Nəsib Ələsgərovun evi

Qaz idarəsi ilə vətəndaş arasında heyrətamiz çəkişmə gedir

15665
(Yenilənib 17:37 28.10.2018)
"Sərfiyyatından artıq borc yazmışdılar, etiraz etdim, acığa düşüb daha da artırdılar"

Musa Muradlı, Sputnik Azərbaycan

BAKI, 2 noyabr — Sputnik. Nəsib Ələsgərov Bərdə şəhər sakinidir. Vaqif küçəsi, döngə 9, ev 2 ünvanında yaşayır. Üç oğul, bir qız atası olsa da, onların yanında yox, tək qalır. Həyat yoldaşı 16 il əvvəl dünyasını dəyişib. Dediyinə görə, tək yaşamasında övladlarının elə bir günahı yoxdur.

Nəsib Ələsgərov
© Sputnik / Musa Muradli
Nəsib Ələsgərov

"Oğlanlarım Bakıda yaşayırlar, imkanları da yaxşıdır. Ancaq mən Bakıda qala bilmirəm. Orada özümü yaxşı hiss etmirəm. Həm havasını götürmürəm, həm də darıxıram" - Sputnik Azərbaycan-ın bölgə müxbirinə danışan N.Ələsgərov deyir.

Həmsöhbətimiz övladlarından razıdır, şikayətçi deyil. Yaxınlıqda yaşıyan qızı hər səhər-axşam atasına baş çəkir, paltarlarını yuyur, evini səliqə-sahmana salır.

Lakin yaşlı kişinin baş bir məsələdən şikayəti var. Daha doğrusu, "Azəriqaz" İstehsalat Birliyi Tərtər Regional Qaz İdarəsinin Bərdə şöbəsindən.

"Ötən ilin yanvar-fevral aylarında qaz idarəsindən ünvanıma göndərilən bildirişdə yazılan məbləğ məni qane etmədi. Şöbənin müdirinin yanına getdim. Dedim ki, "Burda yazılan rəqəm evimdəki qaz sərfiyyatından artıqdır. Belə etməyin, camaatda narazılıq yaratmayın". Az keçmədi ki, yeni bildiriş gətirdilər. Bu dəfə qəbzdə ondan da artıq - 120 manat yazmışdılar" - Nəsib kişi bildirir.

Nəsib kişi bütün qeydlərini dəqiqliklə aparır
© Sputnik / Musa Muradli
Nəsib kişi bütün qeydlərini dəqiqliklə aparır

Dediyinə görə, onun bu etirazı müdirin xoşuna gəlməyib: "Acığa düşərək hesabı bir az da artırıblar. İndi mən artıq pul keçirsəm də, borcum azalmır. Ödədiyim pulları borcumdan silmirlər".

Şikayətçi bütün ödəniş qəbzlərini götürüb, Bərdə Qaz İdarəsinə getsə də, mühasibatlıqda onu dinləyən olmayıb. Baş mühasib onu təhqir edərək otaqdan qovub.

N.Ələsgərov məsələ ilə bağlı Bərdə Rayon Prokurorluğuna şikayət edib: "Prokuror qaz idarəsinə zəng edib soruşanda ki, "Nəsib Ələsgərov düz danışır, ya yox". Ona cavab verdilər ki, "yalan deyir". Prokuror da mənə dedi ki, "Zəng eləyib soruşdum, dedilər, sən düz demirsən, get pulunu ödə"".

O, bundan sonra Bərdə Rayon Məhkəməsinə baş vurduğunu deyir: "Qəşəng kostyum geyinmişdim. Üst-başım tər-təmiz idi. Məni yaxşı qarşıladılar, başlanğıcda gözəl rəftar elədilər. Hiss olunurdu ki, danışdıqlarıma diqqətlə qulaq asırlar. Məndən təhsilimi soruşanda, dedim ki, "8-ci sinfi bitirmişəm". Ondan sonra mənə əhəmiyyət vermədilər. Biləndə ki, savadsızam, daha mənə qulaq asmadılar. El dilində desək, "yola verməyə" başladılar. Axırda da dedilər ki, "qarşı tərəf yoxdur, şikayətinizə baxa bilmərik"".

Nəsib Ələsgərovun evi
© Sputnik / Musa Muradli
Nəsib Ələsgərovun evi

Sputnik Azərbaycan-ın əməkdaşı, yaranmış anlaşılmazlığa aydınlıq gətirmək üçün Tərtər Regional Qaz İdarəsinin Bərdə şöbəsi ilə əlaqə saxlayıb. Qurumun mühasibi Zülfiyyə Əsgərzadə N.Ələsgərovun ittihamlarını əsassız hesab edib.

"Nəsib Ələsgərova ay ərzində iki dəfə - ayın əvvəlində və ortasında sərfiyyat barədə bildiriş verilib. Birini ödəyib, digərini isə yox. Ona görə də hər ay borcu artıb" - deyə Z.Əsgərzadə vurğulayıb.

15665
Teqlər:
"Azəriqaz" İstehsalat Birliyi Tərtər Regional Qaz İdarəsinin Bərdə şöbəsi, şikayət, borc, qaz, Bərdə
Əlaqədar
Qonşuda elektrik və qazın qiyməti kəskin artdı
Qaz balonunu anam alıb: Məktəbi bir-birinə vuran uşaq etiraf etdi
Qış gəlməmiş qazdan boğulmalar başladı
Qaz sayğaclarına müdaxilə edən şəxs saxlanılıb
 Prezident İlham Əliyev, arxiv şəkli

Prezident: Biz informasiya məkanında qələbə qazandıq

1
İlham Əliyev: "Biz döyüş meydanında qələbə qazandıq, informasiya məkanında qələbə qazandıq, siyasi müstəvidə qələbə qazandıq. Müharibənin nəticələri mən deyən kimi oldu".

BAKI, 25 noyabr — Sputnik. "Mən Prezident kimi bu illər ərzində əlimdən gələni edirdim ki, Dağlıq Qarabağ məsələsi daim gündəlikdə olsun, özü də daim gündəliyin mərkəzində olsun".

Sputnik Azərbaycan xəbər verir ki, bunu Azərbaycan Prezidenti İlham Əliyev xalqa müraciətində bildirib.

"Həm ölkə daxilində vətənpərvərlik, milli qürur, həmrəylik hissləri daha da yüksək səviyyəyə qalxsın. Həm beynəlxalq müstəvidə daim bu məsələ gündəlikdə olsun. Hər kəs bilsin, həqiqət nədən ibarətdir, hər kəs bilsin, təcavüzkar kimdir, zərərçəkmiş tərəf kimdir və biz buna nail olduq. İndi dünyada hər kəs bunu bilir. Əgər Vətən müharibəsi dövründə xarici mətbuata diqqət yetirsək, görərik ki, əlbəttə, qərəzli, islamofob, anti-Azərbaycan, ermənipərəst məqalələr və reportajlar üstünlük təşkil edir. Ancaq, eyni zamanda, əvvəlki dövrdən fərqli olaraq bir çox obyektiv, həqiqəti əks etdirən reportajlar, məqalələr də dərc edildi. Deyə bilərəm ki, biz informasiya müharibəsində qələbə qazandıq. Biz döyüş meydanında qələbə qazandıq, informasiya məkanında qələbə qazandıq, siyasi müstəvidə qələbə qazandıq. Müharibənin nəticələri mən deyən kimi oldu", - deyə Prezident bildirib.

O qeyd edib ki, ilk günlərdən Qarabağ probleminin hərbi və siyasi yollarla həll edilməli olduğunu deyib:

"Deyirdim ki, biz məsələnin hərbi yollarla həllini hər an dayandıra bilərik və buna hazırıq. Bir şərtlə, Paşinyan şəxsən özü deməlidir ki, nə vaxt o, bizim torpaqlarımızdan çıxır. Öhdəlik götürməlidir, tarix verməlidir. Deməlidir ki, nə vaxt bizim torpaqlarımızdan çıxır. Bu olan kimi, mən bizim hücum əməliyyatlarımızı dayandırıram".

"Biz Cəbrayılı, Füzulini, Zəngilanı, Qubadlını, Murovdağı, Suqovuşanı, Hadrutu, Xocavənd rayonunun böyük hissəsini və Şuşanı hərbi yollarla azad etdik. Döyüş meydanında düşmənin belini qırdıq. Şuşanın azad olunmasından bir gün sonra 70-dən çox kəndin azad edilməsi ilə düşmən diz çökdü, kapitulyasiya aktına imza atdı. Hələ ki, bilmirəm harada. Bunu gizlədirlər. Yəqin ki, nə vaxtsa bizə deyəcəklər. Paşinyan, harada imzalamısan sən bu kapitulyasiya aktını? Ancaq məcbur olub bizim şərtlərimizi qəbul edib. Müharibə bir daha göstərdi kim kimdir. Ermənistan məğlub edilmiş ölkədir. Azərbaycan zəfər çalmış ölkədir. Kəlbəcər bizimdir! Qarabağ Azərbaycandır!", - deyə İlham Əliyev əlavə edib.

1
Bakıda parkomat, arxiv şəkli

Parklama probleminin həlli üçün Bakıya beynəlxalq şirkət dəvət edilib

3
BNA nümayəndəsi: Azərbaycana beynəlxalq məsləhətçi şirkət dəvət olunub və o, parklanma məsələlərini təhlil edir.

BAKI, 25 noyabr — Sputnik. Bakı şəhərində avtomobillərin parklanması ilə bağlı baş plan və tarif siyasəti hazırlanacaq.

Sputnik Azərbaycan xəbər verir ki, bunu "Caspian Energy Club"un təşkilatçılığı ilə keçirilən "Online Baku City Forum"da çıxış edən Bakı Nəqliyyat Agentliyinin (BNA) Yol hərəkətinin təşkili şöbəsinin müdiri Tərlan Səfərov deyib.

Onun sözlərinə görə, bu plan ilk növbədə ictimaiyyətə təqdim olunacaq və daha sonra onun tətbiqinə başlanacaq:

"Hazırda bu istiqamətdə görülən işlər çərçivəsində beynəlxalq məsləhətçi şirkət dəvət olunub, hansı ki, parklanma məsələlərini təhlil edir. Təbii ki, parkanmanın idarə edilməsi ümumiyyətlə şəhər nəqliyyat infrastrukturunun ən vacib amilidir. Çünki bu, həm sahibkarların fəaliyyətinə təsir göstərir, həm də tıxaca təsir edir. Bu gün demək olar ki, Bakı şəhərində parklanma pulsuzdur və ona görə də tıxac problemi mövcuddur".

3
Teqlər:
pullu parklama, parklama, Bakı Nəliyyat Agentliyi, BNA