Bakı şəhəri, 1970-ci il

Dövlət himni qalmaqalı Tahir Kərimlinin sovet nostaljisinə cavab

6778
(Yenilənib 21:45 02.11.2018)
Tanınmış şəxslər Azərbaycan dövlət himninə dəyişikliklər edilməsini təklif edən deputat Tahir Kərimlinin parlamentdə səsləndirdiyi fikirlərə etiraz ediblər

Kəmalə Əliyeva, Eldar Tanrıverdiyev, Sputnik Azərbaycan

BAKI, 2 noyabr – Sputnik Azərbaycan. “Ölkədə onlarla, minlərlə problem qısa zamanda öz həllini gözlədiyi bir vaxtda Azərbaycan dövlət himninin dəyişdirilməsi ilə məşğul olmaq lazım deyil”.

Bunu Sputnik Azərbaycan-a açıqlamasında xalq şairi Sabir Rüstəmxanlı Milli Məclisin deputatı Tahir Kərimlinin plenar iclasında Azərbaycanın dövlət himnin musiqisinə, daha dəqiq – onun qısaldılması və tonallığına dəyişikliklərin edilməsi barədə fikirlərinə münasibət bildirərkən qeyd edib.

Milli Məclisin deputatı Tahir Kərimli
Milli Məclisin deputatı Tahir Kərimli

Qeyd edək ki, Tahir Kərimlinin sözlərinə görə, digər ölkələrin himnlərindən fərqli olaraq Azərbaycanın himni 4 dəqiqə davam edir və minor ladında yazılıb. Kərimli himnin davamlılığının azaldılmasını və qəmli notların yığışdırılmasını təklif edib.

“Üzeyir Hacıbəyov Azərbaycan Sovet Respublikasının himnini hazırlayıb. O, indikindən daha nikbin idi" - deyə Kərimli bildirib.

Lakin Rüstəmxanlı deputat Kərimlinin sözləri ilə kökündən razı deyil. O, qeyd edib ki, dövlət himninin musiqi və sözlərinə dəyişikliklərin edilməsinə dair müzakirə və mübahisələr artıq uzun illərdir davam edir: "Himnin musiqisi 1919-cu ildə, yəni Azərbaycan Demokratik Respublikası illərində yazılıb. O, bizə ADR-in mövcudluq illərindən miras qalıb, ona görə də ona hər hansı bir dəyişiklik etmək olmaz. Mən ölkədə həlli vacib xeyli sayda problemlərin olduğu vaxtda belə şeylərlə məşğul olmağın düzgün olmadığını düşünürəm. Mən dövlət himninə dəyişikliklərin edilməsinin qəti şəkildə əleyhinəyəm".

Vətəndaş Həmrəyliyi Partiyasının sədri Sabir Rüstəmxanlı
© Sputnik / STR
Vətəndaş Həmrəyliyi Partiyasının sədri Sabir Rüstəmxanlı

Xalq şairinin sözlərinə əməkdar artist, Bəstəkarlar İttifaqının sədri Sərdar Fərəcov da qoşulub.

Onun sözlərinə görə, himn ona görə himn adlanır ki, o daima dövlətin mühafizəsi altındadır. Bəstəkar hesab edir ki, onun nə vaxt yazıldığının heç bir əhəmiyyəti yoxdur və dövlət himninə dəyişikliklərin edilməsi yolverilməzdir.

Секретарь Союза композиторов Азербайджана Сардар Фараджев
Bəstəkarlar İttifaqının sədri Sərdar Fərəcov

O, qeyd edib ki, dövlət simvolları ilə zarafat etmək olmaz: "Ümummilli lider Heydər Əliyev Azərbaycanın himninin sözləri və musiqisindən razı idi. Hər birimiz öz tariximizə və Heydər Əliyevin fikrinə hörmət etməliyik. Mən düşünürəm ki, himn bir dəfə qəbul olunub və bu həmişəlik olur. Ola bilər ki, himnin musiqisi və sözləri kiməsə xoş, kiməsə isə xoş gəlməyə bilər, lakin bu artıq zövq məsələsidir. Hər birimiz öz ölkəmizin himninə hörmət etməliyik. Bu müzakirə olunmur".

Bəstəkar, həmçinin deputat Tahir Kərimlinin Azərbaycan himninin minor ladda yazılmasına dair sözlərinə də münasibət bildirib. Onun sözlərinə görə, Fransada dövlət himni də daxil olmaqla, onlarla ölkənin himni minor ladda yazılıb: "Mən bizim deputatlarımızdan fərqli olaraq, xaricə az səfər etmişəm, lakin mən belə bilirəm ki, himnlərin əksəriyyəti minor ladda yazılıb. Mən sizə növbəti səfəriniz vaxtı – onlar isə praktiki olaraq hər ay xaricə gedirlər – belə əhəmiyyətli şeylərə fikir verməyə dəvət edirəm"

Fazil Mustafa
© Sputnik / Murad Orujov
Fazil Mustafa

Azərbaycan Milli Məclisinin deputatı Fazil Mustafa hesab edir ki, indiki vəziyyətdə Azərbaycan Respublikasının dövlət himninə toxunmaq yanlış addım olardı: "Himn artıq bizim üçün bir dəyərə çevrilib. Dünyada onsuz da mükəmməl heç nə yoxdur. Ona görə də bu mövzuya qayıtmağı doğru hesab etmirəm. Himnimiz hazırda olan formasında da qəbul olunmalıdır. Yeni himnə keçid həm maddi, həm də mənəvi cəhətdən fəsadlar yaradır. Bizim himnimiz mərsiyə janrında deyil. Ümumiyyətlə, ölkə himnlərinin mütləq marş janrında olmasına dair hökm yoxdur. Ona görə də himnimizlə bağlı narahatlıq keçirməyə dəyməz".

Qeyd edək ki, Azərbaycan dövlət himni bayraq və gerblə yanaşı, Azərbaycanın dövlət simvollarından birdir. Himnin musiqisi 1919-cu ildə azərbaycanlı bəstəkar Üzeyir Hacıbəyov tərəfindən yazılıb, himnin sözləri isə Əhməd Cavada məxsusdur. Himn Azərbaycan müstəqilliyini bərpa etdikdən sonra 27 may 1992-ci ildə rəsmi olaraq qəbul olunub. Xüsusi olaraq Tahir Kərimli üçün qeyd etmək istəyərdik ki, Azərbaycan dövlət himninin davamlılığı 4 dəqiqə deyil, 2 dəqiqə 13 saniyədir.

Müqayisə üçün sizə müxtəlif ölkələrin himnlərin davamlılıq müddətini təqdim edirik:

  • Rusiya – 3,50 dəqiqə.
  • Böyük Britaniya – 2, 40 dəqiqə.
  • Çin – 1,27 dəqiqə.
  • Fransa – 5,10 dəqiqə.
  • ABŞ – 4,13 dəqiqə.
  • Almaniya – 3,38 dəqiqə.
  • Hindistan – 2 dəqiqə.

Belə bir sual yaranır: Tahir Kərimli 4 dəqiqə davam edən Azərbaycan himnini harada eşidib? Bəlkə o sovet dövrünü xatırlayıb? Məlum olduğu kimi Azərbaycan SSRİ-nin dövlət himni 3,5 dəqiqə davam edir.

6778
Teqlər:
Azərbaycan, cavab, etiraz, Fazil Mustafa, dəyişiklik, Tahir Kərimli, himn
Əlaqədar
Trampdan yeni qalmaqal: Himnin sözlərini unutdu
Milli Məclis bayraq, gerb və himn barədə qanunlara yenidən baxacaq
Futbol üzrə dünya çempionatının himni təqdim edilib - VİDEO
Milli Məclis bayraq, gerb və himn barədə qərar qəbul etdi
Dövlət himnimizin müəllifi
Qadın sürücü

Polis Salyandan maşın qaçırdan iki qadını yaxalayıb

8
(Yenilənib 23:51 08.03.2021)
Polis əməkdaşlarının keçirdikləri əməliyyat-axtarış tədbirləri nəticəsində nəqliyyat vasitəsini qaçırmaqda şübhəli bilinən şəxslər saxlanılıb. 

BAKI, 8 mart - Sputnik. Salyanda ötən gün qeyri-adi hadisə baş verib. Belə ki, Salyan Rayon Polis Şöbəsinə martın 7-də saat 16.00 radələrində rayon ərazisindən Bakı şəhər sakini S. Nəcəfova məxsus “Opel” markalı avtomobilin qaçırılması barədə məlumat daxil olub.
Daxili İşlər Nazirliyinin (DİN) Mətbuat Xidmətindən Sputnik Azərbaycan-a verilən məlumata görə, polis əməkdaşlarının keçirdikləri əməliyyat-axtarış tədbirləri nəticəsində nəqliyyat vasitəsini qaçırmaqda şübhəli bilinən şəxslər saxlanılıb. 

Onların Bakı şəhər sakinləri M.Bayramova və M.Orduxanova olduğu məlum olub. Maşını qaçıranlar saxlanılarkən sükan arxasında M.Bayramova, sərnişin oturacağında isə M.Orduxanova olub. 

Salyan Rayon Polis Şöbəsi hazırda hadisənin təfərrüatlarını araşdırır. 

8
Qərənfil

Türkiyənin məşhur aktyoru dünyasını dəyişib

21
(Yenilənib 23:48 08.03.2021)
Türkiyənini Səhiyyə naziri Rasim Öztəkinin vəfat etdiyini açıqlayıb: " O, televiziyanın olduğu hər bir evdə ailədən biri idi".

BAKI, 8 mart - Sputnik. Türkiyənin məşhur aktyoru, Azərbaycanda da öz rolları ilə çox sevilən Rasim Öztəkin infarkdan müalicə aldığı xəstəxanada dünyasını dəyişib. 

Sputnik Türkiyə xəbər verir ki, Öztəkin, infakt keçirdikdən sonra Doktor Siyami Ersek Sinə, Ürək və Damar Cərrahiyyəsi Təhsil və Araşdırma Xəstəxanasına aparılıb.

Öztəkinin vəziyyəti ilə bağlı bir qədər əvvəl mətbuata açıqlama verən həkimi, professor Cevdet Uğur "xəstənin həyati təhlükəsi var və vəziyyəti ağır olaraq qalır" demişdi. 

Türkiyənin Səhiyyə naziri Fəxrəddin Qoca isə Öztəkinin vəfat etdiyini bildirib. O, sosial media hesabında "edilən bütün müdaxilələrə baxmayaraq, Rasim Öztəkin həyatdan köçüb", - yazıb. 

"Serial, teatr və kino aktyoru Rasim Öztəkin, keçirdiyi infarktdan sonra Doktor Siyami Ersek Sinə, Ürək və Damar Cərrahiyyəsi Təhsil və Araşdırma Xəstəxanasında edilən bütün müdaxilələrə baxmayaraq, dünyasını dəyişib. O, televiziyanın olduğu hər bir evdə ailədən biri idi. Başımız sağ olsun",  - nazir yazıb. 

Qeyd edək ki, Rasim Öztəkin Azərbaycan izləyicisinə "Səksənlər", "Geniş ailə" teleseriallarından, "Kabadayı", "Mandıra filosofu" və digər filmlərindən tanış idi. 

O, 14 yanvar 1959-cu ildə İstanbulda anadan olmuşdu. 

21
Gürcüstanda etirazlar

Gürcüstanda yeparxiya davası dindarların balkondan yıxılması ilə nəticələnib - VİDEO

0
(Yenilənib 00:20 09.03.2021)
Balkonda davam edən dava zamanı taxta dirəklər sınıb və oradakılar yerə yıxılıb. Xəsarət alanların arasında Gürcüstan telekanallarının jurnalistləri və operatorları da olub.

BAKI, 9 mart - Sputnik. Gürcüstanın Martvili şəhərindəki Çkondid yeparxiyasında baş verən dava zamanı on nəfər eyvandan yıxılıb, onlardan altısı xəsarət alıb.

Sputnik Gürcüstan xəbər verir ki, Gürcüstan Daxili İşlər Nazirliyi hadisəni araşdırmağa başlayıb.

Məlumata görə, yeni hakim mitropolit Stefanın sədrliyi ilə keçirilən qapalı iclasda ruhanilər arasında yaranmış mübahisə dava ilə bitib.

Çkondid və Martvilinin yeni mitropoliti Stefan ata keçmiş mitropolitin tərəfdarı olan iki dyakonun ibadət etməsini qadağan edib.

Bundan sonra yeparxiya xadimləri arasında qarşıdurma yaranıb. Kilsə və pastva xadimləri münasibətlərə aydınlıq gətirmək istəyiblər. Qarşıdurma binanın ikinci mərtəbəsinin eyvanında davam edib. Nəticədə taxta dirəklər sınıb və oradakılar yerə yıxılıb. Xəsarət alanların arasında Gürcüstanın Formula-1, POSTV, TV Pirveli, Rustavi 2 telekanallarının jurnalistləri və operatorları da olub.

Xəsarət alanlar təcili yardım briqaları tərəfindən xəstəxanaya aparılıb. Gürcüstan Patriarxlığı hələlik Çkondid yeparxiyasında baş verənləri şərh etməyib.

Gürcüstanın Daxili İşlər Nazirliyi Martvili rayonundakı Çkondid yeparxiyasında baş verən dava faktı ilə bağlı cinayət işi qaldırıb. "Ehtiyatsızlıqdan sağlamlığa zərər vurma" maddəsi üzrə təhqiqat aparılır. Gürcüstan qanunvericiliyinə görə, bu maddə özündə inzibati cərimələri və yaxud iki ilə qədər islah işlərini nəzərdə tutur.

 

0