Camal Qaşıqçı

İstanbul Baş Prokurorluğu: "Camal Qaşıqçı boğularaq öldürülüb"

107
(Yenilənib 19:26 31.10.2018)
Məlumatda qeyd olunub ki, onun meyiti daha sonra parçalara ayrılaraq yox edilib

BAKI, 31 oktyabr — Sputnik. Jurnalist Camal Qaşıqçı əvvəlcədən tərtib olunan plana əsasən Səudiyyə Ərəbistanının İstanbuldakı Baş Konsulluğuna daxil olan kimi boğularaq öldürülüb. 

“Report” istinadən xəbər verir ki, bu barədə İstanbul Baş Prokurorluğunun yaydığı açıqlamada bildirilib.  

Məlumatda qeyd olunub ki, onun meyiti daha sonra parçalara ayrılaraq yox edilib.

Eyni zamanda Türkiyə tərəfi iki ölkənin prokurorluqları arasında qətlin araşdırılması üçün aparılan danışıqlar nəticəsiz qaldığını da vurğulayıb. 

Qeyd edək ki, C.Qaşıqçı oktyabrın 2-də Baş Konsullğun binasında öldürülüb. Krallıq onun qətlə yetirildiyi ilə bağlı açıqlama vermirdi. Ancaq C.Qaşıqçının paltarını geyinmiş və gözlüyünü taxmış bir nəfərin Baş Konsulluqdan çıxarılması səhnəsini quraşdırmaqla Səudiyyə Ərəbistanı jurnalistin diplomatik missiyadan çıxdığını beynəlxalq ictimaiyyətə sırımaq istəyib. Bununla da Camal Qaşıqçının itkin düşməsi məsələsində Türkiyəni ittiham etməyi planlaşdırıbmış. Lakin oktyabrın 20-də Səudiyyə Ərəbistanı rəsmi olaraq jurnalistin Baş Konsulluğun binasında öldürüldüyünü etiraf edib. Səudiyyə Ərəbistanının baş prokuroru Səud əl-Mücib yerli “Ekberiye” telekanalına müsahibəsində jurnalistin öldürülməsinin əvvəlcədən planlaşdırıldığını deyib.

Kral Salman və vəliəhd şahzadə Məhəmməd bin Salman C.Qaşıqçının ailəsinə başsağlığı verib. Səudiyyə Ərəbistanının vəliəhd şahzadəsi Məhəmməd bin Salman isə Ər-Riyadda keçirilən “Future İnvestment İnitiative” beynəlxalq iqtisadi forumunda çıxışı zamanı bildirib ki, jurnalist Camal Qaşıqçının ölkəsinin İstanbuldakı Baş Konsulluğunda qətlə yetirilməsi təəssüf doğurur.

Türkiyə Prezidenti Rəcəb Tayyib Ərdoğan da oktyabrın 23-də Ədalət və İnkişaf Partiyasının (AKP) parlamentdəki fraksiyasının toplantısında bu barədə çıxış edib.

ABŞ Mərkəzi Kəşfiyyat İdarəsinin direktoru Cina Haspel C.Qaşıqçı ilə bağlı məsələni araşdırmaq üçün oktyabrın 23-də Türkiyəyə səfər edib. O, jurnalistin öldürülməsi ilə bağlı aparılan istintaq işi üzrə bir sıra görüşlər keçirib.

107
Əlaqədar
DTX vətəndaşları şantaj edən “jurnalisti” həbs etdi
Ərdoğan kraldan jurnalistin cəsədinin yerini göstərməyi tələb etdi
Jurnalistin cəsədinin tapılması üçün şans yarandı
Əl-Qaidənin girov götürdüyü jurnalist azadlığa buraxıldı
“Kəlbəcər” restoranı

Hamı onları digər Kəlbəcərdə gözləyirdi, onlar isə başqa "Kəlbəcər"də ələ keçdilər

13
(Yenilənib 13:14 25.05.2020)
Obyektdə olan ümumilikdə 32 nəfər saxlanılaraq Binəqədi Rayon Polis İdarəsinin 6-cı Polis Bölməsinə gətiriliblər.

BAKI, 25 may — Sputnik. Paytaxtda sanitar-karantin qaydalarını kobud şəkildə pozaraq müştərilərə saat 18:00-dan sonra da yerində xidmət göstərən daha bir restoranın fəaliyyəti polislər tərəfindən aşkar edilib. Bu barədə Sputnik Azərbaycan-a Daxili İşlər Nazirliyinin (DİN) Mətbuat Xidmətindən məlumat verilib.

Tədbir zamanı Binəqədi rayonu Biləcəri qəsəbəsində yerləşən Məmmədəli Hacıyevə məxsus "Kəlbəcər" restoranının müəyyən edilmiş saatdan sonra fəaliyyət göstərdiyi müəyyən edilib. Binəqədi Rayon Polis Post Patrul Xidməti Bölüyü və 6-cı Polis Bölməsi əməkdaşları tərəfindən keçirilən tədbir zamanı həmin obyektin sanitar-karantin rejimi qaydalarına zidd olaraq gizli fəaliyyət göstərdiyi və müştərilən qəbul edildiyi məlum olub. Restorana baxış zamanı müştərilərin sosial məsafə gözləmədiyi və tibbi maskalardan da istifadə etmədikləri aşkar edilib. Obyektdə olan ümumilikdə 32 nəfər saxlanılaraq Binəqədi Rayon Polis İdarəsinin 6-cı Polis Bölməsinə gətiriliblər.

Bölmədə həmin şəxslərlə Binəqədi Rayon Polis İdarəsinin rəhbərliyi tərəfindən profilaktik söhbətlər aparılıb və bir daha onların diqqətinə sanitar-karantin qaydalarına əməl etməyin vacibliyi çatdırılıb. Həmçinin bölmədə həmin şəxslər polislər tərəfindən tibbi maskalarla da təmin ediliblər. Karantin qaydalarını pozan obyekt sahibi və müştərilər barəsində İnzibati Xətalar Məcəlləsinin müvafiq maddəsi protokol tərtib olunub və onlar müvafiq qaydada ciddi cərimə ediliblər. Həmin şəxslərin diqqətinə çatdırılıb ki, növbəti dəfə sanitar-karantin qaydalarını pozduqları təqdirdə onlar barəsində inzibati qaydada həbs qərarı verilməsi üçün barələrində toplanan materiallar məhkəməyə göndəriləcək.

13
Bakıda küçə ilə gedən gənc, arxiv şəkli

Maska taxdım, məni kim tanıyacaq - Belə arxayın olma

10
Mütəxəssislərə görə, cinayət törətmək üçün pandemiyadan nə qədər cinayətkarın yararlandığını təxmin etmək mümkün deyil.

İradə Cəlilova, Sputnik Azərbaycan

BAKI, 25 may — Sputnik. Mayın 4-dən etibarən ölkədə koronavirus təhlükəsinə qarşı xüsusi sanitar rejimi tətbiq edilməyə başlanıb.

Belə ki, rejimin qaydalarına görə, ictimai nəqliyyatda, qapalı məkanlarda və metroda maska taxmaq zəruri hesab edilir. Maska taxmayan şəxslər isə həmin məkanlara buraxılmır.

Daxili İşlər Nazirliyinin mətbuat xidmətinin rəisi, polkovnik Ehsan Zahidovun sözlərinə görə, tibbi maskadan istifadə etməyənlərə qarşı hər hansı bir cərimə nəzərdə tutulmayıb.

Belə ki, maska taxmayan şəxslər ictimai nəqliyyata buraxılmır. Vətəndaşlardan tələb olunur ki, mütləq qaydada tibbi maskadan istifadə etsinlər.

Hamının maska taxmasının tələb edildiyi bir dönəmdə cinayətlərin artma ehtimalının böyük olması istisna edilmir.

Mütəxəssislərə görə, cinayət törətmək üçün pandemiyadan nə qədər cinayətkarın yararlandığını təxmin etmək mümkün deyil. Hüquq-mühafizə orqanlarının əməkdaşları cinayət hallarının artdığına da şübhə etmirlər. Belə ki, ABŞ-da və dünyanın bir çox ölkələrində tibbi maska taxaraq, cinayət törədənlərin sayı artıb. Tibbi maskalar taxan şübhəlilərin iştirak etdiyi cinayətlər Şimali Karolina, Vaşinqton və digər ştatlarda özünü daha çox büruzə edib.

Azərbaycanda isə cinayətlərin statistikasında bu baxımdan hələ artım hiss edilmir.

İstifadə edilmiş qoruyucu maska, arxiv şəkli
© Sputnik / Zulfiyya Guluyeva.

Təhlükəsizlik məsəsləri üzrə ekspert Elmar Nurəliyev Sputnik Azərbaycan-a açıqlamasında bildirib ki, tibbi maska taxmaqla hansısa cinayət törətmək, oğurluq etmək, yaxud hər hansı çirkin əməli həyata keçirmək mümkün ola bilər. Amma bunu özünə fürsət bilən şəxslər başa düşməlidirlər ki, bu sadəcə düşünülməmiş bir addımdır: "Cinayət də, cəza da hər zaman olacaq. Sadəcə maskaya güvənib, cinayət törətmək axmaqlıqdır. Bütün ictimai məkanlar, insanların kütləvi olduqları yerlər ən son texnoloji imkanlara sahib olan avadanlıqlarla təchiz edilib, buna nəzarət edən mexanizmlə təmin olunub. Bu səbəbdən də, tibbi maska taxaraq, kiminsə cinayət edib, cəzasız qalacağı qeyri-realdır".

Xatırladaq ki, digər ölkələrdə "feyskontrol" cihazları mövcuddur. Belə ki, bu cihazlarla maska taxmış insanların belə kimliyini müəyyən etmək olur.

Azərbaycanda metroda maska taxmış şəxslərin cibgirlik etməsi və ya hər hansı cinayətlərə qarışacağı təqdirdə müəyyən edilə bilməsi isə sual altındadır.

10
Azər Həsrət

Azər Həsrət: Sputnik ölkəmizin səsinin dünyaya çatdırılmasında xüsusi rol oynayır

0
(Yenilənib 13:16 25.05.2020)
Mətbuat Şurasının İdarə Heyətinin üzvü Azər Həsrət deyir ki, Sputnik Azərbaycan ölkəmizin səsinin dünyaya çatdırılmasında xüsusi rol oynayıb
Azər Həsrət: “Agentlik operativ şəkildə fəaliyyət göstərir”

Sputnik Azərbaycan-ın fəaliyyətə başlamasından 5 il keçir.

Bununla bağlı Sputnik Azərbaycan-a danışan Mətbuat Şurasının İdarə Heyətinin üzvü Azər Həsrət agentliyin Azərbaycan mediasındakı yeri və rolundan bəhs edib: “Agentliyin əsas özəlliyi rus dilində olması ilə bağlıdır. Keçmiş sovet ölkəsi kimi bizim ölkəmizdə rusdilli coğrafiyaya məxsusdur. Bu baxımdan ölkəmiz haqqında informasiyaların rusdilli media vastəsilə çatdırılmasının əhəmiyyəti danılmazdır. Sputnik Azərbaycan ölkəmizin səsinin dünyaya çatdırılmasında xüsusi rol oynayıb. Agentlik ölkə gündəminə uyğun olaraq operativ şəkildə fəaliyyət göstərir. Beş il az müddət deyil, agentliyə bundan sonar da müvəffəqiyyətlər arzu edirəm”.

Qeyd edək ki, Sputnik Azərbaycan Beynəlxalq İnformasiya Agentliyi və Radiosu 2015-ci ilin mayın 25-də  fəaliyyətə başlamışdır.

Azər Həsrətin fikirlərinə audiofaylda qulaq asa bilərsiniz

0