Ailə, Qadın və Uşaq problemləri üzrə dövlət komitəsinin sədri Hicran Hüseynova

Hicran Hüseynova: “750 milyondan artıq qız erkən nikaha sövq edilir”

88
(Yenilənib 12:28 26.11.2018)
2017-ci ildə 15-17 yaşlı qızlar tərəfindən 2 min 421 uşaq dünyaya gətirilib

BAKI, 26 noyabr — Sputnik. Bakıda "Qadınlara və Qızlara qarşı zorakılığa son" 16 günlük Fəallıq Kampaniyasına həsr olunmuş konfrans başlayıb. Sputnik Azərbaycan xəbər verir ki, açılışda Ailə, Qadın və Uşaq Problemləri üzrə Dövlət Komitəsinin sədri Hicran Hüseynova,  BMT-nin Azərbaycandakı Rezident Əlaqələndiricisi Qulam İshaqzai, ombudsman Elmira Süleymanova və millət vəkili Aqiyə Naxçıvanlı çıxış edib.

Komitə sədri Hicran Hüseynova görülən tədbirlərdən danışıb: "Bu gün dünyada qadınların 71 faizi insan alverinin qurbanıdır. 750 milyondan artıq qız erkən nikaha sövq edilir. Dünyada hər üç qadından biri zorakılığa məruz qalır. Bütün dünyada olduğu kimi, ölkəmizdə də qadın zorakılığına qarşı mübarizə davam etdirilir. Bu gün hər bir qadın zorakılığı insan hüquqlarının pozulmasıdır".

E.Süleymanova isə qadın fəallığının artmasından və qızların erkən nikahından söz açıb: "Bu gün qadınların müdafiəsinin gücləndirilməsi üçün tərəfimizdən müxtəlif addımlar atırıq. Qadınların müdafiəsi üçün BMT nümayəndələri ilə birgə bölgələrdə işimizi davam etdiririk. Qarşılaşdığımız problemlərlə əlaqədar olaraq Milli Məclisdə müxtəlif qanunlara dəyişiklik təklif etmişik. Gördüyümüz işlərin nəticəsidir ki, bu gün bəzi sahələrdə qadınların aktivliyi artıb. Bələdiyyələrdə qadınların aktivliyi 4 faizdən 35 faizədək qalxıb".

"2017-ci ildə 15-17 yaşlı qızlar tərəfindən 2 min 421 uşaq dünyaya gətirilib. Qızların erkən ailə həyatı qurması isə qüsurlu övladların dünyaya gəlməsidir" – deyə Elmira Süleymanova vurğulayıb.

Millət vəkili Aqiyə Naxçıvanlı isə bu problemlərin zamanında aşkarlanmasının vacibliyindən söz açıb: "Qadınların hüququnun zamanında aşkarlanması üçün qaynar xəttin yaradılmasına ehtiyac var. Biz büdcə müzakirələrində də qaynar xəttin yaradılmasını təklif etmişik".

88
Teqlər:
Hicran Hüseynova, zorakılıq, qadın, konfrans
Əlaqədar
Bakıda mühüm beynəlxalq konfrans keçirilir
Vərəmlə mübarizə gününə həsr olunmuş konfrans keçirilib
Azərbaycanlıların soyqırımı ilə bağlı beynəlxalq elmi konfrans keçirilib
Bakıda daha bir Beynəlxalq Konfrans təşkil ediləcək
Bakıda beynəlxalq konfrans və sərgi olub
Koronavirus testi, arxiv şəkli

Azərbaycanda son sutkada 714 nəfər koronavirusa yoluxdu - Yenə rekord

0
(Yenilənib 15:17 21.10.2020)
Aktiv xəstə sayı 5 503 nəfərdir. Ötən müddət ərzində 1 milyon 250 min 736 test aparılıb. Bugünkü test sayı isə 9 072-dir.

BAKI, 21 oktyabr — Sputnik. Azərbaycanda bu gün koronavirus infeksiyasına 714 yeni yoluxma faktı qeydə alınıb, 176 nəfər müalicə olunaraq sağalıb və evə buraxılıb. Sputnik Azərbaycan-ın məlumatına görə, bu barədə Nazirlər Kabineti yanında Operativ Qərargah məlumat yayıb.

Son sutkada 7 nəfər COVID-19-dan vəfat edib. Hazırkı dövrədək ölkəmizdə 46 min 593 nəfərin koronavirus infeksiyasına yoluxması faktı müəyyən edilib. Onlardan 40 min 448 nəfər müalicə olunaraq sağalıb, 642 nəfər vəfat edib. Aktiv xəstə sayı 5 503 nəfərdir. Ötən müddət ərzində 1 milyon 250 min 736 test aparılıb. Bugünkü test sayı isə 9 072-dir.

0
İlham Əliyev, arxiv şəkli

Dövlət başçısı: Hər gün bayrağımız yeni bir yaşayış məntəqəsində ucaldılır

39
Ölkə başçısı Azərbaycan vətəndaşlarının bu gün işğaldan azad edilmiş bütün torpaqlara qayıdacağına əmin olduğunu vurğulayıb.

BAKI, 21 oktyabr — Sputnik. "Öz doğma torpaqlarını görməyən, işğaldan sonra dünyaya göz açan hər bir azərbaycanlı həmin torpaqlara qayıtmaq arzusu ilə yaşayıb".

Sputnik Azərbaycan xəbər verir ki, bu barədə Azərbaycan Prezidenti İlham Əliyev öz "Twitter" hesabında yazıb.

Ölkə başçısı Azərbaycan vətəndaşlarının bu gün işğaldan azad edilmiş bütün torpaqlara qayıdacağına əmin olduğunu vurğulayıb.

"Hər gün bayrağımız yeni bir yaşayış məntəqəsində ucaldılır. Budur Azərbaycan dövlətinin, Azərbaycan xalqının gücü", - deyə o əlavə edib.

39
Mövzu:
Azərbaycan və Ermənistan arasında müharibə
Türkiyənin İpsala qəsəbəsində TANAP qaz kəmərinin Avropa ilə birləşən hissəsinin açılış mərasimi

Azərbaycan Türkiyə birgə daha bir uğura imza atdı

0
TANAP tikinti dövründə təhlükəsizlik və keyfiyyət baxımından nail olduğu ən yüksək göstəricilərə və ekosistemlər nəzdində yaratdığı müsbət sosial, iqtisadi və mədəni dəyərlərə görə "İlin layihəsi" elan olunub.

 

BAKI, 20 oktyabr — Sputnik. Trans-Anadolu Qaz Boru Kəmərinin (TANAP) layihə idarəçiliyində qazandığı beynəlxalq uğurlara yenisi əlavə edildi. Layihə, proqram və portfel idarəçiliyi üzrə dünyanın ən böyük peşəkar birliklərindən olan, mərkəzi ABŞ-da yerləşən Layihə İdarəçiliyi İnstitutu (PMI – Project Management Institute) TANAP-ı "İlin layihəsi" kateqoriyasında layihə idarəçiliyi sahəsində nüfuzlu mükafata layiq gördü. Bu barədə SOCAR-dan Sputnik Azərbaycan-a məlumat verilib. Qeyd olunub ki, Azərbaycan və Türkiyənin ən böyük birgə iqtisadi layihələrindən olan və Cənub Qaz Dəhlizinin əsas seqmentini təşkil edən TANAP qürurverici uğurlara imza atmağa davam edir. Dünya üzrə qəbul olunmuş standartlar, sertifikat proqramları, peşəkar icma fəaliyyətləri, elmi araşdırmalar və kurslar vasitəsilə böyük bir şəbəkə yaradan, layihə, proqram və portfel  idarəçiliyi sahəsində peşəkar standartların inkişafını dəstəkləyən, mərkəzi Amerika Birləşmiş Ştatlarında yerləşən Layihə İdarəçiliyi İnstitutu (PMI – Project Management Institute) tərəfindən "İlin layihəsi" kateqoriyasında mükafata layiq görüldü.

TANAP tikinti dövründə təhlükəsizlik və keyfiyyət baxımından nail olduğu ən yüksək göstəricilərə və ekosistemlər nəzdində yaratdığı müsbət sosial, iqtisadi və mədəni dəyərlərə görə "İlin layihəsi" elan olunub. Bu sahədə 50 ildən artıq bir müddətdə fəaliyyət göstərən PMI dünyada müxtəlif sahələr üzrə 2,9 milyon peşəkar üçün texnoloji dəyərlər yaratmaqla yanaşı, layihə idarəçiliyi proseslərində müəyyənləşdirdiyi standartların tətbiqi proseslərində yüksək təşkilati nəticələrə nail olan və cəmiyyətə müsbət təsir göstərən layihələri mükafatlandırır.

 

0