Daxili İşlər Nazirliyinin Baş Pasport, Qeydiyyat və Miqrasiya İdarəsinin Qeydiyyat və Şəxsiyyət vəsiqəsi şöbəsinin rəisi, polis mayoru Jalə Nəsibova

Yeni şəxsiyyət vəsiqələrinin özəlliyi köhnələrin taleyi necə olacaq Rəis izah edir

27361
(Yenilənib 17:18 15.11.2018)
Jalə Nəsibova: "Yeni nəsil şəxsiyyət vəsiqələri 6 dövlət qurumunun məlumatları əsasında hazırlanır"

İradə Cəlil, Sputnik Azərbaycan

BAKI, 16 noyabr - Sputnik. Cari il sentyabrın 1-dən etibarən Azərbaycan vətəndaşlarına yeni nəsil şəxsiyyət vəsiqələrinin verilməsinə başlanılıb. Yeni nəsil şəxsiyyət vəsiqələri təhlükəsizlik nöqteyi-nəzərdən köhnə vəsiqələrdən daha üstündür.

Bu vəsiqələrə vətəndaşın yaşayış yeri üzrə qeydiyyatı, ailə vəziyyəti haqqında məlumatlar, habelə şəxsiyyət vəsiqəsi sahibinin biometrik fotosu və digər fərdi göstəriciləri özündə birləşdirən elektron daşıyıcı (çip) yerləşdirilib. Yeni nəsil vəsiqələr digər ölkələrin müvafiq orqanları ilə biometrik informasiya mübadiləsinin tənzimlənməsində müstəsna əhəmiyyət kəsb edir.

Amma son zamanlar yeni nəsil şəxsiyyət vəsiqəsinin bəzi qurumlar tərəfindən oxunulmaması, 3 gün müddətinə verilməməsi, çiplərdə problemlərin olması ilə bağlı iddialar irəli sürülüb.

Sputnik Azərbaycan-ın əməkdaşı bütün deyilənlərə aydınlıq gətirmək məqsədilə Daxili İşlər Nazirliyi Baş Pasport, Qeydiyyat və Miqrasiya İdarəsinin Qeydiyyat və Şəxsiyyət vəsiqəsi şöbəsinin rəisi, polis mayoru Jalə Nəsibova ilə həmsöhbət olub.

Daxili İşlər Nazirliyinin Baş Pasport, Qeydiyyat və Miqrasiya İdarəsinin Qeydiyyat və Şəxsiyyət vəsiqəsi şöbəsinin rəisi, polis mayoru Jalə Nəsibova
© Sputnik / Irade JELIL
Daxili İşlər Nazirliyinin Baş Pasport, Qeydiyyat və Miqrasiya İdarəsinin Qeydiyyat və Şəxsiyyət vəsiqəsi şöbəsinin rəisi, polis mayoru Jalə Nəsibova

- Jalə xanım, yeni şəxsiyyət vəsiqələrinin çipində yerləşdirilən məlumatların oxunmasının mümkünsüzlüyü barədə müəyyən iddialar səsləndi. Bu məsələ araşdırıldımı, nəticəsi necə oldu?

- Bəli, araşdırıldı. Qeyd edim ki, bu layihə dəfələrlə təxirə salınmışdı. Yeni nəsil şəxsiyyət vəsiqələrinin verilməsi ilk dəfə 5 il öncə nəzərdə tutulmuşdu. Məsələ təxirə salındığı üçün müvafiq qurumlarda hazırlıq sonrakı dövrlərə təxirə salındı. Hazırda yeni nəsil şəxsiyyət vəsiqələrinin oxunmadığı qurumlarda proqram yenilənməlidir. Şəxsiyyət vəsiqəsinin çipində göstərilən məlumatların oxunması üçün nəzərdə tutulmuş xüsusi fayllar sentyabr ayından Daxili İşlər Nazirliyinin, eləcə də Baş Pasport, Qeydiyyat və Miqrasiya İdarəsinin saytlarında yerləşdirilərək istifadə qaydası barədə ətraflı məlumat verilib. Təəssüf ki, əksər istifadəçilər elektron şəxsiyyət vəsiqəsi məlumatlarının oxunması üçün zəruri tədbirlərin görülməsinə nədənsə təşəbbüs göstərmir. Nəticədə onlara həmin sənədlə müraciət edən vətəndaşlara xidmət göstərə bilmədiklərinə görə sonuncuların haqlı narazılığına şərait yaradırlar.

Hüquqi və fiziki şəxslər həmin faylları Daxili İşlər NazirliyininBaş Pasport, Qeydiyyat və Miqrasiya İdarəsinin rəsmi internet saytlarında yerləşdirilmiş və linklərindən yükləyərək istifadəçi təşkilatın (fiziki və hüquqi şəxsin) istifadə etdiyi proqram təminatına inteqrasiya etməklə vəsiqə sahibi barədə məlumatları xüsusi qurğu olan "çip rider" vasitəsilə oxuya və zərurət olduqda eksport edə bilərlər.

Bununla əlaqədar, Daxili İşlər Nazirliyinin Baş Pasport, Qeydiyyat və Miqrasiya İdarəsi olaraq aidiyyatı orqanlara, o cümlədən mülkiyyət növündən, təyinatından və idarəetmə formasından asılı olmayaraq, idarə, müəssisə və təşkilatlara, bank-maliyyə qurumlarına, digər hüquqi və fiziki şəxslərə bir daha müraciət edirik. Onları yeni nəsil şəxsiyyət vəsiqəsinin elektron daşıyıcısında (çipdə) yerləşdirilmiş məlumatların oxunması, həmçinin vətəndaş məmnunluğunun təmin edilməsi üçün bütün zəruri tədbirləri görməyə çağırırıq. Qeyd edim ki, bir sıra qurumlar, xüsusən bank sektoru artıq bu problemi özlərində həll edib.

- Sizcə, əslində, problem nədən qaynaqlanır?

- Əvvəllər şəxsiyyət vəsiqləri AZE seriyası ilə idi. İndi isə AA seriyası ilədir. Yenilənmə olmadığı üçün seriyalar üst-üstə düşmür və vəsiqə oxunmur. Amma vəsiqə çap olunubsa, keyfiyyət nəzarətindən keçibsə, deməli, işlək vəziyyətdədir. Əgər vəsiqə çap edilibsə, deməli heç bir problem yoxdur. Bu zaman "vəsiqə işləmir, çipdə problem var" fikirləri əsassızdır.

- Yeni şəxsiyyət vəsiqələrinin verilməsi zamanı vətəndaşların müxtəlif problemlər yaşadığı iddiaları ortaya atılıb. Məsələn, yeni şəxsiyyət vəsiqələrinin 3 gün müddətinə verilmədiyini söyləyənlər də var...

- Yeni nəsil şəxsiyyət vəsiqələri 6 dövlət qurumunun məlumatları əsasında hazırlanır. Çap zamanı da vəsiqələr bir neçə mərhələdən keçir. Bu mərhələlərdən biri də elektron imza sertifikatlarının çipə yapışdırılmasıdır. Vəsiqələrin çapı zamanı aidiyyatı qurumlara sorğular göndərilir və bu sorğuların cavabının gəlməsi bir qədər vaxt aparır. Sistem hələ yenidir. Yeni nəsil şəxsiyyət vəsiqəsinin qısa müddətə verilməsində istisnalar edilmədiyi üçün köhnə nümunəli şəxsiyyət vəsiqələri də müəyyən müddət paralel verilib.

Daxili İşlər Nazirliyinin Baş Pasport, Qeydiyyat və Miqrasiya İdarəsinin Qeydiyyat və Şəxsiyyət vəsiqəsi şöbəsinin rəisi, polis mayoru Jalə Nəsibova
© Sputnik / Irade JELIL
Daxili İşlər Nazirliyinin Baş Pasport, Qeydiyyat və Miqrasiya İdarəsinin Qeydiyyat və Şəxsiyyət vəsiqəsi şöbəsinin rəisi, polis mayoru Jalə Nəsibova

Bu gün artıq bütün ölkə ərazisində zəruri infrasturuktur hazırdır və verilir. Ancaq bu, o demək deyil ki, köhnə nümunəli vəsiqələr qüvvədə olmayacaq. Onlar tam etibarlılıq müddəti bitənə qədər qüvvədə olacaq və yararlı hesab ediləcək.

- Belə problemlərin yaranması vətəndaşlarda yeni texnoloji sistemə, elektron məlumat bazamıza etibarı azaltmır ki?

- Bu sistemdən keçməyən şəxslər bu proses haqqında güvənsiz ola bilər. Şəxsiyyət vəsiqəsinin verilməsi prosesində iştirak edən hər bir şəxs yeni sistemin üstünlüyünün nədən ibarət olduğunu görür. İlk öncə sənədlər elektron şəkildə yığılır, inteqrasiya edilmiş məlumatlar əsasında əlavə sənəd tələb edilmədən, vətəndaşın əlindəki şəxsiyyət vəsiqəsi yoxlanılır. Bu zaman ekranda ərizə-anket forması çıxır. Bu, avtomatik olaraq proqram təminatı vasitəsilə doldurulur. Vətəndaş üçün bu, işin asanlaşdırılması deməkdir. Sonra nikah haqqında məlumatlar əldə edilir. Burada vətəndaşın ailə üzvləri, övladları, həyat yoldaşı barədə məlumatlar çıxır. Və vətəndaşdan bu prosesdə əlavə heç bir sənəd tələb edilmir. Sistem mükəmməl şəkildə təşkil edilib. Biometrik şəxsiyyət vəsiqəsinin əsas üstünlüyü ondan ibarətdir ki, bu zaman biometrik üz cizgiləri, barmaq izi götürülür. Qeyd edək ki, 15 yaşa qədər uşaqların barmaq izi götürülür. Vətəndaşa yeni nəsil şəxsiyyət vəsiqəsi ilə birlikdə Pin-puk kodlar da verilir.

- Ümumiyyətlə, hansı zərurət şəxsiyyət vəsiqələrinin görünüşünü, mahiyyətini və təyinatını dəyişməyə səbəb oldu?

- Elektron daşıyıcı (çip) olan şəxsiyyət vəsiqəsinin üstünlüyü onun Beynəlxalq Mülki Aviasiya Təşkilatının (İCAO) standartlarına uyğun hazırlanması, ən əsası isə elektron daşıyıcının olmasıdır. Həmin çipdə vətəndaşın əsas anket məlumatlarından əlavə valideynlərinin, həyat yoldaşının, uşaqlarının soyadı, adı və elektron imzası da yerləşdirilir. Bu əsasda isə, "Elektron hökümət" portalı vasitəsilə bir çox elektron xidmətdən yararlanmaq mümkündür. Gələcəkdə müvafiq beynəlxalq müqavilə bağlanmış olduğu halda, şəxsiyyət vəsiqəsindən ölkədən getmək və ölkəyə gəlmək hüququnun həyata keçirilməsi üçün nəzərdə tutulan sənəd kimi istifadə edilə bilər.

Eyni zamanda, vətəndaşın yaşayış yeri, hərbi vəzifəsi və ailə vəziyyəti kimi dəyişə bilən məlumatlar artıq sənədin üzərində deyil, çipin daxilində yerləşdiriləcək. Bu da həmin məlumatların vəsiqə dəyişdirilmədən elektron daşıyıcıda yenilənməsi imkanını yaradır. Hazırda əl-barmaq izlərinin də çipə daxil edilməsi məsələsinə baxılır.

Vətəndaşın ərizə-anketindəki məlumatları ondan əlavə sənəd tələb edilmədən 6 dövlət qurumunun (Ədliyyə, Səhiyyə və Nəqliyyat, Rabitə və Yüksək Texnologiyalar nazirlikləri, Dövlət Miqrasiya, Səfərbərlik və Hərbi Xidmətə Çağırış üzrə Dövlət xidmətləri, Əmlak Məsələləri Dövlət Komitəsi) "Giriş-çıxış və qeydiyyat" İAMAS-da toplanılan məlumatları əsasında yoxlanılır.

Yeni nəsil elektron şəxsiyyət vəsiqəsi hazırlandığı vaxtdan 10 il müddətinə, 55 yaşı tamam olmuş şəxslərə isə qeyri-məhdud müddətə verilir. Şəxsiyyət vəsiqəsi almaq istəyən vətəndaşların qəbulu şəhər, rayon polis orqanlarının qeydiyyat və şəxsiyyət vəsiqəsi qurumlarında və "ASAN xidmət" mərkəzlərində baş tutacaq. Çapı isə DİN-in Baş Pasport Qeydiyyat və Miqrasiya İdarəsinin 10 regional şöbəsində - Bakı, Gəncə, Şəki, Lənkəran, Şirvan, Naxçıvan, Quba, Göyçay, Bərdə, Şamaxı şəhər rayonları, 5 saylı Bakı və Gəncə "ASAN xidmət" mərkəzlərində keçiriləcək.

- Köhnə şəxsiyyət vəsiqəsi ilə bağlı nə kimi şikayətlər daxil olurdu?

- Köhnə şəxsiyyət vəsiqələrinin təkcə laminasiya problemi ilə bağlı müraciət edilirdi. Bu da şəxslərin həyat tərzi ilə bağlıdır. Aktiv həyat tərzi keçirən insanlar şəxsiyyət vəsiqəsini daim cibində saxladığı üçün bu kimi problemlə qarşılaşırdılar. Bundan başqa şikayətlər daxil olmayıb.

- Cəmiyyətdə yeni şəxsiyyət vəsiqələrin materialı ilə bağlı suallar da dolaşır. Belə ki, həmin vəsiqələrin cızılması, zədələnməsi, qabığının soyulması kimi problemlər meydana çıxa bilər. Belə olan halda bu, çipə necə təsir göstərəcək?

- Yeni nəsil şəxsiyyət vəsiqəsi adi plastik deyil, yüksək keyfiyyətli polikarbonat materialdan hazırlanmış kartdır. Onu saxtalaşdırmaq mümkün deyil. Əgər çipdə problem yaranarsa, qırılsa, vətəndaş yenidən şəxsiyyət vəsiqəsi almaq üçün müraciət etməli olacaq. Ancaq yenə də əvvəlki qayda ilə vətəndaş şəxsiyyət vəsiqəsinin itirilməsi və ya korlanmasına görə 10 manat əlavə cərimə ödəyəcək.

Məsələn, vətəndaş şəxsiyyət vəsiqəsini korlayıbsa və bir gün müddətinə yenisini almaq istəyirsə, 35 manat və üstəlik 10 manat dövlət rüsumu ödəməli olacaq. Oğurlandıqda isə, şəxsiyyət vəsiqəsinin verilməsi üçün əlavə rüsum tələb olunmur. Belə ki, bu halda vətəndaş polisə müraciət edib şəxsiyyət vəsiqəsinin oğurlandığını bildirməlidir. Vətəndaşın şəxsiyyət vəsiqəsi zədələnsə belə, ümumi məlumatlar bazada qalır.

- Vətəndaşlar təklif edirlər ki, Azərbaycanda da bəzi xarici ölkələrdə olduğu kimi şəxsiyyət vəsiqələri ümumvətəndaş pasportunun içində ayrıca vərəq kimi olsun.

- Bu, bizim üçün aktual məsələ deyil. Şəxsiyyət vəsiqəsini ölkədə hamı istifadə edir. Bilirsiniz ki, hər bir hüquqi addım üçün şəxsiyyət vəsiqəsinə ehtiyac var. Yəni insan doğulandan ölümün rəsmiləşdirilməsinə qədər şəxsiyyət vəsiqəsinə ehtiyac var. Məsələn, ucqar rayonlarda yaşayan vətəndaşlar var ki, onlar heç bir xarici ölkəyə getmirlər. Bu səbəbdən də şəxsiyyət vəsiqəsinin ümümvətəndaş pasportunun içində olması maddi baxımdan səmərəli deyil.

- Əgər elektron bazada bütün zəruri məlumatlar varsa, o zaman vətəndaş şəxsiyyət vəsiqəsini daim üzərində gəzdirməyə borcludurmu?

- Qeyd edim ki, bütün vətəndaşların elektron məlumatları ümumi bazada var. Bu, daha çox vətəndaşın özünə lazımdır. Şəxsiyyət vəsiqəsinin üzərində vətəndaşın ad-soyadı və qan qrupu yazılır. Bəzən insan həyatda hər cür ekstremal halla qarşılaşır. Məsələn, vətəndaş qəzaya düşə və yanında onu tanıyan heç kimsə olmaya bilər. Ona təcili qan köçürmək lazım olar. Bu zaman şəxsiyyət vəsiqəsi lazımdır ki, şəxs haqqında məlumat verilsin.

- Jalə xanım, yeni nəsil şəxsiyyət vəsiqələri elektron daşıyıcıya malik olduğu üçün bir qədər baha başa gəlir. Bu rüsumlara təsir edəcəkmi?

- Bununla bağlı qanunvercilikdə heç bir dəyişiklik edilməyib. Rüsumlar əvvəlki kimidir. Azərbaycan Respublikasının vətəndaşlarına şəxsiyyət vəsiqəsi 10 gün müddətində verildikdə və ya dəyişdirildikdə 5, 3 iş günü müddətində verildikdə və ya dəyişdirildikdə 25, 1 iş günü müddətində verildikdə və ya dəyişdirildikdə isə 35 manat rüsum ödənməlidir.

Şəxsiyyət vəsiqəsi Azərbaycan Respublikasının 15 yaşı tamam olmamış vətəndaşına 10 gün müddətində verildikdə və ya dəyişdirildikdə 4 manat, 3 iş günü müddətində verildikdə və ya dəyişdirildikdə 20, 1 iş günü müddətində verildikdə və ya dəyişdirildikdə isə 25 manat rüsum ödəniləcək. Şəxsiyyət vəsiqəsinin itirilməsi və ya korlanması ilə əlaqədar yenidən verilməsinə görə 10 iş günü müddətində verildikdə 15, 3 iş günü müddətində verildikdə 35, 1 iş günü müddətində verildikdə isə rüsum 45 manatdır.

27361
Teqlər:
DİN, rüsum, gün, pasport, şəxsiyyət vəsiqəsi, Jalə Nəsibova
Əlaqədar
Yeni şəxsiyyət vəsiqələri ilə bağlı daha bir xəbər yayıldı - RƏSMİ
Yeni şəxsiyyət vəsiqələrinin maraqlı cəhətləri açıqlandı
Yeni şəxsiyyət vəsiqələri necə verilir: Qaranlıq məqamlara aydınlıq gətirildi
Ekspert yeni şəxsiyyət vəsiqələrinin maraqlı xüsusiyyətlərini açıqladı
Qəza, arxiv şəkli

Bakıda təkərin partlayaraq iki nəfəri ağır yaralamasının GÖRÜNTÜLƏRİ

520
(Yenilənib 19:52 26.07.2021)
Adi ehtiyatsızlıq paytaxtın Nərimanov rayonunda iki vətəndaşın ağır şəkildə yaralanmasına səbəb olub.

BAKI, 26 iyul — Sputnik. Bakıda təkərin partlaması iki nəfərin yaralanmasına səbəb olub.

Sputnik Azərbaycan xəbər verir ki, hadisə iyulun 23-də Nərimanov rayonu, Ə.Qayıbov küçəsində baş verib.

Yük avtomobilinin təkərinə atmosfer vurularkan yanlışlığa yol verildiyindən təkər havaya uçub. Onun diski isə yaxınlıqda kafedə əyləşmiş insanların masasına düşüb.

Hadisə nəticəsində iki nəfərin ağır xəsarətlər aldığı bildirilir.

520
Bakıda klinikaların birində koronavirus testi

Azərbaycanda koronavirusa yoluxanların sayı azalıb, ölənlər var

3630
(Yenilənib 16:46 26.07.2021)
İndiyədək ölkədə ümumilikdə 340715 nəfərin koronavirus infeksiyasına yoluxması faktı müəyyən edilib, onlardan 332136 nəfər müalicə olunaraq sağalıb, 5009 nəfər vəfat edib, aktiv xəstə sayı 3570 nəfərdir.

BAKI, 26 iyul - Sputnik. Azərbaycan Respublikasında koronavirus (COVID-19) infeksiyasına 272 yeni yoluxma faktı qeydə alınıb, 80 nəfər müalicə olunaraq sağalıb.

Nazirlər Kabineti yanında Operativ Qərargahdan Sputnik Azərbaycan-a verilən məlumata görə, COVID-19 üçün götürülən analiz nümunələri müsbət çıxmış 3 nəfər vəfat edib.

İndiyədək ölkədə ümumilikdə 340715 nəfərin koronavirus infeksiyasına yoluxması faktı müəyyən edilib, onlardan 332136 nəfər müalicə olunaraq sağalıb, 5009 nəfər vəfat edib, aktiv xəstə sayı 3570 nəfərdir.

Son sutka ərzində yeni yoluxma hallarının müəyyənləşdirilməsi ilə əlaqədar 5616, ötən müddət ərzində isə ümumilikdə 3980697 test aparılıb.

Azərbaycanda son sutkada koronavirus (COVID-19) əleyhinə 432 vaksin vurulub. Bir gündə birinci mərhələ üzrə vaksinasiya olunanların sayı 197, ikinci mərhələ üzrə vaksinasiya olunanların sayı 235 nəfərdir.

Ölkədə vurulan vaksinlərin ümumi sayı 4 564 329, birinci mərhələ üzrə vaksinasiya olunanların ümumi sayı 2 654 273, ikinci mərhələ üzrə vaksinasiya olunanların sayı isə 1 910 056 təşkil edir.

İyulun 25-nə olan yoluxma statistikası

Azərbaycan Respublikasında koronavirus (COVID-19) infeksiyasına 386 yeni yoluxma faktı qeydə alınıb, 149 nəfər müalicə olunaraq sağalıb.

Nazirlər Kabineti yanında Operativ Qərargahdan verilən məlumata görə, COVID-19 üçün götürülən analiz nümunələri müsbət çıxmış 4 nəfər vəfat edib.

Azərbaycanda indiyədək ümumilikdə 340 443 nəfər koronavirus infeksiyasına yoluxub. Onlardan 332 056 nəfər müalicə olunaraq sağalıb, 5 006 nəfər vəfat edib, aktiv xəstə sayı 3 381 nəfərdir.

Ölkədə son sutka ərzində 9 684, hazırkı dövrədək isə 3 975 081 test aparılıb.

İyulun 24-nə olan yoluxma statistikası

Azərbaycan Respublikasında koronavirus (COVID-19) infeksiyasına son sutkada 412 yeni yoluxma faktı qeydə alınıb, 125 nəfər müalicə olunaraq sağalıb.

Nazirlər Kabineti yanında Operativ Qərargahdan Sputnik Azərbaycan-a verilən məlumata görə, son sutkada koronavirusdan vəfat edən olmayıb.

İndiyədək ölkədə ümumilikdə 340 057 nəfərin koronavirus infeksiyasına yoluxması faktı müəyyən edilib, onlardan 331 907 nəfər müalicə olunaraq sağalıb, 5002 nəfər vəfat edib, aktiv xəstə sayı 3148 nəfərdir.

Son sutka ərzində yeni yoluxma hallarının müəyyənləşdirilməsi ilə əlaqədar 11 381, ötən müddət ərzində isə ümumilikdə 3 965 397 test aparılıb.

İyulun 23-nə olan statistika

Azərbaycanda koronavirus (COVID-19) infeksiyasına 371 yeni yoluxma faktı qeydə alınıb, 153 nəfər müalicə olunaraq sağalıb.

Nazirlər Kabineti yanında Operativ Qərargahdan Sputnik Azərbaycan-a verilən məlumata görə, bu gün koronavirusdan 3 nəfər vəfat edib.

İndiyədək ölkədə ümumilikdə 339645 nəfərin koronavirus infeksiyasına yoluxması faktı müəyyən edilib, onlardan 331782 nəfər müalicə olunaraq sağalıb, 5002 nəfər vəfat edib, aktiv xəstə sayı 2861 nəfərdir.

Son sutka ərzində yeni yoluxma hallarının müəyyənləşdirilməsi ilə əlaqədar 10448, ötən müddət ərzində isə ümumilikdə 3954016 test aparılıb.

Azərbaycanda son sutkada 45 734 nəfərə vaksin olunub. Bir gündə birinci mərhələ üzrə vaksinasiya olunanların sayı 13 720, ikinci mərhələ üzrə vaksinasiya olunanların sayı 32 014 nəfərdir.

Ölkədə vurulan vaksinlərin ümumi sayı 4 461 701, birinci mərhələ üzrə vaksinasiya olunanların ümumi sayı 2 616 230, ikinci mərhələ üzrə vaksinasiya olunanların sayı isə 1 845 471 təşkil edir.

İyulun 22-nə olan statistika

Azərbaycan Respublikasında son sutkada koronavirus (COVID-19) infeksiyasına 212 yeni yoluxma faktı qeydə alınıb, 92 nəfər müalicə olunaraq sağalıb.

Nazirlər Kabineti yanında Operativ Qərargahdan Sputnik Azərbaycan-a verilən məlumata görə, bu gün COVID-19-dan 1 nəfər vəfat edib.

İndiyədək ölkədə ümumilikdə 339 274  nəfərin koronavirus infeksiyasına yoluxması faktı müəyyən edilib, onlardan 331 629 nəfər müalicə olunaraq sağalıb, 4999 nəfər vəfat edib, aktiv xəstə sayı 2646 nəfərdir.

Son sutka ərzində yeni yoluxma hallarının müəyyənləşdirilməsi ilə əlaqədar 7655, ötən müddət ərzində isə ümumilikdə 3 943 568 test aparılıb.

Azərbaycanda son sutkada koronavirus (COVID-19) əleyhinə 17 067 vaksin vurulub.

Nazirlər Kabineti yanında Operativ Qərargahdan verilən məlumata görə, bir gündə birinci mərhələ üzrə vaksinasiya olunanların sayı 5 392, ikinci mərhələ üzrə vaksinasiya olunanların sayı 11 675 nəfərdir.

Ölkədə vurulan vaksinlərin ümumi sayı 4 415 967, birinci mərhələ üzrə vaksinasiya olunanların ümumi sayı 2 602 510, ikinci mərhələ üzrə vaksinasiya olunanların sayı isə 1 813 457 təşkil edir.

İyulun 21-nə olan statistika

Azərbaycan Respublikasında koronavirus (COVID-19) infeksiyasına 225 yeni yoluxma faktı qeydə alınıb, 108 nəfər müalicə olunaraq sağalıb.

Nazirlər Kabineti yanında Operativ Qərargahdan Sputnik Azərbaycan-a verilən məlumata görə, bu gün COVID-19-dan 4 nəfər vəfat edib.

İndiyədək ölkədə ümumilikdə 339 062 nəfərin koronavirus infeksiyasına yoluxması faktı müəyyən edilib, onlardan 331 537 nəfər müalicə olunaraq sağalıb, 4998 nəfər vəfat edib, aktiv xəstə sayı 2527 nəfərdir.

Son sutka ərzində yeni yoluxma hallarının müəyyənləşdirilməsi ilə əlaqədar 6593, ötən müddət ərzində isə ümumilikdə 3 935 913 test aparılıb.

Azərbaycanda son sutkada koronavirus (COVID-19) əleyhinə 15 025 vaksin vurulub. Bir gündə birinci mərhələ üzrə vaksinasiya olunanların sayı 5452, ikinci mərhələ üzrə vaksinasiya olunanların sayı 9573 nəfərdir.

Ölkədə vurulan vaksinlərin ümumi sayı 4 398 900, birinci mərhələ üzrə vaksinasiya olunanların ümumi sayı 2 597 118, ikinci mərhələ üzrə vaksinasiya olunanların sayı isə 1 801 782 təşkil edir.

İyulun 20-nə olan statistika

Azərbaycan Respublikasında son sutka ərzində koronavirus (COVID-19) infeksiyasına 251 yeni yoluxma faktı qeydə alınıb, 79 nəfər müalicə olunaraq sağalıb.

Nazirlər Kabineti yanında Operativ Qərargahdan Sputnik Azərbaycan-a verilən məlumata görə, COVID-19 üçün götürülən analiz nümunələri müsbət çıxmış şəxslər arasında ölüm halı qeydə alınmayıb. 

Ölkədə indiyədək ümumilikdə 338 837 nəfər koronavirus infeksiyasına yoluxub. Onlardan 331 429 nəfər müalicə olunaraq sağalıb, 4 994 nəfər vəfat edib, aktiv xəstə sayı 2 414 nəfərdir.

Ölkədə son sutka ərzində 8479, hazırkı dövrədək isə 3 929 320 test aparılıb.

Azərbaycanda son sutkada koronavirus (COVID-19) əleyhinə 26 036 vaksin vurulub.

Bir gündə birinci mərhələ üzrə vaksinasiya olunanların sayı 10 666, ikinci mərhələ üzrə vaksinasiya olunanların sayı 15 370 nəfərdir.

Ölkədə vurulan vaksinlərin ümumi sayı 4 383 875, birinci mərhələ üzrə vaksinasiya olunanların ümumi sayı 2 591 666, ikinci mərhələ üzrə vaksinasiya olunanların sayı isə 1 792 209 təşkil edir.

İyulun 19-na olan statistika

Azərbaycan Respublikasında son sutka ərzində koronavirus (COVID-19) infeksiyasına 148 yeni yoluxma faktı qeydə alınıb, 56 nəfər müalicə olunaraq sağalıb.

Nazirlər Kabineti yanında Operativ Qərargahdan Sputnik Azərbaycan-a verilən məlumata görə, COVID-19 üçün götürülən analiz nümunələri müsbət çıxmış 2 nəfər vəfat edib.

Ölkədə indiyədək ümumilikdə 338 586 nəfər koronavirus infeksiyasına yoluxub. Onlardan 331 350 nəfər müalicə olunaraq sağalıb, 4 994 nəfər vəfat edib, aktiv xəstə sayı 2 242 nəfərdir.

Ölkədə son sutka ərzində 6 022, hazırkı dövrədək isə 3 920 841 test aparılıb.

Azərbaycanda son sutkada koronavirus (COVID-19) əleyhinə 483 vaksin vurulub.

Bir gündə birinci mərhələ üzrə vaksinasiya olunanların sayı 181, ikinci mərhələ üzrə vaksinasiya olunanların sayı 302 nəfərdir.

Ölkədə vurulan vaksinlərin ümumi sayı 4 357 839, birinci mərhələ üzrə vaksinasiya olunanların ümumi sayı 2 581 000, ikinci mərhələ üzrə vaksinasiya olunanların sayı isə 1 776 839 təşkil edir.

İyulun 18-nə olan statistika

Azərbaycan Respublikasında son sutkada koronavirus (COVID-19) infeksiyasına 255 yeni yoluxma faktı qeydə alınıb, 94 nəfər müalicə olunaraq sağalıb.

Nazirlər Kabineti yanında Operativ Qərargahdan Sputnik Azərbaycan-a verilən məlumata görə, COVID-19 üçün götürülən analiz nümunələri müsbət çıxmış 1 nəfər vəfat edib.

Azərbaycanda indiyədək ümumilikdə 338 438 nəfər koronavirus infeksiyasına yoluxub. Onlardan 331 294 nəfər müalicə olunaraq sağalıb, 4 992 nəfər vəfat edib, aktiv xəstə sayı 2 152 nəfərdir.

Ölkədə son sutka ərzində 9 319, hazırkı dövrədək isə 3 914 819 test aparılıb.

Azərbaycanda son sutkada koronavirus (COVID-19) əleyhinə 33 869 vaksin vurulub.

Bir gündə birinci mərhələ üzrə vaksinasiya olunanların sayı 14 494, ikinci mərhələ üzrə vaksinasiya olunanların sayı 19 370 nəfərdir.
Ölkədə vurulan vaksinlərin ümumi sayı 4 357 356, birinci mərhələ üzrə vaksinasiya olunanların ümumi sayı 2 580 819, ikinci mərhələ üzrə vaksinasiya olunanların sayı isə 1 776 537 təşkil edir.

İyulun 17-nə olan statistika

Azərbaycanda koronavirus (COVID-19) infeksiyasına 213 yeni yoluxma faktı qeydə alınıb, 88 nəfər müalicə olunaraq sağalıb.

Nazirlər Kabineti yanında Operativ Qərargahdan Sputnik Azərbaycan-a verilən məlumata görə, analiz nümunələri müsbət çıxan 1 nəfər vəfat edib.

İndiyədək ölkədə ümumilikdə 338 183 nəfərin koronavirus infeksiyasına yoluxması faktı müəyyən edilib, onlardan 331 200 nəfər müalicə olunaraq sağalıb, 4 991 nəfər vəfat edib. 1 992 nəfər aktiv xəstə sayını təşkil edib.

Son sutka ərzində yeni yoluxma hallarının müəyyənləşdirilməsi ilə əlaqədar 10 817, bu günə qədər isə ümumilikdə 3 905 500 test icra olunub.

Azərbaycanda bu gün 39 986 nəfər vaksinasiya olunub. Gün ərzində birinci mərhələ üzrə vaksinasiya olunanların sayı 17 430, ikinci mərhələ üzrə vaksinasiya olunanların sayı 22 556 nəfər təşkil edib.

Azərbaycanda bu günə qədər vurulan vaksinlərin ümumi sayı 4 323 487, birinci mərhələ üzrə peyvənd olunanların ümumi sayı 2 566 320, ikinci mərhələ üzrə vaksinasiya edilənlərin sayı 1 757 167 nəfər təşkil edir.

İyulun 16-na olan statistika

Azərbaycanda son sutkada koronavirus infeksiyasına daha 169 yeni yoluxma faktı qeydə alınıb, 92 nəfər müalicə olunaraq sağalıb və evə buraxılıb.

Nazirlər Kabineti yanında Operativ Qərargahdan Sputnik Azərbaycan-a verilən məlumata görə, son sutkada ölüm faktı qeydə alınmayıb.

İndiyədək ölkədə ümumilikdə 337 970 nəfərin koronavirus infeksiyasına yoluxması faktı müəyyən edilib, onlardan 331 112 nəfər müalicə olunaraq sağalıb, 4 990 nəfər vəfat edib, aktiv xəstə sayı 1868 nəfərdir. Son sutka ərzində yeni yoluxma hallarının müəyyənləşdirilməsi ilə əlaqədar 8628, ötən müddət ərzində isə ümumilikdə 3 894 683 test aparılıb.

Azərbaycanda bu gün 40 774 nəfər vaksinasiya olunub. Gün ərzində birinci mərhələ üzrə vaksinasiya olunanların sayı 18 123, ikinci mərhələ üzrə vaksinasiya olunanların sayı 22 651 nəfər təşkil edib. Azərbaycanda bu günə qədər vurulan vaksinlərin ümumi sayı 4 283 501, birinci mərhələ üzrə peyvənd olunanların ümumi sayı 2 548 890, ikinci mərhələ üzrə vaksinasiya edilənlərin sayı 1 734 611 nəfər təşkil edir.

İyulun 15-nə olan statistika

Azərbaycanda koronavirus infeksiyasına daha 199 yeni yoluxma faktı qeydə alınıb, 74 nəfər müalicə olunaraq sağalıb və evə buraxılıb.

Nazirlər Kabineti yanında Operativ Qərargahdan “Report”a verilən məlumata görə, COVID-19 üçün götürülən analiz nümunələri müsbət çıxmış 2 nəfər vəfat edib.

İndiyədək ölkədə ümumilikdə 337 801 nəfərin koronavirus infeksiyasına yoluxması faktı müəyyən edilib, onlardan 331 020 nəfər müalicə olunaraq sağalıb, 4 990 nəfər vəfat edib, aktiv xəstə sayı 1791 nəfərdir.

Son sutka ərzində yeni yoluxma hallarının müəyyənləşdirilməsi ilə əlaqədar 9093, ötən müddət ərzində isə ümumilikdə 3 886 055 test aparılıb.

Azərbaycanda bu gün 41 733 nəfər vaksinasiya olunub.

İyulun 14-nə olan statistika

Azərbaycan Respublikasında koronavirus (COVID-19) infeksiyasına 146 yeni yoluxma faktı qeydə alınıb, 73 nəfər müalicə olunaraq sağalıb.

Nazirlər Kabineti yanında Operativ Qərargahdan Sputnik Azərbaycan-a verilən məlumata görə, COVID-19-dan ölüm faktı qeydə alınmayıb.

İndiyədək ölkədə ümumilikdə 337 602 nəfərin koronavirus infeksiyasına yoluxması faktı müəyyən edilib, onlardan 330 946 nəfər müalicə olunaraq sağalıb, 4988 nəfər vəfat edib, aktiv xəstə sayı 1668 nəfərdir.

Son sutka ərzində yeni yoluxma hallarının müəyyənləşdirilməsi ilə əlaqədar 9046, ötən müddət ərzində isə ümumilikdə 3 876 962 test aparılıb.

Azərbaycanda son sutkada koronavirus (COVID-19) əleyhinə 41 696 vaksin vurulub. Bir gündə birinci mərhələ üzrə vaksinasiya olunanların sayı 18 222, ikinci mərhələ üzrə vaksinasiya olunanların sayı 23 474 nəfərdir.

Ölkədə vurulan vaksinlərin ümumi sayı 4 200 994, birinci mərhələ üzrə vaksinasiya olunanların ümumi sayı 2 512 773, ikinci mərhələ üzrə vaksinasiya olunanların sayı isə 1 688 221 təşkil edir.

İyulun 13-nə olan statistika

Azərbaycan Respublikasında koronavirus (COVID-19) infeksiyasına son sutkada 133 yeni yoluxma faktı qeydə alınıb, 71 nəfər müalicə olunaraq sağalıb.

Bu barədə Nazirlər Kabineti yanında Operativ Qərargah məlumat yayıb.

COVID-19 üçün götürülən analiz nümunələri müsbət çıxmış 1 nəfər vəfat edib.

İndiyədək ölkədə ümumilikdə 337 456 nəfərin koronavirus infeksiyasına yoluxması faktı müəyyən edilib, onlardan 330 873 nəfər müalicə olunaraq sağalıb, 4 988 nəfər vəfat edib, aktiv xəstə sayı 1595 nəfərdir.

Son sutka ərzində yeni yoluxma hallarının müəyyənləşdirilməsi ilə əlaqədar 9 365, ötən müddət ərzində isə ümumilikdə 3 867 916 test aparılıb.

Ölkədə son sutkada koronavirus (COVID-19) əleyhinə 50 784 vaksin vurulub.

Bir gündə birinci mərhələ üzrə vaksinasiya olunanların sayı 19 371, ikinci mərhələ üzrə vaksinasiya olunanların sayı 31 413 nəfərdir.

Ölkədə vurulan vaksinlərin ümumi sayı 4 159 298, birinci mərhələ üzrə vaksinasiya olunanların ümumi sayı 2 494 551, ikinci mərhələ üzrə vaksinasiya olunanların sayı isə 1 664 747 təşkil edir.

İyulun 12-nə olan statistika

Azərbaycanda koronavirus infeksiyasına daha 69 yeni yoluxma faktı qeydə alınıb, 40 nəfər müalicə olunaraq sağalıb və evə buraxılıb.

Bu barədə Nazirlər Kabineti yanında Operativ Qərargah məlumat yayıb.

Son sutkada COVID-19-dan 3 nəfər dünyasını dəyişib.

İndiyədək ölkədə ümumilikdə 337 323 nəfərin koronavirus infeksiyasına yoluxması faktı müəyyən edilib, onlardan 330 802 nəfəri müalicə olunaraq sağalıb, 4987 nəfər vəfat edib, aktiv xəstə sayı isə 1534 nəfərdir.

Son sutka ərzində yeni yoluxma hallarının müəyyənləşdirilməsi ilə əlaqədar 6271, ötən müddət ərzində isə ümumilikdə 3 858 551 test aparılıb.

İyulun 11-nə olan statistika

Azərbaycan Respublikasında koronavirus (COVID-19) infeksiyasına 156 yeni yoluxma faktı qeydə alınıb, 37 nəfər müalicə olunaraq sağalıb.

Nazirlər Kabineti yanında Operativ Qərargahdan Sputnik Azərbaycan-a verilən məlumata görə, son sutka ərzində koronavirusdan ölən olmayıb.

Azərbaycanda indiyədək ümumilikdə 337 254 nəfər koronavirus infeksiyasına yoluxub. Onlardan 330 762 nəfər müalicə olunaraq sağalıb, 4 984 nəfər vəfat edib, aktiv xəstə sayı 1 508 nəfərdir.

Ölkədə son sutka ərzində 10 144, hazırkı dövrədək isə 3 852 280 test aparılıb.

Azərbaycanda son sutkada koronavirus (COVID-19) əleyhinə 38 732 vaksin vurulub. Bir gündə birinci mərhələ üzrə vaksinasiya olunanların sayı 15 809, ikinci mərhələ üzrə vaksinasiya olunanların sayı 22 923 nəfərdir.

Ölkədə vurulan vaksinlərin ümumi sayı 4 107 950, birinci mərhələ üzrə vaksinasiya olunanların ümumi sayı 2 474 911, ikinci mərhələ üzrə vaksinasiya olunanların sayı isə 1 633 039 təşkil edir.

İyulun 10-na olan statistika

Azərbaycan Respublikasında koronavirus (COVID-19) infeksiyasına 136 yeni yoluxma faktı qeydə alınıb, 57 nəfər müalicə olunaraq sağalıb.

Nazirlər Kabineti yanında Operativ Qərargahdan verilən məlumata görə, COVID-19 üçün götürülən analiz nümunələri müsbət çıxmış 2 nəfər vəfat edib.

İndiyədək ölkədə ümumilikdə 337 098 nəfərin koronavirus infeksiyasına yoluxması faktı müəyyən edilib, onlardan 330 725 nəfər müalicə olunaraq sağalıb, 4 984 nəfər vəfat edib, aktiv xəstə sayı 1389 nəfərdir.

Son sutka ərzində yeni yoluxma hallarının müəyyənləşdirilməsi ilə əlaqədar 10463, ötən müddət ərzində isə ümumilikdə 3 842 136 test aparılıb.

İyulun 9-na olan statistika

Azərbaycan Respublikasında koronavirus (COVID-19) infeksiyasına 174 yeni yoluxma faktı qeydə alınıb, 62 nəfər müalicə olunaraq sağalıb.

Nazirlər Kabineti yanında Operativ Qərargahdan Sputnik Azərbaycan-a verilən məlumata görə, COVID-19 üçün götürülən analiz nümunələri müsbət çıxmış 2 nəfər vəfat edib.

İndiyədək ölkədə ümumilikdə 336 962 nəfərin koronavirus infeksiyasına yoluxması faktı müəyyən edilib, onlardan 330 668 nəfər müalicə olunaraq sağalıb, 4 982 nəfər vəfat edib, aktiv xəstə sayı 1312 nəfərdir.

Son sutka ərzində yeni yoluxma hallarının müəyyənləşdirilməsi ilə əlaqədar 9947, ötən müddət ərzində isə ümumilikdə 3 831 673 test aparılıb.

Azərbaycanda son sutkada koronavirus (COVID-19) əleyhinə 51 510 vaksin vurulub.

Bir gündə birinci mərhələ üzrə vaksinasiya olunanların sayı 20 756, ikinci mərhələ üzrə vaksinasiya olunanların sayı 30 754 nəfərdir.

Ölkədə vurulan vaksinlərin ümumi sayı 4 015 615, birinci mərhələ üzrə vaksinasiya olunanların ümumi sayı 2 437 929 , ikinci mərhələ üzrə vaksinasiya olunanların sayı isə 1 577 683 təşkil edir.

İyulun 8-nə olan statistika

Azərbaycan Respublikasında koronavirus (COVID-19) infeksiyasına 104 yeni yoluxma faktı qeydə alınıb, 39 nəfər müalicə olunaraq sağalıb.

Nazirlər Kabineti yanında Operativ Qərargahdan Sputnik Azərbaycan-a verilən məlumata görə, COVID-19 üçün götürülən analiz nümunələri müsbət çıxmış 1 nəfər vəfat edib.

İndiyədək ölkədə ümumilikdə 336 788 nəfərin koronavirus infeksiyasına yoluxması faktı müəyyən edilib, onlardan 330 606 nəfər müalicə olunaraq sağalıb, 4 980 nəfər vəfat edib, aktiv xəstə sayı 1202 nəfərdir.

Son sutka ərzində yeni yoluxma hallarının müəyyənləşdirilməsi ilə əlaqədar 8709, ötən müddət ərzində isə ümumilikdə 3 821 726 test aparılıb. Azərbaycanda son sutkada koronavirus (COVID-19) əleyhinə 53 478 vaksin vurulub. Bir gündə birinci mərhələ üzrə vaksinasiya olunanların sayı 21 166, ikinci mərhələ üzrə vaksinasiya olunanların sayı 32 312 nəfərdir.

Ölkədə vurulan vaksinlərin ümumi sayı 3 964 102, birinci mərhələ üzrə vaksinasiya olunanların ümumi sayı 2 417 173, ikinci mərhələ üzrə vaksinasiya olunanların sayı isə 1 546 929 təşkil edir.

İyulun 7-nə olan statistika

Azərbaycan Respublikasında koronavirus (COVID-19) infeksiyasına son sutkada 127 yeni yoluxma faktı qeydə alınıb, 54 nəfər müalicə olunaraq sağalıb.

Nazirlər Kabineti yanında Operativ Qərargahdan Sputnik Azərbaycan-a verilən məlumata görə, COVID-19 üçün götürülən analiz nümunələri müsbət çıxmış 1 nəfər vəfat edib.

İndiyədək ölkədə ümumilikdə 336 684 nəfərin koronavirus infeksiyasına yoluxması faktı müəyyən edilib, onlardan 330 567 nəfər müalicə olunaraq sağalıb, 4 979 nəfər vəfat edib, aktiv xəstə sayı 1 138 nəfərdir.

Son sutka ərzində yeni yoluxma hallarının müəyyənləşdirilməsi ilə əlaqədar 10 025, ötən müddət ərzində isə ümumilikdə 3 813 017 test aparılıb.

Həmçinin Azərbaycanda son sutkada koronavirus (COVID-19) əleyhinə 55 169 vaksin vurulub. Bir gündə birinci mərhələ üzrə vaksinasiya olunanların sayı 24 211, ikinci mərhələ üzrə vaksinasiya olunanların sayı 30 958 nəfərdir.

Ölkədə vurulan vaksinlərin ümumi sayı 3 910 624, birinci mərhələ üzrə vaksinasiya olunanların ümumi sayı 2 396 007, ikinci mərhələ üzrə vaksinasiya olunanların sayı isə 1 514 617 təşkil edir.

İyulun 6-na olan statistika

Azərbaycan Respublikasında koronavirus (COVID-19) infeksiyasına 78 yeni yoluxma faktı qeydə alınıb, 47 nəfər müalicə olunaraq sağalıb. Nazirlər Kabineti yanında Operativ Qərargahdan Sputnik Azərbaycan-a verilən məlumata görə, son sutka ərzində koronavirus infeksiyasından ölən olmayıb.

İndiyədək ölkədə ümumilikdə 336 557 nəfərin koronavirus infeksiyasına yoluxması faktı müəyyən edilib, onlardan 330 513 nəfər müalicə olunaraq sağalıb, 4 978 nəfər vəfat edib, aktiv xəstə sayı 1066 nəfərdir.

Son sutka ərzində yeni yoluxma hallarının müəyyənləşdirilməsi ilə əlaqədar 9952, ötən müddət ərzində isə ümumilikdə 3 802 992 test aparılıb.

Qeyd edək ki, dünən Azərbaycan Respublikasında koronavirus (COVID-19) infeksiyasına 62 yeni yoluxma faktı qeydə alınıb, 33 nəfər müalicə olunaraq sağalıb. Həmin sutka ərzində koronavirus infeksiyasından ölən olmayıb.

Həmçinin Azərbaycanda son sutkada koronavirus (COVID-19) əleyhinə 61 922 vaksin vurulub. Nazirlər Kabineti yanında Operativ Qərargahdan  verilən məlumata görə, bir gündə birinci mərhələ üzrə vaksinasiya olunanların sayı 26 425, ikinci mərhələ üzrə vaksinasiya olunanların sayı 35 497 nəfərdir. Ölkədə vurulan vaksinlərin ümumi sayı 3 855 455, birinci mərhələ üzrə vaksinasiya olunanların ümumi sayı 2 371 796, ikinci mərhələ üzrə vaksinasiya olunanların sayı isə 1 483 659 təşkil edir.

İyulun 5-nə olan statistika

Azərbaycan Respublikasında koronavirus (COVID-19) infeksiyasına 62 yeni yoluxma faktı qeydə alınıb, 33 nəfər müalicə olunaraq sağalıb.

Nazirlər Kabineti yanında Operativ Qərargahdan Sputnik Azərbaycan-a verilən məlumata görə, son sutka ərzində koronavirus infeksiyasından ölən olmayıb.

İndiyədək ölkədə ümumilikdə 336 479 nəfərin koronavirus infeksiyasına yoluxması faktı müəyyən edilib, onlardan 330 466 nəfər müalicə olunaraq sağalıb, 4 978 nəfər vəfat edib, aktiv xəstə sayı 1035 nəfərdir.

Son sutka ərzində yeni yoluxma hallarının müəyyənləşdirilməsi ilə əlaqədar 5 951, ötən müddət ərzində isə ümumilikdə 3 793 040 test aparılıb.

Azərbaycanda son sutkada koronavirus (COVID-19) əleyhinə 769 vaksin vurulub. Son bir gündə birinci mərhələ üzrə vaksinasiya olunanların sayı 294, ikinci mərhələ üzrə vaksinasiya olunanların sayı 475 nəfərdir.

Ölkədə vurulan vaksinlərin ümumi sayı 3 793 533, birinci mərhələ üzrə vaksinasiya olunanların ümumi sayı 2 345 371, ikinci mərhələ üzrə vaksinasiya olunanların sayı isə 1 448 162 təşkil edir.

İyulun 4-nə olan statistika

Azərbaycan Respublikasında koronavirus (COVID-19) infeksiyasına 99 yeni yoluxma faktı qeydə alınıb, 53 nəfər müalicə olunaraq sağalıb.

Nazirlər Kabineti yanında Operativ Qərargahdan verilən məlumata görə, son sutka ərzində koronavirus infeksiyasından bir nəfər ölüb.

Azərbaycanda indiyədək ümumilikdə 336 417 nəfər koronavirus infeksiyasına yoluxub. Onlardan 330 433 nəfər müalicə olunaraq sağalıb, 4978 nəfər vəfat edib, aktiv xəstə sayı 1006 nəfərdir.

Ölkədə son sutka ərzində 8 679, hazırkı dövrədək isə 3 787 089 test aparılıb.

İyulun 3-nə olan statistika

Azərbaycan Respublikasında koronavirus (COVID-19) infeksiyasına son sutkada 95 yeni yoluxma faktı qeydə alınıb, 42 nəfər müalicə olunaraq sağalıb.

Nazirlər Kabineti yanında Operativ Qərargahdan Sputnik Azərbaycan-a verilən məlumata görə, son sutka ərzində koronavirusdan ölüm qeydə alınmayıb.

İndiyədək ölkədə ümumilikdə 336318 nəfərin koronavirus infeksiyasına yoluxması faktı müəyyən edilib, onlardan 330380 nəfər müalicə olunaraq sağalıb, 4977 nəfər vəfat edib, aktiv xəstə sayı 961 nəfərdir.

Son sutka ərzində yeni yoluxma hallarının müəyyənləşdirilməsi ilə əlaqədar 10428, ötən müddət ərzində isə ümumilikdə 3778410 test aparılıb.

Azərbaycanda son sutkada koronavirus (COVID-19) əleyhinə 69718 vaksin vurulub. Bir gündə birinci mərhələ üzrə vaksinasiya olunanların sayı 31055, ikinci mərhələ üzrə vaksinasiya olunanların sayı 38663 nəfərdir.

Ölkədə vurulan vaksinlərin ümumi sayı 3740447, birinci mərhələ üzrə vaksinasiya olunanların ümumi sayı 2321863, ikinci mərhələ üzrə vaksinasiya olunanların sayı isə 1418584 təşkil edir.

İyulun 2-nə olan statistika

Azərbaycan Respublikasında koronavirus (COVID-19) infeksiyasına 101 yeni yoluxma faktı qeydə alınıb, 63 nəfər müalicə olunaraq sağalıb.

Nazirlər Kabineti yanında Operativ Qərargahdan verilən məlumata görə, COVID-19 üçün götürülən analiz nümunələri müsbət çıxmış 2 nəfər vəfat edib.

İndiyədək ölkədə ümumilikdə 336 223 nəfərin koronavirus infeksiyasına yoluxması faktı müəyyən edilib, onlardan 330 338 nəfər müalicə olunaraq sağalıb, 4 977 nəfər vəfat edib, aktiv xəstə sayı 908 nəfərdir.

Son sutka ərzində yeni yoluxma hallarının müəyyənləşdirilməsi ilə əlaqədar 9 851, ötən müddət ərzində isə ümumilikdə 3 767 982 test aparılıb.

1 iyula olan yoluxma statistikası

Azərbaycan Respublikasında koronavirus (COVID-19) infeksiyasına 75 yeni yoluxma faktı qeydə alınıb, 56 nəfər müalicə olunaraq sağalıb.

Nazirlər Kabineti yanında Operativ Qərargahdan Sputnik Azərbaycan-a verilən məlumata görə, COVID-19 üçün götürülən analiz nümunələri müsbət çıxmış 1 nəfər vəfat edib.

İndiyədək ölkədə ümumilikdə 336 122 nəfərin koronavirus infeksiyasına yoluxması faktı müəyyən edilib, onlardan 330 275 nəfər müalicə olunaraq sağalıb, 4 975 nəfər vəfat edib, aktiv xəstə sayı 872 nəfərdir. Son sutka ərzində yeni yoluxma hallarının müəyyənləşdirilməsi ilə əlaqədar 8 828, ötən müddət ərzində isə ümumilikdə 3 758 131 test aparılıb.

Qeyd edək ki, dünən Azərbaycan Respublikasında koronavirus (COVID-19) infeksiyasına 86 yeni yoluxma faktı qeydə alınıb, 26 nəfər müalicə olunaraq sağalıb. COVID-19 üçün götürülən analiz nümunələri müsbət çıxmış 1 nəfər vəfat edib.

Həmçinin bu gün Azərbaycanda son sutkada koronavirus (COVID-19) əleyhinə 85 889 vaksin vurulub. Bir gündə birinci mərhələ üzrə vaksinasiya olunanların sayı 41 826, ikinci mərhələ üzrə vaksinasiya olunanların sayı 44 063 nəfərdir. Ölkədə vurulan vaksinlərin ümumi sayı 3 597 108, birinci mərhələ üzrə vaksinasiya olunanların ümumi sayı 2 256 816, ikinci mərhələ üzrə vaksinasiya olunanların sayı isə 1 340 292 təşkil edir.

3630
Teqlər:
statistika, Azərbaycan, Koronavirus, epidemiya, COVID-19
Mövzu:
Azərbaycanda koronavirus: son xəbərlər

Həqiqəti tapmaq: "Feyk-nyus"la necə mübarizə aparmalı

0
Sputnik Beynəlxalq İnformasiya Agentliyi və Radiosu pandemiya ilə əlaqədar fasilədən sonra SputnikPro təhsil qrupunun işini bərpa edib. Yeni modulun mövzusu feyk-nyus və onunla necə mübarizə aparılması olub.

Bazar ertəsi, iyulun 26-da Sputnik Azərbaycan Multimedia Mətbuat Mərkəzində SputnikPro layihəsi çərçivəsində KİV nümayəndələri üçün ustad dərsləri seriyası keçirilib.

"Feyk-nyus barədə qəşəng və maraqlı fikirlər" mövzusunda ustad dərsini RİA Novosti-nin "İnanmıram!" (Не верю!) antifeyk resursunun aparıcıları Natalya Şaşina və Artyom Buftyak verib.

SputnikPro layihəsi çərçivəsində keçirilən "Müasir jurnalistika üçün faktçekinq texnologiyaları" adlı ustad dərsinin spikeri isə Rusiya Jurnalistlər İttifaqının Beynəlxalq şöbəsinin rəhbəri Timur Şafir olub.

Son zamanlar sosial şəbəkələrdə, bəzən isə KİV-lərdə də yalan məlumatların yayılması geniş vüsət alıb. Blogerlərin sayının artması, habelə koronovirus pandemiyası sosial şəbəkələrdə işıq sürəti ilə yayılan şayiə və feyklərin sayını artırıb.

İnternet məkanında yayılan mif və feyklərin əsas mövzusu peyvəndləmə və bununla əlaqədar məsələlər olub.

Ustad dərsində ekspertlər iştirakçılara sosial şəbəkələrdə və onlayn KİV-lərdə yalan məlumatları və feykləri necə effektiv şəkildə aşkara çıxarmaq metodları və üsulları, habelə hansı mənbələrə etibar edib-etməmək barədə danışıblar.

SputnikPro – Rusiyanın ən yaxşı media menecerləri, KİV sahəsində böyük təcrübəyə malik aparıcı mütəxəssisləri tərəfindən ustad dərslərinin verildiyi genişmiqyaslı yeganə proqramdır.

SputnikPro layihəsi artıq dünyanın 13 ölkəsində təşkil olunub. 2018-ci ilin mart ayından indiyə kimi layihədə iki mindən artıq jurnalist, media meneceri, PR mütəxəssisi, mətbuat xidməti əməkdaşı, bloger və müvafiq fakültələrdə təhsil alan tələbələr iştirak ediblər.

Bu maarifçilik layihəsi ilə bağlı yenilikləri aşağıdakı "Facebook" səhifəsindən izləmək olar: https://www.facebook.com/SputnikProject/

Foto:

Sputnik Azərbaycan mətbuat mərkəzində keçirilən görüşdə jurnalistlərə feyk xəbərlərin hansı şablonlar üzərində yaradıldığı və bir çox məşhur feyklərin yaranmasının səbəbləri barədə danışılıb.

"Feyk-nyus barədə qəşəng və maraqlı fikirlər" mövzusunda ustad dərsini RİA Novosti-nin "İnanmıram!" (Не верю!) antifeyk resursunun aparıcıları Natalya Şaşina və Artyom Buftyak danışıblar.

SputnikPro layihəsi çərçivəsində Sputnik Azərbaycan mətbuat mərkəzində KİV nümayəndələri üçün ustad dərsi

Artyom Buftyak – "İnanmıram!" (Не верю!) və "Biz hamımız öləcəyik. Amma bu dəqiq deyil" (Мы все умрем. Но это не точно) resurslarının aparıcısıdır. "Bu, necədə russayağıdır" (Как это по-русски) və "Hekayələr. DOC" (Истории. DOC) resursları üçün ssenarilər yazır.

SputnikPro layihəsi çərçivəsində Sputnik Azərbaycan mətbuat mərkəzində KİV nümayəndələri üçün ustad dərsi

Natalya Şaşina – "Rossiya Seqodnya" media qrupunun İnnovativ jurnalistika mərkəzi rəhbərinin müavini.

Spikerlər çoxsaylı nümunələrlə "şübhə testlərinin" necə keçirilməsini, feykləri aşkar etmək, yoxlamaq və ifşa etməyin yollarını nümayiş etdiriblər

SputnikPro layihəsi çərçivəsində Sputnik Azərbaycan mətbuat mərkəzində KİV nümayəndələri üçün ustad dərsi

SputnikPro – Rusiyanın ən yaxşı media menecerləri, KİV sahəsində böyük təcrübəyə malik aparıcı mütəxəssisləri tərəfindən ustad dərslərinin verildiyi genişmiqyaslı yeganə proqramdır

0
  • © Sputnik / Murad Orujov

    Sputnik Azərbaycan Multimedia Mətbuat Mərkəzində SputnikPro layihəsi çərçivəsində KİV nümayəndələri üçün ustad dərsləri seriyası keçirilib.

  • © Sputnik / Murad Orujov

    "Feyk-nyus barədə qəşəng və maraqlı fikirlər" mövzusunda ustad dərsini RİA Novosti-nin "İnanmıram!" (Не верю!) antifeyk resursunun aparıcıları Natalya Şaşina və Artyom Buftyak verib.

  • © Sputnik / Murad Orujov

    Sputnik Azərbaycan Multimedia Mətbuat Mərkəzində SputnikPro layihəsi çərçivəsində KİV nümayəndələri üçün ustad dərsləri seriyası

  • © Sputnik / Murad Orujov

    Ustad dərsində ekspertlər iştirakçılara sosial şəbəkələrdə və onlayn KİV-lərdə yalan məlumatları və feykləri necə effektiv şəkildə aşkara çıxarmaq metodları və üsulları, habelə hansı mənbələrə etibar edib-etməmək barədə danışıblar.

  • © Sputnik / Murad Orujov

    İnternet məkanında yayılan mif və feyklərin əsas mövzusu peyvəndləmə və bununla əlaqədar məsələlər olub.

  • © Sputnik / Murad Orujov

    Sputnik Azərbaycan Multimedia Mətbuat Mərkəzində SputnikPro layihəsi çərçivəsində KİV nümayəndələri üçün ustad dərsləri seriyası

  • © Sputnik / Murad Orujov

    SputnikPro layihəsi çərçivəsində keçirilən "Müasir jurnalistika üçün faktçekinq texnologiyaları" adlı ustad dərsinin spikeri isə Rusiya Jurnalistlər İttifaqının Beynəlxalq şöbəsinin rəhbəri Timur Şafir olub.

  • © Sputnik / Murad Orujov

    SputnikPro – Rusiyanın ən yaxşı media menecerləri, KİV sahəsində böyük təcrübəyə malik aparıcı mütəxəssisləri tərəfindən ustad dərslərinin verildiyi genişmiqyaslı yeganə proqramdır.

  • © Sputnik / Murad Orujov

    SputnikPro layihəsi artıq dünyanın 13 ölkəsində təşkil olunub.

  • © Sputnik / Murad Orujov

    2018-ci ilin mart ayından indiyə kimi layihədə iki mindən artıq jurnalist, media meneceri, PR mütəxəssisi, mətbuat xidməti əməkdaşı, bloger və müvafiq fakültələrdə təhsil alan tələbələr iştirak ediblər.

  • © Sputnik / Murad Orujov

  • © Sputnik / Murad Orujov

    Sputnik Azərbaycan Multimedia Mətbuat Mərkəzində SputnikPro layihəsi çərçivəsində KİV nümayəndələri üçün ustad dərsləri seriyası

  • © Sputnik / Murad Orujov

    Sputnik Azərbaycan Multimedia Mətbuat Mərkəzində SputnikPro layihəsi çərçivəsində KİV nümayəndələri üçün ustad dərsləri seriyası

  • © Sputnik / Murad Orujov

    Sputnik Azərbaycan Multimedia Mətbuat Mərkəzində SputnikPro layihəsi çərçivəsində KİV nümayəndələri üçün ustad dərsləri seriyası