BAKI, 21 noyabr — Sputnik. Xəbər verdiyimiz kimi ötən gün Gəncə şəhəri "Füzuli" parkının yaxınlığında, Şahlar Hüseynov küçəsi, bina 13-də partlayış baş verib.
Sputnik Azərbaycan-a Gəncə şəhər prokrorluğundan verilən məlumata görə, baş verən hadisə ilə əlaqədar cinayət işi açılıb. Prokrorluğun məlumatına görə, Cinayət Məcəlləsinin 225.2-ci (Yanğın təhlükəsizliyi qaydalarını pozma, ehtiyatsızlıqdan zərərçəkmiş şəxsin ölümünə və ya digər ağır nəticələrə səbəb olduqda) və 314.2-ci (Səhlənkarlıq, ehtiyatsızlıqdan zərərçəkmiş şəxsin ölümünə və ya digər ağır nəticələrə səbəb olduqda) maddələri ilə cinayət işi başlanıb.
