Ekologiya və Təbii Sərvətlər Nazirliyinin Ekoloji maarifləndirmə və ictimaiyyətlə əlaqələr şöbəsinin müdiri Umayra Tağıyeva

Umayra Tağıyeva: “Marketlərdə parça kağız torbalara üstünlük verilməlidir”

129
(Yenilənib 16:50 30.11.2018)
Ən çox təhlükə yaradan nazik, 20 mkr-dan aşağı olan və əhali arasında "pinqvin" adlandırılan polietilen torbalardır.

BAKI, 30 noyabr — Sputnik. "Bir neçə aydır ki, nazirlik tərəfindən ətraf mühitə plastik tullantıların mənfi təsirini azaltmaq məqsədilə həm maarifləndirici təbliğat işləri, həm də bu məsələnin həllinə yönələn tədbirlər planının hazırlanması və qəbul olunması istiqamətində aktiv işlər görülür".

Sputnik Azərbaycan xəbər verir ki, bu sözləri bu gün keçirilən mətbuat konfransında Ekologiya və Təbii Sərvətlər Nazirliyinin Ekoloji maarifləndirmə və ictimaiyyətlə əlaqələr şöbəsinin müdiri Umayra Tağıyeva deyib.

O qeyd edib ki, məsələnin vacibliyi hamıya məlumdur: “Plastik tullantıların mənfi təsirləri haqqında əhalimiz kifayət qədər məlumatlıdır, qəbul olunan qərarlarda biz çalışırıq ki, əhalinin fikri, maraqları nəzərə alınsın. Bu məqsədlə bu yaxınlarda bir neçə kütləvi informasiya vasitələrində sorğular yerləşdirilib: "Sorğunun "Plastik məhsulların istifadəsinin məhdudlaşdırılmasına hazırsınızmı?" sualına cavab verən respondentlərin 80-90,6 %-i buna razı olduqlarını bildiriblər. Digərləri isə plastikin məhdudlaşdırılmasının tərəfdarı olmadıqlarını bildirərək buna səbəb kimi plastikdən istifadəyə vərdiş etdiklərini əsas gətiriblər. Sevindirici bir haldır ki, əhali tərəfindən problemin həll olunması dəstəklənir. Əlbəttə, biz yaddan çıxarmamalıyıq ki, bu plastik tullantıların ətraf mühitə verdiyi ziyanla bərabər, tez alışdıqları üçün yanma zamanı atmosferə zərərli maddələr atılır, bu da bizim sağlamlığımız üçün əlavə risklər yaradır".

Şöbə müdiri qeyd edib ki, ən çox təhlükə yaradan nazik, 20 mkr-dan aşağı olan və əhali arasında "pinqvin" adlandırılan polietilen torbalardır. Bu torbalar həddindən çox istifadə olunur, əsasən də, qadınlar, xanımlar bilməlidir ki, məişətdə istifadəsi rahat olsa da, ziyanı böyükdür, həm sağlamlığımıza, həm ətraf mühitə. Buna vərdiş etsək də, bu vərdişimizi dəyişmək öz əlimizdədir, alternativi istər şüşə qablar, istərsə də üzəri emalla örtülmüş saxlama qabları istifadə oluna bilər. Marketlərdə isə istər parça, istər kağız torbalardan istifadəyə üstünlük verilməlidir".

129
Teqlər:
mətbuat konfransı, Ekologiya və Təbii Sərvətlər Nazirliyi, plastik, Umayra Tağıyeva
Əlaqədar
Dünya plastik qablardan imtina edir, Azərbaycan isə bunda problem görmür
Plastik qablar qadağan ediləcək
Marketlərdə mal alanlara polietilen torbalar pulla satılacaq
Azərbaycanda plastik qablar qadağan edilə bilər
COVID-19 virusundan ölən şəxs

Bu aralar QİÇS-dən ölənlərin sayı kəskin arta bilər

6
(Yenilənib 00:13 03.12.2020)
BMT xəbərdarlıq edib ki, COVID-19 pandemiyası ilə əlaqədar olaraq QİÇS-dən ölənlərin sayı 150 minə qədər artıra bilər.

BAKI, 3 dekabr — Sputnik. BMT-nin QİÇS-lə bağlı ortaq proqramı olan UNAİDS-in hesabatına görə, COVID-19 pandemiyası 2022-ci ilədək, yəni təkcə növbəti ildə 300 minə yaxın yeni QİÇS yoluxmasına, eyni zamanda da 150 minədək QİÇS-dən ölümə səbəb olacaq.

Sputnik Azərbaycan-ın Türkiyə mediasına istinadən xəbərinə görə, yaranacaq vəziyyətin qarşısının alınması, ölümlərin sayının azalması, eləcə də QİÇS-lə mübarizə məsələsində ölkələr yeni hədəflər müəyyənləşdirməlidirlər.

Qeyd edək ki, hazırda dünyada 38 milyon insan QİÇS-lə yaşayır, onlardan 12 milyonu müalicəsini gözləyir. Statistikaya görə, təkcə ötən il 1,7 milyon şəxsdə ilk dəfə olaraq QİÇS aşkarlanıb.

6
Teqlər:
Koronavirus, epidemiya, COVID-19, Respublika QİÇS-lə Mübarizə Mərkəzi, QİÇS virusu, QİÇS, BMT
Haluk Levent

Müğənni koronavirusa görə işsiz qalanlar üçün xeyriyyə aksiyası keçirəcək

7
(Yenilənib 00:07 03.12.2020)
Türkiyədə sərtləşdirilən koronavirus qadağalarından sonra sənətçi işsiz qalan vətəndaşlara yardım edəcəyini bildirib.

BAKI, 3 dekabr — Sputnik. Türkiyəli müğənni Haluk Levent növbəti xeyriyyə işi ilə gündəmə gəlib.

Sputnik Azərbaycan xəbər verir ki, Türkiyədə sərtləşdirilən koronavirus qadağalarından sonra sənətçi işsiz qalan vətəndaşlara yardım edəcəyini bildirib.

O, 20 min ailəyə qida paketləri paylayacağını söz verib. Qeyd edək ki, Haluk Levent AHBAP adlı (Anadolu Halk ve Barış Platformu) xeyriyyə təşkilatının lideridir.

Müğənni olmaqla yanaşı, yardıma ehtiyacı olan insanlara kömək kampaniyaları ilə də məşhurdur. O, hətta ötən il Azərbaycanda xərçəng xəstəliyindən əziyyət çəkən Surə Nadirovanın müalicəsi üçün xeyriyyə konserti təşkil etmişdi.

Sənətçi bundan başqa, ötən ay İzmirdə baş verən zəlzələ nəticəsində sahibsiz qalan və yaralanan heyvanlara da yardım edib.

7