Kütləvi informasiya vasitələri rəhbərlərinin Ali Məhkəmənin sədri Ramiz Rzayev və məhkəmə heyəti ilə görüşü

Məhkəmə - mətbuat münasibətləri müzakirə olunub

46
(Yenilənib 16:13 16.11.2018)
Ali Məhkəmədə KİV rəhbərlərinin iştirakı ilə görüş keçirilib

BAKI, 16 noyabr — Sputnik. Bu gün Azərbaycan Respublikasının Ali Məhkəməsində kütləvi informasiya vasitələri rəhbərlərinin bu məhkəmənin sədri Ramiz Rzayev və məhkəmə heyəti ilə görüşü keçirilib. Sputnik Azərbaycan xəbər verir ki, görüş Mətbuat Şurasının (MŞ) və Ali Məhkəmənin birgə təşkilatçılığı ilə baş tutub.

Ali Məhkəmənin sədri Ramiz Rzayev ölkəmizdə məhkəmə sahəsində görülmüş işlər barədə geniş mlumat verib. O, məhkəmə orqanlarının KİV-lərlə qarşılıqlı əməkdaşlığının ölkəmizdəki və beynəlxalq təcrübədəki müxtəlif məqamlarından söz açıb, problemli tərəflərə toxunub.

Kütləvi informasiya vasitələri rəhbərlərinin Ali Məhkəmənin sədri Ramiz Rzayev və məhkəmə heyəti ilə görüşü
© Sputnik / Irade JELIL
Kütləvi informasiya vasitələri rəhbərlərinin Ali Məhkəmənin sədri Ramiz Rzayev və məhkəmə heyəti ilə görüşü

Ali Məhkəmə sədrinin Azərbaycanda hakimlərin statistikası, eləcə də onların il ərzində gördüyü işlərə, apardıqları məhkəmə prosesləri ilə bağlı məlumatı maraqla qarşılanıb. R.Rzayev, həmçinin KİV rəhbərlərinin müxtəlif məsələlərlə əlaqədar suallarını cavablandırıb.

MŞ sədri, Milli Məclisin deputatı Əflatun Amaşov jurnalistlərin ixtisaslaşması ilə bağlı məsələlərin hər zaman aktual olduğunu bildirib. Ə.Amaşov çıxışında KİV təmsilçilərinin hüquqi biliklərinin dərinləşməsinin vacibliyindən danışıb. MŞ sədri eyni zamanda məhkəmə-media müstəvisində meydana çıxan problemlərin xarakterik cəhətlərindən söz açıb, məhkəmə-media əlaqələrinin cəmiyyətin mənafeyi baxımından müstəsna əhəmiyyət daşıdığını vurğulayıb.

Kütləvi informasiya vasitələri rəhbərlərinin Ali Məhkəmənin sədri Ramiz Rzayev və məhkəmə heyəti ilə görüşü
© Sputnik / Irade JELIL
Kütləvi informasiya vasitələri rəhbərlərinin Ali Məhkəmənin sədri Ramiz Rzayev və məhkəmə heyəti ilə görüşü

Görüşdə çıxış edənlərdən Azərbaycan Respublikasının Prezidenti yanında Kütləvi İnformasiya Vasitələrinin İnkişafına Dövlət Dəstəyi Fondunun icraçı direktoru Vüqar Səfərli, "Səs" qəzetinin baş redaktoru Bəhruz Quliyev, MŞ İdarə Heyətinin üzvləri - Azər Həsrət, "Teleqraf holdinq"in rəhbəri Aynur Camalqızı, "Yeni Azərbaycan" qəzetinin baş redaktoru, Milli Məclisin deputatı Hikmət Babaoğlu, Milli Məclisin deputatı Çingiz Qənizadə, "İki sahil" qəzetinin baş redaktoru Vüqar Rəhimzadə, "Bizim yol" qəzetinin baş redaktoru Bahəddin Həziyev, MŞ sədrinin müavini Müşfiq Ələsgərli, həmçinin KİV rəhbərlərindən - "Real" TV-nin rəhbəri Mirşahin Ağayev, "Yeni Müsavat" qəzetinin baş redaktor müavini Azər Ayxan, "Olaylar" qəzetinin və eyni adlı informasiya agentliyinin rəhbəri Yunus Oğuz, MŞ-nin icraçı katibi Şəmsəddin Əliyev və başqaları jurnalistlərin hüquqi biliklərinin, o cümlədən məhkəmələrin fəaliyyəti ilə bağlı biliklərinin artırılmasına ehtiyacın duyulduğunu vurğulayıblar və bu prosesdə Ali Məhkəmənin də təşəbbüskar kimi çıxış etməsinin faydalı tərəflərini diqqətə çatdırıblar.

Görüşdə eyni zamanda məhkəmə-media münasibətlərinin müasir reallaqlara söykənməsinin, cəmiyyətdə məhkəmə hakimiyyətinə və mediaya etimad və inamın dərinləşməsinin vacibliyinə dair və digər istiqamətlərdə geniş fikir mübadiləsi aparılıb.

46
Teqlər:
mətbuat, KİV, Ali Məhkəmə
Əlaqədar
Səudiyyə şahzadəsi jurnalistin ölümü ilə əsas şübhəlidir - KİV
Baş Prokurorluq bəzi KİV-lərlə bağlı məlumat yaydı
Azərbaycan KİV-ləri Rusiya ilə bağlı səs-küylü hadisələri balanslı işıqlandırır

Xırdalanda partlamış evin dağıntıları altından qadın meyiti çıxarılıb

41
(Yenilənib 00:34 26.01.2021)
Dağıntılar altından bir nəfərin cəsədi çıxarılıb. Həmin şəxsin 1988-ci il təvəllüdlü Musayeva Aytən Tacəddin qızı olduğu bildirilir.

BAKI, 26 yanvar - Sputnik. Xırdalanda partlayışda həlak olan qadının nəşi dağıntılar altından çıxardılıb.

Sputnik Azərbaycan-ın məlumatına görə, Xırdalanda baş verən partlayışda 1988-ci il təvəllüdlü Aytən Tacəddin qızı Musayeva faciəli şəkildə dünyasını dəyişib. Bu barədə Sputnik Abşeron MRX-nın direktoru Mehriban Qaralova məlumat verib. O, bildirib ki, Xırdalanda baş vermiş hadisə nəticəsində 6 nəfər müxtəlif dərəcəli bədən xəsarətləri ilə xəstəxanaya yerləşdirilib, onlardan biri uşaqdır.

Partlayış zamanı xəsarət alanlardan biri Musayev Vüsal Firuddin oğlunun həyat yoldaşı Aytən Musayeva dağıntılar altından ölü tapılıb. Onun azyaşlı qızının axtarışları davam edir. Oğlu 10 yaşlı Musayev Firuddin Vüsal oğlu və həyat yoldaşı xəstəxanada müalicə alırlar.

Partlayış zamanı xəsarət alanlar 1983-cü il təvəllüdlü Musayev Vüsal Firuddin oğlu, onun 10 yaşlı oğlu, 2009-cu il təvəllüdlü Musayev Firuddin Vüsal oğlu, 8 yaşlı qızı, 2012-ci il təvəllüdlü Musayeva Fatimə Vüsal qızı, Musayeva Ziyafət Qafar qızı və Gözəl Səmədovadır.

Dağıntılar altından çıxarılan digər şəxslər 1968-ci il təvəllüdlü Ələzova Simayə Mövlud qızı, 2006-cı il təvəllüdlü Şükürzadə Xədicə Bəxtiyar qızı,  1989-cu il təvəllüdlü Əliyev Emil Arif oğlu və 1988-ci il təvəllüdlü Hüseynov Arif Əbülfəz oğludur. 

Qeyd edək ki, 25 yanvar 2021-ci il tarixində Fövqəladə Hallar Nazirliyinin "112" qaynar xəttinə Abşeron rayonu, Xırdalan şəhəri, 27-ci məhəllə adlanan ərazidə uçqunla nəticələnən partlayış hadisəsinin baş verməsi barədə məlumat daxil olub.

FHN-dən Sputnik Azərbaycan-a verilən məlumata görə, dərhal əraziyə FHN-in müvafiq xilasetmə qüvvələri cəlb olunub. Əməliyyat şəraiti qiymətləndirilərkən məlum olub ki, uçqun ikimərtəbəli fərdi yaşayış evində baş verib.

Partlayış dalğasının təsirindən yaxınlıqdakı binaların şüşələri sınıb. FHN-in əməkdaşları tərəfindən operativ axtarış-xilasetmə əməliyyatı davam edir.

 

41
Xırdalanda partlayış yerində

Xırdalanda dağıntılar altından xilas edilənlərin sayı artır

20
Görülmüş operativ tədbirlər nəticəsində FHN-in xilasediciləri tərəfindən dağıntı altından daha bir nəfər xilas olunaraq aidiyyəti üzrə təhvil verilib.

BAKI, 25 yanvar — Sputnik. Abşeron rayonu, Xırdalan şəhəri, 27-ci məhəllə adlanan ərazidə yerləşən və partlayış nəticəsində uçqun baş vermiş ikimərtəbəli fərdi yaşayış evində Fövqəladə Hallar Nazirliyinin qəza-xilasetmə qüvvələri tərəfindən axtarış-xilasetmə əməliyyatı davam etdirilir.

APA xəbər verir ki, görülmüş operativ tədbirlər nəticəsində FHN-in xilasediciləri tərəfindən dağıntı altından daha bir nəfər xilas olunaraq aidiyyəti üzrə təhvil verilib. Bununla da xilasedicilər tərəfindən xilas edilmiş vətəndaşların sayı 6-ya çatıb.

Axtarış-xilasetmə əməliyyatı davam edir. Əlavə məlumat veriləcək.

20