Kök uşaq

Artıq çəkili uşaqların təhsil problemi ola bilər

46
(Yenilənib 20:29 14.11.2018)
Valideynlərdən uşaqların bədən kütlə indeksi və məktəb müvəffəqiyyətinin beş əsas meyar ilə qiymətləndirməsi istənilib.

BAKI, 15 noyabr — Sputnik. Artıq çəkili uşaqların məktəbdə təhsilində yaşadığı problemlər araşdırılır. Sputnik Azərbaycan xarici mətbuata istinadla xəbər verir ki, artıq çəki təkcə onların sağlamlığına deyil, psixo-sosial davranışlarına da təsir edir.

ABŞ-ın Rod-Aylend ştatının Braunov Universitetinin alimlərinin apardığı araşdırmada 10-17 yaşlı uşaqların böyüdüyü 22 914 ailə iştirak edib. Valideynlərdən uşaqların bədən kütlə indeksi və məktəb müvəffəqiyyəti beş əsas meyar üzrə qiymətləndirməsi istənilib.

Bura, yeni mövzuların öyrənilməsinə maraq, başlanan işin sona qədər görülməsi bacarığı, çətin vəziyyətdə özünü idarəetmə və sakitliyin qorunması bacarığı, səylər, ev tapşırıqlarının yerinə yetirilməsi daxil edilib.

Nəticədə, piylənmədən əziyyət çəkən 27, 5 faiz, artıq çəkili uşaqların 36,5 faizi, normal çəkili uşaqların isə 39 faizi "beşdən beşini" keçə bilib.

Mütəxəssislərin fikrincə, məktəb problemləri böyük yaşlarda da ağır nəticələrə gətirib çıxara bilər.

Eyni zamanda, elm adamları xəbərdarlıq edirlər ki, artıq çəkili uşaqlar riskli davaranışlara və qeyri-sağlam həyat tərzinə meylli ola bilərlər.

Statistik məlumatlara görə, Böyük Britaniya və ABŞ-da hər 5 uşaqdan birində kritik artıq çəki var. Uşaq piylənməsi bir çox ölkələrin əsas sağlamlıq problemlərindən birinə çevrilir. Araşdırmanın müəllifləri bu xəstəliklə dərhal mübarizə aparmağa çağırır.

Daha əvvəl isə araşdırmaçılar müəyyən etmişdi ki, piylənmə yeniyetmələrdə gələcək yaşlarda mədəaltı vəzdə xərçəng xəstəliyinin yaranmasına səbəb ola bilər.

46
Teqlər:
Xəstəlik, təhlükə, məktəb, artıq çəki, uşaq
Əlaqədar
Artıq çəkidən xilas olmağın ən asan yolu tapıldı
Planetdə 400 milyondan artıq insan bu xəstəlikdən əziyyət çəkir
Bu meyvə artıq çəkinin və şəkərli diabetin düşmənidir
Gündə bir stəkan için, artıq çəkidən azad olun
Artıq çəki beyinə necə zərər verirmiş...
Azərbaycan hərbçiləri, arxiv şəkli

Müzəffər Ordumuz artıq Kəlbəcərdə!

72
(Yenilənib 01:14 25.11.2020)
Bölmələrimizin bu istiqamətdə hərəkətini təmin etmək məqsədilə mühəndis işləri başa çatdırılıb, qoşunların hərəkət marşrutu üzrə çətin keçilən dağ yolları minalardan təmizlənir və istifadəyə hazır vəziyyətə gətirilir.

BAKI, 25 noyabr - Sputnik. Azərbaycan Respublikası, Rusiya Federasiyası Prezidentləri və Ermənistan Respublikası baş nazirinin imzaladığı üçtərəfli Bəyanata əsasən, Azərbaycan Ordusunun bölmələri noyabrın 25-də Kəlbəcər rayonuna daxil olub.

Sputnik Azərbaycan bildirir ki, məlumatı Azərbaycan Müdafiə Nazirliyi yayıb. Bölmələrimizin bu istiqamətdə hərəkətini təmin etmək məqsədilə mühəndis işləri başa çatdırılıb, qoşunların hərəkət marşrutu üzrə çətin keçilən dağ yolları minalardan təmizlənir və istifadəyə hazır vəziyyətə gətirilir.
Gün ərzində Kəlbəcərdən foto və video materiallar təqdim olunacaq.

72
Teqlər:
Azərbaycan ordusu, Qarabağ, Kəlbəcər rayonu

Ərdoğan Qarabağa görə Putinə zəng vurdu

42
(Yenilənib 00:03 25.11.2020)
Həmçinin Türkiyə Prezidenti Ermənistan tərəfinin razılaşmada göstərilən məsuliyyətlərindən yayınmasına izn verilməməsinin vacibliyini də qeyd edib.

BAKI, 24 noyabr - Sputnik. Türkiyə Prezidenti Rəcəb Tayyib Ərdoğan rusiyalı həmkarı Vladimir Putinə zəng vurub.

Sputnik Azərbaycan Anadolu agentliyinə istinadən bildirir ki, iki ölkənin liderləri Türkiyə ilə Rusiya arasında ticari həcmin artırılması, Dağlıq Qarabağ, Suriya və Liviyadakı vəziyyəti müzakirə ediblər.

Ərdoğan Dağlıq Qarabağda Türkiyənin Rusiya ilə birlikdə quracağı Müştərək Mərkəzin qısa zamanda fəaliyyətə başlamasını gözlədiklərini vurğulayıb.

Həmçinin Türkiyə Prezidenti Ermənistan tərəfinin razılaşmada göstərilən məsuliyyətlərindən yayınmasına izn verilməməsinin vacibliyini də qeyd edib.  

Ərdoğan Minsk qrupu həmsədrlərinin sülh üçün atılan addımları tənqid etmələrini anlamadığını da dilə gətirib.   

42
Teqlər:
telefon zəngi, Vladimir Putin, Rəcəb Tayyip Ərdoğan, Azərbaycan, Rusiya, Türkiyə, Qarabağ