BakuBus avtobusları

Bakı Nəqliyyat Agentliyi etirazları əsassız sayır: Biz heç kimə qorxulu anlar yaşatmırıq

10891
(Yenilənib 17:45 07.11.2018)
Mais Ağayev: "BakuBus" sürücüsünün təqsiri səbəbindən qəzalar da olub, bunu danmırıq və danmaq da mümkün deyil"

Təranə Xudabaxşiyeva, Sputnik Azərbaycan

BAKI, 12 noyabr — Sputnik. Son zamanlar sosial şəbəkə istifadəçiləri tərəfindən "BakuBus" MMC-nin sürücüləri ilə bağlı çox sayda şikayətlər edilir. Redaksiyamıza da bu mövzuda daxil olan şikayətlərin sayı az deyil. Məsələn, şikayətlərin birində qeyd olunur ki, bir müddət öncə "BakuBus"da xəstə uşağın halı pisləşib, amma sürücü "dayanacaqdan kənarda saxlaya bilmərəm" – deyə avtobusu dayandırmayıb.

Şikayətlərdə o da vurğulanır ki, "BakuBus" avtobuslarını idarə edən sürücülər, həmçinin yol hərəkəti qaydalarını da kobud şəkildə pozurlar. Hətta, ötən ayın sonlarında "BakuBus"ın iki avtobusunun toqquşması sosial şəbəkələrdə geniş müzakirəyə səbəb olub.

Sputnik Azərbaycan çoxsaylı etirazlara səbəb olan bu problemi araşdırmağa çalışıb. "Avtostop" radio verilişinin aparıcısı Tural Yusifov düşünür ki, insanlar da baş verənləri bir az "şişirdirlər", öz rahatlıqları üçün harada gəldi, avtobusları saxlatmağa öyrəşiblər, ona görə də yeni sistemə hələ alışa bilmirlər.

"Amma, həqiqətən də, hansısa sərnişinin səhhətində problem olubsa, yəni avtobusdakı insanın, doğrudan da, vəziyyəti pisləşibsə, sürücü avtobusu dayanacaqdan kənarda olsa belə, saxlamalıdır" - ekspert bildirib.

T.Yusifov vurğulayıb ki, "Yol hərəkəti haqqında" Qanunda da məcburi dayanma var: "Sürücülərin və ya sərnişinlərdən birinin qəfil halı pisləşərsə, sürücülər avtobusu dayandırmalıdırlar. Bu, məcburi dayanma olduğu üçün sürücüyə heç kim heç nə deməyəcək. Bunun cəriməsi də yoxdur. Sadəcə təlimatlandıranda sürücüyə deyiblər ki, nə olur olsun, avtobusu saxlamayın. Sürücü də elə bilir ki, avtobusu heç bir halda dayanacaqdan kənarda saxlamaq olmaz".

Məsələyə Bakı Nəqliyyat Agentliyinin (BNA) mətbuat xidmətinin rəhbəri Mayis Ağayev də münasibət bildirib: "Doğrudur, son vaxtlar həm sosial şəbəkələrdə, həm də KİV-də "BakuBus"-da müəyyən çatışmazlıqların olması ilə bağlı yazılar yayımlanır. Amma, əslində, vəziyyət heç də təqdim edildiyi kimi, elə də ciddi narahat doğuran səviyyədə deyil. Bu məlumatları təhlil etdikdə, onların bir qisminin, əslində, reallıqdan kənar təqdim edildiyinin şahidi oluruq".

BNA sözçüsü konkret faktlar da açıqlayıb: ""BakuBus"-a məxsus 3 nəqliyyat vasitəsinin toqquşmasını bir çox informasiya saytları və sosial şəbəkə istifadəçiləri ""BakuBus"-ın avtobusları yarışdı" başlığı ilə təqdim etdi. Amma, əslində, həmin gün hava yağıntılı olduğundan depoya qayıdan avtobuslar sürüşmə nəticəsində bir-birinə dəymişdi. "BakuBus"-ın avtobusları sifarış edilərkən, onlarda sürətdə limitin olması əsas tələb kimi qoyulub və bu gün o avtobuslarda müəyyən sürət həddindən yüksək idarəetmə mümkünsüzdür".

"Başqa bir fakt - Sabunçu qəsəbəsində Maykovski və Çernyayevski küçələrinin kəsişməsində 2 nömrəli avtobusun qəzaya uğraması ilə bağlı xəbərdir. Bu məlumat da elə təqdim edilmişdi ki, guya qəza "BakuBus" sürücüsünün təqsiri səbəbindən baş verib. Amma, əslində, "VAZ 2115" və "Mercedec VİTA" markalı avtomobillər toqquşub və onlardan biri dayanacaqda dayanan avtobusa çırpılıb, nəticədə avtobusa ziyan dəyib. Bu hər iki qəzada sərnişinlər arasında xəsarət faktı olmayıb" – deyə M.Ağayev bildirib.

Amma qurum rəsmisi nöqsanların da olduğunu etiraf edib: "Avtobusda halı pisləşən uşaqla bağlı məsələyə gəlincə, onun ailə isə əlaqə saxlanıldı, amma iddia etdikləri faktı araşdırmaq üçün bizə tutarlı faktlar təqdim etmədilər".

"Əksər xəbər saytları isə bu məlumatı ""BakuBus"da qorxulu anlar" adı ilə yayımladı. Bir sözlə, "BakuBus"la bağlı vəziyyət heç də təqdim edildiyi kimi deyil. Yenə də deyirəm, "BakuBus" sürücüsünün təqsiri səbəbindən qəzalar da olub, bunu danmırıq və danmaq da mümkün deyil. Təbii, hər belə bir hal bizi də ciddi narahat edir" - BNA təmsilçisi diqqətə çatdırıb.

"Bildiyiniz kimi "BakuBus" MMC Bakı Nəqliyyat Agentliyinin balansına keçməkdədir. Bizim əsas məqsədimiz vətəndaşlara müasir komfortlu avtobuslarla, peşəkar sürücü heyəti ilə təhlükəsiz sərnişindaşıma xidmətinin göstərilməsidir. Və bildirim ki, "BakuBus"-ın fəaliyyətinin bu istiqamətdə daha da təkmilləşdirilməsi təmin ediləcək" - deyə M.Ağayev əlavə edib.

10891
Teqlər:
Mais Ağayev, sərnişin, avtobus, "BakuBus" MMC, sürücü
Əlaqədar
Məlum marşrutla işləyən avtobus yenə fərqləndi - FOTO
Bakıda avtobusun törətdiyi qəza nəticəsində yaralananların sayı artıb
Bakıda növbəti avtobus qəzası: Ölən var
Avtobus terroru bu dəfə iki piyadanın ölümü ilə nəticələndi
Avtobus qəzaya uğradı, ölənlərin sayı dəqiqləşdirilir
Notebook-la oynayan kişi, arxiv şəkli

Bu qurum vətəndaş müraciətlərini sosial səhifələr vasitəsilə cavablandıracaq

4
Vətəndaşlar həmin səhifələr vasitəsilə pensiya, müavinət, təqaüd, ünvanlı dövlət sosial yardımı və digər sosial təminat növləri üzrə ödənişlər, sosial sığorta məsələləri, fərdi uçot və s. aid suallarını DSMF-yə ünvanlaya bilərlər

 

BAKI, 1 dekabr — Sputnik. Əmək və Əhalinin Sosial Müdafiəsi Nazirliyinin tabeliyindəki Dövlət Sosial Müdafiə Fondu (DSMF) dekabrın 1-dən vətəndaş müraciətlərini özünün yeni fəaliyyətə başlayan facebook, instagram, telegram və twitter sosial səhifələri vasitəsilə də cavablandıracaq. Bu barədə Sputnik Azərbaycan-a DSMF-dan məlumat verilib. Qeyd olunub ki, vətəndaşlar həmin səhifələr:

www.facebook.com/dsmf.sosial.gov.az/

www.instagram.com/dsmf.sosial.gov.az/

t.me/dsmfsosialgovaz

twitter.com/dsmfsosialgovaz

vasitəsilə pensiya, müavinət, təqaüd, ünvanlı dövlət sosial yardımı və digər sosial təminat növləri üzrə ödənişlər, sosial sığorta məsələləri, fərdi uçot və s. aid suallarını DSMF-yə ünvanlaya bilərlər.

Sorğu xarakterli müraciətlərlə bağlı qanunvericiliyə uyğun şəkildə izahatlar veriləcək. Araşdırma tələb edən müraciətlər isə müvafiq qaydada baxılaraq nəticəsinə uyğun tədbirlər görüləcək və müraciət edən vətəndaşlar bu barədə məlumatlandırılacaq. Sosial şəbəkə səhiflərində DSMF-nin fəaliyyəti, bu sahədəki yeniliklər də ictimaiyyətə təqdim ediləcək.

4
Teqlər:
sosial şəbəkə, Əmək və əhalinin Sosial Müdafiə Nazirliyi, Dövlət Sosial Müdafiə Fondu
Azərbaycan Respublikasının Birinci vitse-prezidenti Mehriban Əliyeva, arxiv şəkli

Mehriban Əliyeva Laçının işğaldan azad edilməsi ilə bağlı paylaşım edib

6
(Yenilənib 16:14 01.12.2020)
Bu gün üçtərəfli bəyanatın şərtlərinə uyğun olaraq, Laçın rayonu Ermənistanın işğalından azad edildi.

BAKI, 1 dekabr — Sputnik. Azərbaycanın I Vitse-prezidenti Mehriban Əliyeva Laçın rayonunu işğaldan azad edilməsi ilə bağlı paylaşım edib.

Sputnik Azərbaycan xəbər verir ki, paylaşımda deyilir: “Laçın rayonunun işğaldan azad edilməsi münasibətilə hamınızı səmimi-qəlbdən təbrik edirəm! Qoy, Uca Allah mərhəmətini xalqımızdan əsirgəməsin, bütün həmvətənlərimizə cansağlığı və səadət, Vətənimizə sülh, firavanlıq və nurlu gələcək bəxş etsin! Qarabağ Azərbaycandır!”

6
Teqlər:
Birinci vitse-prezident Mehriban Əliyeva, Laçının azad olunması
OPEC-in loqosu, arxiv şəkli

“OPEC+” nazirlərinin iclasının vaxtı dəyişib

0
(Yenilənib 16:32 01.12.2020)
Azərbaycanın energetika naziri Pərviz Şahbazovun da "OPEC plus" ölkələri nazirlərinin müzakirələrində iştirakı nəzərdə tutulur

BAKI, 1 dekabr — Sputnik. Dekabrın 1-də keçirilməsi nəzərdə tutulan "OPEC plus" ölkələri nazirlərinin 12-ci görüşünün vaxtı 3 dekabr tarixinə dəyişdirilib.

Sputnik Azərbaycan-ın məlumatına görə, görüşdə OPEC və qeyri-OPEC ölkələri nazirləri tərəfindən "Əməkdaşlıq Bəyannaməsi"ndən irəli gələn məsələlər üzrə müzakirələr keçiriləcək.

Azərbaycan Respublikasının energetika naziri Pərviz Şahbazovun da "OPEC plus" ölkələri nazirlərinin müzakirələrində iştirakı nəzərdə tutulur.

0
Teqlər:
nazirlər, OPEC, Müzakirələr