Vergi Məcəlləsi

İki kateqoriya vətəndaşlardan başqa hər kəs gəlir vergisindən azad ediləcək

17260
(Yenilənib 15:51 14.11.2018)
Həm ƏDV, həm də sadələşdirilmiş vergi ödəyicilərində əmək haqqından gəlir vergisi bu qaydada olacaq

Xalid Məmmədov, Sputnik Azərbaycan

BAKI, 14 noyabr — Sputnik. "Azərbaycanda növbəti ildən ciddi vergi islahatları gözlənilir. Sadələşdirilmiş vergi ödəyiciləri üçün illik dövriyyənin 200 min manatdan daha çox - 500 min manatadək olması ehtimalı var. Eyni zamanda, sadələşdirilmiş vergi dərəcəsinin 4 faizdən 2 faizə endirilməsi məsələsi gözlənilir".

İqtisadçı-ekspert Radil Fətullayev
© Sputnik / Murad Orujov
İqtisadçı-ekspert Radil Fətullayev

Bunu iqtisadçı-ekspert Radil Fətullayev Sputnik Azərbaycan-a açıqlamasında deyib. Onun sözlərinə görə, ticarət müəssisələrinin, lisenziyalı müəssisələrin sadələşdirilmiş vergi ödəyicisi olmama ehtimalı var: "İşçi sayı müvafiq saydan yuxarı olanlar ancaq mənfəət vergisi ödəyicisi ola biləcəklər. Bəzi yerlərdə işçi sayı 10, bəzi yerlərdə isə 5 nəfərdən çox göstərilir. Bunun sərhədi hələ ki, bəlli deyil. Amma kiçik sahibkarlıq subyektlərinin sadələşdirilmiş vergi ödəyicisi olmaq hüququ var".

Ekspert bildirib ki, qeyri-dövlət və qeyri-neft sektoruna aid olan özəl sahədə çalışanların əmək haqqından 14% gəlir vergisi tutulmayacaq: "Çünki yeni dəyişikliyə görə, 7 il müddətinə 8000 manata qədər əmək haqqı alan şəxslər gəlir vergisindən azaddırlar. 8000 manatdan yuxarı əmək haqqı alan şəxslərin isə gəlir vergisi 14% miqdarında olacaq. Həm ƏDV, həm də sadələşdirilmiş vergi ödəyicilərində əmək haqqından gəlir vergisi bu qaydada olacaq".

"Bu tətbiq sırf qeyri-neft sektoruna aiddir. Dövlət işində, neft-qaz sahəsində çalışanlar isə əmək haqqından 14% gəlir vergisi ödəyəcək. Məsələn, SOCAR-da, nazirlikdə işləyən vətəndaş 14% gəlir vergisi ödəyəcək" - deyə Fətullayev vurğulayıb.

Onun fikrincə, gəlir vergisinin ləğv edilməsi vergi ödəyiciləri üçün yaxşı hal hesab olunur: "Amma qeyd etmək lazımdır ki, Dövlət Sosial Müdafiə Fonduna (DSMF) ödəmələrdə artım var. Yeni islahatlar nəticəsində sosial sığorta ödənişləri işçi ilə müəssisə arasında bölüşdürüləcək. Belə ki, 2019-cu ildən başlayaraq müəssisələr tərəfindən işçilərin əmək haqqı fondunun 22%-i məbləğində ödənilən məcburi sosial sığorta haqqının dərəcəsi 15%-ə endiriləcək. Bunun əvəzində isə işçilərin əmək haqından 3% məbləğində tutulan sosial ayırmanın faizi 10%-ə qaldırılacaq. Lakin bu artım diferensial qaydada olmaqla əmək haqqı 200 manata qədər olan şəxslərdən 3%, 200 manatdan çox alan şəxslərdən isə əlavə məbləğin 10%-i miqdarında müəyyənləşdiriləcək. Belə ki, 300 manat əmək haqqı alan şəxsdən 16 manat vergi tutulacaq".

"Həmçinin, müəssisə hesabına ödənilən 15% DSMF məbləğinin hesablanması da diferensial şəkildə həyata keçiriləcək. Belə ki, 300 manat əmək haqqı fonduna görə müəssisə 59 manat məcburi sosial sığorta haqqı ödəməli olacaq" - deyə ekspert bildirib.

Müsahibimizin sözlərinə görə, bir növ, gəlir vergisini DSMF-yə ödəmə əvəz edir: "Bunun işçiyə xeyri odur ki, gəlir vergisi büdcəyə ödənilirdi və işçiyə bir xeyri yox idi, amma DSMF-yə ödənilən məbləğin isə gələcəkdə geri qayıtma ehtimalı var. Ümumilikdə götürdükdə, 2018-ci ilə nisbətən 2019-cu ildə işçinin əmək haqqından tutulmaların məbləği cüzi də olsa, az olacaq. Lakin burada işçilərin xeyrinə olan bir yerdəyişmə - pensiya fonduna ödəmənin məbləğində artma baş verəcək. Bu da sonda pensiya hesablaması zamanı nəzərə alına bilər".

R.Fətullayev qeyd edib ki, aparılan islahatlara 2 istiqamətdən baxmaq olar: "Birincisi, müəssisələrin sosial xərclərinin azaldılması, ikincisi isə işçilərin əmək haqqından tutulmaların təkmilləşdirilməsi. Yeni islahatların əsas məqsədi qeyri-neft sektorunun və bu sektorda xüsusi yeri olan kiçik və orta sahibkarlıq subyektlərinin inkişaf etdirilməsi, o cümlədən kölgə iqtisadiyyatının payının azaldılması, nağdsız hesablaşmaların həcminin artırılması və işçi ilə müəssisələr arasında əmək münasibətlərinin rəsmiləşdirilməsinin şəffaflaşdırılması və ümumilikdə götürdükdə uçot və hesabat sistemində təkmilləşdirmə işlərinin aparılmasıdır".

Qeyd edək ki, vergilər naziri Mikayıl Cabbarov noyabrın 5-də deyib ki, Vergilər Nazirliyi vergitutma rejiminin təkmilləşdirilməsi və digər tədbirlər vasitəsilə vergitutma bazasının genişləndirilməsini proqnozlaşdırır. Nazir bildirib ki, qarşıda duran əsas məqsəd iqtisadi artımın təmin edilməsi, sahibkarlığın inkişafının dəstəklənməsi, özəl investisiyaların səmərəli təşviqidir: "Bu məqsədlə bərabər vergi yükünün təmin edilməsi qarşımızda duran əsas vəzifə kimi qəbul edilib. Qeyri-neft sektorunda nəzərdə tutulan vergi güzəştlərinin islahatı da buna yönəlib".

17260
Teqlər:
faiz, ödəniş, sosial, vergi
Əlaqədar
Maliyyə naziri böyük vergi islahatının anonsunu verdi
Nazir müavini: “Vergidən yayınanlara qarşı tədbirlər sərtləşdiriləcək”
İqtisadçı: “Gələn il vergi sahəsində böyük islahatlar aparılacaq”
Vergi islahatlarının əsas hədəflərindən biri kölgə iqtisadiyyatının şəffaflaşdırılmasıdır

Azərbaycanda minaların partlaması nəticəsində 535 mülki şəxs ölüb

1
Əhmədov qeyd edib ki, Agentlik tərəfindən vətəndaşların təhlükəli, naməlum əşyalara, hərbi sursatlara və qurğulara toxunmamaları ilə bağlı maarifləndirmə işləri aparılır.

BAKI, 30 noyabr — Sputnik. 1999-2020-ci illər ərzində Azərbaycanda minaların partlaması nəticəsində 535 nəfər mülki şəxs həlak olub, 2418 nəfər yaralanıb.

Sputnik Azərbaycan xəbər verir ki, bunu Azərbaycan Respublikası Ərazilərinin Minalardan Təmizlənməsi üzrə Milli Agentliyin (ANAMA) direktoru Qəzənfər Əhmədov deyib.

O qeyd edib ki, Agentlik tərəfindən vətəndaşların təhlükəli, naməlum əşyalara, hərbi sursatlara və qurğulara toxunmamaları ilə bağlı maarifləndirmə işləri aparılır.

Q.Əhmədov qeyd edib ki, bununla bağlı vətəndaşların rayon polis idarəsinə və icra hakimiyyətinə məlumat vermələri xahiş olunur.

1
Здание парламента Азербайджанской Республики

"Təhsil haqqında" qanuna dəyişiklik edilir

3
(Yenilənib 15:41 30.11.2020)
Sənədə edilən dəyişikliklər qanundakı terminlərin dəqiqləşdirilməsi, təhsil haqqında dövlət sənədlərinin verilməsi sahəsində elektron informasiya sistemlərinin tətbiqini nəzərdə tutur

BAKI, 30 noyabr — Sputnik. Noyabrın 30-da Milli Məclisin Elm və təhsil komitəsinin onlayn formatda iclası keçirilib.

Milli Məclisin Mətbuat və ictimaiyyətlə əlaqələr şöbəsindən Sputnik Azərbaycan-a bildiriblər ki, komitə sədri Bəxtiyar Əliyev əvvəlcə onlayn iclasa qatılanları torpaqlarımızın işğaldan azad edilməsi münasibətilə təbrik edib. O, sentyabrın 27-də Ermənistanın Azərbaycana hücumlarına qarşı əks-hücuma başlayan müzəffər Ordumuzun tarixi qələbəsindən söhbət açıb. Azərbaycan Prezidenti, Ali Baş Komandan İlham Əliyevin dövlətçilik siyasəti, güclü iradəsi və əzmi ilə Ermənistanın baş naziri Nikol Paşinyanın sonunda kapitulyasiyaya məcbur edilməsinin xalqımıza xüsusi qürur yaşatdığını deyib. Bəxtiyar Əliyev şəhidlərimizə Allahdan rəhmət, yaralı əsgər və zabitlərimizə şəfa diləyib.

Onlayn iclasda Fransa Senatının qondarma "Dağlıq Qarabağ Respublikası"nın tanınması barədə qəbul etdiyi qətnamədən, bunun Azərbaycanın tarixi-mədəni irsinin, təbii resurslarının məhv edilməsinə görə Ermənistanı gözləyən ağır sanksiyalardan işğalçı dövləti qorumaq cəhdi olduğundan danışılıb.

Sonra komitədə "Təhsil haqqında" qanun layihəsinə dəyişiklik edilməsi barədə məsələ müzakirə edilib. Bəxtiyar Əliyev qanuna təklif olunan dəyişikliklər haqqında geniş məlumat verib. Komitə sədri bildirib ki, sənədə edilən dəyişikliklər texniki xarakter daşıyır, qanundakı terminlərin dəqiqləşdirilməsi, təhsil haqqında dövlət sənədlərinin verilməsi sahəsində elektron informasiya sistemlərinin tətbiqini nəzərdə tutur. Layihədə təhsil haqqında dövlət sənədlərinin "Təhsil Mərkəzləşdirilmiş İnformasiya Sistemi" üzərindən formalaşdırılmasının təklif edildiyi qeyd olunub.

Onlayn iclasda "Bədən tərbiyəsi və idman haqqında", "Peşə təhsili haqqında", "Ümumi təhsil haqqında" qanunlarda dəyişiklik edilməsi barədə sənəd də müzakirə edilib. Bəxtiyar Əliyev qanun layihələrinin qanunvericiliyin təkmilləşdirilməsi, peşə təhsili və ümumi təhsil haqqında dövlət sənədlərinin müvafiq qayda ilə "Təhsil Mərkəzləşdirilmiş İnformasiya sistemi" üzərindən formalaşdırılması məqsədilə hazırlandığını diqqətə çatdırıb.

İclasın sonunda qanun layihələrinin Milli Məclisin plenar iclasına tövsiyə edilməsi qərara alınıb.

3