Ata övladı ilə

Azərbaycan kişiləri atalıq məzuniyyətinə çıxmaq istəyirlər

8178
(Yenilənib 17:23 13.11.2018)
"Hazırkı qanunvericilik qəti şəkildə sosial dövlət prinsipinə uyğun deyil"

Təranə Xudabaxşiyeva, Sputnik Azərbaycan

BAKI, 14 noyabr — Sputnik. Milli Məclisdə atalıq məzuniyyəti məsələsi müzakirə edilib. Təklif olunub ki, atalar da ödənişli əsaslarla atalıq məzuniyyətinə çıxsınlar. Hazırda məsələ müzakirə mərhələsindədir.

Maraqlıdır, artıq dünyada illərdir ki, tətbiq olunan bu qanunun Azərbaycanda da qəbul edilməsini cəmiyyətimiz necə qarşılayır? Kişilərimiz ödənişli atalıq məzuniyyətinə çıxmağa necə baxırlar? Bu qanun qüvvəyə minsə, atalıq məzuniyyətindən istifadə edənlər olacaqmı?

Sputnik Azərbaycan bu suallara cavab tapmaq məqsədilə sosial şəbəkə istifadəçiləri arasında sorğu keçirib. Aldığımız cavablar çox maraqlı olub:

Əziz Əlibəyli: "Azərbaycanda yenidən xüsusi ailə planlamasına ehtiyac var. İndiki Ailə Məcəlləsi dəyişməlidir, çünki qanun fərdlərin qurduğu ailənin hüquqlarının təsbitinə əsaslanır. Hazırkı qanunvericilik qəti şəkildə sosial dövlət prinsipinə uyğun deyil. Bu gün Azərbaycanda, az qala üç uşaqlı ailə tapmaq mümkün deyil. Təsəvvür edin, fors-major halda, ailədə üçüncü bir şəxs olmadıqda, köməyə möhtac qadına kimin baxacağı bilinmir. Çünki kişi işdən qalaraq heç həyat yoldaşına kömək edə bilmir. Qadının kifayət qədər analıq məzuniyyətinə çıxması mümkün olsa da, kişi haqda Məcəllədə bir dənə də olsun, bu barədə söz yoxdur. Faktiki, bu missiya atanın üzərinə düşürsə, kişinin sosial müdafiəsi yoxdur. Evdə keçirdiyi zamana görə əlavə ödəniş almır".

Nərmin Əkbərli: "Bu qanun qüvvəyə minsə, analar evdə iki uşağa baxmalı olacaq".

Ziya Qasımov: "Hələ ata olmadığım üçün bu barədə fikir söyləyə bilmərəm. Amma məncə, yaxşı olar".

Orxan Kərimov: "Əlbəttə, atalıq məzuniyyəti lazımdır, amma ödənişli olsun. Ödənişsiz olarsa, ehtiyac yoxdur. Ödənişsiz məzuniyyət yeni ata olan birinə heç sərf etməz. Fikrimcə, həm yaxşı ödəniş olmalıdır, həm də müddəti uzun olmalıdır".

Elyar Həsənov: "Dövlət sağlamlığın və nəsil artırmanın qayğısına qalır. Bu prinsip atalıq məzuniyyətini zəruri edə bilər. Bu, çox normal haldır və vacibdir".

Nara Rəşidova: "Ata məzuniyyətə çıxıb uşağa baxacaqsa, ailəni kim dolandıracaq? Həm də ata ana kimi körpəyə baxa bilməz. Məncə, lazımsız bir işdir, heç istifadə eləyən də olmayacaq. İndi heç analıq məzuniyyətindən istifadə etmirlər, çünki uşağa aylıq verilən uşaqpulu 44 manatdır. Bu da heç kəsi qane etmədiyi üçün hər kəs uşağına baxıcı tutub, işə çıxır. Əlbəttə burada söhbət yüksək əmək haqqı alan valideynlərdən gedir".

Vüqar Quliyev: "Hal-hazırda evdə təkəm. 10 aylıq və 3 yaşlı qızlarıma özüm baxıram. Bunu çox zaman edirəm".

Leyla Abdullayeva: "Çox gözəl qanundur. Bu qanun qüvvəyə minsə, qadınlar ürəklənib, daha çox övlad dünyaya gətirərlər".

Kazım Kazımov: "Mən hələ atalıq məzuniyyətindəyəm. Həm də tam əmək haqqımı alıram. Qeyd edim ki, Norveçdə yaşayıram".

Günel Eminli: "Atalıq məzuniyyəti var, övlad doğulanda kişiyə 15 gün məzuniyyət verilə bilər, Əmək Məcəlləsində nəzərdə tutulub, sadəcə çoxu ya məlumatsızdır, ya da bundan istifadə etmir".

Vüsal Qarayev: "Atalıq məzuniyyətinə çıxmadan da axşamlar, işdən sonra uşaqlarıma baxıram, yoldaşıma kömək edirəm. Məzuniyyət olsa, ümumiyyətlə, əla olar".

8178
Teqlər:
məzuniyyət, qadın, kişi, ana, ata
Əlaqədar
Uşaqlarını təkbaşına saxlayan ata həbs edilib
Məşhur futbolçu ata oldu
Ata yeni doğulmuş qızını satdı
Bərdə sakini "raykom hədiyyəsi"ni - ata yadigarını satmamaqda israrlıdır
Elektrik yarımstansiyası, arxiv şəkli

Azərbaycanda yeni istilik elektrik stansiyalarının tikilməsinə ehtiyac yaranıb

0
(Yenilənib 00:22 21.10.2020)
"Koronavirus (COVID-19) pandemiyasının qlobal energetika sektorunda enerjiyə tələbatın azalması ilə müşayiət olunan təsirləri bu il ölkəmizin elektrik enerjisi ilə bağlı göstəricilərini qismən azaldıb".

BAKI, 21 oktyabr — Sputnik. "Koronavirus (COVID-19) pandemiyasının qlobal energetika sektorunda enerjiyə tələbatın azalması ilə müşayiət olunan təsirləri bu il ölkəmizin elektrik enerjisi ilə bağlı göstəricilərini qismən azaldıb".

Sputnik Azərbaycan xəbər verir ki, bunu Energetika naziri Pərviz Şahbazov 20 oktyabr - Azərbaycan energetiklərinin peşə bayramı günü münasibətilə rəsmi mətbuatda dərc etdirdiyi məqalədə bildirib.

Onun sözlərinə görə, bu ilin 9 ayı ərzində elektrik enerjisinin istehsalı ötən ilin müvafiq dövrü ilə müqayisədə 0,8% azalaraq, 19,4 milyard kVt·st təşkil edib.

P.Şahbazov bildirib ki, qarşıdakı illərdə isə elektrik enerjisinə tələbat və istehsal həcmləri ilə bağlı dinamikada əhəmiyyətli dərəcədə artım gözlənilir:

"2025-ci ilə qədər ölkəmizdə elektrik enerjisinə tələbatın 25,5 milyard kVt·st-a qədər artacağı, ixrac da nəzərə alınmaqla elektrik enerjisi istehsalının isə ötən ilə nisbətən 15% artımla 30 milyard kVt·st-a çatacağı proqnozlaşdırılır. Bu istehsal həcmlərinin bir qismi ötən il istismara verilmiş, qoyuluş gücü 409 МVt olan "Şimal-2" elektrik stansiyası, bu il təməli qoyulmuş və 2022-ci ildə istifadəyə verilməsi planlaşdırılan 385 МVt gücündə "Qobu" elektrik stansiyası hesabına əldə ediləcək".

Nazirin fikrincə, həmçinin bu prosesdə "Azərenerji" ASC-nin istehsal güclərinin optimallaşdırılması və bərpası nəticəsində yenidən istismara cəlb edilən 1300 MVt imkan gücündən istifadə ediləcək: "Eyni zamanda, təhlillər göstərir ki, tələbatın tam qarşılanması üçün yeni istilik elektrik stansiyalarının tikilməsinə də ehtiyac var".

0
Su təhcizatı işləri, arxiv şəkli

Həm Azərbaycanın, həm İranın arzusu reallaşır - "Xudafərin" hidroqovşağından şad xəbər

16
(Yenilənib 23:50 20.10.2020)
Azərbaycan və İran arasında birgə həyata keçirilən "Ordubad" və "Marazad" su elektrik stansiyaları layihələri üzrə işlər davam etdirilir.

BAKI, 20 oktyabr — Sputnik. "Xudafərin" hidroqovşağı bəndinin tikintisi demək olar ki, tamamlanıb, "Qız Qalası" hidroqovşağının bəndində isə işlər yekunlaşmaq üzrədir.

Sputnik Azərbaycan xəbər verir ki, bunu Energetika naziri Pərviz Şahbazov deyib.

O vurğulayıb ki, Azərbaycan, İran və Rusiyanın enerji sistemlərinin əlaqələndirilməsi üzrə proses davam edir: "Hər üç ölkənin müvafiq enerji şirkətlərinin razılığı ilə müəyyən edilmiş məsləhətçi şirkət tərəfindən layihənin texniki-iqtisadi əsaslandırılmasının hazırlanmasına başlanılıb. Eyni zamanda, "Azərbaycan Respublikası Hökuməti ilə İran İslam Respublikası Hökuməti arasında Araz çayı üzərində "Xudafərin" və "Qız Qalası" hidroqovşaqlarının və su elektrik stansiyalarının tikintisinin davam etdirilməsi, istismarı, energetika və su ehtiyatlarından istifadə sahəsində əməkdaşlıq haqqında Saziş"dən irəli gələn vəzifələr də yerinə yetirilməkdədir.

"Xudafərin" hidroqovşağı bəndinin tikintisi demək olar ki, tamamlanıb, "Qız Qalası" hidroqovşağının bəndində isə işlər yekunlaşmaq üzrədir. "Xudafərin" hidroqovşağı üzrə tikinti xərclərinin və dəymiş ziyanın hesablanması, habelə su elektrik stansiyalarının qurğu və avadanlıqlarının alınması və quraşdırılması məsələlərinə baxılır. 1,6 milyard kubmetrdən çox sututumuna malik bu hidroqovşaqlar və ümumi qoyuluş gücü 280 meqavat gücündə olan bu stansiyalar Araz çayının su və enerji ehtiyatlarından hər iki tərəfin birgə istifadəsinə imkanlar yaradır".

O bildirib ki, bu layihələr iqtisadi və strateji aspektdən ölkəmiz üçün çox əhəmiyyətlidir:

"Bu layihələrin reallaşması Azərbaycana illik 368 milyon kilovat/saat elektrik enerjisi istehsalı, mövcud 252 min hektar torpaq sahəsi üzrə suvarmanın yaxşılaşdırılması və 8 min hektar yeni əkin sahələrinin suvarılması imkanı yaradacaq. Azərbaycanın suverenliyi, ərazi bütövlüyü əsas götürülməklə 2016-cı ildə bu layihələr üzrə sazişin imzalanması işğal olunmuş ərazilərimizin geri qaytarılacağına böyük inamın ifadəsi idi".

"Bu günlərdə müzəffər Ordumuzun Cəbrayıl şəhəri və rayonunun bıra sıra kəndlərini azad etməsi də Azərbaycan Prezidentinin uzaqgörən siyasətini, həmin ərazilərin bərpası zamanı bu hidroqovşaqlar və stansiyaların istifadəsinə əvvəlcədən hazırlıqla bağlı strateji baxışlarını bir daha nümayiş etdirdi. Azərbaycan və İran arasında birgə həyata keçirilən "Ordubad" və "Marazad" su elektrik stansiyaları layihələri üzrə işlər davam etdirilir", - deyə nazir bildirib.

16
Əlaqədar
İranla Azərbaycan arasında tarixi "Xudafərin Sazişi" imzalandı
İlham Əliyev: Xudafərin körpüsünün üzərində Azərbaycan bayrağı qaldırıldı
Nazirlikdən sərhədlərimizi qoruyanlara Xudafərin naminə zirehli hədiyyə - FOTO
Xudafərin körpüsünün üzərində Azərbaycan bayrağı - VİDEO
Ermənistan Xudafərin istiqamətində əməliyyat keçirməyə qadir deyil - MN