Azərbaycan Respublikası Müdafiə Nazirliyinin binası

Müdafiə Nazirliyi: David Tonoyan öz-özünü təkzib edir

57
(Yenilənib 20:32 12.11.2018)
D.Tonoyan ölkədə keçiriləcək parlament seçkiləri qabağı erməni ictimaiyyətini yenidən çaşqınlığa sürükləyir

BAKI, 12 noyabr — Sputnik. “Azərbaycan Ordusunun Naxçıvan istiqamətində əldə etdiyi uğurlar Ermənistan tərəfinə rahatlıq vermir və onları daim gərginlikdə saxlayır”. Bu barədə Sputnik Azərbaycan-a Ermənistan müdafiə naziri səlahiyyətlərini icra edən David Tonoyanın sözlərinə cavab olaraq Azərbaycan Müdafiə Nazirliyindən verilən açıqlamada bildirilir.

Xatırladaq ki, Tonoyan bu gün jurnalistlərə verdiyi açıqlamasında növbəti dəfə sərsəm bəyanat səsləndirib. D.Tonoyanın bir tərəfdən Azərbaycan Ordusunun Naxçıvan istiqamətində guya “heç bir ərazini azad etmədiyi və yalnız öz sərhədləri daxilində irəliləyərək mövqelər arasında məsafəni azaltması” barədə danışıb. O, Ermənistanın heç bir zaman həmin ərazilərə nəzarət etmədiyini söyləyib.

Digər tərəfdən isə “Azərbaycan tərəfinin fəaliyyəti barədə məsələnin beynəlxalq instansiyalarda qaldırıldığı” ilə əlaqədar bəyanat verib. Bu bəyanat onun özü-özünü təkzib etməsini bir daha sübut edir.

Üstündən xeyli müddət keçməsinə baxmayaraq D.Tonoyan Ermənistan ordusunun guya Naxçıvan istiqamətdə hansısa tədbirlər görməsi barədə yalan fikirlər səsləndirməklə bu ölkədə keçiriləcək parlament seçkiləri qabağı erməni ictimaiyyətini yenidən çaşqınlığa sürükləyir. Azərbaycan Ordusunun Naxçıvan istiqamətində əldə etdiyi uğurları əks etdirən foto və video materiallar mediada ətraflı yayımlanıb və ictimaiyyət, o cümlədən beynəlxalq qurumlar da bu barədə kifayət qədər məlumatlandırılıb.

57
Teqlər:
Naxçıvan, yalan, Təkzib, təkzib, David Tonoyan, Azərbaycan Müdafiə Nazirliyi
Əlaqədar
Müdafiə Nazirliyi: Qoşunlarımız əməliyyat rayonlarına üz tutub
Müdafiə nazirliyi Ermənistan rəhbərliyini ifşa etdi
Müdafiə Nazirliyi günün böyük yalanını ifşa etdi
Müdafiə Nazirliyi sərt bəyanat yayıb: Olacaqlara görə biz məsuliyyət daşımayacağıq
Müdafiə Nazirliyi: Ermənistanla əlaqə yaradan şəxs bizim əməkdaşımız deyil