Ofis daxili işçilər, arxiv şəkli

İki yüz manatdan iki min manatadək: DMX-də hansı vakansiyalar var

22934
(Yenilənib 17:37 30.11.2018)
Dövlət Məşğulluq Xidməti "qara fəhlə"yə də, informasiya texnologiyaları üzrə mütəxəssisə də iş tapa bilir

BAKI, 30 noyabr — Sputnik. Dövlət Məşğulluq Xidməti vasitəsilə məşğulluq problemini aradan qaldırarkən, əmək haqqının məbləği ən çətin məsələlərdən biri kimi ortaya çıxır. Lakin mövcud iş yerlərinin təhlili onu deməyə əsas verir ki, maaşı həm yüksək, həm də aşağı olan vakansiyalar var.

Bunu Sputnik Azərbaycan-a Əhalinin Sosial Müdafiəsi Nazirliyi yanında Dövlət Məşğulluq Xidmətinin Əmək bazarının təhlili və statistika şöbəsinin müdiri İsa Həsənov deyib.

Dövlət Xidmətinin nümayəndəsi aydınlıq gətirdi: kimlər iş tapa bilmirlər və niyə

Azərbaycanda Məşğulluq Xidmətinə əsasən pensiya yaşına çatmaq ərəfəsində olanlar - yaşı 50-dən yuxarı olan şəxslər müraciət edir. Sən demə, bu gün işsizlikdən ən çox yaşlı nəslin nümayəndələri əziyyət çəkir. DMX-yə ən çox bir neçə il xaricdə yaşayandan sonra Azərbaycana qayıdanlar, əlillər və evdar qadınlar müraciət edir. Bundan əlavə, əmək qabiliyyətinin olmaması onların vəziyyətini daha da ağırlaşdırır. Belə bir vəziyyətdə olanlar arasında gənclər də üstünlük təşkil edir.

Dövlət Xidmətinin məlumatına görə, iş axtaranların 30%-ə yaxını yaşı 30-dək olan gənclərdir. Onların çoxunun orta məktəb təhsilindən başqa heç bir təhsili yoxdur. Bundan əlavə, onların elementar peşə bacarıqları mövcud deyil. İş üçün müraciət edənlər arasında tələbələr də var. Onlar nə iş olsa, işləyə biləcəklərini deyirlər.

Orta yaşlı insanlara gəlincə, onlar DMX-yə nadir hallarda müraciət edirlər. Bu kateqoriyadan olan insanlar məşğulluq problemini özləri həll edirlər.

Həsənovun sözlərinə görə, 2018-ci ilin 10 ayı ərzində Xidmətə 101 min vətəndaş müraciət edib. Onların da 47,7 mini iş tapmağa kömək istəyib.

İstənilən zövqə uyğun iş

Son illərdə Azərbaycan ərazisində fəaliyyət göstərən bütün işəgötürənlər, dövlət və ya özəl sektoru təmsil etmələrindən asılı olmayaraq, boş iş yerləri barədə DMX-ni məlumatlandırmağa borcludurlar. Nəticədə hazırda DMX-də kvalifikasiyası olmayan, eləcə də orta-ixtisas təhsilli və müxtəlif sahələr üzrə mütəxəssis olan işçilər üçün də vakansiyalar haqda məlumatlar mövcuddur.

Əsasən qaynaqçılar, su sayğaclarını quraşdıranlar, operatorlar, inşaatçılar, gözətçilər və qabyuyanlara tələbat var.

"Əlbəttə, diplomlu kadrlar üçün də iş var. Misal üçün bizə menecerlər, marketinq üzrə mütəxəssislər, mühasiblər lazımdır" - deyə Həsənov bildirib.

Həsənovun sözlərinə görə, bu yaxınlarda kənd təsərrüfatı sahəsinin mütəxəssislərinə - baytarlara, aqronomlara, texnika operatorlarına da ehtiyac yaranıb.

İki yüz manatdan yuxarı əməkhaqqı

Xalq arasında belə fikir var ki, Məşğulluq Xidməti vasitəsilə yaxşı maaşı olan iş tapmaq mümkün deyil. Hətta çoxları yaxşı heç nə gözləmədiklərindən iş tapmaq üçün DMX-yə sənədlərini təqdim etmirlər.

Sektor müdiri ərizəçilərin probleminin nədə olduğunu izah etdi

Onun sözlərinə görə, məşğulluqda əməkhaqqı ən çətin məsələlərdən biridir. Mövcud iş yerlərini analiz etsək, görərik ki, əmək haqqı yüksək olan yerlərdə də vakansiyalar var, aşağı olan yerlərdə də. Bu dərəcələr 200 manat ətrafında dəyişir. Belə əməkhaqqı dövlət işlərində də, özəl təşkilatlarda da mövcuddur.

"Ona diqqət yetirmək lazımdır ki, bu məbləğdə maaşlar müəyyən peşə kvalifikasiyası olmayan işçilər üçün nəzərdə tutulub. Təbii ki, namizədlərə artan tələblərdən asılı olaraq, təklif olunan əməkhaqqının da miqdarı artır. İş üçün əsasən sosial müdafiəyə ehtiyacı olan vətəndaşlar müraciət edirlər. Onların çoxu əmək bazarında rəqabətə davamlı deyillər" - deyə Həsənov bildirib.

Onun fikrincə, belə olan təqdirdə, həmin təbəqədən olan vətəndaşlara maaşı aşağı olan işlərin təklif edilməsi tamamilə qanunauyğundur. İstənilən halda, bu, başqalarından maddi cəhətdən asılı olaraq yaşamaqdan yaxşıdır. Yeri gəlmişkən, Həsənov onu da qeyd edib ki, yüksək gəliri olan iş tapmaq şansı hər zaman var. Bunun üçünsə, bir qədər öz üzərində işləmək, xarici dilləri və kompüter proqramlarını öyrənmək lazımdır.

Təbii ki, DMX-da yüksək əməkhaqqı olan işlərə də vakansiya var. Həsənovun dediyinə görə, bəzən iki min manata qədər maaşı olan işlərə vakansiya olur. Bununla yanaşı namizədlərə olan tələblər də yüksək olur. Bu gün ən nüfuzlu vakansiyalar informasiya texnologiyaları və audit sahəsində mövcuddur.

"Yaxşı mütəxəssisin məşğulluq orqanlarına müraciət etməyəcəyi ilə bağlı müəyyən bir stereotip var" - deyən məmur bildirib ki, indi DMX bu stereotipi dağıtmağı düşünür. Bu məqsədlə, misal üçün, Qida Təhülkəsizliyi Agentliyi strukturlarında iş təklif etmək niyyətindədir.

22934
Teqlər:
Dövlət Məşğulluq Xidməti, işçi, fəhlə
Əlaqədar
Aprelin 14-də 12.00-da DMX yanında İctimai şura ilin yekunlarını müzakirə edəcək
DMX yanında İctimai Şura ilin yekunlarını müzakirə edib

Göyçaylı xəstəni polis küçədə tutdu

5
Məmmədov evdə özünü təcrid etməli olduğu halda karantin qaydalarını pozaraq ictimaiyyət arasına çıxıb. Polis əməkdaşları tərəfindən onun olduğu yer müəyyən olunub və yaşadığı ünvana göndərilib

 

BAKI, 5 dekabr — Sputnik. Göyçay şəhər sakini Xasi Məmmədov COVID-19 virusunun daşıyıcısı olduğu üçün ev şəraitində müalicəyə cəlb olunub.

Sputnik Azərbaycan DİN-in Mətbuat Xidmətinin Şəki regional qrupundan verilən məlumata istinadla xəbər verir ki, ancaq o, evdə özünü təcrid etməli olduğu halda karantin qaydalarını pozaraq ictimaiyyət arasına çıxıb. Polis əməkdaşları tərəfindən onun olduğu yer müəyyən olunub və yaşadığı ünvana göndərilib.

X.Məmmədov barəsində Göyçay RPŞ-nin İstintaq bölməsində araşdırma aparılır.

5
Teqlər:
polis, karantin, qayda pozuntusu, xəstə, Koronavirus, Göyçay
Mövzu:
Azərbaycan karantində: nikbinlər, bədbinlər, xeyirxahlar və ixtiraçılar
Məmur tibbi əlçəklə, arxiv şəkli

Qaydalara əməl etməyən sahibkarlar sahibkarlıq subyektlərinin adları açıqlandı

12
Reyd keçirilən obyektlərdən 43-də Nazirlər Kabinetinin qərarı ilə təsdiq edilmiş metodiki göstərişlərin tələblərindən irəli gələn bir sıra qaydalara əməl olunmaması və kobud şəkildə pozulması faktları aşkarlanıb.

 

BAKI, 4 dekabr — Sputnik. Nazirlər Kabinetinin qərarı ilə təsdiq edilmiş koronavirusun (COVID-19) profilaktikasına dair metodiki göstərişlərin icrasına nəzarət məqsədilə Azərbaycan Respublikasının Qida Təhlükəsizliyi Agentliyi (AQTA) tərəfindən ictimai iaşə obyektlərində reydlər davam etdirilir. Agentlikdən aparılan reydlərlə bağlı Sputnik Azərbaycan-a verilən məlumata görə, Bakı, Sumqayıt şəhərləri, Abşeron rayonu, eləcə də koronavirus (COVID-19) yoluxmalarının artması müşahidə olunan şəhər və rayonlar (Gəncə, Şəmkir, Sabirabad, Ağstafa, Mingəçevir) üzrə 488 ictimai iaşə obyektində 901 monitorinq keçirilib. Sahibkarlıq subyektlərinə qida təhlükəsizliyi sahəsində qanunvericiliyin tələbləri izah edilib, icrası məcburi göstərişlər və maarifləndirici tövsiyələr verilib.

Reyd keçirilən obyektlərdən 43-də Nazirlər Kabinetinin qərarı ilə təsdiq edilmiş metodiki göstərişlərin tələblərindən irəli gələn bir sıra qaydalara əməl olunmaması və kobud şəkildə pozulması faktları aşkarlanıb. Aşkarlanmış faktlarla bağlı həmin müəssisələr barədə qanunvericiliyin tələbləri çərçivəsində inzibati tədbirlər görülüb. Sözügedən müəssisələr arasında daha çox uyğunsuzluqlar aşkar edilən ictimai iaşə obyektləri aşağıdakılardır.

Bakı şəhəri üzrə:

Bakı şəhəri, Nəsimi rayonu, Səməd Vurğun ev.68 ünvanında yerləşən, hüquqi şəxs "Kobra" kiçik müəssisəsinə məxsus yeməkxana, Həsən Əliyev ev 90D ünvanında yerləşən, fiziki şəxs Məmmədov Şəadət Arif oğluna məxsus obyekt, A. M. Şərifzadə ev 33 ünvanında yerləşən, fiziki şəxs Hüseynov Sənan Rasim oğluna məxsus "Kaktus" restoranı, Nizami Rayonu, Qara Qarayev pr. ev.69 ünvanında yerləşən, fiziki şəxs Heydərov Sahib Sabir oğluna məxsus "Ləzzət dönər" evi, Nəsimi rayonu, Alı Mustafayev 37B ünvanında yerləşən, fiziki şəxs İsmayılov Pənah Ələddin oğluna məxsus kafe, Nəsimi rayonu, Alı Mustafayev 3 mkr ev.10 K ünvanında yerləşən, fiziki şəxs Arzu Ekici Bayraməli qızına məxsus kafe, Binəqədi rayonu, Süleyman Sani Axundov ev.1 A ünvanında yerləşən, fiziki şəxs Nəbiyev Səfa Rəşadət oğluna məxsus "Cıdır Düzü" restoranı, Yasamal rayonu, Şərifzadə ev.2 M. ünvanında yerləşən, fiziki şəxs Bayramov Qalib Taryel oğluna məxsus "Quzu Təndir" restoranı, G.Mehmandarov küçəsində yerləşən, fiziki şəxs Həsənov Nail Telman oğluna məxsus kafe, Səbail rayonu, Yusif Məmmədəliyev ev.19 m.1 A ünvanında yerləşən, fiziki şəxs Muradov Kamran Namiq oğluna məxsus "Nutelland" kafesi, hüquqi şəxs "Nabikoğlu" Məhdud Məsuliyyətli Cəmiyyətinə məxsus "Chef Baku" kafesi, Yeni Günəşli qesəbəsində yerləşən, fiziki şəxs Rüstəmov Samin Ələddin oğluna məxsus kafe, Lökbatan qəs., keçid 1596 ünvanında yerləşən, fiziki şəxs Əliyev Elməddin Nazim oğluna məxsus "Lion Garden" kafesi, Həsən Əliyev, ev 115A ünvanında yerləşən, fiziki şəxs Hüseynov Elvin Fuqan oğluna məxsus kafe, Sulutəpə qəs., R. Allahverdiyev 11 ünvanında yerləşən, fiziki şəxs Xəlilov Bəhmən Məhəmməd oğluna məxsus kafe, H.Cavid pr. ev 8 ünvanında yerləşən, fiziki şəxs Mahmudov Alsavad Xalid oğluna məxsus "Şaurma №1" restoranı, Səbail rayonu, Neftçi Qurban Abbasov küç., ev.24a ünvanında yerləşən, fiziki şəxs Məhərrəmov Elgün Zakir oğluna məxsus kafe, Səbail rayonu, Neftçi Qurban Abbasov küç., ev.7 M. ünvanında yerləşən, fiziki şəxs Hüseynov Xəyyam Hüseyn oğluna məxsus yeməkxana, Biləcəri, R.İsmayılov 8 ünvanında yerləşən, fiziki şəxs Namazov Telman Fərəc oğluna məxsus "Rəmiş" kafesi;

Sumqayıt şəhəri, 3-cü mkr ünvanında yerləşən, fiziki şəxs Rəhimov Zaur Tofiq oğluna məxsus "Köz Dönər" kafesi, 9-cu mkr ünvanında yerləşən, fiziki şəxs Şamıyev Elvin Rəhim oğluna məxsus "Hicaz Dönər" kafesi, 13-cü mkr ünvanında yerləşən, fiziki şəxs Əliyev İlham İsmayıl oğluna məxsus "Tea" kafesi, Səməd Vurğun ev.25 ünvanında yerləşən, fiziki şəxs Zamanov Rasim Nadir oğluna məxsus "Rəvan" çay evi, 17-ci mkr ünvanında yerləşən, fiziki şəxs Ağayev Seymur Engels oğluna məxsus "Ordubad" kafesi, 3 mkr. Bakı küçəsində yerləşən, fiziki şəxs Cəfərov Nurəddin Allahverdi oğluna məxsus "Lider Dönər" kafesi, 34-cü məh. ünvanında yerləşən, fiziki şəxs Bayramov Müşviq Etibar oğluna məxsus "Dönər Kabab" kafesi, 3-cü mkr ünvanında yerləşən, fiziki şəxs Şıxvəliyev İlham Gülməmməd oğluna məxsus "Bahar" kafesi, 40-cı məh. ünvanında yerləşən, fiziki şəxs Allahverdiyev Bəhram Sədirxan oğluna məxsus "Nərgiz" kafesi, Bədəlbəyli küç., ev 22 ünvanında yerləşən, fiziki şəxs Hacıyev Həsən Qaimşad oğluna məxsus "Nübar" kafesi;

Abşeron rayonu, Xırdalan şəhərində yerləşən, fiziki şəxs Mirzəyev Elçin Yaşar oğluna məxsus "Qədim Bakı" kafesi, Xırdalan şəhərində yerləşən, fiziki şəxs Bağırov Həşim Məmməd oğluna məxsus kafe, Mehdiabad qəsəbəsində yerləşən, fiziki şəxs Əlizadə Şahin Qərib oğluna məxsus "Zirvə" kafesi, Xırdalan şəh., H.Əliyev prospektində yerləşən, fiziki şəxs Soltanov Ramin Rəfayət oğluna məxsus "Aziz Baba" dönər evi, Saray ŞTQ-də yerləşən, fiziki şəxs Səmədov Rasim Rafiq oğluna məxsus "Ziya" kafesi, Buzovna ştq ev.342 M. ünvanında yerləşən, fiziki şəxs Əskərov Azər Firudin oğluna məxsus "Sherlocks" kafesi;

Digər şəhər və rayonlar üzrə:

Ağstafa şəhəri, M.Ə.Rəsulzadə küçəsində yerləşən, fiziki şəxs Kosayev Qara Mirzə oğluna məxsus kafe;

Şəmkir, Dəllər qəsəbəsində yerləşən, fiziki şəxs Aslanov Rövşən Akif oğluna məxsus kafe; Gəncə şəhəri Ş.İ.Xətai 157 ünvanında yerləşən, fiziki şəxs Süleymanov Məmmədəli İslam oğluna məxsus kafe, Ş.İ.Xətai ev.0 M.0 ünvanında yerləşən, fiziki şəxs Tağızadə Heydər Fazil oğluna məxsus dönər evi, Təbriz küçəsi ev.315 ünvanında yerləşən, fiziki şəxs Qurbanov Kamran Sədrəddin oğluna məxsus yeməkxana;

Mingəçevir şəhərində yerləşən, fiziki şəxs Hacıyev Nurlan Arzuman oğluna məxsus obyekt, H.Hüseynov küç., ev.30 M. ünvanında yerləşən, fiziki şəxs Abbasov Rubail Yaşar oğluna məxsus restoran, Maqomayev 14 ünvanında yerləşən, fiziki şəxs Rövşən Bilalov Rasim oğluna məxsus kafe.

Qeyd edək ki, AQTA Bakıda, eləcə də regionlarda fəaliyyət göstərən ictimai iaşə obyektlərində yoxlama-nəzarət tədbirlərini davam etdirir və Nazirlər Kabinetinin qərarı ilə təsdiq edilmiş metodiki göstərişlərə əməl etməyən sahibkarlıq subyektləri barədə ən sərt tədbirlər görüləcək.

12
Teqlər:
Nəsimi rayonu, Bakı şəhəri, sahibkarlıq subyektləri
Чингиз Абдуллаев

Xalq yazıçısı: “Tariximizi unutsaq, onlar yenidən işğala başlamaq üçün güc toplayacaqlar”

0
(Yenilənib 09:49 05.12.2020)
Xalq yazıçısı Çingiz Abdullayev deyir ki, bizim uşaqlarımızın, nəvələrimizin belə bir muzeyi olmalıdır ki, onlar gəlib görsünlər və heç zaman yaddan çıxarmasınlar
Çingiz Abdullayev: “Bizim tarixi muzeylərimiz çox olmalıdır”

Prezident İlham Əliyev Bakı şəhərində Vətən müharibəsi memorial kompleksinin və Zəfər muzeyinin yaradılması haqqında Sərəncam imzalayıb.

Xalq yazıçısı Çingiz Abdullayev Sputnik Azərbaycan-a deyir ki, imzalanmış bu Sərəncam çox lazımlıdır:

“Bizim uşaqlarımızın, nəvələrimizin belə bir muzeyi olmalıdır ki, onlar gəlib görsünlər və heç zaman yaddan çıxarmasınlar. Əgər biz bu tarixi unutsaq, onlar torpaqlarımızı işğal etmək üçün yenidən güc toplayacaqlar. Mən inanmaq istəyirəm ki, bu məsələ həmişəlik həll olunub, müharibə bitib və biz bir daha torpaqlarımızı itirməyəcəyik. Bizim tarixi muzeylərimiz çox olmalıdır ki, uşaqlarımız tariximizi bilsinlər”.

Çingiz Abdullayevin geniş şərhinə audiofaylda qulaq asa bilərsiniz

0