Заклеенная объявлениями стена жилого дома в Баку

Borclu müştərinin şəklinin binalara vurulmasına aydınlıq gətirildi

58
(Yenilənib 20:11 06.11.2018)
"İstənilən halda borclu müştəriyə qarşı belə bir addımın atılması yolverilməzdir"

Nigar Məhərrəm, Sputnik Azərbaycan.

BAKI, 6 noyabr — Sputnik. Oxu.az xəbər portalında dərc olunan məlumatda deyilir ki, qadın müştərinin borcunun olduğuna görə, “ABC Telecom” Bakı şəhəri, Nərimanov Rayon Məhkəməsinə müraciət edib. Yayılan məlumatda qeyd olunur ki, məhkəmə qadının 1583 manat borcunun ödənilməsi ilə bağlı qərar çıxarıb. Məlumatda borcunu ödəmədiyi üçün qadının şəklinin şirkət tərəfindən Səbail rayonu ərazisindəki binalara yapışdırıldığını iddia edilir.

Məsələyə aydınlıq gətirmək üçün Sputnik Azərbaycan-ın əməkdaşı "ABC Telecom" ilə əlaqə saxlayıb. Şirkətdən yaxın müddətdə sorğumuza cavab veriləcəyi bildirilib.

"ABC Telecom" MMC-nin sahib olduğu "Kontakt Home" mağazalar şəbəkəsinin operatoru isə Sputnik Azərbaycan-ın sorğusuna cavab olaraq bildirib ki, bu məlumat yanlışdır: "İstənilən halda borclu müştəriyə qarşı belə bir addımın atılması yolverilməzdir. Yayılan məlumat yanlışdır. Çünki aylıq ödəniş müddətinə bir neçə gün qalmış şirkətimiz tərəfindən müştərilərə xəbərdarlıq edilir. Müştəri ödəniş etmədikdə isə bunun səbəbləri araşdırılır".

Qeyd edək ki, yayılan xəbərdə borclu olduğu iddia edilən qadının ad, soyad və ata adı olmadığı üçün şəxsin həqiqətən də şirkətin müştərisi olub-olmadığını, borclu olub-olmadığını dəqiqləşdirə bilmədik. Şəxsin kimliyini anonim saxlamağı vəd etsək də, ilkin mənbə bu məlumatları bizə ötürməkdən imtina etdi.

58
Teqlər:
"Kontakt Home", müştəri
Əlaqədar
Xanım müştəri: "Maşını saxlayıb dedi ki..." - Bakıda qalmaqal
Ən ucuz bazar: Gəl, ay müştəri, artistdən qalmadı
Bakıda gecə müəmması: Qana boyanmış müştəri taksi sürücüsünü şoka salıb
“Mən potensial alıcıyam, gənclərə "müştəri" gözü ilə baxıram” – MÜSAHİBƏ
Bakıda tibbi maska taxmış şəxs, arxiv şək

Bakıda koronavirusa ən çox yoluxma bu rayondadır

4
(Yenilənib 12:09 30.10.2020)
Binəqədidə koronavirusa yoluxma 14.6 faiz, Xətaidə 12.7 faiz, Yasamalda 11.6 faiz, Sabunçuda 11.5 faiz, Nəsimidə 8.6 faiz təşkil edib.

BAKI, 30 oktyabr — Sputnik. Bakının rayonları üzrə koronavirusa yoluxma statistikası açıqlanıb. Sputnik Azərbaycan-ın "koronavirus.info" saytına istinadən məlumatına görə, hazırda ən yüksək yoluxma Binəqədi rayonundadır.

Belə ki, Binəqədidə koronavirusa yoluxma 14.6 faiz, Xətaidə 12.7 faiz, Yasamalda 11.6 faiz, Sabunçuda 11.5 faiz, Nəsimidə 8.6 faiz, Nərimanovda 8.0 faiz, Suraxanıda 8.0 faiz, Nizamidə 7.2 faiz, Qaradağda 6.7 faiz, , Xəzərdə 5.9 faiz, Səbaildə 4.8 faiz, Pirallahıda 0.3 faiz təşkil edib.

4

Uşaq bağçalarında tədris bərpa edilmir

17
"Bağçalarda onlayn təhsil mümkün olmadığına görə tədris bərpa edilmir. Amma hansısa bağça onlayn şəkildə fəaliyyət göstərmək istəyərsə, burada qeyri-qanuni nəsə yoxdur"

BAKI, 30 oktyabr — Sputnik. Məktəbəqədər təhsil müəssisələri və uşaq bağçalarının fəaliyyəti ənənəvi formada bərpa edilmir. Sputnik Azərbaycan-ın məlumatına görə, bunu Təhsil naziri Emin Əmrullayev bu gün keçirdiyi brifinqdə deyib. Nazir qeyd edib ki, azyaşlı uşaqlara xüsusi qayğının onlayn göstərilməsi məqbul hesab edilmir: "Bağçalarda onlayn təhsil mümkün olmadığına görə tədris bərpa edilmir. Amma hansısa bağça onlayn şəkildə fəaliyyət göstərmək istəyərsə, burada qeyri-qanuni nəsə yoxdur".

E.Əmrullayev şagird yerdəyişməsindəki fasiləyə də aydınlıq gətirib. O bildirib ki, bu, növbəti həftədən aradan qaldırılacaq: "Əvvəlki dövrlərdə müəyyən qeyri-müəyyənlik qeydə alınsa da, növbəti həftələrdən sistemin işə salınması mümkün olacaq".

17
Neft buruğu, arxiv şəkli

Azərbaycan nefti 37 dollara düşüb

0
(Yenilənib 12:38 30.10.2020)
Dünya bazarlarında tədarüklə bağlı yaranan narahatlıqlar neftin qiymətinin aşağı düşməsinə təsir göstərir

BAKI, 30 oktyabr — Sputnik. Azərbaycan neftinin qiyməti ucuzlaşır.

Sputnik Azərbaycan xəbər verir ki, "Azeri Light" markalı neftin bir barelinin qiyməti 1,61 dollar ucuzlaşaraq 37,65 dollar təşkil edib.

"Brent" markalı neftin qiyməti 0,67 dollar geriləyərək 36,98 dollar, "Light" markalı neftin qiyməti isə 0,55 dollar ucuzlaşaraq 35,62 dollar olub.

Qeyd edək ki, dünya bazarlarında tədarüklə bağlı yaranan narahatlıqlar neftin qiymətinin aşağı düşməsinə təsir göstərir.

Xatırladaq ki, Azərbaycan neftinin bir barelinin qiyməti bu il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.

0