomobil, Hadisə, yol
Əlaqədar
Metroda növbəti dəfə xoşagəlməz hadisə baş verib
Gəncədə partlayış: Hadisə yerindən eksklüziv video
Şəkidə tükürpədən hadisə baş verib
Mədəndə bədbəxt hadisə baş verib, ölən var
Şəhidin dəfni

Qırx gün itkin sayılan şəhid dəfn olundu

10
(Yenilənib 11:36 03.12.2020)
Dünən Şabran rayonunun Rəhimli kəndinə İkinci Qarabağ müharibəsində həyatını itirmiş 3-cü şəhid gəlib.

Leyla Abdullayeva,  Sputnik Azərbaycan

BAKI, 3 dekabr — Sputnik. Dünən Şabran rayonunun Rəhimli kəndinə Vətən müharibəsində həlak olmuş 3-cü şəhid gəlib. 2001-ci il təvəllüdlü Həmzəyev Musa Xalid oğlu Vətən müharibəsində 40 gün idi ki, itkin sayılırdı. Lakin dünən onun şəhid olduğu məlum olub.

  • Həmzəyev Musa
    © Sputnik / Leyla Abdullayeva
  • Şəhidin dəfni
    © Sputnik / Leyla Abdullayeva
  • Şəhidin dəfni
    © Sputnik / Leyla Abdullayeva
1 / 3
© Sputnik / Leyla Abdullayeva
Həmzəyev Musa

Şəhid doğulduğu Şabran rayonunun Rəhimli kəndində torpağa tapşırılıb.

Şəhid Musa Həmzəyev Axıska türküdür.

Allah rəhmət eləsin!

10
Teqlər:
itkin, şəhid, Şabran rayonu
Mövzu:
Azərbaycan və Ermənistan arasında müharibə
Yaşadığı ünvanı tərk edən koronavirus xəstəsi

Evi tərk edən COVID-19 xəstələrindən ikisi həyatını itirib

5
Ötən gün tərəfimizdən 27 nəfər müəyyən olunub. Onlardan 25 nəfəri evə qaytarılıb, 20 nəfər barəsində cinayət işi başlayıb. 2 nəfər ağır xəstə isə həyatını itirib.

 

BAKI, 3 dekabr — Sputnik. Dekabrın 2-də ölkə üzrə yaşayış yerini tərk edən 27 nəfər saxlanılıb. Daxili İşlər Nazirliyinin mətbuat xidmətindən Sputnik Azərbaycan-a verilən məlumata görə, koronavirusa yoluxan şəxslər məsuliyyətli davranmalı və ətrafdakı insanları nəzərə almalı, digər şəxslərin həyat və sağlamlığına həssas yanaşmalıdır.

"Ötən gün tərəfimizdən 27 nəfər müəyyən olunub. Onlardan 25 nəfəri evə qaytarılıb, 20 nəfər barəsində cinayət işi başlayıb. 2 nəfər ağır xəstə isə həyatını itirib. Pandemiya dövründə aktiv koronavirus xəstələri sosial təcrid, özünü təcrid tədbirlərinə ciddi əməl etməlidir", - məlumatda bildirilib.

5
Türkiyə Prezidenti Rəcəb Tayyib Ərdoğan, arxiv şəkli

Ərdoğan gələn həftə Bakıya gəlir Hərbi paradda iştirak edəcək

0
Qeyd edək ki, Azərbaycan, Rusiya və Ermənistan liderlərinin Qarabağ üzrə üçtərəfli bəyanatı 2020-ci il noyabrın 10-da imzalanıb.

 

BAKI, 3 dekabr — Sputnik. Türkiyə Prezidenti Rəcəb Tayyib Ərdoğan gələn həftə Azərbaycana səfər edəcək. Sputnik Azərbaycan xəbər verir ki, bunu "RİA Novosti"-yə mənbə bildirib.

Türkiyə Prezidentinin dekabrın 10-u Bakıda baş tutacaq hərbi paradda iştirak edəcəyi gözlənilir.

Qeyd edək ki, Azərbaycan, Rusiya və Ermənistan liderlərinin Qarabağ üzrə üçtərəfli bəyanatı 2020-ci il noyabrın 10-da imzalanıb. Bəyanata əsasən, Dağlıq Qarabağ münaqişə zonasında 2020-ci il noyabrın 10-u saat 00:00-dan etibarən bütün hərbi əməliyyatların dayandırılır və tam atəşkəs elan olunur.

Bəyanata görə, Ağdam rayonu 2020-ci il noyabrın 20-də, noyabrın 25-də (ilkin olaraq noyabrın 15-i nəzərdə tutulurdu) Kəlbəcər rayonu Azərbaycana qaytarılıb. Dekabrın 1-də Laçın rayonunun Azərbaycana qaytarılıb. Bununla yanaşı, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilir. Paralel olaraq Ermənistan silahlı qüvvələri işğal olunmuş ərazilərdən çıxarılır.

Tərəflərin razılığına əsasən, yaxın üç ildə Laçın dəhlizi üzrə Xankəndi ilə Ermənistanın əlaqəsini təmin edəcək yeni hərəkət marşrutunun tikintisinin planı müəyyən olunacaq. Daxili məcburi köçkünlər və qaçqınlar BMT-nin Qaçqınların işləri üzrə Ali Komissarının nəzarəti altında Dağlıq Qarabağın və ətraf rayonların ərazisinə qayıdacaqlar. İqtisadi və nəqliyyat əlaqələrinin bərpa olunacağı gözlənilir. Ermənistan Respublikası vətəndaşların, nəqliyyat vasitələrinin və yüklərin hər iki tərəfə maneəsiz hərəkətinin təşkil olunması məqsədi ilə Azərbaycan Respublikasının qərb rayonları ilə Naxçıvan Muxtar Respublikası arasında nəqliyyat əlaqəsini təmin edəcək.

0