Bakıda qanunsuz ət kəsimi

Qanunsuz heyvan kəsimi yerləri sökülüb

17
(Yenilənib 17:03 13.11.2018)
Qida Təhlükəsizliyi Agentliyi qanunsuz heyvan kəsimi fəaliyyətinin qarşısının alınması ilə bağlı tədbirlərini davam etdirir

BAKI, 13 noyabr — Sputnik. Qida Təhlükəsizliyi Agentliyi (AQTA) qida təhlükəsizliyi tələblərinə, sanitar-gigiyenik normalara uyğun olmayan heyvan kəsimi fəaliyyətinin qarşısının alınması məqsədi ilə Daxili İşlər Nazirliyi və yerli icra hakimiyyəti orqanları ilə birlikdə növbəti monitorinq keçirib.

AQTA-nın İnformasiya təminatı və innovativ həllər şöbəsindən Sputnik Azərbaycan-a verilən məlumata görə, Agentliyin sədr müavini Rəşad Mafusov və Yasamal Rayon İcra Hakimiyyətinin başçısı Əziz Əzizovun iştirakı ilə həyata keçirilən tədbirlər nəticəsində Bakı şəhəri, Yasamal rayonunda fəaliyyət göstərən qanunsuz heyvan kəsimi məntəqələrinin sahiblərinə ciddi xəbərdarlıq edilib və yol kənarlarında quraşdırılmış qida təhlükəsizliyi tələblərinə uyğun olmayan kəsim qurğuları icra hakimiyyəti orqanlarının nümayəndələri tərəfindən sökülüb.

Qanunvericiliyin tələblərinə uyğun olaraq, Daxili İşlər Nazirliyi və yerli icra hakimiyyəti orqanları ilə birlikdə bu cür fəaliyyətlərin aradan qaldırılması üçün monitorinqlər davam etdiriləcək və qanunla müəyyən olunmuş qaydada tədbirlər görüləcək.

17
Teqlər:
söküntü, qadağan, ət kəsimi, heyvan, Qida Təhlükəsizliyi Agentliyi
Əlaqədar
Qida Təhlükəsizliyi Agentliyi sahibkarların qeydiyyatına başlayır
Qida Təhlükəsizliyi Agentliyi əhaliyə xəbərdarlıq edib
Qida Təhlükəsizliyi Agentliyi xəbərdarlıq edir – Zəhər hər birimizin evinə girir
Qida Təhlükəsizliyi Agentliyi şadlıq evlərində monitorinqlərə başlayır
Qida Təhlükəsizliyi Agentliyi vətəndaşlara müraciət edir